...

კლუბის ადვოკატირების ჯგუფმა გაწეული  მუშაობის შესახებ საუბარი სოფელ პირველ ხორგაში წლების განმავლობაში არსებული ხიდ-ბოგირების პრობლემით დაიწყო. ხობის ამომრჩეველ ქალთა კლუბის ადვოკატირების ჯგუფმა საკითხი შეისწავლა და ადგილობრივ თვითმმართველობაში დასვა, რის შემდეგაც აღდგენითი სამუშაოები დაიწყო.

ადვოკატირების ჯგუფმა ისაუბრა სოფელ ბიაში  წყალგაყვანილობასთან დაკავშირებული სარეაბილიტაციო სამუშაოებისა და გამრიცხველიანების დასრულებაზე. პრობლემის ადვოკატირებაში კლუბის აქტიური წევრები ( ნაირა ბერაია და მანანა შულაია) იყვნენ ჩართულები.

კლუბის ადვოკატირების ჯგუფმა გადაწყვიტა, რომ ადვოკატირება,სამომავლოდ, უფასო სამედიცინო გამოკვლევის საკითხს გაუწიოს.

ამომრჩეველ ქალთა კლუბმა თავისი მუშაობა ფონდი „სოხუმის" ახალი პუბლიკაციის „ქალები მშვიდობის ძიებაში" ( ავტორი - ეკატერინე გამახარია) პრეზენტაციით დაასრულა.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

შეხვედრა  სასიამოვნო სიახლეებით დაიწყო:

კლუბის წევრებმა ერთ-ერთ აქტიურ წევრს ელზა კვარაცხელიას ზუგდიდის მე-3- სკოლის დირექტორად დანიშვნა მიულოცეს.

მილოცვა მიიღო კლუბის მოდერატორმა მანანა ნაჭყებიამ, რადგანაც  წმინდა გიორგის სახელობის გიმნაზიამ, რომელსაც ის ხელმძღვანელობს, წარმატებით გაიარა ავტორიზაცია. ეს სიახლე მიულოცეს პედაგოგებსაც, რომლებიც აქტიურად თანამშრომლობენ ამომრჩეველ ქალთა  კლუბთან.

ხათუნა ბეჭვაიამ დამსწრეთ ამერიკული შთაბეჭდილებები გაუზიარა - ის ერთი თვის განმავლობაში იმყოფებოდა ამერიკაში ერთ-ერთი გაცვლითი პროგრამის ფარგლებში.

კლუბის წევრებმა გაიგეს, რომ დადებითად გადაწყდა  ადვოკატირების ჯგუფის მიერ დასმული პრობლემა - ქალაქის ცენტრში მდებარე შენობას (ყოფილი სასტუმრო „ოდიში)", სადაც დევნილებიც არიან ჩასახლებული, არ მიეწოდებოდა წყალი. მას შემდეგ, რაც ადვოკატირების ჯგუფმა წერილობით მიმართა ქალაქის წყალმომარაგების კომპანიას, საკითხი დადებითად გადაწყდა (მრიცხველები დაიდგა და განახლდა წყლის მიწოდება).

კლუბზე ამჯერადაც დაისვა ადგილობრივი პრობლემები - ქალაქის ქუჩებში არ არის განათება, არასაკმარისია პარკირების ადგილი, მოუწესრიგებელია შიდაგზები, რეაბილიტაციას საჭიროებს ბოტანიკური ბაღი.

პრობლემების  გადაჭრის მიზნით, ადგილობრივი თვითმმართველობის წევრთა მოწვევა და მათთვის სპეციალურად შემუშავებელი პრობლემების პაკეტის შეთავაზება იგეგმება. კლუბის წევრები მომდევნო წლის ბიუჯეტის განხილვაშიც აპირებენ მონაწილეობის მიღებას.

ზუგდიდის კლუბი სამშვიდობო ინიციატივებით გამოირჩევა, ამიტომაც  კლუბის წევრები ინტერესით გაეცნენ ფონდი „სოხუმის" ახალ პუბლიკაციას „ქალები მშვიდობის ძიებაში".

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

კლუბის შეხვედრაზე ადგილობრივი მოსახლეობის პრობლემებსა და მათი გადაჭრის გზებზე გაამახვილეს ყურადღება. დაისვა პარკირებისა და პირველი სკოლის წინ გადასასვლელის საკითხი (ვიწრო ქუჩა, გადატვირთული მოძრაობა ხელს უშლის ფეხით მოსიარულეთა (განსაკუთრებით, ბავშვების) უსაფრთხო გადაადგილებას.

შეხვედრაზე ითქვა, რომ ჩამოთვლილი პრობლემების ეფექტურად ადვოკატირებაში ვორკ-შოპზე („სამოქალაქო ადვოკატირების სტრატეგია და ტაქტიკა") მიღებული ცოდნა და უნარ-ჩვევები დაეხმარებათ: „ადვოკატირება არის  ადგილობრივ ხელისუფლებასთან თუ მედიასათან თანამშრომლობით ადამიანთა ინტერესების დასაცავად მიმართული ქმედება. ვფიქრობთ, ჩვენი კლუბის ადვოკატირების ჯგუფის აქტიურობა ხელს შეუწყობს ადგილობრივი მოსახლეობის პრობლემების მოგვარებას".  (ესმა თოდუა, ამომრჩეველ ქალთა კლუბის წევრი.)

შეხვედრის ბოლოს, კლუბის წევრებმა აღნიშნული პრობლემების ადვოკატირების სამოქმედო სტრატეგია შეიმუშავეს.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ამომრჩეველ ქალთა კლუბის ბათუმელმა და ქობულეთელმა წევრებმა  ადგილობრივი მოსახლეობის პრობლემებსა და მათი გადაწყვეტის გზებზე ისაუბრეს.

 ეთერ დიასამიძემ კლუბზე ბათუმის ქუჩებში თავმოხდილი ჭების საკითხი დასვა. აღნიშნული პრობლემის გადასაჭრელად ადვოკატირების ხუთკაციანმა ჯგუფმა  უკვე მიმართა ქალაქის წყალმომარაგების ხელმძღვანელობას.

ნათია კიკვაძემ ქობულეთის ქუჩების შუქნიშნების პრობლემაზე გააკეთა აქცენტი.  მანანა როყვამ მწვანე კონცხზე ქვეწარმავლების მომრავლებაზე ისაუბრა. აღნიშნული პრობლემა ადვოკატირების ხუთაციანმა ჯგუფმა ადგილობრივ მედიაში გაახმოვანა.

ამომრჩეველ ქალთა კლუბის წევრებს აღნიშნული პრობლემების გადაჭრაში  ადვოკატირების თემაზე ჩატარებულ ვორკ-შოპზე მიღებული ცოდნა და უნარ-ჩვევები დაეხმარებათ.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

შეხვედრაზე ადვოკატირების ხუთკაციანმა ჯგუფმა გასულ თვეს  ჩატარებული მუშაობის მოკლე ანგარიში წარმოადგინა.

 ჯგუფის წევრების თქმით, ხონის სამხედრო დასახლებაში მცხოვრებ დევნილთა პრობლემები (ნაგვისა და წყლის მოსაკრებელთან დაკავშირებით) გააცნეს ხონის მუნიციპალიტეტის გამგებლის მოადგილეს, ბესარიონ ჭელიძეს. პასუხიც მალე მიიღეს: „მუნიციპალიტეტში განიხილება ხონის სამხედრო დასახლებაში მცხოვრები, სოციალურად დაუცველი  ოჯახების  წყლისა და ნაგვის მოსაკრებლისგან გათავისუფლების  საკითხი (ასეთი ოჯახები ადგილობრივი ბიუჯეტიდან დაფინანსდებიან)", - ელისო ჯიქია (ხონის ამომრჩეველ ქალთა კლუბის ლიდერი, ჟურნალისტი).

კლუბის შეხვედრაზე ჩატარდა ერთსაათიანი ვორკ-შოპი ადვოკატირების თემაზე: „სამოქალაქო ადვოკატირების სტრატეგია და ტაქტიკა".

დასასრულს, ფონდი „სოხუმის" მიერ წყალტუბოს ამომრჩეველ ქალთა კლუბის ადვოკატირების ჯგუფის მიერ გაწეულ მუშაობაზე  გაკეთებული ტელესიუჟეტის ჩვენება გაიმართა.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

შეხვედრაზე  ადვოკატირების  ჯგუფის მუშაობის მოკლე ანგარიში გაკეთდა.

სოფელ ხორგაში, ადვოკატირების ჯგუფის აქტიური მუშაობითა და „სოფლის მხარდაჭერის პროგრამის" დახმარებით, სოფლის ხიდი აღადგინეს.

სოფელ ბიაში  წყლის პრობლემა გადაწყდა - მოსახლეობის ნაწილს სასმელი წყალი გამრიცხველიანებისა და გრაფიკის გარეშე მიეწოდებოდა, რაც წყლის უმიზნოდ ხარჯვას იწვევდა. მანანა შულაიას (ხობის ამომრჩეველ ქალთა კლუბის ლიდერი, ხობის მუნიციპალიტეტის საკრებულოს წევრი) თქმით, აღნიშნულ სოფელში  მალე გამრიცხველიანება დაიწყება.

შეხვედრის მეორე ნაწილი დაეთმო ერთსაათიან ვორკშოპს თემაზე: „სამოქალაქო ადვოკატირების სტრატეგია და ტაქტიკა". 

მონაწილეები თვლიან, რომ ვორკშოპი ძალიან საინტერესო იყო და შეძენილ უნარ-ჩვევებს ადვოკატირების დაგეგმარებასა და განხორციელებაში გამოიყენებენ.

შეხვედრის ბოლოს, ფონდი „სოხუმის" მიერ წყალტუბოს  კლუბის ადვოკატირების ჯგუფის მიერ გაწეულ მუშაობაზე  გაკეთებული ტელესიუჟეტი იქნა ნაჩვენები.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ადგილობრივი მოსახლეობის პრობლემები და სოციალური პროგრამები; ამ საკითხების განხილვაში კლუბის წევრები აქტიურად ჩაერთნენ. აღინიშნა, რომ პრობლემების მოგვარებისათვის აუცილებელია საზოგადოების გააქტიურება, ადგილობრივ თვითმმართველობასთან მჭიდრო ურთიერთობა.

შეხვედრაზე მთავარ პრობლემად  ზუგდიდში ჩასახლებული აფხაზეთიდან დევნილების საკითხი დაისვა (დაბალია დევნილთა ინფორმირებულობა განსახლებასთან დაკავშირებით). გამოიკვეთა წყალმომარაგების პრობლემაც -  „მოუწესრიგებელი საკანალიზაციო მილები მოსახლეობას დიდ პრობლემებს უქმნის",- ითქვა შეხვედრაზე. 

კლუბის ახალმა წევრმა -  ქალბატონმა ლია ჭურღულიამ წამოჭრა დადვანის ქუჩის საკითხი. ამ ქუჩაზე, წვიმების დროს, პირველი სართულები მთლიანად იტბორება.

კლუბის წევრებმა გადაწყვიტეს, აღნიშნულ საკითხს ადვოკატირება გაუწიონ - ადგილობრივ თვითმმართველობას წერილობით მიმართონ. 

კლუბზე თვითმმართველი ქალაქ ფოთის საკრებულოს ბიუჯეტის განხილვისას, განსაკუთრებული ყურადღება  სოციალური პროგრამების განხილვას დაეთმო. ითქვა, რომ მთელს დასავლეთ საქართველოში ფოთს საუკეთესო სოციალური პაკეტი აქვს ( შეღავათებით სარგებლობენ მრავალშვილიანი ქალები, რომელთაც  ყოველთვიური ფულადი დახმარება ეძლევათ).

შეხვედრაზე აფხაზეთიდან დევნილების პრობლემებიც დაისვა. აღინიშნა, რომ დევნილთა ახალი დასახლება არ არის გაზიფიცირებული, წყალი მიეწოდება მხოლოდ გრაფიკით, დაუსაქმებელია დევნილთა 90 პროცენტი, დაბინძურებულია ის ტერიტორია, სადაც დევნილები ცხორობენ.

აღნიშნულ პრობლემებს ამომრჩეველ ქალთა კლუბის ადვოკატირების  ხუთკაციანი ჯგუფი მედიასა თუ ადგილობრივ თვითმმართველობაში დასვამს.

შეხვედრის მონაწილეებმა ყურადღება ქალაქის ქუჩების რეაბილიტაციის საკითხზე გაამახვილეს: „მიმდინარე სამუშაოების შედეგად გადათხრილი ქუჩები მოსახლეობას პრობლემებს უქმნის (შეფერხებული  მოძრაობა, მტვერი)". კლუბის ადვოკატირების ჯგუფმა გადაწყვიტა, აღნიშნულ პრობლემაზე ადგილობრივ თვითმმართველობასთან ერთად იმუშაოს.

 ამომრჩეველ ქალთა კლუბზე მისი ერთ-ერთი აქტიური წევრის, ბათუმის ევროპული უნივერსიტეტის ლექტორის მზია რამიშვილის საკითხი დაისვა  (მან ტრავმა მიიღო და საჭიროებს სასწრაფო ოპერაციას).

ადვოკატირების ჯგუფის  წევრებმა დაწერეს განცხადება ქალაქ ბათუმის  მერის სახელზე და კლუბის ყველა წევრმა ხელი მოაწერა.

კლუბის წევრები თხოვნით მიმართავენ ქალაქის მერიას, რომ მზია რამიშვილს (ის შვილმკვდარი დედაა, მეუღლეც გარდაცვლილი ჰყავს)  ბიუჯეტიდან გამოუყონ დაფინანსება, ან რეკომენდაცია გაუწიონ რომელიმე სამედიცინო კლინიკაში უფასო მკურნალობისათვის.

ადვოკატირების ჯგუფმა განცხადება უკვე მიიტანა მერიაში და კლუბი დადებითი პასუხის მოლოდინშია.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)