ფონდი„სოხუმის" ახალგაზრდულმა თეატრმა, უკვე მეორედ,
ქალაქ ქუთაისის ოცდამეათე და ოცდამეთერთმეტე სკოლების თვითმმართველობის მიწვევითთავისი მორიგი წარმოდგენები ჩაატარა.
ფორუმ-თეატრის მსახიობებს აღნიშნულ სკოლებში უფროსკლასელებით
გადაჭედილი აუდიტორია ელოდათ. მოსწავლეები ყურადღებით ადევნებდნენ თვალყურს ძალადობის
ამსახველ სცენებს, წარმოდგენების დასასრულს კი აქტიურად მონაწილეობდნენ განხილვაში.
„ფორუმ-თეატრის ღრმა შინაარსით
დატვირთული წარმოდგენებიჩვენი საერთო განვითარების
დონეს ამაღლებს, გვასწავლის ძალადობის ფორმებისადმი პროტესტის გამოხატვასა და მის წინააღმდეგ
ბრძოლას; გვეხმარება სხვადასხვა ცხოვრებისეული, მათ შორის ძალადობის პრობლემის დაძლევაში,"-აღნიშნეს
მოსწავლეებმა.
„ამას ჩვენ არ გვასწავლიან მშობლები, არც სკოლა, არც ქუჩა, კარგია, რომცხოვრების ასეთ გაკვეთილებს შეხვედრებზე ვიღებთ."
- ჩვენ იშვიათად ვუფიქრდებით, რომ სხვასთან კონტაქტში, იმ მეორე მხარესაც აქვს თავისი კონკრეტული მიზანი. სხვა ადამიანი შეიძლება არ შეესაბამებოდეს ჩვენს მოლოდინს. ჩვენ უნდა გვესმოდეს, რომ მეორე მხარეს აქვს უფლება გულწრფელობას გულწრფელობითვე არ უპასუხოს; არ იყოს კეთილი, გულისხმიერი, გამგები. ჩვენი პრეტენზიები საკმაოდ გულუბრყვილო გამოჩნდება. ჩვენი სხვებთან ურთიერთობა ეფექტური იქნება მხოლოდ მაშინ, როცა ჩვენ შევიგნებთ, რომ იმ მეორესაც აქვს უფლებები, - განმარტავსფსიქოლოგი.
ქალაქ ქუთაისის კოლექტიურ ცენტრებში ფსიქოლოგთან 8 შეხვედრა ჩატარდა. შეხვედრებს19-დან 63-წლამდე ასაკის 67 ქალი ესწრებოდა.
„გამჯდარი სტერეოტიპებისაგან განდგომისას, ვგრძნობთ დისკომფორტს, წინააღმდეგობას და ხშირად უკან ვბრუნდებით, რისი გაკეთებაც კატეგორიულად მიუღებელია.
პიროვნული უფლებებისადმი უპატივცემლობა ჩვენს ცხოვრებას ათეული წლების განმავლობაში მსჭვალავდა. ამიტომაც, ჩვენ არა მარტო არ ვიცავთ ჩვენს უფლებებს, არამედ, გაუცნობიერებლად, საწინააღმდეგო დებულებებით ვხელმძღვანელობთ, რომლებიც ბავშვობიდან გვაქვს შესისხლხორცებული.
უნდა გვახსოვდეს, რომ თითოეულ ჩვენთაგანს აქვს პირადი უფლებებისა დასივრცის დაცვის უფლება", - გვირჩევს ფსიქოლოგი.
ქალთა მხარდაჭერის ცენტრებში( ქუთაისი, წყალტუბო, ხონი, სენაკი, ფოთი და ხურჩა) ფსიქოლოგთან ჩატარებულ კონსულტაციებს 18-დან 58 წლამდე ასაკის 109 ქალი ესწრებოდა.
შეხვედრების მიზანი იყო, დევნილთა სამართლებრივი ცნობიერების ამაღლება-მათივე უფლებების უკეთ დაცვის მიზნით. დაისვა შეკითხვები სხვადასხვასაკითხთან დაკავშირებით, კერძოდ: დევნილმა პრივატიზაციის პროცესში დაშვებული ხარვეზების აღმოსაფხვრელად რა ზომებს უნდა მიმართოს? საცხოვრებელი ფართით დაკმაყოფილებისას, თვალისწინდება თუ არა დევნილთა განსაკუთრებული საჭიროებანი? შესაძლებელია თუ არა შეღავათებით სარგებლობა არასრულწლოვანის გადაუდებელი ოპერაციის დროს? კონსულტაცია ანდერძის გაუქმების წესთან დაკავშირებით და სხვა.
ოქტომბერში ქალთა მხარდაჭერის ცენტრებში (ქუთაისი, წყალტუბო, ხონი, ფოთი, სენაკი და ხურჩა) ექვსი შეხვედრა ჩატარდა.
„არასწორ გენდერულ ღირებულებებს,ფუნქციებისა და მოვალეობების არასწორ გადანაწილებას, უსამართლო დამოკიდებულებას, დაპირისპირებებს ოჯახში პირდაპირ მივყავართ ძალადობამდე”, - ეს მოსაზრება დაფიქსირდახონის ქალთა მხარდაჭერის ცენტრში გამართულ დებატებზე („გენდერული ღირებულებები, ქალისა და მამაკაცის ფუნქციური როლები (ოჯახში ძალადობის კონტექსტში)”, რომელსაც ადგილობრივი თვითმმართველობის წარმომადგენლები, ფსიქოლოგი, იურისტები, პედაგოგები, უფროსკლასელები, სამართალდამცავი სტრუქტურებისა და მედიის წარმომადგენლები ესწრებოდნენ.
შეხვედრაზე გამოიკვეთა მოსაზრება, რომ საზოგადოებაში გენდერული ღირებულებებისჩამოყალიბებამჭიდროდაა დაკავშირებული როგორც ფორმალურ, ისე არაფორმალურ განათლებასთან. დიდი როლი ეკისრება კულტურის განვითარებას, იმას, თუ რა ფასეულობებზე ხდება მოზარდი თაობის აღზრდა.დაფიქსირდა ფსიქოლოგის ინსტიტუტისა დასხვადასხვა სტრუქტურისხელთ არსებული ინფორმაციის ანალიზის მნიშვნელობა. მაგალითად, შს სამინისტროს დავალებით იქმნება საოჯახო კონფლიქტების ბარათები, რომელშიცოჯახებშიმომხდარი კონფლიქტები ფიქსირდება და რისკ-ფაქტორის მქონე ოჯახები იკვეთება. თუმცახდება ამ ინფორმაციის აკუმულირება, არადა ძალიან მნიშვნელოვანია ინფორმაციის მიწოდება შესაბამისი სტრუქტურებისათვის და ამ ოჯახებთან მუშაობა. გამოიკვეთა თავშესაფრების აუცილებლობის საკითხი, სამართალდამცავები იძულებულნი არინ, შემოიფარგლონ ხელწერილით, რაც, როგორც მათ აღნიშნეს,იურიდიული ძალის არმქონეა.
შეხვედრაზე საუბარი იყო იმაზეც, რომ ძალადობის ფაქტის გაშუქება უნდა მოხდეს ისე, რომ ეს ახალ პრეცენდენტად არ იქცეს სხვა მოძალადისათვის. მედიას, მსგავ თემებზე საუბრისას,ძალიან დიდი სიფრთხილე სჭირდება.
ჟურნალის პირველი პუბლიკაცია ეძღვნება ორ ტრენინგს, რომლებიც ფონდის ინსტიტუციონალური განვითარებისათვის ჩატარდა ბორჯომსა და ქუთაისში.
ჟურნალში მოთხრობილია მობილიზატორთა მუშაობაზე დასავლეთ საქართველოს ექვს მხარდაჭერის ცენტრში, არის სტატიები ოჯახში ძალადობის პრევენციის მიზნით ჩატარებულ აქტივობებზე.
ჟურნალისტები მკითხველს სხვებისაგან გამორჩეულ ქალთა პორტრეტებსაც სთავაზობენ. ასე, რომ ჟურნალის მეხუთე ნომერში ბევრი საინტერესო ინფორმაციაა მათთვის, ვინც ფონდი „სოხუმის"საქმიანობას ადევნებს თვალყურს.
შეხვედრებს ექიმ-რეპროდუქტოლოგებთანსხვადასხვა ასაკობრივი ჯგუფის დევნილი ქალბატონები და გოგონები ესწრებოდნენ. ყურადღება გამახვილდა შემდეგ თემებზე: ძუძუთი კვება და მელოგინე ქალის ჰიგიენა მშობიარობის შემდეგ; ფიბრომა; ჩასახვის საწინააღმდეგო აბები და სხვა.
რეპროდუქტოლოგებთან შეხვედრების აუცილებლობას ადასტურებს ისფაქტიც,რომ მორიგი კონსულტაციის შემდეგ, წყალტუბოს კოლექტიურ ცენტრში მცხოვრებ დევნილ ქალბატონს მკერდის დროული გამოკვლევა ჩაუტარდა.
ოქტომბერში ქალთა მხარდაჭერის ქუთაისის, წყალტუბოს, ხონის, სენაკის, ფოთისა და ხურჩის ცენტრებში რეპროდუქციული ჯანმრთელობის თემებზე ექვსი შეხვედრა ჩატარდა.
ფონდი "სოხუმის" მიერ დასავლეთ საქართველოში ორგანიზებულ აქციაში მონაწილეობას მიიღებს 300-მდე ქალი.
აქციის ატრიბუტიკა და სიმბოლოებია ანათებული სანთლები და მწვანე შარფები
აქციის მონაწილეებს აქვთ გზავნილი:
ქალთა უფლებების დაცვა კონფლიქტებისა და პოსტკონფლიქტური რეაბილიტაციის პირობებში, მათი მონაწილეობისუზრუნველყოფა მშვიდობიანი და დემოკრატიული საზოგადოების შენებაში, რეზოლუცია 1325-ის სრული ამოქმედება არის გზა მშვიდობისა და თანასწორობისაკენ !
გოგონებთან ჩატარებული შეხვედრების თემა იყო:
„კომუნიკაცია და კომუნიკაბელური ურთიერთობანი ადამიანებს შორის".
შეხვედრებზე გამართულმა გულახდილმა საუბრებმა
ცხადყო, რომ აღნიშნული თემა გოგონებისათვის ძალიან საინტერესოა. თამუნა ფაცაცია (ხურჩა) თვლის: „თაობა,
რომლისთვისაც ურთიერთობა ადამიანებს შორის არის ინტერნეტი, სოციალური ქსელები,
მესიჯები, მსგავსი საგანმანათლებლო შეხვედრები აუცილებელია, რათა მეტი სითბო გამოვავლინოთ
ერთმანეთისადმი."
„საკუთარ
თავს ყოველთვის კომუნიკაბელურ ადამიანად მივიჩნევდი, მაგრამ ზოგჯერ უხეშობა
გამომდიოდა. ტრენინგებისა და ვორკშოპების შემდეგ მივხვდი, რომ კომუნიკაბელურობასა
და თავხედობას შორის დიდი განსხვავებაა. ახლა ურთიერთობებში უფრო მშვიდი და
დაკვირვებული ვარ,"-ირინა ფუტკარაძე (წყალტუბო).
პროექტის ფარგლებში ოქტომბერშიოთხი შეხვედრა ჩატარდა ქუთაისში, წყალტუბოში,
ხონსა და ხურჩაში. შეხვედრებში მონაწილეობა მიიღო სამოცდასამმა გოგონამ.
ფონდ „სოხუმთან" თანამშრომლობის პროდუქტად აღიარეს წყალტუბოს ადგილობრივი ხელისუფლების ინიციატივა - სოციალურ საკითხებზე მომუშავე ჯგუფში გამოიყოს სპეციალისტი, რომელიც სპეციალურადძალადობის მსხვერპლთათვის შესაბამისი კონსულტაციების გაწევის კუთხით მომზადდება, ითანამშრომლებს სახელმწიფო რეფერალური მექანიზმის სუბიექტებთან, ამ საკითხის გადაწყვეტით დაინტერესებულ არასამთავრობო ორგანიზაციებთან.
24 ოქტომბერს, ქალაქ წყალტუბოში ფონდი „სოხუმის" მიერ ორგანიზებული კიდევ ერთი მრგვალი მაგიდა ჩატარდათემაზე - „ოჯახში ძალადობისაგან დაცვის სახელმწიფო რეფერალური მექანიზმები - პრინციპები და შესაძლებლობები". შეხვედრას ესწრებოდა დევნილი საზოგადოება, პედაგოგები, უფროსკლასელები, ჟურნალისტები, ადგილობრივი თვითმმართველობისა და სოციალური სააგენტოს წარმომადგენლები.
შეხვედრაზე გამოიკვეთა მოსაზრება, რომ ძალადობის პრობლემის მოგვარება წარმოუდგენელია სახელმწიფოს მიერ შესაბამისი ეფექტური მექანიზმების შექმნისა და დანერგვისგარეშე.აუცილებელია საზოგადოების ინფორმირება, რათა ადამიანებმასახელმწიფოს მიერ გამართული მექანიზმები პრაქტიკულად გამოიყენონ.
გამოიკვეთა სოციალური დაცვის ახალი შესაძლებლობები, სოციალური მუშაკების ინსტიტუტის დამკვიდრებისა და პოპულარიზაციის ტენდენცია, დაისახა თანამშრომლობის პერსპექტივებიც.
„ლიდერთა სკოლაში ვიღებთცოდნას, რომელიც ჩვენთვის სხვაგან ხელმისაწვდომი არ არისდა ძალიან მნიშვნელოვანია"; „ტრენინგზე ყველაზე უფრო ჯგუფური სამუშაოები დამამახსოვრდა", „ძალიან მომეწონა საქმიან ეტიკეტსადა ლიდერი ქალის იმიჯზემუშაობა"; „მოუთმენლად ველოდებით ტრენინგების ახალ ეტაპს"; „დროული და მნიშვნელოვანი იყო ეფექტური კომუნიკაციის თემა, რადგან წინ ბევრი სამუშაო გველის",-ეს ფრაზები ტრენინგის შეჯამების დროს ისმოდა, როდესაც სამი დღის დაძაბული მუშაობა ფინალს მიუახლოვდა და მომავალი კამპანიისა და საშინაო დავალებების კონტურებიც შემოიხაზა.
ტრენერების შეფასებით, სატრენინგო თემატიკა ოპტიმალურად იყო შერჩეული და ჯგუფის საჭიროებებს მორგებული,ტრენინგ-სემინარიმხოლოდ დასაბამს აძლევს ლიდერთა სკოლაში მისაღებ განათლებას და დანარჩენიგოგონებმა თავისი მონდომებით, დაძაბული შრომით უნდა მოიპოვონ.რაც მთავარია, ჯგუფი მოტივირებული დაცოდნაზე ორიენტირებულია, ეს კი წარმატების საწინდარია. ტრენინგზე დაბადებული მრავალი კრეატიული იდეა კი დახვეწას და გოგონების საქმიანობაში ხორცშესხმას ელოდება!
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
ფონდი „სოხუმის"ქალთა მხარდაჭერის ცენტრების ( ქუთაისი, ხონი, წყალტუბო, სენაკი, ფოთი და სოფელი ხურჩა (ზუგდიდის რაიონი) მობილიზატორები სომხეთის არასამთავრობო ორგანიზაციას „ქალები განვითარებისათვის" დასამ სასოფლო თემს ეწვივნენ.
ვიზიტის მიზანი იყო აღნიშნული არასამთავრობო ორგანზაციისა და სასოფლო თემთა მუშაობის გამოცდილების შესწავლა. მობილიზატორები გაეცნენ ორგანიზაციის მუშაობის მიმართულებებს: მშვიდობის შესწავლა, კონფლიქტების მშვიდობიანი მოგვარება; თემთა ჯანდაცვა და განვითარება.
პირველი შეხვედრაარასამთავრობო ორგანიზაციის „ ქალები განვითარებისათვის" ოფისში შედგა. მობილიზატორებმა დაათვალიერეს სოფლების-გოგოვითის, ტოროსგიუხისა და ცოგომარგის სათემო ცენტრები. საინტერესო იყო ორგანიზაციის ახალგაზრდებთან, კონკრეტულადგოგონებისა და ბიჭებისჯგუფებთან ცალ-ცალკე ჩატარებული მუშაობის გამოცდილება; ასევე სასოფლო თემების ინიციატივები.
ფონდ „სოხუმის" მობილიზატორები მზად არიან, შეხვედრებისას მიღებული გამოცდილებები თავიანთი ცენტრების მუშაობაში დანერგონ.
თბილისში, საკონფერენციო დარბაზ "ჯაზუში" საჯარო დისკუსია გაიმართა თემაზე „ქალები დემოკრატიული არჩევნებისათვის". შეხვედრის ორგანიზატორმა - მდგრადი განვითარების საერთაშორისო ფონდის პრეზიდენტმა ქალბატონმა მარიამ ცაცანაშვილმა მათ მიერ ჩატარებული კვლევის შედეგები წარმოადგინა. კვლევის თანახმად,ქალთა მონაწილეობის მაჩვენებელი არჩევნებში დაბალია,მაღალმთიან რეგიონებში ის 5-10 პროცენტს არ აღემატება.
შეხვედრის მონაწილეები ქალთა პასიურობას საარჩევნო პროცესებში სხვადასხვა მიზეზით ხსნიან - ოჯახური მდგომარეობა, საარჩევნო უბნამდე გადაადგილების პრობლემა, სტერეოტიპი - რა უნდა ქალს არჩევნებზე და სხვა.
შეხვედრას სტუდენტები და ქალთა არასამთავრობო ორგანიზაციების წარმომადგენლები - ფონდი „სოხუმი", „უნივერსიტეტელი", ქალთა საინფორმაციო ცენტრი, „ბაზალეთი", „საქართველოს ქალები მშვიდობისა და სიცოცხლისათვის" ესწრებოდნენ.
მსგავსი შეხვედრების ორგანიზებას მდგრადი განვითარების საერთაშორისო ფონდი სამომავლოდაც აპირებს.
ჟურნალმა „ქალთა ხმა პოლიტიკაში" გამოცემის კიდევ ერთი ციკლი დაასრულა.საპროექტო წელიწადის დამთავრებასთან ერთადჟურნალის ბოლო, მეოთხე ნომერიც გამოვიდა. სწორედ ამიტომ ჟურნალის რედკოლეგია ცდილობს, შეაჯამოს განვლილი მუშაობა, დაანახოს მკითხველს ამომრჩეველ ქალთა ლიგის მუშაობის თავისებურებები, შედეგები და ცვლილებები, რომლებიც ერთწლიანმა საქმიანობამ მოუტანადასავლეთ საქართველოს ქალაქებში მცხოვრებ ქალებს.
ბოლო გვერდზე დაბეჭდილ ქალთა ჩანაწერებში კარგად ჩანს ჟურნალის მისიაც და ფონდის საქმიანობის შედეგიანობაც:
მარინე ჩოხელი: კლუბთან თანამშრომლობა იმედით გვავსებს, საქმის კეთების სტიმულს გვაძლევს. მე ხელს შევუწყობ იმას, რომზუგდიდის რაიონის მრავალშვილიანმა ოჯახებმა სტაბილურად მიიღონ ფინანსური დახმარება.
ნატო ლომაია: ძალიან მომწონს ჟურნალი „ქალთა ხმა პოლიტიკაში", რომელიც ჩვენთან, ხობის კლუბში მოაქვთ. ჩანს, რომ ითვალისწინებენ ჩვენს წინადადებებსა და შენიშვნებს.
ქეთევან ქადიეშვილი: ჩვენთან, ოზურგეთშიც, ძალიან მტკივნეულია ტრანსპორტის მოძრაობის საკითხი. სტუდენტებისათვის ტრანსპორტით შეღავათიანი მგზავრობის თაობაზე პასუხს სექტემბრიდან ველოდებით. ეს ჩვენი ადვოკატირების ჯგუფის მუშაობის შედეგია.
ვინაიდან სექტემბერი სკოლასთან და მოსწავლეებთან ასოცირდება, ქალებისაგან წამოვიდა შეკითხვები შვილების აღზრდასთან დაკავშირებით.
ფსიქოლოგის აზრით, მშობელთა ნაწილი თვლის, რომ შვილი მათი საკუთრებაა, ხოლო ფიზიკური დასჯა- აღზრდის ადეკვატური საშუალება. მშობელს რომ შეეძლოს წარმოიდგინოს, თუ როგორ იძაბება ბავშვის შინაგანი ორგანოები ფიზიკური დასჯისას, ამას არასდროს იზამდა. როცა მშობელს არ ყოფნის ძალა, არა აქვს საკმარისი შინაგანი სიახლოვე ბავშვთან, ისადგურებს „პედაგოგიური უძლურება", რომელიც გადადის ძალადობაში.
ფსიქოლოგმა ქალებს შეახსენა, რომ დასჯა ერთგვარი გაკვეთილია:„ თუ დასჯა სასტიკია, შეიძლება ბავშვმა შემდეგი დასკვნა გამოიტანოს:„ არ ვუყვარვართ".
მშობლის ვალია, შვილს ასწავლოს და თუმოთმინება, გულმოწყალება ბავშვებისადმი მათ ხშირად არ ყოფნით,საზოგადოებისაგან რას უნდა ველოდოთ?" ქალთა მხარდაჭერის ცენტრებში (ქუთაისი, წყალტუბო, ხონი, სენაკი, ფოთი, ხურჩა)ჩატარდა ჯგუფური საკონსულტაციო შეხვედრები ფსიქოლოგთან,რომლებსაც ესწრებოდა17-დან 55-წლამდე ასაკის 113 ქალი.
მობილიზატორთა შეხვედრებმა ქალები უფრო გახსნილები გახადა, მოიხსნა უნდობლობა (მობილიზატორთა დიდი ძალისხმევითა და საკრებულოს თავმჯდომარის აქტიური მხარდაჭერით სენაკში გადაიჭრა წყლით მომარაგების, დასუფთავების საკითხი; ასევე, მოგვარდა მუზეუმის შენობაში ჩასახლებულ დევნილთა მეზობლური კონფლიქტი).
მობილიზატორთა ყოველ შეხვედრაზე ქალებს ეძლევათ ინფორმაცია კონკრეტული ქალაქების ქალთა მხარდაჭერის ცენტრებში ჩასატარებელი კონსულტაციებისა და სხვა სახის ღონისძიებათა შესახებ.
სექტემბერშიქუთაისის, ხონის, წყალტუბოს, სენაკის, ფოთისა და ხურჩის ქალთა მხარდაჭერისცენტრებში მობილიზატორთა 56 შეხვედრა ჩატარდა.
შეხვედრის მონაწილეებს დაურიგდათ სხვადასხვა სახის საინფორმაციო ლიტერატურა.
29 სექტემბერს სენაკის ქალთა მხარდაჭერის ცენტრში ჩატარდა მრგვალი მაგიდა თემაზე: "ოჯახში ძალადობისაგან დაცვის სახელმწიფო რეფერალური მექანიზმების პრინციპები და შესაძლებლობები”. შეხვედრასადგილობრივი თვითმმართველობის, სოციალური სააგენტოსა და სამართალდამცავი სტრუქტურების წარმომადგენლები, პედაგოგები, მოქმედი ადვოკატები, ახალგაზრდები და დევნილი ქალბატონები ესწრებოდნენ.
შეხვედრაზე კიდევ ერთხელ გამოჩნდა არჩეული თემის აქტუალობა. როგორც მრგვალ მაგიდაზე აღინიშნა, ძალადობის პრობლემის მოგვარება წარმოუდგენელია სახელმწიფოს მიერ პრობლემის გადაჭრის ეფექტური მექანიზმების შექმნის, დანერგვისა და შესაბამისი ინფორმირებისგარეშე.
საზოგადოებისა და პრობლემის მოგვარებით დაკავებული სტრუქტურების თანამშრომლობის,| ინფორმაციის გაცვლის აუცილებლობა; სახელმწიფოს მიერ არასამთავრობო სექტორის რესურსების მაქსიმალური გამოყენება; კვალიფიციური ტრენინგები პოლიციელთათვის; სამოქალაქო განათლების პროგრამაში რეფერალური მექანიზმების შესახებ ინფორმაციის შეტანა; სოციალური მუშაკების ინსტიტუტის პროპაგანდა - ეს არასრული ჩამონათვალია იმ წინადადებებისა, რომლებიც მრგვალ მაგიდაზე გაჟღერდა.
