„სკოლა თავად უნდა იყოს დაინტერესებული უსაფრთხო სკოლის კონცეფციით. „ზოგადი განათლების შესახებ“ კანონში პირდაპირ წერია, რომ ძალადობაზე სკოლამ უნდა აიღოს პასუხისმგებლობა,“ – განაცხადა ღონისძიების მონაწილე ერთ-ერთმა მასწავლებელმა.

პედაგოგები, მშობლები და სხვადასხვა მუნიციპალიტეტის განათლების რესურს-ცენტრების წარმომადგენლები ესწრებოდნენ ფონდი „სოხუმის“ ინიციატივით გამართულ მრგვალ მაგიდას თემაზე „არაძალადობრივი, უსაფრთხო გარემო სკოლებში და რესურს-ცენტრების როლი არაფორმალური განათლების ხელშეწყობის საკითხებში“.

მონაწილეებმა იმსჯელეს არსებულ გამოწვევებზე. შეხვედრაზე დაფიქსირდა რეკომენდაციები - მათი გათვალისწინება ხელს შეუწყობს რესურს-ცენტრებსა და სკოლებს შორის თანამშრომლობის გაძლიერებას და უსაფრთხო სკოლის მოდელის ფორმირებას.  

სენაკის მუნიციპალიტეტის გენდერული თანასწორობის საბჭოს წევრების მონაწილეობით ფონდმა „სოხუმმა“ მრგვალი მაგიდა ჩაატარა აქტუალურ თემაზე „გენდერული თანასწორობის საბჭოს როლის და ფუნქციების გაძლიერება ადგილობრივი გენდერული პოლიტიკის დანერგვის საკითხში“.

შეხვედრაზე განხილული იყო სტრატეგია და სხვადასხვა ინიციატივა, რომელიც მეტ ეფექტს შესძენს გენდერული თანასწორობის საბჭოს მუშაობას. განსაკუთრებული ყურადღება გამახვილდა 2022 წლის გეგმის განხორციელებისათვის არსებული რესურსების დაგეგმვაზე, პასუხისმგებელი რგოლების მაქსიმალურ ჩართვასა და შესრულებაზე.

„გენდერული თანასწორობის საბჭოს როლის და ფუნქციების გაძლიერება ადგილობრივი გენდერული პოლიტიკის დანერგვის პროცესში“ - ამ თემაზე გაიმართა მრგვალი მაგიდა ხონის მუნიციპალიტეტის გენდერული თანასწორობის საბჭოს წევრების, ადგილობრივი ა(ა)იპების წარმომადგენლების, თვითმმართველობის პერსონალის და სამოქალაქო აქტივისტების მონაწილეობით.

მუნიციპალიტეტში მნიშვნელოვანი ცვლილებები ხორციელდება საბჭოს რეორგანიზაციის, თემატური ჯგუფების შექმნის და მათი სტრატეგიის შერჩევის, მოწყვლად ჯგუფებზე ორიენტირებული ადგილობრივი პროგრამების ინიცირების კუთხით. მონაწილეებისთვის განსაკუთრებით მნიშვნელოვანი იყო საკითხი - როგორ უნდა მოხდეს გეგმაში გათვალისწინებული საკითხების საბიუჯეტო მხარდაჭერა და გეგმის შესრულებაზე პასუხისმგებელი რგოლების მაქსიმალური ჩართვა.

„მშობლების ჩართულობა სასკოლო ცხოვრებაში - თანამშრომლობა გენდერული სტერეოტიპებისა და ძალადობის წინააღმდეგ მიმართულ ღონისძიებებში“ - ამ თემაზე გაიმართა მრგვალი მაგიდის ფორმატის შეხვედრა. მონაწილეთა შორის იყვნენ მოსწავლეები, მშობლები, პედაგოგები, საზოგადოების სხვადასხვა სფეროს წარმომადგენლები.

ისინი გაეცნენ ფონდი „სოხუმის“ მომზადებულ პუბლიკაციას „სკოლები გენდერული თანასწორობის, გენდერული სტერეოტიპების და ოჯახში ძალადობის გამოწვევების პირისპირ“. ისაუბრეს გენდერულ დისკრიმინაციასთან დაკავშირებულ საფრთხეებზე, პედაგოგებისა და მშობლების თანამშრომლობაზე ძალადობისაგან ახალგაზრდების დაცვის კუთხით. შეეხნენ კოვიდ-19-ის პანდემიის შედეგად გამოწვეულ პრობლემებს და მათ მოგვარებას. განხილული საკითხები ყველა მონაწილისთვის აქტუალური იყო და შეხვედრაც აქტიური ჩართულობით გამოირჩეოდა.

დონორი ორგანიზაციები

Image
Image
Image
Image
Image

სასარგებლო ბმულები

სოციალური ქსელები