...

ამომრჩეველ ქალთა კლუბის წევრები ხობის მუნიციპალიტეტის 2012 წლის ბიუჯეტს გაეცნენ. შეხვედრის მონაწილეთა განსაკუთრებული ყურადღება ბიუჯეტის სოციალური და ჯანდაცვის სფეროებმა მიიქცია: „ეს ის სფეროებია, რომელიც ყველაზე მეტად აღელვებს ადგილობრივ მოსახლეობას, რადგან მისი უდიდესი ნაწილი დაუსაქმებელია; ძნელად ხელმისაწვდომია ჯანდაცვა). კლუბის ადვოკატირების ხუთკაციანმა ჯგუფმა საბავშვო ბაღებში არსებული მაღალი გადასახადის საკითხი წამოჭრა ( აღინიშნა, რომ შეღავათებით მხოლოდ დევნილები და  მრავალშვილიანი ოჯახები სარგებლობენ). შეხვედრაზე წამოჭრილი პრობლემის  გადაჭრისათვის ადვოკატირების ჯგუფმა ადგილობრივ თვითმმართველობას წერილობით მიმართავს.   პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

თვითმმართველი ქალაქ ფოთის მერიაში შეკრებილმა ამომრჩეველ ქალთა კლუბის წევრებმა „სასწავლო ცენტრში" მცხოვრებ დევნილთა პრობლემები განიხილეს:   „კომპაქტურ ჩასახლებაში ავტოფარეხების აღებამ -  ეზოს დაბინძურება, დაჭაობება გამოიწვია, რაც საფრთხეს უქმნის ადამიანების ჯანმრთელობას. არის შემთხვევები, როდესაც ჭაობში ბავშვები და მოხუცები ვარდებიან, მცირე სახის ფიზიკურ დაზიანებებსაც ჰქონდა ადგილი",-ითქვა შეხვედრაზე. კლუბის წევრებმა, აღნიშნული პრობლემის უახლოეს მომავალში გადაჭრის მიზნით, ქალაქის მერიას განცხადებით მიმართეს. პროექტის ასისტენტმა მონაწილეებს გააცნო გაეროს უშიშროების საბჭოს რეზოლუცია 1325-ის განსახორციელებლად დამტკიცებული 2012-2015 წლების სამოქმედო გეგმა. ასევე,  ცვლილება ორგანულ კანონში  („მოქალაქეთა პოლიტიკური გაერთიანების შესახებ"): „ის საარჩევნო სუბიექტი, რომელსაც პარტიულ სიაში ყოველ 10 კანდიდატს შორის  ეყოლება სულ მცირე 2 ქალბატონი, მიიღებს დაფინანსებაზე დანამატს 10%-ის ოდენობით."   ამომრჩეველ ქალთა კლუბის წევრები იმედოვნებენ, ყველა ის ცვლილება, რომელიც კანონშია ჩადებული ქალთა გააქტიურებასა და გენდერულ ბალანსზე დადებითად იმოქმედებს.   პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ამომრჩეველ ქალთა კლუბის შეხვედრაზე ფონდი „სოხუმის" მიერ  ადვოკატირების თემაზე ჩატარებული ტრენინგის მნიშვნელობას გაესვა ხაზი. შეხვედრის მონაწილეებმა ისაუბრეს განსახლების პროცესთან დაკავშირებულ საკითხებზე. ხაზი გაესვა იმას, რომ განსახლების პროცესი უმტკივნეულოდ არ მიმდინარეობს. დევნილთა ნაწილი კმაყოფილია, ნაწილი კი  შეჩვეული გარემოს შეცვლას ძალიან განიცდის.  განსახლების ადგილიდან, სადაც რამდენიმე ათეული ოჯახი ჩაასახლეს, დანიშნულია სამარშრუტო ტაქსი, მაგრამ გზა ავარიულია და ტრანსპორტი ხშირად გამოდის მწყობრიდან. ამომრჩეველ ქალთა კლუბის ადვოკატირების ჯგუფმა განსახლების ადგილიდან ცენტრალურ გზამდე მონაკვეთის მოწესრიგებაზე გადაწყვიტა მუშობა. შეხვედრის ბოლოს ითქვა ინიციატივაზე: განაცხადი შეიტანონ წყალტუბოს საკრებულოში ხანდაზმული პედაგოგებისათვის ქალთა დღის მილოცვის თაობაზე.   პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

შეხვედრას, რომელიც ზუგდიდის წმინდა გიორგის სახელობის გიმნაზიაში ჩატარდა,  ოცდაათამდე დევნილი თუ ადგილობრივი ქალი დაესწრო შეხვედრის მონაწილეებს მიეწოდათ ინფორმაცია გაეროს უშიშროების საბჭოს რეზოლუცია 1325-ის განსახორციელებლი სამოქმედო გეგმის შესახებ. პროექტის ასისტენტმა ამომრჩეველ ქალთა კლუბის წევრებს გააცნო ორგანულ კანონში ( „მოქალაქეთა პოლიტიკური გაერთიანების შესახებ" ) მიღებული ცვლილება, კერძოდ, ის საარჩევნო სუბიექტი, რომელსაც პარტიულ სიაში ყოველ 10 კანდიდატს შორის ეყოლება სულ მცირე 2 ქალბატონი, მიიღებს დაფინანსებაზე დანამატს 10 პროცენტის ოდენობით. ამომრჩეველ ქალთა კლუბის წევრები იმედოვნებენ, კანონში ჩადებული ცვლილებები ქალთა აქტიურობასა და შესაბამისად გენდერულ ბალანსზე პოზიტიურად აისახება.  დასასრულს გიმნაზიის დირექტორმა, ამომრჩეველ ქალთა კლუბის ლიდერმა ქალბატონმა მანანა ნაჭყებიამ მონაწილეებს პალესტინასა და ბეთლემში მიღებული შთაბეჭდილებები გაუზიარა.   პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ქუთაისის ამომრჩეველ ქალთა კლუბის მორიგ შეხვედრაზე მოწვეულნი იყვნენ სხვადასხვა პოლიტიკური პარტიისა და არასამთავრობო ორგანიზაციის წარმომადგენლები, საკრებულოს წევრები; შეხვედრის მონაწილეებმა წყალმომარაგების სისტემაში არსებულ პრობლემებზე  ისაუბრეს (არის უბნები, სადაც მაღალი სართულების მცხოვრებთ წყალი არ მიეწოდებათ იძულებულნი არიან ტუმბოებით ისარგებლონ), გადასახადის გადახდა კი სრული განაკვეთით უწევთ.  შეთანხმდნენ, პირველ რიგში მოსახლეობის სასმელი წყლით მომარაგების საკითხზე იმუშავებენ. ამომრჩეველ ქალთა კლუბის ადვოკატირების ჯგუფთან ერთად მუშაობაში მოწვეული სტუმრებიც ჩაერთვებიან.  ზაზა ხელაძემ ხაზი გაუსვა ქუთაისის წყალმომარაგებაში არსებულ პრობლემებს და კლუბის ადვოკატირების ჯგუფს აღნიშნული პრობლემის გადაჭრაში დახმარება აღუთქვა.

ამომრჩეველ ქალთა კლუბის შეხვედრაზე დაისვა წყლით მომარაგების საკითხი. ვინაიდან მოსახლეობას წყალი დღე-ღამეში მხოლოდ ერთი საათით მიეწოდება,  ადვოკატირების ჯგუფი თებერვალში წყალმომარაგების პრობლემაზე იმუშავებს. შეხვედრაზე დევნილთა განსახლების საკითხებზეც გაიმართა დისკუსია. პროექტის ასისტენტმა კლუბის წევრებს მიაწოდა ინფორმაცია ორგანულ კანონში („მოქალაქეთა პოლიტიკური გაერთიანების შესახებ") შეტანილ ცვლილებებზე, კერძოდ, ის საარჩევნო სუბიექტი, რომელსაც პარტიულ სიაში ყოველ ათ კანდიდატს შორის ეყოლება სულ მცირე ორი ქალბატონი, მიიღებს დაფინანსებაზე  10%-ის ოდენობით დანამატს. ამომრჩეველ ქალთა კლუბის წევრები მიიჩნევენ, რომ აღნიშნული სახის ცვლილებები  ქალთა პოლიტიკურ საქმიანობაში აქტიურობის ზრდას შეუწყობს ხელს.   პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

გაზეთ „ხობის მოამბის" რედაქციაში შეკრებილმა ამომრჩეველ ქალთა კლუბის წევრებმა „მოქალაქეთა პოლიტიკური გაერთიანების შესახებ" ორგანულ კანონში შეტანილი ცვლილებები („ის საარჩევნო სუბიექტი, რომელსაც პარტიულ სიაში ყოველ 10 კანდიდატს შორის ეყოლება სულ მცირე 2 ქალბატონი, მიიღებს დაფინანსებაზე დანამატს 10%-ის ოდენობით") და გაეროს უშიშროების საბჭოს რეზოლუცია 1325-ის განსახორციელებლად დამტკიცებული 2012-2015 წლების სამოქმედო გეგმა განიხილეს. ხობის ამომრჩეველ ქალთა კლუბის წევრები აღნიშნულ ცვლილებებს მიესალმებიან, მათი თქმით, აღნიშნული ცვლილებები პოლიტიკაში ქალთა სიმრავლეს შეუწყობს ხელს. მანანა შულაიამ, ნაირა ბერაიამ და ნინო კემულარიამ დამსწრეთ ფონდი „სოხუმის" მიერ ჩატარებული ტრენინგის შთაბეჭდილებები გაუზიარეს. ადვოკატირებისა და ლობირების თემაზე ჩატარებულმა ორდღიანმა ტრენინგმა მონაწილეთა  ცოდნა გააღრმავა. ისინი მიიჩნევენ, რომ მსგავსი სწავლებები  ადგილობრივი მოსახლეობის პრობლემების უკეთ გადაჭრაში დაეხმარებათ.   პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ოზურგეთის ამომრჩეველ ქალთა კლუბის შეხვედრა ქალაქის მერიაში შედგა. კლუბის ადვოკატირების ხუთკაციანმა ჯგუფმა აღნიშნა, რომ  ადგილობრივ თვითმმართველობას სასმელი წყლის, სადაზღვევო პოლისებისა და ტრანსპორტის საკითხებთან დაკავშირებით არაერთხელ მიმართა. მიუხედავად პრობლემების სიმწვავისა, მათი გადაჭრისთვის ბრძოლას განაგრძობენ. შეხვედრის ბოლოს კლუბის წევრები გაეცნენ  ინფორმაციებს - რეზოლუცია 1325 - სამოქმედო გეგმა და ცვლილება კანონში პოლიტიკური პარტიების შესახებ. ქალბატონები მიიჩნევენ, რომ მსგავსი დოკუმენტების ფართო საზოგადოებისათვის  გაცნობა  აუცილებელია და მნიშვნელოვანი.

შეხვედრაზე ადგილობრივი და აფხაზეთიდან დევნილი ოცი ქალი შეიკრიბა. დაისვა მე-11 ბაგა-ბაღის საკითხი. „მეთერთმეტე ბაგა-ბაღს წყალი არ მიეწოდება, რაც  ანტისანიტარიას იწვევს  და მოსამსახურე პერსონალს ნორმალურ მუშაობაში ხელს უშლის", - აღნიშნა შეხვედრის ერთ-ერთმა მონაწილემ.  აფხაზეთიდან დევნილმა ფატიმა ლაკერბაიამ  დასუფთავების საკითხი წამოჭრა, ითქვა, რომ დევნილთათვის ახალაშენებული კორპუსების მიმდებარე ტერიტორიები დანაგვიანებულია.  შეხვედრის მონაწილეებმა გაზიფიცირების საკითხზეც გაამახვილეს ყურადღება. „სოკარჯორჯიას" წარმომადგენლის (სოფო ბილიხოძე) თქმით, ფოთში მხოლოდ ერთი ქუჩაა გაზიფიცირებული, უახლოეს მომავალში კიდევ 5 ქუჩის გაზიფიცირება იგეგმება. აღნიშნული პრობლემები შეხვედრაზე კლუბის წევრებმა საკრებულოს წევრ დარეჯან ცხვიტარიას წარუდგინეს. ქალბატონ დარეჯანის თქმით, მოსახლეობის პრობლემებს ადგილობრივი მთავრობა ეტაპობრივად აგვარებს, ზემოთაღნიშნულზე რეაგირებაც  დროულად მოხდება.