...

26-30 აპრილს გორში, ჩატარდა ტრენინგი სოციალური მეწარმეებისათვის, რომელშიც მონაწილეობდნენ დევნილთა საკითხებზე მომუშავე ორგანიზაციები აღმოსავლეთ და დასავლეთ საქართველოდან, მათ შორის ერთი ორგანიზაცია სომხეთიდან. ფონდ „სოხუმს" წარმოადგენდნენ ლელა ჯალაღონია და თეა თორინავა.

ტრენინგის ორგანიზატორი იყო ევრაზიის თანამშრომლობის ფონდი. ტრენერები იყვნენ პარტნიორი ორგანიზაცია -  ვიშეგრადის საერთაშორისო ფონდის წარმომადგენლები.

მონაწილეებმა მიიღეს პრაქტიკული და თეორიული ინფორმაციები სოციალური მეწარმეობის ცალკეული ასპექტების თაობაზე. მიღებული ინფორმაციისა და უნარ-ჩვევების გამოყენებით მომზადდა ბიზნეს-პროექტის მონახაზები. აღნიშნული საპროექტო მონახაზების საფუძველზე ორგანიზაციებს საშუალება ექნებათ მოამზადონ სრულყოფილი სოციალური ბიზნეს-პროექტები, რომელთა შესაძლო დაფინანსება განიხილება ევრაზიის თანამშრომლობის ფონდის მიერ საგანგებოდ გამოცხადებულ საგრანტო კონკურსში, რომელიც გამოცხადდება მაისის ბოლოს.

„საკუთარი აზრის გამოთქმა, დისკუსიაში ჩართვა ძალიან მიჭირს, ამ კუთხით ტრენინგმა ძალიან გამათამამა, უფრო თავისუფალი გავხდი."

„ლიდერთა სკოლაში მოხვედრა ძალიან მინდა, დარწმუნებული ვარ ბევრ საჭირო და მნიშვნელოვან თვისებებს შევიძენ, პიროვნულად გავიზრდები და საკუთარი თავის დამკვიდრებას შევძლებ საზოგადოებაში."

- ასეთი იყო იმ გოგონების  მოსაზრება, რომლებიც ლიდერთა სკოლის შესარჩევ ტრენინგზე მოხვდნენ. ტრენინგი სამტრედიაში, გამგეობის შენობაში გაიმართა.   

 პროგრამით გათვალისწინებული თემატიკა მონაწილეებისათვის საინტერესო აღმოჩნდა, მათი აზრით, ლიდერი ქალისა და ლიდერი მამაკაცის თვისებებს შორის ძნელია განსხვავება იპოვო, ამიტომაც ქალსაც უფლება აქვს აქტიურად იყოს ჩართული საქვეყნო საქმეებში.

ჯგუფი განსაკუთრებით გააქტიურდა პრაქტიკული სავარჯიშოების შესრულების დროს. როცა ფორუმ-თეატრის ელემენტების გამოყენებით წარმოადგინეს კონფლიქტის სცენები და იმსჯელეს კონფლიქტურ სიტუაციებში კომუნიკაციის განსაკუთრებულ მნიშვნელობაზე.

მონაწილეები თვლიან, რომ არა აქვს მნიშვნელობა ვინ მოხვდება ლიდერთა სკოლაში, ორდღინი ტრენინგისგან მათ უკვე შეიძინეს ისეთი უნარ-ჩვევები, რომელიც საკუთარი თავის რეალიზებაში დაეხმარებათ.

გრძელდება ლიდერ გოგონათა სკოლისთვის შესარჩევი ტრენინგები. 25-26 თებერვალს წყალტუბოში გამართულ ორდღიან ტრენინგს 15 გოგონა დაესწრო.

ქალთა ლიდერობის თემამ მონაწილეებში განსაკურებული ინტერესი გამოიწვია. მონაწილეებმა იმსჯელეს იმ ძირითად მიზეზებზე, რომელიც განაპირობებს ლიდერ ქალთა დეფიციტს საზოგადოებაში.

არანაკლებ საინტერესო იყო ინფორმაციები კონფლიქტზე, მის მიმდინარეობაზე, სხვადასხვა ფორმებზე. ფორუმ-თეატრის ელემენტების გამოყენებით მონაწილეებმა წარმოადგინეს სცენა, სადაც გამოჩნდა, რამდენად მნიშვნელოვანია კონფლიქტის მართვისას ეფექტური კომუნიკაციის გამოყენება.

 ტრენინგის შეფასებისას მონაწილეებმა ხაზი გაუსვეს იმ ფაქტს, რომ  თბილი უშუალო გარემო შეიქმნა. მოეხსნათ ყოველგვარი კომპლექსები და  საშუალება ჰქონდათ, საკუთარი აზრი თემასთან დაკავშირებით თამამად გამოეთქვათ.   

21-23 თებერვალს ფონდ „სოხუმში" გაიმართა სამდღიანი ტრენინგი  თემაზე: "ოჯახური ძალადობის პრევენცია". მონაწილეობას ღებულობდა შერეული ჯგუფი - სხვადასხვა  ასაკის, სქესისა და პროფესიის ადამიანები, ამან ტრენინგი ბევრად უფრო საინტერესო და პროდუქტული გახადა.

ამ დღეების განმავლობაში მონაწილეებს საშუალება ჰქონდათ, გაცნობოდნენ ინფორმაციას ოჯახში ძალადობის საკითხზე, კომუნიკაციასა და კონფლიქტის თეორიაზე, მიეღოთ ფსიქოლოგისა და იურისტის  რჩევები, ხმამაღლა გამოეხატათ საკუთარი მოსაზრება.

მუშაობისას გამოყენებული იყო  სხვადასხვა სახის მეთოდები: სიტუაციური ამოცანები,    ჯგუფური თუ როლური სავარჯიშოები. განსაკუთრებული ინტერესი დაფიქსირდა ფორუმ-თეატრის ელემენტების მიმართ, როცა თავად ხდებოდნენ კონფლიქტის მონაწილენი, შეეძლოთ მისი შეჩერება და მართვა.

მონაწილეებმა სურვილი გამოხატეს, რომ რაც შეიძლება მეტი ადამიანი იქნეს ჩართული მსგავს ღონისძიებებში. ერთ-ერთმა მათგანმა აღნიშნა - "აქ მიღებული ცოდნის შემდეგ დარწმუნებული ვარ, ბევრი ადამიანი თავის ცხოვრებას სხვანაირად შეხედავს და ეცდება, შეცვალოს იგი..."

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

ქუთაისში, ფონდ „სოხუმში" ლიდერ გოგონათა სკოლისთვის შესარჩევი ტრენინგი დაიწყო.  მონაწილეობდა 15 გოგონა 16-დან 27 წლამდე. ორდღიანი ტრენინგის პროგრამა მოიცავდა შემდეგ საკითხებს: ქალთა ლიდერობა; კონფლიქტის არსი, ტიპები, კლასიფიკაცია; კომუნიკაცია; კონფლიქტის მართვა; თეორიულ მასალას თან ახლდა პრაქტიკული სავარჯიშოები.

მონაწილეთა შეფასებით ტრენინგზე კარგი სამუშაო ატმოსფერო შეიქმნა, ყველას ჰქონდა საკუთარი აზრის გამოთქმის, დისკუსიაში აქტიურად ჩართვის საშუალება.

დასასრულს მონაწილეებმა საშინაო დავალებაც მიიღეს: ოთხი დღის განმავლობაში უნდა წარმოადგინონ ესე - „მინდა გავხდე ლიდერი, იმიტომ რომ..."

მომდევნო შესარჩევი ტრენინგი გეგმის მიხედვით წყალტუბოში გაიმართება.

- ლიდერთა სკოლამ გვასწავლა თვითშეფასება, საკუთარი შეცდომების აღიარება.

- ჩვენ უკვე ვიცით, რას ფიქრობენ ქალთა ლიდერობაზე ახალგაზრდები სენაკში, ფოთში, ხონში, ქუთაისში, რა პრობლემები აქვთ და რას აკეთებენ ამ პრობლემების მოსაგვარებლად.

 -  მთელი წლის განმავლობაში საკუთარ თავში ბევრი ცვლილება აღმოვაჩინე: გავიზარდე, თავისუფალი აზროვნება და საკუთარი აზრის თამამად გამოთქმა ვისწავლე.

- არაჩვეულებრივად იყო შერჩეული ტრენინგის თემატიკა, გვყავდა საუკეთესო ტრენერები,  პროდუქტიული და ნაყოფიერი მუშაობა გქონდა.

- ეს სიტყვები ლიდერ გოგონათა სკოლის ბოლო - გამოსაშვებ ტრენინგზე ისმოდა. ერთწლიანი პროგრამა დასრულდა. ამ ხნის განმავლობაში გოგონებმა მიღეს მნიშვნელოვანი თეორიული მასალები ქალთა ლიდერობაზე, ეფექტური კომუნიკაციის მეთოდებზე, პიარ-ტექნოლოგიების საფუძვლებზე, ზოგად მენეჯმენტზე...

დაეუფლნენ პრაქტიკულ მუშაობის მეთოდებს, ჩაატარეს სოციოლოგიური კვლევები საკუთარ ქალაქებში, ვორკშოპები, მრგვალი მაგიდები. აქტიური მონაწილეობა მიიღეს ძალადობის წინააღმდეგ მიმართულ 16-დღიან კამპანიაში.

ტრენინგის დასასრულს, მონაწილეებმა მიიღეს დიპლომი, იმის დასტურად, რომ ისინი  ერთი წლის განმავლობაში ნამდვილად სწავლობდნენ ფონდი „სოხუმის"ლიდერ გოგონათა სკოლაში.

პროექტი ხორციელდება შვედეთის ქალთა ორგანიზაცია „ქალები ქალებისათვის" (KVINNA TILL KVINNA) მხარდაჭერით.

პროექტის ფარგლებში, რომლის მიზანია იგპ ქალთა მობილიზაცია და მათი ადგილობრივ თემში ინტეგრაცია იმერეთის რეგიონში ადგილობრივი ხელისუფლების გენდერული პოლიტიკის მონიტორინგის გზით, ჩატარდა ორდღიანი ტრენინგები ქუთაისში, ხონში, წყალტუბოში.

თითოეულ რეგიონში შერჩეულ იქნა 15 აქტიური ქალი.

ტრენინგზე განიხილებოდა შემდეგი თემები: აქტივიზმი, მოხალისეობა, კომუნიკაცია...

ტრენინგის მეორე დღე ითვალისწინებდა შემდეგ საკითხებს: ადვოკაცია, საკითხის შერჩევა, სტრატეგიის შემუშავება, მიზნები, ტაქტიკა, ხელისუფლებასთან დაკავშირება. რის შემდეგაც მონაწილეთა მიერ შემუშავებულ იქნა სამოქმედო გეგმის კონკრეტული ნიმუშები:

- ხონის №4 საჯარო სკოლის რეაბილიტაცია, ქუთაისში იგპ-თა კომპაქტური ჩასახლების ცენტრებიდან საყოფაცხოვრებო ნარჩენების გატანა, წყალტუბოში შიდა საქალაქო სატრანსპორტო საშუალებების გამოყოფა.

სამივე სამოქმედო გეგმა შერჩეულ იქნა პრიორიტეტების გათვალისწინებით. სამივე საკითხი გადაწყვეტადია, რაც ლობირებული უნდა იქნეს ქუთაისის, წყალტუბოს, ხონის ადგილობრივ თვითმმართველობებთან.   

პროექტი ხორციელდება საქართველოში აშშ-ს საელჩოს მხარდაჭერით.

პროექტის „მოძრავი სადისკუსიო კლუბები – მომავალი ჟურნალისტების როლი დევნილი ახალგაზრდების ინტეგრაციის პროცესში" ფარგლებში 23, 24, 28 და 29 სექტემბერს ფონდ „სოხუმში" ჟურნალისტიკის ფაკულტეტის სტუდენტებისათვის ოთხდღიანი ტრენინგი ჩატარდა თემებზე:

1. ჟურნალისტის თვალით დანახული პრობლემა (დევნილთა ინტეგრაცია და ჟურნალისტის როლი);

2. ინდივიდუალური და კოლექტიური რესპონდენტები; ინტერვიუს აღების ხერხები;

3. დებატების წარმართვის ხელოვნება;

4. ინტეგრაციის პრობლემის გაშლა სხვადასხვა ჟანრში. წერის ხელოვნება.

ტრენინგში 12 სტუდენტმა (გოგონები და ვაჟები) მიიღო მონაწილეობა.

პროექტის მიზანია, დაეხმაროს დევნილ ადგილობრივ საზოგადოებაში ინტეგრაციაში; მედიისთვის დევნილთა ინტეგრაციის თემა გახადოს პოპულარული და ახლობელი.

პროექტის პირველმა ეტაპმა წარმატებით ჩაიარა. მომდევნო ეტაპზე ახალგაზრდა ჯურნალისტენი სხვადასხვა ქალაქში ჩავლენ, დევნილ ახალგაზრდებს შეხვდებიან და მათთვის საჭირბოროტო საკითხებზე იმსჯელებენ.

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.