...

აგვისტოში კლუბის-მინდა ყველაფერი ვიცოდე აფხაზეთზე 3 შეხვედრა ჩატარდა ფონდ „სოხუმში", სენაკსა და ხონში. მათი საერთო თემა იყო – რა მოგცათ პროექტმა.

კლუბის წევრმა გოგონებმა საინტერესოდ ისაუბრეს  პროექტით გათვალისწინებულ ღონისძიებებზე.

- მე, როგორც ისტორიკოსის შვილს, ოჯახშიც მქონდა მიღებული გარკვეული ინფორმაცია, მაგრამ აფხაზეთის თემებზე კლუბში ჩატარებულმა შეხვედრებმა ინტერესი  და ცოდნა გამიღრმავა,-ამბობს სენაკის გოგონათა კლუბის აქტიური წევრი სალომე ძერია.

 ძალიან საინტერესო იყო შეხვედრა სენაკში, სადაც გოგონებმა დაწერეს ესსე თემაზე-რა არის ჩემთვის აფხაზეთი.

პროექტი ხორციელდება შვედეთის ქალთა ორგანიზაცია „ქალები ქალებისათვის" (KVINNA TILL KVINNA) მხარდაჭერით.

ხობის ამომრჩეველ ქალთა კლუბზე  კიდევ ერთხელ დაისვა აქტუალური საკითხი - მკერდისა და საშვილოსნოს კიბოს უფასო გამოკვლევების ცენტრის გახსნა.

ადვოკატირების ხუთკაციანმა ჯგუფმა ადგილობრივ თვითმმართველობასა და ჯანდაცვის ადგილობრივ სამსახურებს წერილობით მიმართა. საკითხი, თავისი სირთულიდან გამომდინარე, განხილვის პროცესშია. კლუბის წევრი ქალები დარწმუნებულნი არიან, რომ აღნიშნული სახის უფასო გამოკვლევები მომავალი წლისათვის შესაძლებელი გახდება.

შეხვედრაზე გარემოს დაბინძურების საკითხიც წამოიჭრა. მწვანეთა მოძრაობის კოორდინატორმა მედეა ქობალიამ ისაუბრა იმაზე, თუ რა მავნებლობა მოაქვს  პლასტმასისგან დამზადებულ საყოფაცხოვრებო ნივთებს ადამიანისათვის.

- კულტურულ ომს ვუცხადებთ პლასტმასს, რომლის მრავალჯერადი გამოყენებაც იწვევს კანცეროგენულ დაავადებებს! - განაცხადა მედეა ქობალიამ და კლუბის წევრებმაც მხარდაჭერა გამოხატეს. გაჩნდა ინიციატივა, ერთობლივი აქცია მოაწყონ ქალაქში.

კლუბში შეკრებილებმა შეაჯამეს თავიანთი ერთწლიანი მუშაობა, ილაპარაკეს შედეგებსა და ცვლილებებზე. მათ სამომავლოდაც ბევრი საქმე ელოდებათ.  

ამომრჩეველ ქალთა კლუბის  წლიური მუშაობის ანგარიში მოისმინეს თვითმმართველი ქალაქ ფოთის საკრებულოს წარმომადგენლებმა. აღსანიშნავია, რომ ფოთის ამომრჩეველ ქალთა კლუბის წევრთა უმრავლესობა სწორედ საკრებულოს თანამშრომელი ქალია.

კლუბის წევრებმა ერთწლიანი მუშაობის შედეგებზე ისაუბრეს:-ადვოკატირების ჯგუფის მიერ დაისვა შვილად აყვანასთან დაკავშირებული პროცედურების გამარტივებისა და  ინვალიდ ბავშვთათვის სპეციალური სახლის გამოყოფის  საკითხი, რომელიც განხილვის პროცესშია ადგილობრივი თვითმმართველობის ორგანოებში.

კლუბის შეხვედრაზე ითქვა ისიც, რომ ამომრჩეველ ქალთა კლუბის  შეხვედრების შედეგად გაიზარდა ქალთა ინფორმირებულობა, სამართლებრივი განათლების დონე. კლუბში ჩატარებულმა მუშაობამ ქალბატონებს  სტიმული მისცა და  უკეთესი ცხოვრებისათვის ბრძოლის ძალა შეჰმატა.

კლუბის წევრი ქალები იმედოვნებენ, რომ პროექტი სამომავლოდაც გაგრძელდება, მათი სურვილია შეხვედრების თემატიკა მიგრაციისა და ოჯახის დაგეგმარების საკითხებით შეივსოს.

აგვისტოს შეხვედრაზე კლუბში გაწევრიანების სურვილი მამაკაცებმაც გამოთქვეს.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

შეხვედრაზე ამომრჩეველ ქალთა კლუბის ერთწლიანი მუშაობა შეფასდა - აღინიშნა, რომ განსაკუთრებით სასარგებლო იყო ჩატარებული ვორკშოპები თემებზე - ადვოკატირება და ლობირება, გაცვლითი შეხვედრები რეგიონებში.

 - საინტერესო და სასარგებლო იყო  ერთი  წლის განმავლობაში ადვოკატირებისა და ლობირების გზით ჩატარებული მუშაობა, მეტი ცოდნა და გამოცდილება შევიძინეთ. შესაძლებლობა მოგვეცა, ჩვენი პრობლემები დევნილთა სამსახურისა თუ ადგილობრივი თვითმმართველობის დონემდე მიგვეტანა, დავსვით წყლითა და ელექტოროენერგიით მომარაგების პრობლემა, რაც დადებითად გადაიჭრა, - აღნიშნეს კლუბის წევრმა ქალებმა.

ითქვა ისიც, რომ ამომრჩეველ ქალთა კლუბის წევრობამ ქალებს მეტი სტიმული მისცა აქტიურობისათვის, თავი დააღწიეს ყოველდღიურ ერთფეროვნებას, გახდნენ უფრო თავდაჯერებულები და ამბიციურები.

ამომრჩეველ ქალთა კლუბის წევრები იმედოვნებენ, რომ ფონდი „სოხუმის" მუშაობა ქალთა გააქტიურების თვალსაზრისით სამომავლოდაც გაგრძელდება.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

საქმიანი, ცვლილებებსა და შედეგებზე ორიენტირებული,-ასე შეაფასეს ამომრჩეველ ქალთა კლუბის წევრებმა ერთი წლის განმავლობაში ჩატარებული მუშაობა.

 - ლიდერი და მისი გუნდი, მოსალოდნელი ცვლილებები საარჩევნო კოდექსში,- აღნიშნულ თემებზე  ჩატარებულ ვორკშოპებზე შეძენილი უნარ-ჩვევების საფუძველზე  შევძელით ჩვენი საყოფაცხოვრებო, კერძოდ ელექტროენერგიითა და წყლით მომარაგების პრობლემის  ადგილობრივ თვითმმართველობაში დასმა და გადაჭრა. მივაღწიეთ იმას, რომ შუქი და წყალი მოგვეწოდება, ხოლო დავალიანებას თანდათან ვიხდით, - თქვეს     კლუბის წევრებმა.

ხაზგასმით აღინიშნა გაცვლითი შეხვედრების მნიშვნელობა, სადაც  ამომრჩეველ ქალთა კლუბის წევრები გაეცნენ ადგილობრივი მოსახლეობის პრობლემებს, ამომრჩეველ ქალთა  სხვა კლუბების საქმიანობას.

ამომრჩეველ ქალთა კლუბის შემაჯამებელ შეხვედრაზე სამომავლო გეგმებიც დაისახა-მომავალი წლისათვის კლუბის წევრები არჩევნებში აქტიურ მონაწილეობას მიიღებენ. მათ სურვილი აქვთ საარჩევნო სიებში მეტი კანდიდატი ქალი იხილონ.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

კლუბის მუშაობა გაიმართა ვორკშოპის ფორმატით თემაზე - „საქართველოს საარჩევნო კოდექსში მოსალოდნელი ცვლილებების შესახებ". დაწვრილებითი ინფორმაცია  ამომრჩეველ ქალთა კლუბის წევრებს ფონდ „სოხუმის" იურისტმა ინგა მაღლაფერიძემ მიაწოდა.

 - საარჩევნო კოდექსის დახვეწა წინგადადგმული ნაბიჯი იქნება.  უნდა გადამოწმდეს, დაზუსტდეს სიები, კომისიის წევრთა მუშაობა უფრო გამჭვირვალე უნდა გახდეს,-მიიჩნევენ ამომრჩეველ ქალთა კლუბის წევრები.

- ვცდილობთ ყოველი შეხვედრა ახალი ურთიერთობებისა და ცვლილებების მომტანი იყოს.  ვსაუბრობთ  ჩვენთვის საჭირბოროტო ყველა საკითხზე, მათი გადაჭრის გზებზე. ახლახან  ქალაქში სისუფთავის დაცვის პრობლემა დავსვით. ძალიან მნიშვნელოვნად მიგვაჩნია ამ მხრივ საზოგადოების თვითშეგნების ამაღლება. ყველა მოქალაქის ვალია, გაუფრთხილდეს გარემოს, არ დააბინძუროს ის.  შევეცდებით, ჩვენი წვლილი შევიტანოთ ამ მეტად რთულ, მაგრამ აუცილებელ საქმეში, -ამბობენ კლუბის წევრები. 

შეხვედრის დასასრულს, კლუბის წევრებმა რუსი ფოტოხელოვანის ვიქტორია ივლევას ფოტო-გამოფენის მნივშვნელობაზე ისაუბრეს.

ყოველთვიური შეხვედრების შედეგად გაიზარდა ქალთა კლუბის წევრების ინფორმირებულობის დონე , პოლიტიკაში მოსვლის ამბიცია.- გავხდით უფრო მიზანსწრაფულები და აქტიურები, მივიჩნევთ რომ ამომრჩეველ ქალთა კლუბის მუშაობა ნაყოფიერია,- აცხადებენ ისინი.

ამომრჩეველ ქალთა კლუბის წევრები წმინდა გიორგის სახელობის გიმნაზიის საკონფერენციო დარბაზში  კიდევ ერთ სიახლეს - საარჩევნო კოდექსში მოსალოდნელ ცვლილებებს (ადმინისტრაციული რესურსების გამოყენება, კომისიის წევრთა გადამზადება თუ სხვა ) გაეცნენ.

ფონდი „სოხუმის" იურისტის ინგა მაღლაფერიძის მიერ ჩატარებულმა  ერთსაათიანმა ვორკშოპმა   მონაწილეთა შორის დიდი ინტერესი გამოიწვია. შეხვედრაზე აღინიშნა, რომ ემხრობიან საკანონმდებლო ცვლილებებს, მიესალმებიან ახალ საარჩევნო კოდექსში გენდერული ასპექტის გათვალისწინებას.

ამომრჩეველ ქალთა კლუბის ლიდერმა, წმინდა გიორგის სახელობის გიმნაზიის დირექტორმა მანანა ნაჭყებიამ, ისაუბრა გიმნაზიის პედაგოგების საკვალიფიკაციო და მოსწავლეთა ეროვნული გამოცდების წარმატებით ჩაბარებაზე. აღსანიშნავია, რომ გიმნაზიის პედაგოგთა დიდი ნაწილი ამომრჩეველ ქალთა კლუბის წევრიცაა.

შეხვედრის დასასრულს, ფონდი „სოხუმის" წარმომადგენელმა შეხვედრის მონაწილეთ მიაწოდა ინფორმაცია რუსი ფოტოხელოვანის ვიქტორია ივლევას ფოტოგამოფენის შესახებ-დარიგდა საინფორმაციო ბუკლეტები.

ამომრჩეველ ქალთა კლუბის წევრებმა ნანა კოპალიანმა და მზია მუშკუდიანმა სომხეთსა და აზერბაიჯანში მიღებული შთაბეჭდილებები  შეხვედრის მონაწილეებს გაუზიარეს. მათ აღნიშნეს, რომ ამერიკის საელჩოს მიერ დაფინანსებული პროექტის ფარგლებში ჩატარებული შეხვედრები ძალიან  მნიშვნელოვანი იყო  ინფორმაციებისა და გამოცდილების გაცვლის თვალსაზრისით.

- გავეცანით ადგილობრივი თვითმმართველობის მუშაობას, სოციალური, ჯანდაცვისა და განათლების პროგრამებს გენდერული ასპექტის გათვალისწინებით. - ნანა კოპალიანი.

შეხვედრის ძირითადი ნაწილი დაეთმო ვორკ-შოპს თემაზე - მოსალოდნელი ცვლილებები საქართველოს საარჩევნო კოდექსში.  აღინიშნა, რომ აუცილებელია გადამოწმდეს და დაზუსტდეს სიები. უნდა მოხდეს საარჩევნო კომისიის წევრთა გადამზადება და სერტიფიცირება. მონაწილეთა უმრავლესობა თვლის, რომ პარტიული სიების დაკომპლექტებისას მნიშვნელოვანია გენდერული ბალანსის დაცვა.

შეხვედრა რუსი ფოტოგრაფის ვიქტორია ივლევას ფოტოგამოფენაზე საუბრით დასრულდა.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ფოთის  ამომრჩეველ ქალთა კლუბის წევრებმა საქართველოს საარჩევნო კოდექსში მოსალოდნელი ცვლილებების განხილვაში  აქტიური მონაწილეობა მიიღეს. მათ აღნიშნეს, რომ აუცილებელია სიების ხელეხალი გადამოწმება და დაზუსტება, კომისიის წევრთა  გადამზადება.

-ფონდი „სოხუმის" იურისტის მიერ ჩატარებულმა ვორკშოპმა მოგვცა შესაძლებლობა გავცნობოდით საარჩევნო კანონმდებლობასა  და  ცვლილებებს მასში,-ითქვა შეხვედრაზე.  სასურველია , მსგავსი შეხვედრები ხშირად ჩატარდეს, რადგან მხოლოდ მედიასაშუალებებით მიღებული ინფორმაცია არ არის საკმარისი მოსახლეობისათვის.

 ამომრჩეველ ქალთა კლუბის წევრებს მიეწოდათ ინფორმაცია, რომ  ქუთაისში გაიხსნა ცნობილი ფოტოჟურნალისტის ვიქტორია ივლევას ფოტოგამოფენა - „ომის აპოთეოზი", რომლის ორგანიზატორთა შორის  არიან ფონდი „სოხუმი" და კავშირი "დონის ქალები (რუსეთი).

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

საარჩევნო კოდექსში მოსალოდნელი ცვლილებები -  აღნიშნულ თემაზე ფონდი „სოხუმის" იურისტმა ერსაათიანი ვორკ-შოპი ჩაატარა.

შეხვედრის მონაწილეები აქტიურად ჩაერთნენ დისკუსიაში,  აღნიშნეს, რომ ამ საკითხში მოსახლეობის გარკვევა  დროული და აუცილებელია.

- მივიჩნევ, რომ საარჩევნო კოდექსი დახვეწას საჭიროებს, უნდა გადამოწმდეს და დაზუსტდეს სიები, უნდა გაიზარდოს კომისიის წევრთა ფუნქცია-მოვალეობები. - ნანა კობახიძე.

- მსგავსი შეხვედრები სასურველია არა მხოლოდ ამომრჩეველ ქალთა კლუბებში, არამედ იმ ადგილებშიც, სადაც საზოგადოების სამართლებრივი განათლების დონე დაბალია,-ითქვა შეხვედრაზე.

კლუბის წევრებს მიეწოდათ  ინფორმაცია რუსი ფოტოჟურნალისტის ვიქტორია ივლევას საქართველოში ვიზიტისა და მისი ფოტონამუშევრების - „ომის აპოთეოზი" ქუთაისში  გამოფენის შესახებ.

 შეხვედრაზე ითქვა, რომ მსგავსი პროექტები ქართველ  და რუს ხალხებს შორის კეთილგანწყობის ამაღლებასა და მშვიდობის სურვილს აღვივებს.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ადვოკატირების ხუთკაციანმა ჯგუფმა ქობულეთის გამგეობაში  უსინათლოთა კავშირის შენობის დახურვის საკითხი  დასვა. ქალთა აქტიურობით პრობლემა დადებითად გადაწყდა-უსინათლოთა კავშირის წევრებს ქობულეთის გამგეობამ შენობის  პირველი სართული მისცა .

ადვოკატირების ხუთკაციანი ჯგუფი გამოვიდა კიდევ ერთი ახალი  ინიციატივით, ქალებს (დედის დღეს-3 მარტს)  აჭარის ავტონომიური რესპუბლიკის  ბიუჯეტიდან  გარკვეული თანხა გამოეყოთ საჩუქრად.

ამომრჩეველ ქალთა კლუბის შეხვედრას ესწრებოდა  თვითმმართველი ქალაქ ფოთის საკრებულოს დეპუტატი, სოციალურ საკითხთა კომისიის წევრი დარეჯან ცხვიტარია, რომელმაც ბელგიასა და ესტონეთში მიღებული შთაბეჭდილებები გაუზიარა მსმენელთ. მან აღნიშნა:„ გულხელდაკრეფილი ჯდომა არ გვიშველის, ყველამ ჩვენი წვლილი უნდა შევიტანოთ ქვეყნის აღმშენებლობის საქმეში." 

კლუბის წევრებს დაურიგდათ საინფორმაციო  ფურცლები მსოფლიოში უკონტროლო შეიარაღების აღკვეთის საერთაშორისო  კამპანიასთან დაკავშირებით.

შეხვედრას ესწრებოდა აჭარის პროფკავშირების გაერთიანების გამოცემის „თქვენი გაზეთის"  რედაქტორი დალი ინაიშვილი. რომლის თქმით, ინფორმაციას კლუბის მუშაობის შესახებ სულ მალე ამ  გაზეთის მკითხველიც იხილავს.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)