ლიდერთა სკოლისათვის შესარჩევი ტრენინგები ამჯერად წყალტუბოში ჩატარდა. სამდღიან ტრენინგ-სემინაზე მონაწილე გოგონებმა ბევრი საინტერესო ინფორმაცია მიიღეს. ქალთა ლიდერობა, კონფლიქტის არსი, ტიპები, სახეები, კომუნიკაცია და მისი მნიშვნელობა.
მუშაობის პროცესში გამოყენებული იყო სხვადასხვა მეთოდები, ჯგუფური სავარჯიშოები, სიტუაციური ამოცანები, როლური თამაშები. გოგონებს საშუალება ჰქონდათ აქტიურად ჩართულიყვნენ დისკუსიებში და საკუთარი მოსაზრებები გამოეთქვათ აღნიშნული საკითხების გარშემო.
- უკვე ვოცნებობ იმაზე, რომ მოვხვდე ლიდერთა სკოლაში, ტრენინგზე კარგი გარემო შეიქმნა იმისათვის, რომ ყველას წარმოეჩინა საკუთარი თავი" - მარი კოპალიანი.
ტრენინგის დასასრულს მონაწილეებს საშინაო დავალება მიეცათ. ერთ კვირაში უნდა წარმოადგინონ „ესსე" შემდეგ თემებზე: „მინდა გავხდე მშვიდობისმყოფელი", „მე ლიდერი ვარ".
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
მოახლოებული ადგილობრივი თვითმმართველობის არჩევნების შესახებ ფოთის ქალთა კლუბზეც მსჯელობენ.
ქალბატონები იმედოვნებენ, რომ წლევანდელ არჩევნებში კანდიდატთა სიებში ქალები მეტი რაოდენობით მოხვდებიან და სათანადოადგილებსაც დაიკავებენ ადგილობრივი თვითმმართველობის ორგანოებში.
ფოთის ამომრჩეველ ქალთა კლუბის წევრთა შორის უკვე გამოიკვეთა ქალი-კანდიდატი. საკრებულოს წევრის - დარეჯან ცხვიტარიას კანდიდატურას კლუბის წევრები აქტიურად უჭერენ მხარს. იმედოვნებენ, რომ მისი გამარჯვების შემთხვევაში მეტი ყურადღება დაეთმობა ქალაქის სოციალურ პრობლემატიკას, ქალთა უფლებებს, ჯანდაცვის სფეროს.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
კლუბის შეხვედრა ჩატარდა ხონის ქალთა მხარდაჭერის ცენტრში, მასში მონაწილეობა მიიღეს კლუბის მუდმივმა წევრებმა.
შეხვედრის თემა იყო: ადმინისტრაციული რაიონები აფხაზეთში.
კლუბის მუშაობისას გამოყენებული იყო სხვადასხვა მეთოდები. ინტერაქტიული მუშაობა, ტვინის შტურმი, დისკუსია.
გოგონებს ბევრი შეკითხვები გაუჩნდათ აფხაზეთის გეოგრაფიასთან დაკავშირებით. რამდენი სოფელი, ქალაქი, მდინარე, ტბა არის აფხაზეთში. შესაძლებლობა ჰქონდათ აფხაზეთის ღირშესანიშნავი ადგილები სურათებით ენახათ.
„აფხაზეთის გეოგრაფია არ ვიცოდი და ძალიან შემრცხვა, როცა აღმოვაჩინე, რომ თურმე ყველა ქალაქის დასახელება არ მცოდნია" - ნათია ჩიხრაძე.
კლუბის წევრები იმედოვნებენ, რომ შეხვედრები მათ ბევრ ინფორმაციას მისცემს საკუთარ კუთხეზე.
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
გრძელდება შეხვედრები რეპროდუქციულ ჯანმრთელობაზე. ქუთაისის, წყალტუბოსა და ხონის ქალთა მხარდაჭერის ცენტრებში მთელი თვის განმავლობაში სამი შეხვედრა ჩატარდა როგორც ქალებისათვის, ასევე გოგონებისათვის.
შეხვედრის თემა იყო: ფეხმძიმობასთან დაკავშირებული გართულებები, ექიმთან ვიზიტის აუცილებლობა ქალებისათვის, ინფორმაციები უფასო მამოგრაფიულ გამოკვლევასთან დაკავშირებულ საკითხებზე, მკერდის კიბოს საწინააღმდეგოდ მიმართული პრევენციული ღონისძიებები.
მონაწილეებს შორის იყვნენ ისეთებიც, რომლებმაც ინდივიდუალურად მოისმინეს გინეკოლოგის კონსულტაციები, სხვადასხვა თემებზე.
„რეგულარულად ვესწრები ფონდი „სოხუმის" მიერ გამართულ შეხვედრებს. უფრო თვითდაჯერებული გავხდი, ცხოვრებას სხვა თვალით ვუყურებ, ყველა ქალმა უნდა იცოდეს საკუთარი უფლებები, ეს ბევრ რამეს შეცვლის ჩვენს ცნობიერებაში და სრულფასოვანი საზოგადოების ჩამოყალიბებას ხელს შეუწყობს. - ასეთი პოზიცია ჰქონდათ წყალტუბოში გამართულიშეხვედრის მონაწილეებს.
გოგონებმა აქტიური დისკუსია გამართეს ისეთ საკითხებზე, როგორიცაა გენდერული თანასწორობა, ქალისა და მამაკაცის სოციალური როლები, ქართული მენტალიტეტი და სტერეოტიპები.
განხილულ იქნა ის საერთაშორისო დოკუმენტები, რომელიც ქალთა უფლებების დაცვას ემსახურება - რეზოლუცია 1325, 1820, პეკინის პლატფორმა.
გამოიკვეთა, რომ ახალგაზრდა თაობა უფრო თამამად საუბრობს ქალისა და მამაკაცის ფუნქციათა გადანაწილებაზე. გოგონები მიიჩნევენ, რომ არ უნდა ხდებოდეს სქესის ნიშნის მიხედვით დისკრიმინაცია და თანასწორობის დამკვიდრება თითოეული ქალიდან, თითოეული ოჯახიდან უნდა დაიწყოს.
"...თქვენ უყურებთ ფონდი "სოხუმის” მიერ ინიცირებულ გადაცემას.
-რამდენად არიან მზად ადგილობრივი თვითმმართველობის არჩევნების წინ პოლიტიკური პარტიები გამსვლელ სიებში ჩასვან ქალბატონები; დადგა თუ არა რეალურად ის დრო, როცა ქალთა აქტივობამ შედეგი უნდა გამოიღოს და საერთოდ, რამდენად კომფორტულია ქალბატონებისათვის გარემო ზოგადად ქართულ პოლიტიკაში...”
ამ მიმართულებით დაიწყო სატელევიზიო გადაცემა, რომელიც 18 თებერვალსტელეკომპანია "რიონის” ეთერში იხილა მაყურებელმა და სადაც ფონდის აქტივისტები, ამომრჩეველ ქალთა კლუბის წევრები, ადგილობრივი არასამთავრობო ორგანიზაციების ლიდერები კიდევ ერთხელ შეეხნენ მომავალი თვითმმართველობის არჩევნებში ქალთა მონაწილეობის საკითხს.
ფონდის ტელეჟურნალისტების მიერ დახატულმა სურათმა კიდევ ერთხელ გახადა
თვალსაჩინო დასავლეთ საქართველოს სხვადასხვა რეგიონში პოლიტიკურ პარტიებში ამ კუთხით არსებული სიტუაცია.
პარტიებში ჩატარებული მონიტორინგის შედეგებზე, კლუბების სტრატეგიაზე ისაუბრესფონდის ასისტენტებმა. მონაწილეთ გამოთქვეს სურვილი, ფონდმა გააგრძელოს საქმიანობა, რომელიც ადგილობრივ თვითმმართველობაში დაკავებული ქალების, ამომრჩეველ ქალთა კლუბების გაცვლით შეხვედრებს ითვალისწინებდა.
"თავისთავად საჭიროაპრობლემის გაჟღერება, მაგრამ საჭიროა სწორედ ასეთი კონკრეტული ნაბიჯები - საზოგადოებრივი განწყობის კვლევა, ანალიზი, მუშაიბა ელექტორატთან, პოლიტიკურ პარტიებთან, ქალ-კანდიდატებთან”.
"რას უნდა ველოდოთ არჩევნებისაგან: ალბათ ძალიან რადიკალურ ცვლილებებს არა, მაგრამ თუ ასე გაგრძელდა, ეს ცვლილებები არასოდეს დადგება, ამიტომ ინტენსიური მუშაობა არ შეწყდება”, - ასეთი პოზიციები ჰგონდათ გადაცემის მონაწილეებს.
"მე ერთ-ერთი მათგანი ვარ, ვინც ჯანსაღი კონკურენციის პირობებში ულაპარაკოდ მივიღებ ადგილობრივი თვითმმართველობის არჩევნებში მონაწილეობას”, - ეს განცხადება გადაცემის ერთ-ერთმა მონაწილემ გააკეთა. არავის, მის გულწრფელობაში,ეჭვიარშეუტანია, რადგან რესურსი ამ კუთხით მართლაც არსებობს.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
თბილისში, სასტუმრო „რედისონ ივერიაში" ჩატარდა კონფერენცია თემაზე: „მომავლის ხედვა - იგპ-თა მიმართ 2010 წლის სამოქმედო გეგმის განახლება".
კონფერენცია ჩატარდა საქართველოს ლტოლვილთა და განსახლების სამინისტროს მიერდა მასში მონაწილეობა მიიღეს საერთაშორისო არასამთავრობო ორგანიზაციების წარმომადგენლებმა (დანიის ლტოლვილთა საბჭო, ევროკავშირი, შვეიცარიის საერთაშორისო განვითარების სააგენტო, გაეროს ლტოლვილთა უმაღლესი კომისარიატი).
კონფერენციაში აგრეთვე მონაწილეობდნენ ადგილობრივი არასამთავრობო ორგანიზაციების, მუნიციპალიტეტების წარმომადგენლები, დევნილები სხვადასხვა რეგიონებიდან. ფონდ „სოხუმს" წარმოადგენდა ორგანიზაციის თანათავმჯდომარე, ქალბატონი მერი გელაშვილი.
პლენარული სხდომა დაიწყო ვალერი კოპალეიშვილის (ლტოლვილთა და განსახლების სამინისტროს ადმინისტრაციული დეპარტამენტის უფროსი) გამოსვლით, რომელმაც მონაწილეებს წარუდგინა ანგარიში სახელმწიფო სტრატეგიისა და სამოქმედო გეგმის შესრულების 2009 წლის მიღწევებზე.
კონფერენციის მეორე ნაწილი დაეთმო ჯგუფურ მუშაობას. მონაწილეებმა 2010 წლის სამოქმედო გეგმის განახლებაზე იმუშავეს. პრეზენტაციის შემდეგ შემუშავდა რეკომენდაციები მომავალი წლის სამოქმედო გეგმისათვის, რომლებიცეხებოდაიგპ-თაინფორმირებულობის გაზრდას სამართლებრივი საკითხების გადაჭრას, იგპ-თა სოციალურ-ეკონომიკური მდგომარეობის გაუმჯობესებას.
კონფერენცია დასრულდა დანიის სახელმწიფო დელეგაციასთან შეხვედრით.
17 თებერვალს ფონდი "სოხუმის” ოფისში შედგა საინფორმაციო შეხვედრა, რომელზეცაფხაზეთის მეხუთე და მეექვსე, ქუთაისის მეჩვიდმეტესაჯარო სკოლების პედაგოგები, დევნილთა პოლიკლინიკის ექიმები შეიკრიბნენ. საუბრის თემა იყო ქართველი და აფხაზი ექსპერტების კვლევის "დიალოგის პროცესიუსაფრთხოების გარანტიების ირგვლივ ქართულ-აფხაზური კონფლიქტის კონტექსტში” განხილვა და მონაწილეთა პოზიციების დაფიქსირება უსაფრთხოების გარანტიებზე, ომის განუახლებლობის შესახებ ხელშეკრულების აქტუალობაზე და მისი დაცვის მექანიზმებზე.
"სამწუხაროა, რომ ამ საკითხების ირგვლივ დისკუსიები წლების წინათ არ შედგა. ბევრი ჩვენთაგანი დღემდე იმ განცდით მოვიდა, რომ ეს საკითხები ყოველთვის ჩვენგან შორს, ჩვენი აზრის გათვალისწინების გარეშე წყდება”. - ითქვა შეხვედრაზე.
"შეთანხმება ომის განუახლებლობაზე აუცილებელია, რათა მხარეებს შორის ნდობადამყარდეს”, -თვლიან მონაწილეები.თუმცა, ამასთან ერთად ყურადღებას ამახვილებენ იმ საშიშროებაზე,რომლებიცსაქართველოსთვის ფრიად რეალურია, თუ არ მოხდა გარანტიების სრულყოფილი მექანიზმების შემუშავება.
გამოიკვეთა საკითხები, რომელთაც მონაწილეებმა პრინციპული მნიშვნელობა მიანიჭეს:
"ხელშეკრულებაზე ხელმოწერა ქართული მხრიდან აფხაზეთის ნებაყოფლობით ჩაბარების ტოლფასი არ უნდა გახდეს”; "ყველაზე მნიშვნელოვანი ხელშეკრულებაში დევნილების საკითხი გვგონია. სანამ საქართველოში თუნდაც ერთი დევნილი იქნება, არ შეიძლება ლაპარაკი წარმატებაზე მოლაპარაკებების კუთხით, თუმცა ვთვლით, რომ გონიერ კომპრომისებზე ორივე მხარე უნდა წავიდეს”.
თექვსმეტ გვერდზე ბევრ რამეს გაეცნობა მკითხველი: ბათუმელ ქალთა შეხედულება ძალადობის პრობლემაზე, ხობში ჩატარებული ტრენინგის მონაწილეთა დამოკიდებულება თანასწორობისადმი... დაფიქრდება რეპროდუქციულ ჯანმრთელობაზე, იმაზეც, რატომ გარბის სახლიდან 12 წლის ბიჭუნა. გაიგებს, რომ ზოგჯერ ფსიქოლოგსაც სჭირდება ფსიქორეაბილიტაცია.
საზოგადოებასთან მუშაობა, ქალები ჩვენს გვერდით, ინტერვიუ ფსიქოლოგთან, სარედაქციო ფოსტა - ამ ძირითად რუბრიკებზეა აგებული ჟურნალ "ქალთა ხმის" ახალი, 2010 წლის პირველი ნომერი.
ჟურნალი, წელსაც კვლავინდებურად ორ თვეში ერთხელ გამოვა. ქართული ვერსია - ნაბეჭდი სახით, რუსული კი - ელექტრონული ვერსიით გავრცელდება.
2010 წლიდან ფონდმა „სოხუმმა" დაიწყო მუშაობა პროექტზე „ახალგაზრდა ლიდერ გოგონათა სკოლის ფორმირება და განვითარება საქართველოში დემოკრატიისა და სამშვიდობო პროცესებში მათი როლის გაზრდის მიზნით". პირველ ეტაპზე იმერეთის 6 ქალაქში (ქუთაისი, წყალტუბო, ვანი, ხონი, სამტრედია, ზესტაფონი) დაგეგმილია შესარჩევი ტრენინგები. თითო ტრენინგიდან ოთხი საუკეთესო მონაწილე აირჩევა და სწორედ ისინი მოხვდებიან ლიდერთა სკოლაში (სულ 24 გოგონა).
პირველი შესარჩევი ტრენინგი ქუთაისში გაიმართა. მონაწილეები გაეცნენ ქალთა ლიდერობის თემას, განიხილეს კონფლიქტის არსი, ტიპოლოგია, კომუნიკაციის მნიშვნელობა.
როგორც მწვრთნელები აღნიშნავენ, საუკეთესო ჯგუფი შეიკრიბა. მონაწილეთა უმრავლესობა გამოირჩევა ლიდერული თვისებებით, კომუნიკაციის უნარით. ტრენინგის ბოლოს გოგონებმა საშინაო დავალებაც მიიღეს: ერთი კვირის განმავლობაში უნდა წარმოადგინონ ესე თემაზე - "ქალი და მშვიდობა”. ნაშრომი ყოველ მონაწილეს თავისი პოზიციის გამოხატვის საშუალებას.
მომდევნო შესარჩევი ტრენინგი წყალტუბოში გაიმართება.
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
კლუბზე მთავარი სადისკუსიო თემა მოახლოებული ადგილობრივი თვითმმართველობის არჩევნებია. ქალები თავიანთ წინასაარჩევნო განწყობას ხმამაღლა აფიქსირებენ.
ეცნობიან ინფორმაციებს იმის შესახებ, თუ როგორია ქალთა აქტივობა საზოგადოებრივ თუ პოლიტიკურ სფეროში მსოფლიოს სხვადასხვა ქვეყნებში - რუსეთში, უკრაინაში, ამერიკაში, ბულგარეთში.
ქალთა კლუბის წარმომადგენლებითავიანთ აზრს გამოხატავენ კოსოვოს ადგილობრივი არჩევნებისა და უკრაინის საპრეზიდენტო არჩევნების შესახებ.
ერთხმად აღიარებენ, რომ უკრაინის არჩევნებში ქალ-კანდიდატს უჭერდნენ მხარს,გამოხატავენ სურვილს, რომ ადგილობრივი თვითმმართველობის არჩევნებში რაც შეიძლება მეტი ქალი იხილონ კანდიდატებად. მათი აზრით, ქალები უკეთ დაიცავენსაკუთარი ხალხის ინტერესებს.
პროექტი ხორციელდება დემოკრატიის ნაციონალური ფონდის (ვაშინგტონი) მიერ (NED).
თებერვალს, ქ. ბათუმში, ფონდის მიერ გენდერული თანასწორობის პრობლემის კვლევის ფარგლებში, საკრებულოს იურიდიულ და საპროცედურო საკითხთა კომისიის თავმჯდომარესთან ჩაღრმავებული ინტერვიუ შედგა. ინტერვიუს მიზანი რესპონდენტის პოზიციის გარკვევა იყოქალთა პოლიტიკური აქტივობის საკითხთან დაკავშირებით.
დასმული თოთხმეტი შეკითხვაინტერვიუერის მოსაზრებებს აფიქსირებდასაკითხებზე, რატომ არის ქალი - პოლიტიკოსი რიცხობრივად ნაკლები მამაკაც პოლიტიკოსზე; რატომ უჭერენ ამომრჩევლები მამაკაც კანდიდატსმხარს უფრო, ვიდრე ქალ კანდიდატს; არიან თუ არა პოლიტიკური პარტიები დაინტერესებული გენდერული თანასწორობით; როგორ შეიძლება შეიცვალოს პოლიტიკა იმ შემთხვევაში, თუ ქალთა მეტი რაოდენობა იქნება ჩართული ქვეყნის პოლიტიკურ ცხოვრებაში; რა მექანიზმებს უნდა მიენიჭოს უპირატესობა ქალთა წარმომადგენლობის გაზრდის ხელშესაწყობადდა ა. შ.
რესპონდენტის აზრით, ქალთა წარმომადგენლობის გაფართოება ქვეყნის პოლიტიკურ ცხოვრებაში პოზიტიური მოვლენაა, რომლის ხელშეწყობა სხვადასხვა სტრუქტურათა თანამშრომლობით უნდა იქნეს მიღწეული.
ყურადღება გამახვილდა არასამთავრობო სექტორის როლზე: "მათ თავისი რესურსებით სერიოზული დახმარების გაწევა შეუძლიათ პარტიებისათვის. მთავარია, სწორად ჩამოყალიბდეს და გაჟღერდეს პრობლემა”.
პროექტიხორციელდება „საერთაშორისოგანგაშის" (International Alert, დიდიბრიტანეთი) მხარდაჭერით.
9-11 თებერვლის ჩათვლით ფონდი „სოხუმის" თანამშრომლებისათვის სამდღიანი ტრენინგ-სემინარი ჩატარდა.
რა უდევს საფუძვლად მოძალადის აგრესიას; რას ემყარება ჯანსაღი პიროვნებათშორისი ურთიერთობები; რა არის სწორი კომუნიკაცია,რომელი სტერეოტიპები არღვევს ოჯახურ ჰარმონიას; - ამ და სხვა საკითხების განხილვისას მონაწილეთა აქტიურობამ პიკს მიაღწია.
განსაკუთრებული ინტერესი ფორუმ-თეატრის ელემენტების მიმართ დაფიქსირდა, როცა როლური თამაშებით ხდებოდა კონფლიქტის არსის, მისი ფაზების, სხვადასხვა ეტაპზე კონფლიქტის შეჩერებისა და მართვის უნარის გაცნობა.
ფსიქოლოგის ბლოკი მოძალადისა და მსხვერპლის ფსიქოლოგიის განსაზღვრას მიეძღვნა.იურისტმა ოჯახური ძალადობის წინააღმდეგ კანონზე, მსხვერპლის დაცვის ღონისძიებებზე ისაუბრა და დამსწრეთაშეკითხვებს უპასუხა.
ფონდელები სამდღიან მუშაობას პროდუქტიულს უწოდებენ:
- საშუალება მოგვეცა საკუთარი მოსაზრება ხმამაღლა გამოგვეხატა.
-აქ იყვნენ ტრენერები, ასისტენტები, ერთმანეთის საქმიანობაც შევაფასეთ.
- სხვა კუთხით შევხედეთ განხილულ საკითხებს. გამოცდილება მომავალ საქმიანობაში დაგვეხმარება.
- ეს იყო ადრენალინი მომავალი მუშაობისათვის, ბოლომდე დავიხარჯეთ.
ხობის ამომრჩეველ ქალთა კლუბმა გასვლითი შეხვედრა სოფელ ბიის საჯარო სკოლაში მოეწყო.
შეხვედრას ამომრჩეველ ქალთა კლუბის წევრების გარდა ესწრებოდნენ ამავე სკოლის დირექტორი, პედაგოგები და უფროსკლასელები.
შეხვედრის მონაწილეებთან ერთადაქტიური დისკუსია გაიმართა თემაზე - ქალი და პოლიტიკა, მოახლოებული ადგილობრივი თვითმმართველობის არჩევნები. განისაზღვრა ის ძირითადიხელისშემშლელი ფაქტორები, რომელიც ქალთა პოლიტიკურ აქტიურობას აფერხებს.
დისკუსიაში აქტიურად ჩაერთნენ სკოლის მოსწავლეები. გოგონების აზრით, ქალს სჭირდება ხელისშემწყობი გარემო იმისათვის, რომ საზოგადოებაში უფრო აქტიურად გამოჩნდეს. რადიკალურად განსხვავებული იყო ვაჟების პოზიცია, ისინი ქალებს ოჯახში, სამზარეულოში მოიაზრებენ, თუმცა ცხარე დისკუსიის შემდეგ საერთო შეხედულებებიც ჩამოყალიბდა.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
აფხაზეთის გეოგრაფია, ქალაქები და სოფლები, ტურიზმი - რომელიც ერთ-ერთი წამყვანი სფერო იყო აფხაზეთში - ამ და სხვა საკითხების განსახილველად ფონდი „სოხუმის" გოგონათა კლუბი „მინდა ყველაფერი ვიცოდე აფხაზეთზე" მეხუთე საჯარო სკოლაში შეიკრიბა.
ინტერაქტიულმა სავარჯიშომ გამოავლინა, რომ მონაწილეთადიდი ნაწილი არ იცნობდა აფხაზეთის ქალაქებსა და სოფლებს, ისტორიულ ძეგლებს.ამიტომ გოგონებმა დიდი ინტერესით მოისმინეს ინფორმაციები საკუთარ მხარეზე.
- მე ქუთაისში დავიბადე, ამიტომ აფხაზეთს ცუდად ვიცნობ, კლუბის არსებობა მნიშვნელოვანია, რადგან ბევრ ინფორმაციებს ვიღებთ აფხაზეთზე. მინდა, რაც შეიძლება მეტი ვიცოდე საკუთარ კუთხეზე - ლიკა კოპალიანი.
გოგონებმა დასასრულს საშინაო დავალებაც მიიღეს „რა ვიცი აფხაზეთზე".
გოგონათა კლუბი მორიგი შეხვედრისთვის ემზადება.
პროექტი დაფინანცებულია შვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
5 თებერვალს ფონდი "სოხუმის” ოფისში შედგა საინფორმაციო შეხვედრა, რომლის მიზანი იყო სტუდენტი საზოგადოების ინფორმირება კვლევის
"დიალოგის პროცესიუსაფრთხოების გარანტიების ირგვლივ ქართულ-აფხაზური კონფლიქტის კონტექსტში” გარშემო და მათი პოზიციების დაფიქსირება კოფლიქტის მშვიდობიანი გზით გადაწყვეტის გზებზე, კერძოდ, ომის განუახლებლობის შესახებ ხელშეკრულებაზე.
შეხვედრას წერეთლისა და სუბტროპიკული მეურნეობის სახელმწიფო უნივერსიტეტების სტუდენტები ესწრებოდნენ. დისკუსიების შედეგად მონაწილენი შეთახმდნენ, რომ შეთანხმება ომის განუახლებლობის ირგვლივ აუცილებელია მხარეებს შორის ნდობის დამყარების კუთხით. თუმცა იყვნენ ისეთებიც, რომლებიც ყურადღებას ამახვილებდნენ იმ საფრთხეებზე, რომელსაც ის შეიცავს საქართველოსთვის. "სანამ არ მოხდება ნეიტრალიზება იმ საფრთხეებისა, რომელიც რუსეთის მხრიდან მოდის, არ შეიძლება საუბარი უსაფრთხოების სრულყოფილ გარანტიებზე’’;
"საჭიროა რეალური ინფორმაციის გავრცელება არსებული სიტუაციის ირგვლივ და აქ თავისი სიტყვა ახალგაზრდებმაც უნდა თქვან”;
"რუსეთი აწარმოებს პერმანენტულ საინფორმაციო ომს საქართველოს წინააღმდეგ და შეცდომაში შეყავს, პირველ რიგში, საკუთარი საზოგადოება. ამიტომ ჩვენ ყველანაირად უნდა შევუწყოთ ხელი ობიექტური ინფორმაციის გავრცელებას”.
შეხვედრისბოლოს მონაწილეებმა წარმოადგინეს საკუთარი წინადადებები.
პროექტიხორციელდება „საერთაშორისოგანგაშის" (International Alert, დიდიბრიტანეთი) მხარდაჭერით.
4 თებერვალს ფონდი "სოხუმის” წარმომადგენლები წყალტუბოს საკრებულოს თავმჯდომარეს, მამუკა ლაღაშვილს შეხვდნენ. საუბრის თემაგანსახლების საკითხს ეხებოდა. განსახლების პროგრამის ფარგლებში წყალტუბოში პირველ ეტაპზე ათი საცხოვრებელი კორპუსის მშენებლობა იგეგმება, რომელიც სავარაუდოდ, ორი წლის შემდეგ უნდა დასრულდეს და დაახლოებით 350 ოჯახს დააკმაყოფილებს.
ფონდის წარმომადგენლები დაინტერესდნენ, რა ელოდებათ იმ კოლექტიურ ცენტრებს, სადაც განსაკუთრებით ავარიული მდგომარეობაა.
ადგილობრივ ხელისუფალთა განმარტებით, მართლაც, არის ისეთი ცენტრები, სადაც საგანგაშო მდგომარეობაა სახურავის, კანალიზაციის, ელექტროგაყვანილობის კუთხით. შეუძლებელია ადამიანები ამ პირობებში კიდევ ორი წელი ცხოვრობდნენ. ადგილობრივი ხელისუფლება დევნილთა და განსახლების სამინისტროსთან ერთად ცდილობსამ პრობლემების შეძლებისდაგვარად მოგვარებას.
პროექტი ხორციელდება საერთაშორისო ორგანიზაცია "შერიგების რესურსების” (დიდი ბრიტანეთი) მხარდაჭერით.
