„უარყოფითი ემოციები, რა ზეგავლენას ახდენენ ისინი ჩვენზე",- ფსიქოლოგის მიერ ამ თემაზე გამართულმა საუბრებმა ქალებში აღძრა ინტერესი, აეხსნათ, თუ საიდან მოდის ამდენი უარყოფითი ემოცია, რომელიც აიძულებს თავი შებოჭილად იგრძნონ. „შიში და ბრაზი გვიპყრობს და ჩვენი ყურადღება ფოკუსირდება იმაზე, რომსასწრაფოდ თავდაცვაზე უნდა გადავიდეთ. უარყოფითი ემოციები კეტავენ ჩვენი შემეცნებისველს, რადგან ის მძიმეა და სულს უფრო ადვილად იპყრობს,"-ასკვნიან ქალები.
ქუთაისის კოლექტიურ ცენტრებში, რომლებშიც აფხაზეთიდან დევნილები ცხოვრობენ, გაიმართა 8 ჯგუფური შეხვედრა ფსიქოლოგთან. შეხვედრებს ესწრებოდა 18-დან 58- წლამდე ასაკის 79 ქალი.
ფორუმ-თეატრმა ქუთაისის მეთოთხმეტე და სენაკის მეორე საჯარო სკოლებში ორი წარმოდგენა გამართა. მოსწავლეები განსაკუთრებული ყურადღებით მოეკიდნენ იმ სცენებს, რომლებიც ოჯახში, სკოლასა და მოხუცებისადმი ძალადობის თემას ეხებოდა: „ ფორუმ თეატრის მსახიობები დამაჯერებლად უტევენ მოძალადე პერსონაჟს და სინანულამდეც კი მიჰყავთ ის,-"მსჯელობენ წარმოდგენების ირგვლივ ახალგაზრდები.
„ფორუმ-თეატრის წარმოდგენები ხელს უწყობს საზოგადოებაში არსებული პრობლემის გადაჭრას. ამ სცენებმა, ჩემი აზრით, ბევრი ახალგაზრდა დააფიქრა", - ლიკა ხორავა (სენაკის მეორე საჯარო სკოლის მოსწავლე).
მოზარდებმა, წარმოდგენების დასასრულს, გამოთქვეს აზრი, რომ ძალადობის
ფორმების აღმოფხვრის მიზნით საზოგადოების გააქტიურება აუცილებელია.
„მადლობა ყველა იმ ადამიანს, ვინც დღეს გადაცემაში დარეკა და თავისი პოზიცია გამოხატა. ეს პირდაპირი გამოხატულებაა იმისა, რომ საზოგადოებამ ნდობა გამოუცხადა ამომრჩეველ ქალთა ლიგას და მათ მონაწილეობას საზოგადოებრივ-პოლიტიკურ პროცესებში", - ითქვა „რიონის" სტუდიაში გამართული გადაცემის ბოლოს, რომელზეც ამომრჩეველ ქალთა კლუბების აქტივისტები, პროექტის მონაწილეები საუბრობდნენმიღწეულ შედეგებზე, სირთულეებზე, ზოგადად ქვეყანაში ქალთა პოლიტიკური მონაწილეობის მხარდაჭერის კუთხით არსებულ სიტუაციაზე.
საუბარი, ასევე, შეეხოსამომავლო გეგმებს, ახალი პროექტით განსაზღვრულ აქტივობებს, რომელშიც ძირითადი დატვირთვა ენიჭება პოლიტიკაში გენდერული ბალანსის შეცვლის მიზნით მომავალისაპარლამენტო არჩევნებისათვის ელექტორატის გააქტიურებას და ქალ-კანდიდატთა ირგვლივ მობილიზებას.
ზარების გარკვეულ ნაწილში მოსახლეობისათვის მტკივნეული საკითხების ადვოკატირების დაკვეთა გაისმა, რასაც კლუბების ადვოკატირების ჯგუფთან ერთად ტელეკომპანიაც გამოეხმაურა - მომზადდა ტელესიუჟეტები გადაცემისათვის „7 დღე", ეს კი პრობლემების სამომავლო გადაწყვეტის წინაპირობაა.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
ფონდი "სოხუმის" ლიდერთა სკოლის წევრებმა ქუთაისში, წყალტუბოში, სამტრედიასა და კოკში თორმეტივორკშოპი ჩაატარეს თემაზე "ლიდერობა და კონფლიქტი".
შეხვედრაში მონაწილეობდნენ აფხაზეთიდან დევნილი და ადგილობრივ გოგონები. მათ აქტიურად იმსჯელესთავიანთ ლიდერულ თვისებებსა და შესაძლებლობებზე. დაფიქრდნენ, როგორ უნდა მოიქცნენ, რა უნდა გააკეთონ კონფლიქტურ სიტუაციებში საკუთარი ემოციების სამართავად.
გოგონებიძალაუფლებასთან ერთად ლიდერს დიდ პასუხისმგებლობასაც ანიჭებენ.
მათი მოსაზრებით, ლიდერს გრძნობების მართვა უნდა შეეძლოს, რადგანაც "ლიდერს მეტი მოეთხოვება. ის არ შეიძლება იმპულსური და გაუწონასწორებელი იყოს და აფექტის დროს მიიღოს გადაწყვეტილება".
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
რეპროდუქტოლოგებთან შეხვედრებზე დასწრების მსურველ ქალთა რიცხვი არ იკლებს. ექიმი-რეპროდუქტოლოგები საკითხით დაინტერესებულ თითოეულ ქალბატონს გულდასმით უსმენენ და შეკითხვებზე ამომწურავად პასუხობენ.
სექტემბერში შეხვედრები ჩატარდა ქუთაისის, ფოთის, წყალტუბოს, ხონისა და სენაკის ქალთა მხარდაჭერის ცენტრებში. განიხილებოდა შემდეგი კონკრეტული თემები: „ორსულობა და მასთან დაკავშირებული საკითხები"; „სქესობრივი გზით გადამდები დაავადებები"; „შაქრიანი დიაბეტი". შეხვედრებს ესწრებოდნენ სხვადასხვა ასაკის დევნილი და ადგილობრივი ქალები.
აღსანიშნავია ისიც, რომ სენაკში გინეკოლოგ-რეპროდუქტოლოგი თვეში ერთხელ სამ ქალს უფასო კონსულტაციას უტარებს.
რეპროდუქტოლოგები ყველა შეხვედრაზე ურჩევენ ქალებს,გინეკოლოგიური შემოწმებები მუდმივად გაიარონ, რადგანქალებში სხვადსხვა სიმსივნით დაავადებულთა რიცხვი ყოველწლიურად იზრდება.
კლუბის შეხვედრების თემა იყო-აფხაზური დამწერლობა. თემა საგანმანათლებლო ხასიათს ატარებდა.
სექტემბერში ქუთაისისა და ხონის გოგონათა კლუბებში ახალი სახეები გაჩნდნენ. კლუბში გოგონები გამოთქვამენ საინტერესო წინადადებებს. ახალგაზრდობა აქტიურად ერთვება ინტერაქტივებსა და დისკუსიებში.
„გოგონები ხალისით მოვდივართ შეხვედრებზე, აფხაზეთის შესახებ ბევრ საინტერესო ისტორიულ და მხატვრულ ლიტერატურას ვეცნობით, კლუბმა განათლებისადმი ინტერესი გაგვიღვივა, "-აღნიშნა კლუბის აქტიურმა წევრმა ლიკა შონიამ.
კლუბის მიერ სექტემბრის თვეში ჩატარებულ შეხვედრებს ორმოცდაშვიდი გოგონა ესწრებოდა.
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL KVINNA) მხარდაჭერით.
რადიო "ძველი ქალაქის" ეთერით გასულმა ბოლო გადაცემამ ციკლიდან „ქალი და პოლიტიკა"- მსმენელებს საშუალება მისცა, მოესმინათ ამომრჩეველ ქალთა კლუბების წევრების,საზოგადოებისა და ხელისუფლების წარმომადგენლების შეფასება და შეხედულებები სამომავლო სტრატეგიების თაობაზე.
ფონდ „ სოხუმის" თანათავმჯდომარემ, პროექტის კოორდინატორმამერი გელაშვილმა ისაუბრა ქალთა პოლიტიკური აქტივობის მიზნით გაწეულ მუშაობაზე, მიღწეულ შედეგებზე, აღნიშნა ხარვეზებიც. გამოითქვა მზადყოფნა, რომ ქალთა კლუბები და მათი მხარდამჭერები სათანადო ენთუზიაზმით განაგრძობენ მუშაობას ახალ პროექტში, რადგან წინ საპარლამენტო არჩევნებია, რომელმაც აუცილებლად უნდა შეცვალოსქალთა მონაწილეობის კუთხით სადღეისოდ არსებული მდგომარეობა.
კლუბების ლიდერებმა ქალთა პრობლემების ადვოკატირების კონკრეტული შედეგები დაასახელეს და აღნიშნეს, რომ მიღებული პრაქტიკაშემდგომში მეტი პრობლემის გადაწყვეტის შესაძლებლობას მისცემთ, რაც განუხრელად ზრდის მათი რეგიონის ქალთა ნდობას კლუბების საქმიანობისადმი.
„ერთადერთი ქალბატონი ჩვენს საკრებულოში - უკვე ქმნის სათანადო ამინდს. რაც შეეხება ქალთა მონაწილეობის გაზრდას - მე ვეთანხმები ამ აზრს, რომ ქალს შესაბამისი პასუხისმგებლობის უნარი და შესაძლებლობა გააჩნია, ამიტომ მივესალმები მათ მოსვლას პოლიტიკაში", - ასეთი პოზიცია გამოხატა ქუთაისის საკრებულოს წევრმა მერაბ მეშველიანმა.
სექტემბრის თვეში ჩატარებული გოგონათა შეხვედრების თემა იყო-ძალადობისაგან თავდაცვის მექანიზმები. შეხვედრებითვის დასაწყისში შედგენილიმოდულის მიხედვით მიმდინარეობდა.
ოჯახსა და საზოგადოებაში ძალადობის თემა გოგონებისათვის ახალი არ არის: „თაობები იცვლებიან, საზოგადოებაც სხვანაირად განიხილავს ძალადობის თემას. ძალადობა ყოველთვის იყო განსჯის საგანი, მაგრამ არა ასეთი მასშტაბით ,"-ითქვა შეხვედრებზე.
„ჩემს ნათესავს ქმართან დიდი პრობლემები ჰქონდა. მან პატრულს განცხადებით მიმართა, რის გამოც ოჯახის წევრები გაუნაწყენდნენ და დიდხანს ხმას არ სცემდნენ;"
„ახლახან ჩემმა მეზობელმაც გამოიძახა პატრულიმოძალადე ძმის გამო. მას მეზობლებიც გვერდით დაუდგნენ. აქედან ჩანს, რომ საზოგადოების მიდგომა ძალადობის პრობლემისადმიშეიცვალა,"- კლუბის გოგონებსმაგალითები მოჰყვთ.
სექტემბრში ( წყალტუბოში, ხონში, სენაკსა და ფოთში) კლუბის ოთხი შეხვედრა ჩატარდა, მასში ორმოცდათოთხმეტი გოგონა მონაწილეობდა.
ხურჩის ქალთა მხარდაჭერის ცენტრში გამართულმა სამოქალაქო დებატებმა არჩეული თემის(„გენდერული ღირებულებები და ქალებისა და კაცების ფუნქციური როლები (ოჯახში ძალადობის კონტექსტი)") აქტუალობა კიდევ ერთხელ ანახა.
როგორია გენდერული წარმოდგენები ჩვენს საზოგადოებაში, რამდენად სამართლიანად ხდება როლების, პასუხისმგებლობების გადანაწილება ოჯახში, როგორ მიიღება გადაწყვეტილებები, აქედან გამომდინარე - რა გენდერული ღირებულებები გვრჩება ხელთ და არის თუ არა ეს მისაღები მონაწილეთათვის. - ამ საკითხების ირგვლივ საინტერესო დისკუსიები გაიმართა.
ღონისძიებაზე ხურჩასა და ნაბაკევში მცხოვრები ქალბატონები, პედაგოგები, ახალგაზრდა გოგონები და ვაჟები შეიკრიბნენ.შეხვედრას თითქმის სამი თაობის წარმომადგენელი ესწრებოდა, რაც აშკარას ხდიდა განსხვავებულ წარმოდგენებს აღნიშნულ საკითხებზე. ესსაინტერსო დისკუსიების სათავედ იქცა. თვალშისაცემი იყო ახალგაზრდა ვაჟების ნაკლებად ხისტი, უფრო მეტად გენდერულ სამართლიანობაზე დამყარებული პოზიციები პიროვნებათშორის ურთიერთობებზე ოჯახში, გადაწყვეტილების მიღების პროცესზე, თუმცა მყარი საზოგადოებრივი კლიშეები - „ქალის საქმე"- „კაცის საქმე"მთელი დებატების მანძილზე ხშირად ისმოდა „ორივე გენდერის" მხრიდან.
როგორც აღმოჩნდა, ქალებისაკუთარი უფლებების დაცვასსაკმაოდ კარგად ახერხებენ. ერთერთმა პატრულიც კი გამოიძახა მოძალადე ქმრისაგან თავის დასაცავად. როგორც განმარტეს, შემთხვევას მორიგი ექსცესი არ მოჰყოლია, დებოშის მოყვარული ქმარი ამ შემთხვევის შემდეგმეუღლესუბატონოდ ხმას ვერსცემს.
ახალგაზრდებს, ეტყობა, კიდევ ბევრი დარჩათ სათქმელი, რადგან სასწრაფოდ გადაწყვიტეს, მსგავსი ღონისძებები ხშირად მოაწყონ და გააგრძელონ დისკუსიები სხვა საჭირბოროტო საკითხების ირგვლივაც.
-ყოველი შეხვედრა გამოცდილებისა და დადებითი ემოციების მომტანი იყო,- ამომრჩეველ ქალთა კლუბის წევრებმა თავიანთი მუშაობა ასე შეაფასეს.
კლუბის შემაჯამებელ შეკრებაზე აღინიშნა, რომ წლის განმავლობაში რამდენიმე პრობლემის მოგვარება შეძლეს. მაგალითად,ქობულეთის უსინათლოთა კავშირს შენობას ართმევდნენ, ბათუმის კლუბის ადვოკატირების ხუთკაციანმა ჯგუფმა მიმართა ქობულეთის ადგილობრივ მთავრობას. პრობლემა უსინათლოთა კავშირის სასარგებლოდ გადაიჭრა.
ითქვა გაცვლითი შეხვედრების მნიშვნელობაზეც: გავეცანით დასავლეთ საქართველოს ქალაქებში (ოზურგეთი, ქუთაისი, ფოთი) მოქმედი კლუბების საქმიანობას, იქაური მოსახლეობის პრობლემებს. ქალთა კლუბის წევრებსა და ადგილობრივ თვითმმართველობასა შორის თანამშრომლობა ფართოვდება.
ამომრჩეველ ქალთა კლუბის წევრები იმედოვნებენ, რომ მათი მუშაობა მოსახლეობის პრობლემების გადსაჭრელად, დონორი ორგანიზაციების ხელშეწყობით,კვლავაც გაგრძელდება.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
16 სექტემბერს, ფონდი „სოხუმის"მიერ ორგანიზებულ, ტელეკომპანია „რიონის" ეთერით გასულ ტელეგადაცემაშიმაყურებელთა ინტენსიური ზარები მოწმობდა, რომთემა საზოგადოებისათვის საჭირბოროტო საკითხების ნუსხიდანაა.
გადაცემამოჯახში ძალადობის პრობლემის გადაწყვეტის საკითხში ადგილობრივი თვითმმართველობის როლი კიდევ ერთხელ გამოკვეთა და ამ თემაზე დაწყებული საზოგადოებრივი დისკუსიებისა და ადგილობრივი ხელისუფლების წარმომადგენლებთან საკმაოდ კონსტრუქციული თანამშრომლობისა და სამომავლო პერსპექტივებზე გათვლილი საქმიანობის ერთგვარ გაგრძელებად იქცა.
რას მოიაზრებსძალადობასთან ბრძოლის ეროვნული რეფერალური მექანიზი, როგორია მსხვერპლის დაცვისა და მოძალადის რეაბილიტაციის საკითხის მიმართ კანონი და მის პარალელურად არსებული პრაქტიკა, ხედავს თუ არა ადგილობრივი ხელისუფლება თავის ქმედით როლსამ პრობლემის გადაწყვეტაში - ამ საკითხებზე საუბარიმაყურებლის ინტერაქტიური ჩართვების ფონზე მიმდინარეობდა.
ფონდის ტელეჟურნალისტების მიერ მომზადებული ტელესიუჟეტიდან დასავლეთსაქართველოს სხვადასხვა ადგილობრივი ხელისუფლების წარმომადგენელთა პოზიციები დაფიქსირდა, სადაც ისინი ფონდთან თანამშრომლობის პოზიტიურ გამოცდილებასა და ოჯახში ძალადობის საკითხის გადაწყვეტის, ძალადობის პრევენციის მიმართ თვითმმართველი ერთეულების ჩართვის საჭიროებაზე, ადგილობრივ ბიუჯეტში ამ კუთხით გარკვეული თანხების გათვალისწინების აუცილებლობაზე საუბრობენ.
„სახელმწფოს მიერ მიღებული 2011-2012 წლების სამომედო გეგმის ძირითადი პუნქტები ეროვნული რეფერალური ექანიზმების დახვეწას, ამ მექანიზმის შესახებ ინფორმაციის მაქსიმალურ გავრცელებას ითვალისწინებს. შეიძლება ითქვას, რომ ფონდი „სოხუმი"ორივე მიმართულებით საკმაოდ სერიოზულად მუშაობს და ამ საქმეში ადგილობრივი ხელისუფლების წარმომადგენელთა ძალიან სერიუზული მხარდაჭერა დავინახეთ".- ითქვა გადაცემაზე.
საზოგადოების მხრიდან გამოხმაურება ტელეეთერისმომდევნო დღეებშიც გრძელდება.
ფონდი „სოხუმის" იურისტების მიერ ჩატარებულ იურიდიულ კონსულტაციებში მონაწილეთა რიცხვი იზრდება, ჭარბობენ ახალგაზრდები.
შეხვედრებზე განიხილეს პირადობის მოწმობისა და საქართველოს მოქალაქის პასპორტის დაჩქარებული წესით აღებასთან დაკავშირებულ საკითხები.
მონაწილეებმა კითხვებზე-რა დოკუმენტები უნდა დაერთოსერთჯერადი სამედიცინო დახმარების მსურველი დევნილის განცხადებას;რა საბუთები უნდა წარადგინოს დევნილმა ქორწინების მოწმობის ხელმეორედ აღებისას-დამაჯერებელი პასუხები მიიღეს.
საუბარი იყო, ასევე, ოჯახური ძალადობის ფაქტებზე. ქალებმა მიიღეს ინფორმაციები დამცავ და შემაკავებელ ორდერზე, მისი გაცემის წესებზე.
13-14 სექტემბერს ქუთაისში ჩატარდა ხუთი საინფორმაციო შეხვედრა თემაზე: თვითმმართველი ქალაქი ქუთაისის 2011 წლის ბიუჯეტის მონიტორინგის შედეგები და რეკომენდაციები. შეხვედრა გაიმართა აშშ-ს საელჩოს პროგრამის „იგპ ქალთა საზოგადოებაში ინტეგრაციის ხელშეწყობა მათი ადგილობრივი ხელისუფლების საქმიანობის მონიტორინგში ჩართვის გზით" ფარგლებში.
ფონდი „სოხუმის" მონიტორების მიერ ჩატარებულ საინფორმაციო შეხვედრებში მონაწილეობდნენ დევნილები ქუთაისის სხვადასხვა კოლექტიური ცენტრიდან, ადგილობრივი მოსახლეობის წარმომადგენლები.
შეხვედრის მონაწილეებმა მოიწონეს ქუთაისის საკრებულოში ჩატარებული მრგვალი მაგიდის რეკომენდაციები. გამოითქვა ეჭვიც: „ იქნებ, საკრებულომ არ დაამტკიცოს ისეთი ბიუჯეტი, რომელიც ხელს შეუწყობს ზემოთაღნიშნული რეკომენდაციების შესრულებას".
დიდი ინტერესი გამოიწვია რეკომენდაციამ საშუალო ასაკის დაუსაქმებელ ქალთა პროფესიული გადამზადების შესახებ.
12-14 სექტემბერს წყალტუბოში ხუთი საინფორმაციო შეხვედრა ჩატარდა თემაზე: წყალტუბოს მუნიციპალიტეტის 2011 წლის ბიუჯეტის მონიტორინგის შედეგები და რეკომენდაციები. შეხვედრა ჩატარდა პროექტის: „იგპ ქალთა ადგილობრივ საზოგადოებაში ინტეგრაციის ხელშეწყობა მათი ადგილობრივი ხელისუფლების საქმიანობის მონიტორინგში ჩართვის გზით" ფარგლებში. პროექტს მხარს უჭერს აშშ-ს საელჩო.
ფონდი „სოხუმის" მონიტორებმაწყალტუბოს სანატორიუმებში ჩასახლებულ დევნილებს გააცნეს წყალტუბოს მუნიციპალიტეტის ბიუჯეტის მონიტორინგის შედეგები ( სოციალური დაცვის, ჯანმრთელობისა და განათლების სფეროში) და საკრებულოში ჩატარებული მრგვალი მაგიდის შედეგად მიღებული რეკომენდაციები.
მონაწილეებმა ერთსულოვნად მიუთითეს: „ასეთი შეხვედრები მოსახლეობასა და საკრებულოს შორის ინფორმაციების გაცვლას უწყობს ხელს".
12-დან 14 სექტემბრის ჩათვლით ხონში ჩატარდა ხუთი საინფორმაციო შეხვედრა თემაზე: ხონის მუნიციპალიტეტის 2011 წლის ბიუჯეტის მონიტორინგის შედეგები და რეკომენდაციები.
შეხვედრა გაიმართა პროგრამის „იგპ ქალთა საზოგადოებაში ინტეგრაციის ხელშეწყობა მათი ადგილობრივი ხელისუფლების საქმიანობის მონიტორინგში ჩართვის გზით" ფარგლებში. პროექტი დააფინანსა ამერიკის საელჩომ.
ფონდი „სოხუმის" მონიტორი ქალების მიერ ჩატარებულ შეხვედრებში მონაწილეობდნენ დევნილები ხონის სამხედრო დასახლებიდან. შეხვედრის ბოლოს მონაწილეებმა წამოაყენეს წინადადებები:
1. ხონის მუნიციპალიტეტის საკრებულომ გაითვალისწინოს სამხედრო დასახლების სასმელი წყლით მომარაგების 12 საათიანი გრაფიკი; უზრუნველყოს სასმელი წყლის ხარისხი.
2. გათვალისწინებულ იქნას უფასო სამედიცინო გამოკვლევა 6 თვეში ერთხელ სამხედრო დასახლების იმ პირთათვის, რომლებიც ახლოს არიან სიღარიბის ზღვართან, მაგრამ სამედიცინო დაზღვევის პოლისი არა აქვთ.
3.ხონის სამხედრო დასახლებაში მომრავლდნენ მაწანწალა ძაღლები, რაც საშიშროებას წარმოადგენს მოსახლეობისათვის, განსაკუთრებით ბავშვებისათვის. საკრებულომ უნდა უზრუნველყოს მათი აცრების ან იზოლაციის საკითხი.
ქალთა მხარდაჭერის ცენტრებისეფექტური მუშაობის განვითარებისა და გაფართოების მიზნით, ქალაქ სენაკში 6 მხარდაჭერის ცენტრის
11 მობილიზატორის მონაწილეობით ჩატარდა ვორკშოპი.
ვორკშოპზე შემდეგი თემები განიხილეს:
-საინფორმაციო შეხვედრების ჩატარებასთან დაკავშირებული პრაქტიკული რჩევები;
- გეგმის ფორმულირება ქალთა მხარდაჭერის ცენტრების მუშაობის გასაფართოებლად- ადგილობრივ ხელისუფლებასა და სხვა დაწესებულებებთან თანამშრომლობა;
- აღწერით ანგარიშთან დაკავშირებული პრაქტიკული რჩევები;
-ღონისძიების მიზნებისა და ინდიკატორების განსაზღვრა;
ვორკშოპი მოიცავდა თეორიულ მასალებს, ბრეინშტორმინგებსა და პრაქტიკულ სავარჯიშოებს.
„ვორკშოპმა გვასწავლა მიზნების, ინდიკატორებისა და გეგმების ფორმულირება ქალთა მხარდაჭერის ცენტრების ეფექტური მუშობის გასაფართოებლად, ადგილობრივ სტრუქტურებთან, პროექტის ბენეფიციარებთან ნაყოფიერი საქმიანობის დასაგეგმად",-ზ. კოპალიანი.
კლუბზე ერთწლიანი მუშაობა შეჯამდა. აღინიშნა, რომ პროექტის მიმდინარეობისას კლუბის წევრები გაეცნენგუნდური მუშაობის პრინციპებსა და უნარ-ჩვევებს, ადვოკატირებისა და ლობირების მეთოდებს, რაც პრობლემების გადაჭრაში დაეხმარათ.
-გავეცანით დასავლეთ საქართველოს ქალაქებში ( ქუთაისი, წყალტუბო, ფოთი) მოქმედი კლუბების საქმიანობას, იქ მცხოვრებ ქალთა პრობლემებს.შევიძინეთთანამოაზრეები,- თქვა კლუბის წევრმა ციცი კუპრაძემ.
კლუბის წევრებმა შეადგინეს პროექტი ქალთა საკვირაო სკოლის გახსნაზე და ოზურგეთის საკრებულოში წარადგინეს. მართალია პროექტი არ დაფინანსდა, მაგრამ საკრებულომ დარბაზი გამოუყო, რომელსაცღონისძიებებისთვთის იყენებენ.
ადვოკატირების ჯგუფის წევრმა ქეთევან ქადიეშვილმა აღნიშნა, რომადგილობრივ თვითმმართველობასა და ამომრჩეველ ქალთა კლუბს შორის თანამშრომლობის ხარისხი გაიზარდა, რამაც დასმული პრობლემების ეფექტურად გადაჭრასხელი შეუწყო.
ბოლოს, ჯგუფებში კლუბის მომავალი მუშაობის მოკლე მონახაზი გაკეთდა-გასვლითი შეხვედრები რეგიონებში, შეხვედრები პარლამენტარებთან და ბიზნესმენებთან, ქალთა სალონური შეკრებები,გენდერულ თემატიკაზე საინფორმაციო გვერდის შექმნა.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
