...

გოგონებთან შეხვედრებზე აქტიურად აისახა ქალთა ძალადობის წინააღმდეგ მიმართული 16-დღიანი კამპანიის საკითხები.

აღნიშნული კაპანიიდან გამომდინარე, შეხვედრების თემა იყო: საერთაშორისო და შიდა სამართლებრივი დოკუმენტაცია ქალთა უფლებებთან დაკავშირებით. ეს ინფორმაცია საჭირო და დროული აღმოჩნდა დევნილი გოგონებისათვის.

გვანცა ადამია (სენაკი): „ჩემს თაობას, რომელსაც დევნილის სტატუსი აქვს, აუცილებლად უნდა ჰქონდეს სრული ინფორმაცია საკუთარ უფლებებზე."

ანა ხასია (კოკი): „მე მომწონს შეხვედრებზე დასწრება.  ახალ თვისებებს ვიძენ, საკუთარი თავის რეალიზებას ვსწავლობ."

გოგონებთან ჩატარებულ ოთხ შეხვედრაზე 68 გოგონამ მიიღო მონაწილეობა.

ხურჩის ქალთა მხარდაჭერის ცენტრში 16-დღიანი კამპანიის ფარგლებში შედგა შეხვედრა ფსიქოლოგთან. შეხვედრას ესწრებოდა 17-დან 60-წლამდე ასაკის 18 ქალი. მონაწილეებმა მიიღეს  ინფორმაცია კამპანიასთან დაკავშირებით. შემდეგ ერთმა მონაწილემ შემოგვთავაზა მისი პირადი პრობლემის განხილვა, რაც მშობლებსა და შვილებს შორის კონფლიქტს ეხებოდა. საუბარმა იმდენად საინტერესო ხასიათი მიიღო, რომ შეხვედრის მონაწილეები წასვლას არ ჩქარობდნენ.  

შეკითხვაზე, რას აძლევთ მათ ფსიქოლოგთან შეხვედრები, პასუხი  ერთმნიშვნელოვანი იყო - ჩვენ დავიღალეთ ერთფეროვნებისაგან, თქვენთან ცოდნასაც ვიძენთ და განტვირთვასაც ვახერხებთ.

ფონდი „სოხუმის" წარმომადგენლები ელექტროტექნიკური ლიცეუმისა და „ანკომის" კოლექტიურ ცენტრებში ჩასახლებულ დევნილებთან შეხვედრა, მათი სოციალური და საყოფაცხოვრებო პირობების შესწავლას, დემოგრაფიული მაჩვენებლების დადგენასა და აქტიური ჯგუფების შერჩევას ითვალისწინებდა.

„შეხვედრების მიზანია, დახმარება გაეწიოთ დევნილებს თავიანთი პრობლემების ადვოკატირების მეთოდებისა და შესაძლებლობების შესწავლაში. კოლექტიური ცენტრების დევნილებს უნდა ჰქონდეთ ინფორმაცია ყველა იმ სამართლებლივი საკითხის გარშემო, რომელიც ეხება საცხოვრებელი ბინების რეაბილიტაციას ან ჩასახლებას," - ითქვა შეხვედრაზე.

დევნილებს მიეწოდათ ინფორმაცია განსახლების საკითხთან დაკავშირებით.

ლტოლვილთა და განსახლების სამინისტროს იმერეთის რეგიონული სამმართველოდან მიღებული ინფორმაციით, „ანკომს" ჰყავს კერძო მესაკუთრე, ამ ეტაპზე განსახლების ზუსტი თარიღი არ არის დადგენილი. რაც შეეხება ელექტროტექნიკურ ლიცეუმს, გარემონტდება და დევნილებს გადაეცემა.

დასასრულს დევნილებმა დასვეს შეკითხვები, რომელთა უმრავლესობასაც ადგილზე გაეცა პასუხი.

კოკის საჯარო სკოლის მეცხრე კლასის მოსწავლე ანა ხასიამ ჩაატარა საინფორმაციო შეხვედრა, რომელსაც ესწრებოდა ოცდახუთი დევნილი თუ ადგილობრივი ახალგაზრდა. მონაწილეებს მიეწოდათ ფონდი „სოხუმის" პრეს - რელიზი ქალთა მიმართ ძალადობის წინააღმდეგ 16 - დღიანი საერთაშორისო კამპანიის შესახებ. დაურიგდათ საინფორმაციო ბუკლეტები, კალენდრები, პოსტერები, წიგნები.

შეხვედრაზე 16-დღიან კამპანიასთან დაკავშირებით დაისვა შეკითხვები. გაიმართა დისკუსია, იმაზე თუ როგორ  აღმოიფხვრას საზოგადოებაში ძალადობა, როგორ  დავიცვათ თავი ძალადობისაგან.

შეხვედრაზე ახალგაზრდებმა აღნიშნეს, რომ მსგავსი ხასიათის შეხვედრები მათ ცნობიერებას დადებითად ცვლის.  

16-დღიანი საერთაშორისო კამპანიის ფარგლებში ლიდერთა სკოლის მოსწავლე ნინო ფუტკარაძემ წყალტუბოს მეორე საბავშვო ბაღში საინფორმაციო შეხვედრა ჩაატარა.

შეხვედრას ბაგა-ბაღის თანამშრომლები და აღსაზრდელთა მშობლები ესწრებოდნენ.

ხონის ქალთა მხარდაჭერის ცენტრში ქალთა მიმართ ძალადობის წინააღმდეგ 16-დღიანი საერთაშორისო კამპანიის ფარგლებში ჩატარდა შეხვედრა ფსიქოლოგთან. შეხვედრას ესწრებოდა 22-დან 58-წლამდე  ასაკის აფხაზეთიდან დევნილი  19 ქალი.

თემა „ოჯახის არსი, მისი ფასეულობები და პრიორიტეტები" შეხვედრაში მონაწილე ქალებისათვის ახლობელი აღმოჩნდა  და საინტერესო დისკუსიაც გამოიწვია.

„თუ ერთმანეთი არ გვეყვარება, არ ვიცი, რატომ უნდა გავთხოვდე. მეუღლეები ერთმანეთს  ინტუიტიურად, უსიტყვოდ უნდა უგებდნენ - მაშინ იქნება ჰარმონია და ბავშვებიც ბედნიერები იქნებიან",- თქვა შეხვედრის ერთ - ერთმა მონაწილემ.

ქუთაისის პროფესიულ კოლეჯ „იბერიაში" 16-დღიანი კამპანიის ფარგლებში ჩატარებულ  შეხვედრას  სტუდენტები დაესწრნენ.

მათ მიეწოდათ ინფორმაცია ქალთა მიმართ ძალადობის წინააღმდეგ მიმართული საერთაშორისო კამპანიის შესახებ. სტუდენტებმა აღნიშნეს, რომ  ქალების მიმართ  გამოჩენილი ძალადობა ადამიანის უფლებათა  უხეში დარღვევაა.

შეხვედრის დასასრულს მონაწილეებს დაურიგდათ ფონდი „სოხუმის" მიერ მომზადებული საინფორმაციო ბუკლეტები, პოსტერები და ბროშურები.

ლიდერთა სკოლის მოსწავლე ანა ყურაშვილმა ქალთა მიმართ ძალადობის წინააღმდეგ 16-დღიანი საერთაშორისო კამპანიის ფარგლებში  წყალტუბოს შვიდ სანატორიუმში („მედეა", „საქართველო", „თბილისი",    „ინტურისტი", „მეგობრობა", „აია", „კოლხეთი") ჩაატარა შეხვედრები.

მონაწილეებს დაურიგდათ პოსტერები და ბუკლეტები.

1 დეკემბერს საქართველოს ახალგაზრდა იურისტთა ასოციაციის ქუთაისის ფილიალში 16-დღიანი საერთაშორისო კამპანიის ფარგლებში ჩატარდა შეხვედრა, რომელსაც აღნიშნული ორგანიზაციის თანამშრომლები ესწრებოდნენ.

მათ მიეწოდათ ინფორმაცია აღნიშნულ კამპანიასთან დაკავშირებით,  ფონდი „სოხუმის" აქტივობებზე კამპანიის ფარგლებში.

შეხვედრაზე  ძალადობის პრობლემის არსებობა ერთხმად იქნა აღიარებული და ამ კუთხით ურთიერთთანამშრომლობის სურვილი გამოითქვა.

 შეხვედრის ბოლოს მონაწილეებს  ფონდი „სოხუმის" მიერ მომზადებული საინფორმაციო ბუკლეტები, პოსტერები, ბროშურები დაურიგდათ.

სენაკის თ. ბოკუჩავას სახელობის აფხაზეთის მეშვიდე საჯარო სკოლაში  ქალთა მიმართ ძალადობის წინააღმდეგ 16-დღიანი საერთაშორისო კამპანიის ფარგლებში  საინფორმაციო შეხვედრა ჩატარდა. შეხვედრის ფასილიტატორი  მარიამ კვანჭიანი იყო. შეხვედრას ესწრებოდნენ ოც წლამდე ასაკის ახალგაზრდები, პედაგოგი ქალბატონი.

შეხვედრის მონაწილეებს  16-დღიანი საერთაშორისო კამპანიის შესახებ მოკლე ინფორმაცია მიეწოდათ, ფონდი „სოხუმის" მიერ მომზადებული პოსტერები, ბუკლეტები და კალენდრები დაურიგდათ.

შემდეგ ახალგაზრდებს შორის დისკუსია გაიმართა.

 მოსწავლეებმა გამოთქვეს სურვილი, ერთი დღე დაუთმონ მსჯელობას ძალადობის საკითხებზე, ხოლო პედაგოგმა ქალბატონმა აღნიშნა, რომ მოსწავლეებთან ერთად იმუშავებს სასკოლო გაზეთზე ძალადობის პრობლემაზე.   

ფოთის ქალთა მხარდაჭერის ცენტრში  ფსიქოლოგთან კონსულტაცია გაიმართა, რომელსაც  21-დან 46-წლამდე ასაკის ქალები ესწრებოდნენ.

შეხვედრა ქალთა მიმართ ძალადობის წინააღმდეგ 16-დღიანი კამპანიის შესახებ ინფორმაციით დაიწყო და გაგრძელდა სადისკუსიო თემით „საკუთარი განსაკუთრებულობის შეგრძნება".

„ ნებისმიერი ადამიანი შეიძლება შეცდეს, ეს ბუნებრივია, მაგრამ საკუთარ თავზე  ყველას მყარი მოსაზრება - საბაზო თვითშეფასება - უნდა ჰქონდეს. ადამიანს, შეიმეცნებს რა საკუთარ თავს, არა სტიქიურად, არამედ გაცნობიერებულად  შეუძლია მართოს საკუთარი ქცევები და დაკავდეს თვითაღზრდით,-ხსნის ფსიქოლოგი."

„სხვა ჩემისთანა არც იყო და არც იქნება, ამიტომაც, ვფიქრობ, უნდა გვიყვარდეს და ვაფასებდეთ საკუთარ თავს",-თქვა შეხვედრის ერთ-ერთმა მონაწილემ .

ქუთაისის საერო დამოუკიდებელი სკოლა ,,დვირეს” მასწავლებლები და მოსწავლეებიც გაეცნენ  ინფორმაციას 16-დღიანი კამპანიის შესახებ.

გაიმართა საუბარი ძალადობის პრობლემის შესახებ. ითქვა კამპანიის მნიშვნელობაზე და ფონდი ,,სოხუმის” აქტივობებზე.

მსმენელებმა დიდი ინტერესით მოისმინეს ძალადობის პრობლემის იურიდიული ასპექტები. მათი მხრიდან დაფიქსირდა შემდეგი აზრი: დაუშვებელია ძალადობასთან შერიგება, რადგან ძალადობა ბოროტებაა.

მათ მხარი დაუჭირეს ფონდი „სოხუმის" პოზიციას და აღნიშნეს, რომ მიიღეს ბევრი ახალი, სასარგებლო ინფორმაცია, რასაც ყოველდღიურ ცხოვრებაში გამოიყენებენ.

შეხვედრის ბოლოს მსმენელებს დაურიგდათ ფონდი ,,სოხუმის” მიერ გამოცემული საინფორმაციო ბუკლეტები, პოსტერები და ბროშურები.