რეგიონული თუ რესპუბლიკური მასმედიის წარმომადგენლებისათვის გასაგები იყო ფონდში შეკრების მიზეზი, რადგან ჟურნალისტებმა მრავალწლიანი თანამშრომლობის შემდეგ კარგად იციან, რას ნიშნავს 25 ნოემბერი და 16 აქტიური დღე ქალთა მიმართ ძალადობის წინააღმდეგ.
შეკრებილთ გადაეცა კამპანიის ატრიბუტები და კალენდარული გეგმა. ყოველმა მათგანმა გამოთქვა სურვილი, რომ მონაწილეობას მიიღებს და გააშუქებს მედიაში სხვადასხვა ღონისძიებას.
ხონის ქალთა მხარდაჭერის ცენტრისა და ამომრჩეველ ქალთა კლუბის ერთობლივი მონდომებით ხონის ცენტრში 40-ზე მეტი ადამიანი შეიკრიბა.
ხალხმრავალი აქციით გამოეხმაურნენ საერთაშორისო კამპანიას ხონში მცხოვრებნი, მათ შორის დევნილები. მათ აერთიანებთ მისწრაფება - ბოლო მოეღოს ასე გავრცელებულ ძალადობასქალთა მიმართ.
აქცია ფონდი „სოხუმის" ამომრჩეველ ქალთა კლუბის ორგანიზატორობით ჩატარდა,მაგრამ მან გააერთიანა ზუგდიდში მოქმედი ქალთა ორგანიზაციები: ასოციაცია „მერკური", „იმედი", სამეგრელოს გენდერული ქსელი, „სამეგრელო-მედეა".
მასში მონაწილეობა მიიღეს ზუგდიდის სასულიერო გიმნაზიის თანამშრომლებმა, ჟურნალისტებმა რადიო „ათინათიდან" და TV - მაესტროდან.
აქციას მხარი დაუჭირეს ევროკავშირის მონიტორინგის მისიამ, ადამიანის უფლებათა დაცვის საერთაშორისო ორგანიზაციამ Human Rights Watch.
განსაკუთრებით მნიშვნელოვანი იყო შიდსით დაავადებულთა ფონდის მხარდაჭერა, რადგან 16-დღიანი კამპანიის ერთი დღე - 1 დეკემბერი შიდსთან ბრძოლის საერთაშორისო დღეა.
16-დღიან კამპანიაში აქტიურად ჩაერთნენ ლიდერთა სკოლის მონაწილენი.
ერთ-ერთმა მათგანმა ილონა ყურაშვილმა საინფორმაციო შეხვედრა ჩაატარა წყალტუბოში, სანატორიუმგეოლოგში" ჩასახლებულ დევნილ ქალებთან.
ზოგიერთმა მათგანმა არაფერი იცოდა კამპანიის შესახებ და ამიტომაც მათი ინტერესი განსაკუთრებული იყო.
-მე არაერთ ამგვარ ღონისძიებაში მიმიღია მონაწილეობა და დიდი სურვილი მაქვს, კიდევ ბევრი რამგავიგო . მიმაჩნია, რომ ყველანი უნდა გავერთიანდეთ ქალთა უფლებების დასაცავად და ძალადობის აღმოსაფხვრელად, -აღნიშნა შეხვედრის ერთ-ერთმა მონაწილემ, სტუდენტმა ეთერ ხაჭაპურიძემ.
შეხვედრაზე კლუბის სამომავლო საქმიანობა განისაზღვრა - თუ რა მიმართულებით უნდა იმუშაონ ქალებმა პრობლემების ადვოკატირებისა და საპარლამენტო არჩევნებში ქალთა მხარდაჭერისათვის. ქალების უმრავლესობამ საკრებულოს სხდომებზე დასწრების სურვილიც გამოთქვა.
შეხვედრის მონაწილეებს მიეწოდათ ინფორმაცია ქალთა მიმართ ძალადობის წინააღმდეგ 16-დღიანი საერთაშორისო კაპანიის შესახებ.
-აქციაში ვმონაწილეობდით ადგილობრივი და დევნილიქალები, დიდი იყო დაინტერესება საზოგადოების მხრიდან, - ნანა კეკელიძე.
შეხვედრაზე დასახელდა კანდიდატურა საპარლამენტო არჩევნებისათვის - ოზურგეთის ამომრჩეველ ქალთა კლუბის წევრი- ჟურნალისტი ნინო ნიკოლაიშვილი. კლუბის წევრები მიიჩნევენ, რომ ნინო ნიკოლაიშვილი პარლამენტში თანაქალაქელების ინტერესების დაცვას შეძლებს.
შეხვედრას გაზეთ „ალიონის" რედაქტორი ნუგზარ ასათიანი დაესწრო. მან აღნიშნა, რომ ამომრჩეველ ქალთა კლუბის მუშაობას ოზურგეთში კარგად იცნობენ, „ალიონში"სისტემატურად იბეჭდა ინფორმაციები ამომრჩეველ ქალთა კლუბის საქმიანობის შესახებ.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
წყალტუბოში, ფონდი „სოხუმის" წარმომადგენლების მიერ აქცია
ყოველწლიურად ტარდება.
ამჯერადქალაქის
ცენტრალურ პარკშიდაიწყო სამ საათზედა ერთი საათი გაგრძელდა.
აქციის მონაწილე იყო 30 მეტი ადამიანი - ამომრჩეველ ქალთა
კლუბის წევრები, ლიდერთა სკოლის გოგონები და ის ქალბატონები, რომლებიცესწრებიან ქალთა მხარდაჭერის ცენტრში ჩატარებულ
ღონისძიებებს.
აქციაზე მობრძანდნენ ადგილობრივი ხელისუფლებისა და პოლიციის
წარმომადგენლები.
აქციის დროს დარიგებულმა საინფორმაციო მასალებმა (პოსტერი,
ბუკლეტი, კალენდარი) და მოწოდებებმა - დააინტერესა არა მარტო ქალები, არამედ
ახალგაზრდა მამაკაცებიც.
16-დღიანი კამპანიის პირველი დღე ხურჩის ქალთა მხარდაჭერის
ცენტრშიც აქციით აღინიშნა. გალის რაიონის სოფელ ნაბაკევიდან ქალებმა ვერ შეძლეს
გადმოსვლა, ამიტომ სოფლის ცენტრში მხოლოდ ხურჩელი ქალები შეიკრიბნენ.
თუმცა აქ ყველაზე მცირერიცხოვანი აქცია მოეწყო, მან მაინც
მიაღწია მიზანს - განაგრძო ის მენტალური ცვლილებები, რომელთაც ფონდი „სოხუმის"
ღონისძიებები უწყობს ხელს.
„ქალს უფლება აქვს, იცხოვროს ძალადობის გარეშე!" - ეს
მოწოდება განსაკუთრებულ ძალას იძენს საზოგადოებაში, სადაც ქალი ხშირად ხდება
ძალადობის მსხვერპლი.
ქალთა მიმართ ძალადობის წინააღმდეგ 16-დღიანი კამპანიის ფარგლებში ბათუმის დრამატული თეატრის წინ ჩატარებულ აქციაში მონაწილეობდნენ ბათუმის ამომრჩეველ ქალთა კლუბის წევრები. აქციას ახალგაზრდებიც შეუერთდნენ. აქციაში მონაწილეებს დაურიგდათ ფონდ „სოხუმის" მიერ მომზადებული საინფორმაციო ფურცლები, ბუკლეტები.
მონაწილეთა განსაკუთრებული ყურადღებამიიპყრო აქციის მთავარმა ლოზუნგმა - „სახლში მშვიდობიდან - მსოფლიოში მშვიდობამდე" და აქციის მთავარმა ატრიბუტმა - ცისფერმა შარფმა, რომელიც საჩუქრად გადაეცათ ადგილობრივი თვითმმართველობის წარმომადგენელ ქალბატონებს.
ფონდ „სოხუმში" მცირე პაუზის შემდეგ კვლავ შეიკრიბნენ ამომრჩეველ ქალთა კლუბის წევრები. ყოველი მათგანი სიხარულით შეხვდა პროექტის გაგრძელებას, რადგან კლუბი მათთვის აქტიურობის ასპარეზი და ქალაქში არსებული პრობლემების მოგვარების ერთ-ერთი გზაა. ამიტომაც კლუბი პოპულარული გახდა და ამან განაპირობა მასში ახალი წევრების შემოსვლა.
პირველ შეხვედრაზე შეკრებილები გაეცნენ წლის სტრატეგიულ გეგმას, რაც მათი წინადადებებითა და მრავალწლიანი გამოცდილების შედეგად შემუშავდა.
კლუბის შეკრების ნაწილი დაეთმო ქალთა მიმართ ძალადობის თემას, რადგან ის ჩატარდა 16-დღიანი კამპანიის წინადღეს. ქალებმა, ტრადიციულად, 25 ნოემბერს ქუთაისის აქციაზე გასვლის სურვილი გამოხატეს.
24 ნოემბერს ტელეკომპანია „რიონის" ეთერით ტელეგადაცემა გავიდა, რომელიც საზოგადოებას აუწყებდა ფონდი „სოხუმის" საინფორმაციო კამპანიის შესახებ.
ფონდის წარმომადგენელთა განცხადებით, 25 ნოემბრიდან 10 დეკემბრამდე,16 დღიანი საერთაშორისო კამპანიაქალთა მიმართ გენდერული ძალადობის წინააღმდეგ ყოველწლიურად იმართებადა მისი რეზონანსულობის ქვაკუთხედი სწორედ მედიასაშუალებების მხარდაჭერაა. ამიტომ გაუკეთდა ორგანიზება რეგიონალური და ცენტრალური მედიასაშუალებებით ფონდის მიერ მომზადებული სოციალური რგოლების ტრანსლირებას, იგეგმება ტელე და რადიოგადაცემები.
გადაცემაში მონაწილეობდნენ ფონდის აქტივისტები, საზოგადოებისთვის ცნობილი სახეები, ჟურნალისტები, ფსიქოლოგები, ფონდის ფორუმ-თეატრის მსახიობები. საინტერესო დისკუსიებში კიდევ ერთხელ გამოჩნდა ოჯახში ძალადობისპრობლემის მთელი სიმწვავე, აქტუალობა. საზოგადოების, სხვადასხვა სახელმწიფო და სოციალური ინსტიტუტებისგაერთიანების აუცილებლობა - პრობლემის გადაჭრისათვის.
„სახლში მშვიდობიდან- მსოფლიოში მშვიდობამდე!" - საერთაშორისო კამპანიისწლევანდელმა სლოგანმა დიდ გამოძახილი ჰპოვა საზოგადოებაში, რაც ფონდის მიერ ორგანიზებული ღონისძიებების აქტიურ მხარდაჭერაში გამოიხატა.
„ოჯახში ძალადობა უფრო დიდი კვალს ტოვებს ადამიანების ფსიქიკაზე, ვიდრე ომები, სოციალური კატაკლიზმები, იმიტომ, რომ ის ყველაზე ფაქიზს, ადამიანური ურთიერთობების სფეროს ეხება. ამიტომ მიგვაჩნია ფონდი „სოხუმის" მუშაობა ამ კუთხით ასე მნიშვნელოვანი, ღირებული, ამიტომუჭერს მასასე აქტიურად მხარს საზოგადოება", - ითქვა გადაცემაზე.
მაყურებელს საშუალება ჰქონდა, ინფორმაცია მიეღო იმ ღონისძიებებზე, რომლებიც ფონდის მიერ კამპანიის ფარგლებში იგეგმება მთელ დასავლეთ საქართველოში. სტუდიაშივე დარიგდა კამპანიის სიმბოლიკა -კალენდრები, პოსტერები და ლურჯი შარფები, რომელსაც კამპანიასთან სოლიდარობის ნიშნად ტელევიზიების ჟურნალისტები და გადაცემების წამყვანები კამპანიის განმავლობაში ატარებენ.
ფონდი „სოხუმი" უერთდება საერთაშორისო საინფორმაციო კამპანიას
16 აქტიური დღე ქალთა მიმართ ძალადობის წინააღმდეგ
„სახლში მშვიდობიდან–მსოფლიოში მშვიდობამდე"
ფონდი „სოხუმი" 25 ნოემბრიდან 10 დეკემბრამდე ტრადიციულადერთვება ყოველწლიურ საერთაშორისო-საინფორმაციო კამპანიაში ქალთა მიმართ ძალადობის წინააღმდეგ.
მთელ დასავლეთ საქართველოში ფონდის წევრები, მოხალისეები, ახალგაზრდა ლიდერები, პარტნიორები და ბენეფიციარები გეგმავენ აქციებს, შეხვედრებს საზოგადოების სხვადასხვა ჯგუფთან, მრგვალ მაგიდებს, ფილმების ჩვენებასა და დისკუსიებს, სატელევიზიო და რადიოგადაცემებს, ფორუმ-თეატრის წარმოდგენებს; გავრცელდება კამპანიისთვის საგანგებოდ შექმნილი საინფორმაციო ფურცლები, პოსტერები, კალენდრები, ბუკლეტები.
„2011 წლის კამპანია არის საშუალება, კიდევ ერთხელ დავფიქრდეთ და განვიხილოთ, რა შეუძლია ქალთა უფლებების დაცვის გლობალურ მოძრაობას იმ სისტემების შესაცვლელად, რომელთა წყალობითაც გრძელდება ქალთა მიმართ ძალადობა ყველა დონეზე – ადგილობრივიდან გლობალურამდე", - ნათქვამია საერთაშორისო კამპანიის მასალებში.
კამპანიის საერთო თემა ემსახურება ჩვენი ცნობიერების ამაღლებას იმ მიმართულებით, რომ საჭიროა მუშაობა ძალადობრივი დამილიტარისტული მენტალიტეტის გარდაქმნისათვის და მეტი პარტნიორის ჩასართავად სამართლიანი და მშვიდობიანიმსოფლიოს შენების პროცესში.
„სახლში მშვიდობა" ეხმიანება და უკავშირდება „მსოფლიოში მშვიდობას", ამიტომაც აერთიანებს მსოფლიოს კეთილი ნების ყველა ადამიანს კამპანიის სლოგანი
შეხვედრას აფხაზეთიდანდევნილი დაადგილობრივი ქალბატონები ესწრებოდნენ - მათ შორის ადგილობრივი თვითმმართველობისა და მედიის წარმომადგენლები.
შეკრებილებმა მიიღეს ინფორმაცია ახალი პროექტის შესახებ. მათ დიდი სურვილი აქვთ, კვლავაც აქტიურად ჩაერთონ საზოგადოებრივ-პოლიტიკურ პროცესებში.კლუბის წევრები გაეცნენ გაეროს რეზოლუცია 1325-ს და ისაუბრეს საერთაშორისო-საინფორმაციო კამპანიის შესახებ „16 აქტიური დღე ქალთა მიმართ ძალადობის წინააღმდეგ".
ცხარე დისკუსია გაიმართა ოჯახური ძალადობის თემაზე. ითქვა, რომ ქალთა მიმართ ძალადობა ხშირია, თუმცა მასზე ხმამაღლა არ ლაპარაკობენ.
კლუბზე განსაკუთრებით აქტუალური იყო არჩევნების თემა. ქალბატონებმა მომავალ არჩევნებში აქტიური მონაწილეობის სურვილი გამოთქვეს. მათი თქმით, აუცილებელია შეიცვალოს საარჩევნო კომისიის წევრები.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
განახლებული კლუბის შეხვედრა ახალ ადგილას, ჟორდანიას ქუჩაზე მდებარე ადამიანის უფლებათა დაცვის ორგანიზაციაში გაიმართა.
იმ დღეს კლუბის წევრები გაეცნენ ინფორმაციას ახალი პროექტის შესახებ, რომლის მიზანია ქალთა როლის ამაღლება დემოკრატიულ პროცესებში. აღნიშნეს, რომ მუშაობაში თავადაც აქტიურად ჩაერთვებიან.
კლუბის წევრებმა მიიღეს ინფორმაცია საერთაშორისო კამპანიაზე „16 აქტიური დღე ქალთა მიმართ ძალადობის წინააღმდეგ". გაეცნენ გაეროს რეზოლუციას 1325. აღნიშნული ინფორმაციები მათ იმ დღეს ჟორდანიას ქუჩაზეფეხით მოსიარულე ადამიანებშიც გაავრცელეს - დაარიგეს საინფორმაციო ფურცლები, ჟურნალი „ქალთა ხმა პოლიტიკაში". 16-დღიანი კამპანიის თაობაზეც ესაუბრებოდნენ მოქალაქეებს და
25 ნოემბერს - ქალთა მიმართ ძალადობასთან ბრძოლის საერთაშორისო დღეს - აქციაში მონაწილეობისკენ მოუწოდეს.
ადვოკატირების ხუთკაციანმა ჯგუფმა ქობულეთის ნომერ მეორე ბაგა-ბაღის გათბობის საკითხი დასვა. სპეციალურად მოწვეულმა სტუმარმა, ქობულეთის საკრებულოს წევრმა, ლამარა ქათამაძემ აღნიშნა, რომ პრობლემა აუცილებლად გადაწყდება.
როგორც შევიტყვეთ, ბაგა-ბაღს უკვემიეწოდა შეშა და ბავშვები ზამთარს თბილად გაატარებენ.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
საერთაშორისო კამპანიის ფარგლებში შეხვედრები ქუთაისში, წყალტუბოში, ხონში, სენაკში, ფოთში, ხურჩაში, კოკსა და ნაბაკევში გაიმართა.
ფონდი „სოხუმის" ქალთა მხარდაჭერის ცენტრის მობილიზატორებმა შეხვედრის მონაწილეებს მიაწოდეს ინფორმაცია კამპანიის მიმდინარეობის შესახებ. მონაწილეებს პოსტერები, კალენდრები, საინფორმაციო ფურცლები და სხვადასხვა სახის სახელმძღვანელო დაურიგდათ.
შეხვედრებზე ქალებმა აღნიშნეს: „ მივესალმებით იმ ფაქტს, რომ საშუალება მოგვეცა შევუერთდეთ ძალადობის წინააღმდეგ მსოფლიო საერთაშორისო კამპანიას. ასეთი ტიპის კამპანიების ორგანიზებააუცილებელია, ყველამ ერთხმად უნდა ავიმაღლოთ ხმა ქალთა მიმართ ძალადობის აღმოსაფხვრელად."
გაზეთ „ხობის მოამბის" რედაქციის შენობაში შეკრებილი ქალბატონები გაეცნენ ინფორმაციას ახალი პროქტის შესახებ.
აღინიშნა, რომ პროექტის გეოგრაფია წელსაც მოიცავს დასავლეთ საქართველოს რვა ქალაქს, რომ ამომრჩეველ ქალთა კლუბების მუშაობაიქნება ბევრად უფრო დატვირთული და მრავალფეროვანი. შეხვედრებზე განიხილება საკანონმდებლო ცვლილებები, საზოგადოებისათვის აქტუალური პრობლემები. ჩამოყალიბდება ადვოკატირების და საზოგადოებასთან ურთიერთობის ბლოკები. კლუბის წევრებს შესაძლებლობა ექნებათ ყოველთვიურად დაესწრონ საკრებულოს სხდომებს, მიიღონ აქტიური მონაწილეობა საპარლამენტო არჩევნებში ქალ-კანდიდატთა მხარდასაჭერად.
ქალბატონები გაეცნენ გაეროს რეზოლუციას 1325 - აღნიშნული დოკუმენტიწევრ ქვეყნებს პოლიტიკაშიქალთა და მამაკაცთა თანაბარი მონაწილეობისკენ მოუწოდებს.
იმ დღესვე გაკეთდა ინფორმაცია ქალთა მიმართ ძალადობის წინააღმდეგ 16-დღიანი საერთაშორისო კამპანიის შესახებაც, რაც რეზოლუცია 1325-ის ერთგვარი გამოხმაურებაა.
ხობელმა ქალბატონებმა აღნიშნეს, რომ 16-დღიანკამპანიაში, როგორც წინა წლებში, წელსაც აქტიურად ჩაერთვებიან.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
ქუთაისში, სასტუმრო "იმერში” ლიდერთა სკოლის პირველი და მეორე
კურსის მონაწილეებს ტრენინგი ჩაუტარდათ თემაზე "ორგანიზაციული განვითარება”.
ტრენინგი დაიწყო ლიდერ ქალებთან შეხვედრით.
"ეფექტური კომუნიკაცია.
კონფლიქტები გუნდში და მისი გადაჭრის გზები”, - ამ თემის განხილვის შემდეგ ახალგაზრდები
ჩაუფიქრდნენ საკუთარ ჩვევებს და მათი გაუმჯობესების აუცილებლობაც დაინახეს.
"ტრენინგიდან მიღებული ინფორმაცია იმდენად კონკრეტული და
ამომწურავი იყო, რომ შეკითხვის დასმა არც მჭირდებოდა”, "სამი დღის განმავლობაში მიღებული
ცოდნა დამეხმარება, როგორც 16-დღიანი კამპანიის დროს დაგეგმილი ღონისძიებების კარგად
ჩატარებაში, ასევე ყოველდღიურ ცხოვრებაში”, - ასეთია პირველკურსელთა მოსაზრებები.
არასამთავრობო ორგანიზაციის მისიას, ფუნქციებს, ამოცანებს
და პროექტის წერის სტრუქტურას დიდი მონდომებით გაეცნენ დემოკრატიის კურსის მონაწილეები.
"ახალგაზრდული არასამთავრობო ორგანიზაციის შექმნის იდეა ჯერ
კიდევ პირველ ტრენინგზე გაგვიჩნდა. ახლა მიღებული ცოდნა გამოგვადგება ჩვენი იდეის განხორციელებაში”,
- ამბობენ გოგონები.
ტრენინგის მესამე დღეს ლიდერთა სკოლის ორივე კურსი ერთად
შეიკრიბა, რათა ემსჯელათ კამპანიის დაგეგმვასა და ორგანიზაციაზე. შეხვედრა მეტად საინტერესო
და ორიგინალური გამოდგა, რადგან გოგონებს ერთად მუშაობისა და გამოცდილების გაზიარების
საშუალება მიეცათ.
პროექტიხორციელდებაშვედეთისქალთაორგანიზაცია „ქალებიქალებისათვის" (KVINNA TILL
KVINNA) მხარდაჭერით.
