სამ თვეში ერთხელ გამოვა „ქალთა ხმა" საერთო რუბრიკით „ქალი და მშვიდობა".
სამშვიდობო მიმართულების ჟურნალი ყველაზე ძველია ფონდი „სოხუმის" საინფორმაციო გამოცემებში.
აპრილში გამოვიდა ჟურნალის პირველი ნომერი. მასში აისახა ბოლო ოთხ თვეში ჩატარებული მუშაობა.
ამჟამად განსაკუთრებული აქცენტი სამშვიდობო საქმიანობაში ახალგაზრდებზე კეთდება და ეს კარგად ჩანს ჟურნალის ფურცლებზე.
მკითხველი კვლავაც ბევრ საინტერესო ინფორმაციას მიიღებს, გაეცნობა ფონდი „სოხუმის" ახალ გამოცემებს „მშვიდობისმყოფელ ქალთა დიალოგი" და „მასწავლებლის მოგზაურობა კავკასიაში".
იმედია, ყველა თაობის მკითხველი თავისთვის საინტერესოს იპოვის „ქალთა ხმაში".
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
ბათუმში საარჩევნო თემაზე ოთხი ვორკშოპი ჩატარდა. მათ შორის ერთი - ხელვაჩაურის ნარკოლოგიური საავადმყოფოს ყოფილ შენობაში მცხოვრებ დევნილ და ეკომიგრანტ ქალებთან. სულ 60-მა მონაწილემ (სტუდენტები, პედაგოგები, ჟურნალისტები, დიასახლისები) გაიარა ვორკშოპები.
ჯგუფებთან მუშაობამ აჩვენა, რომ ისინი ნაკლებად არიან ინფორმირებულნი საარჩევნო კანონმდებლობისა და ადგილობრივი თვითმმართველობის კომპეტენციებზე. სურვილი გამოთქვეს, უკეთ გააცნობიერონ საკუთარი უფლებები დაგაიაზრონ პასუხისმგებლობა არჩევანის გაკეთების დროს. ისინი მზად არიან ვორკშოპებზე მიღებული ინფორმაციები სხვებსაც გააცნონ და ამით ხელი შეუწყონ საზოგადოებაში საარჩევნო საკითხებზე ინფორმირებულობის დონის ამაღლებას.
ვორკშოპებზე გამოყენებული პრაქტიკული სავარჯიშოების დროს მონაწილეებს შესაძლებლობა მიეცათგაემიჯნათ ცენტრალური და ადგილობრივი ხელისუფლებების კომპეტენციები და გაემართათ დისკუსიები საარჩევნო კანონმდებლობაში შეტანილი ცვლილებების გარშემო.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
როგორც ყოველთვის, ლექციის შემდეგ სტუდენტები უკვე სახლში წასვლას აპირებდნენ. ამ დროს, უნივერსიტეტის ეზოში ახალგაზრდების ჯგუფი გამოჩნდა და... შეჩერდნენ.
რამდენიმე წუთში ცნობილი გახდა, რომ ფონდი „სოხუმის" ფორუმ-თეატრი წარმოდგენას მართავდა აკაკი წერეთლის სახელმწიფო უნივერსიტეტის სტუდენტებისათვის.
წარმოდგენა დაიწყო.მაყურებელთა რიცხვი თანდათან გაიზარდა. მონაწილეებმა თავიდანვე აუღეს ალღო ფორუმ-თეატრის სპეციფიკას და თითოეული სცენარის განხილვაში აქტიურად ჩაერთნენ.
- ცოლ-ქმრის ურთიერთობაში არ უნდა ჩაერიოს მესამე პირი, წარმოდგენილ სცენარში დედამთილი და მული ნეგატიურ როლს თამაშობენ და ხელს უწყობენ ოჯახური კონფლიქტების განვითარებას.
„უფრო თამამებმა" მსახიობის როლიც მოირგეს და თითოეულ სცენარს პოზიტიური გაგრძელება მისცეს.
მსგავსი წარმოდგენა ფორუმ-თეატრმა ქუთაისში, World Vision-ის ოფისშიცგამართა მზრუნველობამოკლებული ახალგაზრდებისა და სოციალურად დაუცველი ოჯახებისათვის.
წარმოდგენილისცენარების განხილვაში მონაწილეები აქტიურად ჩაერთნენ.
27 აპრილს სენაკის ქალთა მხარდაჭერის ცენტრში მეორე ვორკშოპი გაიმართა თემაზე, ფემინიზმი და გენდერული თანასწორობა. ვორკშოპის მსვლელობისას მონაწილეები დიდი ენთუზიაზმით ჩაერთნენ ინტერაქტიულ სავარჯიშოებსა და დისკუსიებში. გოგონებისათვის ნაცნობი იყო გენდერული თანასწორობის საკითხები. განსაკუთრებით დაინტერესდნენ ფემინიზმის თეორიით. შეხვედრის წამყვანმა, ფონდი „სოხუმის" მოხალისემ - ანია ვესტბერგმა მონაწილეებს გააცნო ინფორმაციები ფემინიზმის ისტორიაზე და მიზნებზე. მოუთხრო მათ ცნობილ ფემინისტ ქალებზე.
დასასრულს, გოგონებმა აღნიშნეს, რომ შეხვედრა საინტერესო და მნიშვნელოვანი იყო, მათ შესაძლებლობა ჰქონდათ მეტი გაეგოთ გენდერისა და ფემინიზმის საკითხებზე და გამოეთქვათ საკუთარი მოსაზრებები. მომდევნო ვორკშოპი ფოთში, ოთხ მაისს გაიმართება.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.
რაში მდგომარეობს ომის განუახლებლობის შესახებ შეთანხმებისა და უსაფრთხოების გარანტიების არსი ქართულ-აფხაზური კონფლიქტის კონტექსტში, რა მიზნების მიღწევას ცდილობენ მხარეები, რა რისკებს მოიცავს საქართველოსთვის აღნიშნული შეთანხმების არსებობა ან არარსებობა, რა მეთოდით უნდა მოხდეს მისი დაცვა - ამ საკითხების განხილვას მიეძღვნა ფონდი "სოხუმის" რადიოგადაცემა, რომელიც 26 აპრილს რადიო „ძველი ქალაქის" ეთერით გავიდა.
გადაცემაში აისახა პროექტის ფარგლებში დასავლეთ საქართველოს სხვადასხვა ქალაქებში (ქუთაისი, წყალტუბო, ბათუმი, ოზურგეთი, ფოთი, სენაკი, სოფელიხურჩა - ზუგდიდის რაიონი) საზოგადოების სხვადასხვა ჯგუფებთან ჩატარებული საინფორმაციო შეხვედრები და დაფიქსირდა მონაწილეთა პოზიციები.
როგორც გადაცემის რესპონდენტები აღნიშნავენ, აზრთა სხვადასხვაობა შეინიშნებოდა აღნიშნულ ხელშეკრულებასთან მიმართებაში, მაგრამ მონაწილეები ერთგვაროვნად დადებით შეფასებას აძლევდნენ იმ ფაქტს, რომ ხელშეკრულებაში საუბარია ომის განუახლებლობაზე და კონფლიქტების დარეგულირებაზე.
პროექტიხორციელდება „საერთაშორისოგანგაშის" (International Alert, დიდიბრიტანეთი) მხარდაჭერით.
გადაცემათა ციკლის მორიგი გამოშვება ამჯერად იმ ფაქტორებზე ამახვილებს ყურადღებას, რომელიც ოჯახში ძალადობრივი გარემოსათვის ხელსაყრელ ფონს ქმნის. ამ თემასცოტა ხნის წინათ ფონდი "სოხუმის” ეგიდით გამართული"მრგვალი მაგიდაც” გამოეხმაურა.
რა გავლენას ახდენს დამოკიდებულება ალკოჰოლზე, ნარკოტიკებზე, აზარტულ თამაშებზე ოჯახურ კლიმატზე და როგორ ჩანს ამ პრობლემის ჭრილში ოჯახში ძალადობის საკითხი...როგორია არსებული სტატისტიკა და რა კუთხით უნდა წარიმართოს ხელისუფლების სხვადასხვა შტოს, სპეციალისტების, მედიის, არასამთავრობო სექტორის, თვითონ საზოგადოების ძალისხმევა...
"სამწუხაროდ, ძალიან გაახალგაზრდავდა ნარკომანია, ლუდომანია, ალკოჰოლიზმი, რაც მიუთითებს იმაზე, რომ სერიოზული ცვლილებებია გასატარებელი სოციალურ პოლიტიკაში, საზოგადოების ცნობიერებაში”. "სამართალდამცავებს ხშირადა აქვთ შემთხვევა, როდესაცმსგავსი დამოკიდებულების მქონე პირის მშობელი მიმართავს თხოვნით, დააკავონ მისი შვილი, რადგანაც გაუსაძლისია იმ ძალადობის ატანა, რასაც ისინი მიმართავენ”.
– ჟურნალისტთან საკითხის ირგვლივ საკუთარ პოზიციას ექსპერტები, ”მრგვალი მაგიდის” მონაწილეები, ფსიქოლოგები გამოხატავენ.
გადაცემაში ასევე გაჟღერდა ინფორმაცია ფონდი "სოხუმის” მიერ ფოთში გახსნილი კიდევ ერთი ქალთა მხარდაჭერის ცენტრის შესახებ, სადაც უკვე ჩატარდა საგანმანათლებლო ტრენინგები, პერიოდულად ხორციელდება ფსიქოლოგიური და იურიდიული კონსულტაციები.
ოზურგეთში საარჩევნო თემატიკაზე ჩატარებულმა ვორკშოპებმა ამომრჩეველი ქალები განსაკუთრებით დააინტერესა. ოთხ შეხვედრას სულ 59 მონაწილე დაესწრო.
მათი დიდი ნაწილი აქტიურად არის ჩართული საარჩევნო კამპანიაში, ამიტომაც მნიშვნელოვანი აღმოჩნდა კანონმდებლობაში შეტანილი ცვლილებების გაცნობა და ადგილობრივი თვითმმართველობის უფლებამოსილებებში გარკვევა. აღინიშნა, რომ ხშირად მოქალაქეები საკრებულოს მიმართავენ იმ საკითხების გადასაჭრელად, რომელიც მის კომპეტენციაში არ შედის. ამიტომაც საჭიროა სამოქალაქო საზოგადოების მეტი ინფორმირება ამ ორგანოს უფლებამოსილებაზე.
იმ ახალგაზრდებისთვის, რომლებიც პირველად მონაწილეობენ არჩევნებში ამომრჩევლებად განსაკუთრებით საინტერესო აღმოჩნდა ინფორმაცია ხმის მიცემის პროცედურებისა და მათი საარჩევნო უფლებების შესახებ.
მსმენელები მომავალ არჩევნებს უკავშირებენ სასიკეთო სიახლეებს. პირველ რიგში,ქალაქში არსებული სოციალური და სხვა პრობლემების მოგვარებას. ამისათვის მათ აუცილებლად მიაჩნიათ ქალთა წარმომადგენლობის გაზრდა ადგილობრივ თვითმმართველობაში.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
- ალბათ არ იქნება ხმამაღალი ნათქვამი, თუ ვიტყვი: ახალგაზრდები თავისუფალი აზროვნებით, ახალი იდეებით მოდიან, მათი გააქტიურება და ჩართვა სამშვიდობო საქმიანობაში დადებით შედეგებს გამოიღებს. სამდღიანმა ტრენინგმა ბევრ საკითხზე დამაფიქრა, საკუთარი მოვალეობები შემახსენა. ჩვენ უნდა ვიპოვოთ ახალი გზები და საშუალებები აფხაზებთან დასაკავშირებლად, ნდობის აღსადგენად - ამ მოსაზრებით ტრენინგის მონაწილეთა საერთო განწყობა დააფიქსირა ერთ-ერთმა მონაწილემ თამარ სუბელიანმა.
პროექტის ფარგლებში ეს უკვე ბოლო შესარჩევი ტრენინგია. იგი ქუთაისში, დევნილი სტუდენტებისათვის ჩატარდა. ახალგაზრდებმა კარგად იციან რისთვის მოვიდნენ ამ ტრენინგზე. უმრავლესობასდიდი სურვილი აქვს მოხვდეს ლიდერთა სკოლაში, რადგან ამით შესაძლებლობა ექნებათ ჩამოყალიბდნენ ლიდერებად, რათა შემდეგ აქტიურად ჩაერთონ ქვეყნის საზოგადოებრივ-პოლიტიკურ ცხოვრებაში.
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
„ეს დღეები ყოველთვის მემახსოვრება, პირველად ვიგრძენი თავი ასე თავისუფლად და მომინდა, მესაუბრა ისეთ აქტუალურ საკითხებზე, როგორიცაა ოჯახური კონფლიქტები, მსხვერპლისა და მოძალადის ფსიქოლოგია."
„კარგი იქნება თუ მსგავსი ტრენინგები უფრო მასიურად ჩატარდება, რაც შეიძლება მეტი ადამიანი უნდა განიხილავდეს იმ საკითხებს, რომელიც ტრენინგზე დაისვა."
დაახლოებით ასეთი იყო იმ ადამიანების შეფასება, რომლებიც სენაკში, ქალთა მხარდაჭერის ცენტრში გამართულ სამდღიან ტრენინგში იღებდნენ მონაწილეობას.
მუშაობისას გამოყენებული იყოსხვადასხვა სახის მეთოდები: სიტუაციური ამოცანები, ჯგუფური თუ როლური სავარჯიშოები.
საგანგებოდ შერჩეულმა აუდიტორიამ, რომელიც შედგებოდა პედაგოგების, იურისტების, მშობლებისა და სკოლის მოსწავლეებისაგან, მუშაობა საინტერესოგახადა და ხელი შეუწყო ოჯახური ძალადობის პრობლემის სხვადასხვა პოზიციიდან განხილვას.
ხონში, როგორც სხვა ქალაქებში,წინასაარჩევნო განწყობა შეინიშნება, რაც ამომრჩეველ ქალთა კლუბის საქმიანობასაც ეტყობა. დევნილთა სოციალური პრობლემები, განსახლების პროგრამის ფარგლებში მიმდინარე გაჭიანურებული სარემონტო სამუშაოები კვლავაც დღის წესრიგშია და გადაწყვეტას საჭიროებს.
კლუბის წევრთა თქმით, წინასაარჩევნო შეხვედრები დევნილ ამომრჩევლებსა და პოლიტიკური პარტიების წარმომადგენლებს შორის ჯერ არ დაწყებულა. შესაბამისად, არ იცნობენ მათ საარჩევნო პროგრამებს.
მონაწილეები მიიჩნევენ, რომ მნიშვნელოვანია მოეწყოს შეხვედრებისხვადასხვა პოლიტიკური პარტიების წარმომადგენლებთან, რადგან არაერთი შეკითხვა დაუგროვდათკანდიდატებთან.აინტერესებთ, რომელი სფეროებია პრიორიტეტული ამა თუ იმ პარტიისათვის, რამდენად არის გათვალისწინებული დევნილთა პრობლემები, როგორ არის დაკომპლექტებული კანდიდატთა სიები და რა ადგილები უჭირავთ ამ სიებში ქალბატონებს.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
ზუგდიდში გამართულ ამომრჩეველ ქალთა კლუბს ადგილობრივი თვითმმართველობის არჩევნებში მაჟორიტარობისკანდიდატები (რესპუბლიკური პარტია) ნონა თოლორაია და ნანა ხუფენია ესწრებოდნენ.
კანდიდატებმა თავიანთი საარჩევნო პროგრამები გააცნეს დამსწრეთ. აღნიშნეს, რომ სოფლებში არაერთი პრობლემაა, რომელიც გადაჭრას საჭიროებს.
-ვეცდები, მოსახლეობის ყველა პრობლემა წამოვჭრა საკრებულოში: აღსადგენია სოფლის კლუბი, მოსაწესრიგებელია გზები, არ არის ბაგა-ბაღი, ეს ერთ-ერთი ყველაზე აქტუალური რობლემაა, ბაგა-ბაღის შენობაში დევნილები არიან შესახლებული, - აღნიშნა ნონა თოლორაიამ.
მისივე თქმით, სოფლის მოსახლეობის პრობლემების მოგვარება სწორედ ადგილობრივ დონეზეა შესაძლებელი. - ვეცდები ჩემი მხარდამჭერების იმედები გავამართლო! - განაცხადა კანდიდატმა.
ნონა თოლორაიასა და ნანა ხუფენიას წინასაარჩევნო განწყობა ოპტიმისტურია. ზუგდიდის კლუბის წევრები წინასაარჩევნოდ კანდიდატთა მხარდამჭერ აქციას გეგმავენ.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
წყალტუბოშისაარჩევნოთემაზეჩატარებულიოთხივორკშოპისმონაწილეებსშორისიყვნენპედაგოგები, მშობლები და 18 წლისახალგაზრდები, რომლებიცპირველადმიდიანარჩევნებზე.
ვორკშოპების თემა: ცვლილებები საარჩენო კანონმდებლობაში და ადგილობრივი თვითმმართველობის არჩევნები.
ვორკშოპების მსვლელობისას გამოყენებული მინი-ლექციის დროს საუბარი შეეხო ქალთა მონაწილეობის გაზრდას არჩევნებში, სხვადასხვა ქვეყნების სტატისტიკას პოლიტიკაში ქალთა წარმომადგენლობის საკითხზე, ადგილობრივ თვითმმართველობას და ძირითად საარჩევნო ტერმინებს.
მონაწილეების შეფასება: მონაწილეებისთვის საინტერესო და აქტუალური აღმოჩნდა ჩატარებული ვორკშოპი.მათთვის განსაკუთრებით ეფექტური იყო მუშაობის ფორმა, როდესაც პრაქტიკული სავარჯიშოების დროს შეძლეს მიღებული თეორიული ცოდნის გამოყენება.
მიღწეული შედეგები: მონაწილეებმა გააცნობიერეს ადგილობრივი თვითმმართველობის უფლებასმოსილებები და არჩევნებში მონაწილეობის აუცილებლობა, ასევე ქალთა სოლიდარობის მნიშვნელობა ქალი კანდიდატების წარმოსაჩენად. გაიზარდაარჩევნებში მონაწილეობის მიღების მოტივაცია.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
თემა: სამოქალაქო საზოგადოების ჩართულობის გაზრდა ქართულ-აფხაზური დიალოგისა და კონფლიქტის მშვიდობიანი გადაწყვეტის პროცესში.
ბათუმში ფონდის ეგიდით მრგვალი მაგიდის ირგვლივ შეკრებილი საზოგადოება (ადგილობრივი ხელისუფლების წარმომადგენლები, სტუდენტები, იგპ საზოგადოება, სამეცნიერო ინტელიგენცია, საზოგადოებრივი ორგანიზაციების წარმომადგენლები, ჟურნალისტები) ფონდის მიერ მოწვეული ექსპერტების მიერ ჩატარებული საზოგადოებრივი დისკუსიების შედეგებს გაეცნო და შეეცადა, თავისი პოზიციები დაეფიქსირებინა მრგვალი მაგიდის ფორმატით განსაზღვრული საკითხების გარშემო.
შეხვედრა გულწრფელი და კონსტრუქციული გარემოთი გამოირჩეოდა. საკითხთა უმეტესობაში დამსწრეებს შეხედულებათა თანხვედრა აღმოაჩნდათ.
ყველა მიესალმა ხელისუფლების გაცხადებულ კურსს კონფლიქტის მშვიდობიანი გადაწყვეტის თაობაზე, აფხაზ ხალხთან კეთილი ურთიერთობების აღდგენის პერსპექტივას. ამისათვის, მათი აზრით, საჭიროა ორმხრივი შეცდომების ღრმა გააზრება და საერთო ისტორიის კონტექსტში - საერთო მომავლის არა მხოლოდ ემოციაზე, პრაგმატიზმზე დაფუძნებული ხედვა. ოპტიმიზმის საფუძველს მონაწილეთა მიერ მოხმობილი ცოცხალი მაგალითები იძლეოდა.
გამოიკვეთა მოვლენათა საღი და რეალისტური ხედვა, მოხდა შერიგების რესურსების განსაზღვრა, გაუცხოებისა და დაშორების ხელშემწყობი ფაქტორების გამოვლენა.
განსაკუთრებული გულისტკივილი გამოითქვა იმის გამო, რომ ეს კონფლიქტიგეოპოლიტიკური თამაშების პოლიგონად იქცა, რომლის დროსაც საერთაშორისო ინსტიტუტების ნაკლებქმედითობა და მოდერნიზების აუცილებლობა სულ უფრო აშკარა ხდება.
შიდადემოკრატიის გაძლიერება, სახალხო დიპლომატიისხელშეწყობა, ეკონომიკური ურთიერთობების გამოყენება კონტაქტების გასამყარებლად, „მედია-ენის" რეფორმირება, დიასპორების რესურსის გამოყენება, ახალგაზრდობას შორის გაუცხოებასთან ბრძოლა, წინდახედული საშინაო და საგარეო პოლიტიკის წარმოება - ეს „მრგვალ მაგიდაზე" გაჟღერებული წინადადებების ჩამონათვალია.
პროექტიხორციელდება „საერთაშორისოგანგაშის" (International Alert, დიდიბრიტანეთი) მხარდაჭერით.
ვორკშოპები საარჩევნო თემატიკაზე,რომლის მთავარ მიზანს წარმოადგენს ამომრჩეველ ქალთა ინფორმირებულობის გაზრდა საარჩევნო კანონმდებლობაზე და ადგილობრივი თვითმმართველობის უფლებამოსილებებზე ხობის რაიონშიც ჩატარდა. სულ ოთხი შეხვედრა მოეწყო სხვადასხვა მუნიციპალიტეტში.მონაწილეობა მიიღო 60-ზე მეტმა ამომრჩეველმა ქალმა. მათ შორის იყვნენ ისინიც, რომლებიც პირველად მიდიან არჩევნებზე.
შეხვედრებზე განსაკუთრებული ყურადღება გამახვილდა ისეთ საკითხებზე, როგორიცაა საარჩევნო ადმინისტრაცია, არჩევნების დაფინანსება, ამომრჩევლის საარჩევნო უფლებები და სხვა.
აღსანიშნავია, რომ პრაქტიკული სავარჯიშოები, დისკუსიები და სიტუაციური ამოცანები დაეხმარა მონაწილეებსმიღებული თეორიული ცოდნის განმტკიცებაში.
მონაწილეებმა დადებითი შეფასება მისცეს ჩატარებულ შეხვედრებს და აღნიშნეს, რომ მნიშვნელოვანი და აუცილებელია ამომრჩეველი ქალების ინფორმირება,რათა აქტიური მონაწილეობა მიიღონ არჩევნებშიდა სოლიდარობა გაუწიონ ქალ კანდიდატებს.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
„ჩართულობა თანამშრომლობის გზით" - რას მოიაზრებს არსებული სახელმწიფო სტრატეგია. რამდენად იქნება იგი მოქმედი და მისაღები აფხაზი და ოსური მხარისათვის, როგორია ქალთა ხედვა ცალკეული პუნქტებისადმი, რომელიიქნება პრიორიტეტული სფერო სამოქმედო გეგმაში , რომელიცშემდგომში თანამშრომლობის დასაწყისად შეიძლება იქცეს- ამ და სხვა საკითხებზე მიმდინარეობდა მსჯელობა ბათუმში გამართულ სამდღიან ტრენინგ-სემინარზე. მასში მონაწილეობდნენ ფონდი „სოხუმის" ტრენერები, პროექტის ასისტენტები, ლიდერი გოგონები.
მონაწილეთა უმრავლესობა ზედაპირულად იცნობდა აღნიშნულ დოკუმენტს, მისმა განხილვამ ცალკეულ პუნქტებად ინფორმირებულობის ხარისხი მნიშვნელოვნად გაზარდა, რაც შემდგომ ჯგუფური მუშაობისა და პრეზენტაციების დროს კარგად გამოჩნდა.
მონაწილე ახალგაზრდების შეფასებით, ტრენინგი პროდუქტიული იყო. ისინი თვლიან, რომ მათ კარგი სამუშაო პირობები ჰქონდათ საკუთარი პოზიციის დასაფიქსირებლად.
აღნიშნული ტრენინგი არანაკლებ საინტერესო გამოდგა მონაწილეთა იმ ნაწილისათვის, რომლებიც სტრატეგიას კარგად იცნობდა. მათი აზრით, გასაკუთრებით საინტერესო იყო დოკუმენტის განხილვა ქალთა თვალთახედვით, რადგან სტრატეგიაშიაში გენდერული საკითხები ნაკლებად არის გათვალისწინებული.
ტრენერთა შეფასებით, ტრენინგმა მიაღწია მთავარ მიზანს. სირთულის მიუხედავად, ბევრი საინტერესო, ახალი ხედვა დაფიქსირდა.
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
"ჩვენ უნდა წავიდეთ წინ - მოდერნიზაციისაკენ, ევროკავშირისაკენ! ჩვენი მთავარი მესიჯი საზოგადოების მიმართ სწორედ ეს არის", - არმაზ კახიძე, ახალი მემარჯვენეები.
ბათუმში გამართულ ამომრჩეველ ქალთა კლუბსპოლიტიკური პარტიების წარმომადგენელი მამაკაცებიც ესწრებოდნენ: „ქრისტიან-დემოკრატიული მოძრაობა" - ავთანდილ ჩიხვაძე, „ახალი მემარჯვენეები" - არმაზ კახიძე და შალვა გოგოტიძე.
პოლიტიკური პარტიების წარმომადგენლებმა რეგიონში არსებულ პრობლემებზე ისაუბრეს და პრიორიტეტულ სფეროებზე გაამახვილეს ყურადღება: ჯანდაცვა, განათლება, დასაქმება, გზები, ტრანსპორტი.
აქცენტი მოახლოებული ადგილობრივი თვითმმართველობის არჩევნებზე გაკეთდა. აღინიშნა ისიც, რომ ბათუმის სარკრებულოში არც ერთი ქალი არ არის წარმოდგენილი. მიზეზად ახალი მემარჯვენეების წარმომადგენელი არმაზ კახიძე ქალთა მხრიდან პასიურობას ასახელებს.
შეხვედრის დასასრულს ოპოზიციური პარტიის წარმომადგენლებმა პოლიტიკაში მოსვლის მსურველ ქალბატონთა მისამართით ერთგვარი მოწოდებაც კი გააკეთეს - "დიდი სიამოვნებით მივიღებდით ქალბატონებს ჩვენს რიგებში".
ბათუმის კლუბის წევრი ქალბატონები იმედოვნებენ, რომ აჭარაში მოქმედ პოლიტიკურ პატიებს სულ მალე ქალბატონებიც შეუერთდებიან.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
„ასეთი შეხვედრები აუცილებელია, რადგან ბევრი ახალი ინფორმაცია მივიღეთ არჩევნებთან დაკავშირებით. ამ მეთოდით უფრო მალე მოხდება საზოგადოების პოლიტიკური კულტურის ამაღლება”, - ქუთაისში ჩატარებული ვორკშოპის (სულ ოთხი ვორკშოპი ჩატარდა) ერთ-ერთი მონაწილის მოსაზრებას უმრავლესობა ეთანხმება, ვინაიდან ფიქრობენ, რომ ძალიან მნიშვნელოვანია თითოეული ამომრჩევლის თანამონაწილეობა საარჩევნო პროცესებში, განსაკუთრებით მაშინ, როდესაც საქმე ადგილობრივი თვითმმართველობის ორგანოს არჩევას და მასში ქალთა წარმომადგენლობის გაზრდას ეხება.
შეხვედრებში მონაწილება მიიღეს სხვადასხვა პროფესიის ადამიანებმა (სულ64ქალი), მათ შორის ერთი ჯგუფი დევნილი ახალგაზრდებისაგან შედგებოდა .
ვორკშოპების თეორიული ნაწილი მოიცავდა ისეთ საკითხებს, როგორიცააადგილობრივი თვითმმართველობის კომპეტენციები, ცვლილებები საარჩევნო კანონმდებლობაში, წინასაარჩევნო კამპანია, დაფინანსება და ა.შ.
პრაქტიკული სავარჯიშოები გათვლილი იყო იმაზე, რომ მონაწილეებს კარგად გაეაზრებინათ ადგილობრივი თვითმმართველობის უფლებამოსილება და ბიუჯეტის გადანაწილება პრიორიტეტების მიხედვით.
ჩატარებული შეხვედების ანალიზმა აჩვენა, რომ მონაწილეების მხრიდან გაჩნდა მზაობა აქტიური მონაწილეობისა საარჩევნო პროცესებში. მნიშვნელოვანია, რომ მიიღეს საჭირო ინფორმაციები საკუთარ უფლებამოსილებაზე. როგორც ერთ-ერთმა მონაწილემ აღნიშნა: „არ ვიცოდი, რომ უფლება მქონდა, დავსწრებოდი საკრებულოს სხდომას და ჩავრთულიყავი ქალაქის ბიუჯეტის განხილვაში. სურვილი გამიჩნდა, უფრო აქტიურად ჩავერთო ამ პროცესებში".
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
