ახალი დიზაინი, ახალი სათაური, ახალი შინაარსი - ასეთიაჟურნალი „ქალთა ხმა - ქალი და დემოკრატია", რომელიც განაგრძობს ქალთა სამოქალაქო და პოლიტიკური აქტიურობის პოპულარიზაციისექვსწლიან ტრადიციას.
ჟურნალის პირველი ნომრის თემაა ამომრჩეველ ქალთა ლიგის თანამშრომლობა ადგილობრივ ხელისუფლებასთან.
ჟურნალის ფურცლებზე დასავლეთ საქართველოს რვა ქალაქის საკრებულოთა ხელმძღვანელები ქალთა აქტიურ მონაწილეობაზე ლაპარაკობენ, აშკარად იგრძნობა თანამშრომლობის სურვილი. ქალთა ლიგის წევრები კი მზად არიან, კიდევ უფრო აქტიურად ჩაერთონპრობლემების მოგვარების პროცესში სასიკეთო ცვლილებებისათვის.
უფრო კონკრეტულად -მკითხველს ჟურნალის გაცნობას ვურჩევთ.
მეექვსე ნომრის გამოშვებით დამთავრდა 2011 წელს ფონდი „სოხუმის" საინფორმაციო მუშაობა ძალადობის პრევენციის საკითხებზე.
ჟურნალის ბოლო ნომერმა შეაჯამა წლის მანძილზე გაწეული საქმიანობა. მკითხველს დაანახა ფონდის აქტიური ძალისხმევისშედეგები და, რაც მთავარია - მუშაობის გაგრძელების აუცილებლობა.
წელს გამოვიდა ჟურნალ „ქალთა ხმის" (რუბრიკით „ქალი და მშვიდობა") ორი ნომერი.მათში, ფორმატის სიმცირის მიუხედავად, აისახა ფონდის სამშვიდობო საქმიანობა.
მეორე ნომერში განსაკუთრებული ადგილი დაეთმო ინფორმაციას ლიდერთა სკოლის მეორე კურსელების შესახებ.
ახალგაზრდა ლიდერთა პორტრეტებში ნათლად გამოჩნდა ფონდის საქმიანობის შედეგები, ის ცვლილებები, რაც გოგონათა ცხოვრებაში მოხდა. ეს სტატიები ბევრ ახალგაზრდას მისცემს სტიმულს აქტიურობისა და საკუთარი პოტენციალის გამოვლენისათვის.
ჟურნალის პირველი პუბლიკაცია ეძღვნება ორ ტრენინგს, რომლებიც ფონდის ინსტიტუციონალური განვითარებისათვის ჩატარდა ბორჯომსა და ქუთაისში.
ჟურნალში მოთხრობილია მობილიზატორთა მუშაობაზე დასავლეთ საქართველოს ექვს მხარდაჭერის ცენტრში, არის სტატიები ოჯახში ძალადობის პრევენციის მიზნით ჩატარებულ აქტივობებზე.
ჟურნალისტები მკითხველს სხვებისაგან გამორჩეულ ქალთა პორტრეტებსაც სთავაზობენ. ასე, რომ ჟურნალის მეხუთე ნომერში ბევრი საინტერესო ინფორმაციაა მათთვის, ვინც ფონდი „სოხუმის"საქმიანობას ადევნებს თვალყურს.
ჟურნალმა „ქალთა ხმა პოლიტიკაში" გამოცემის კიდევ ერთი ციკლი დაასრულა.საპროექტო წელიწადის დამთავრებასთან ერთადჟურნალის ბოლო, მეოთხე ნომერიც გამოვიდა. სწორედ ამიტომ ჟურნალის რედკოლეგია ცდილობს, შეაჯამოს განვლილი მუშაობა, დაანახოს მკითხველს ამომრჩეველ ქალთა ლიგის მუშაობის თავისებურებები, შედეგები და ცვლილებები, რომლებიც ერთწლიანმა საქმიანობამ მოუტანადასავლეთ საქართველოს ქალაქებში მცხოვრებ ქალებს.
ბოლო გვერდზე დაბეჭდილ ქალთა ჩანაწერებში კარგად ჩანს ჟურნალის მისიაც და ფონდის საქმიანობის შედეგიანობაც:
მარინე ჩოხელი: კლუბთან თანამშრომლობა იმედით გვავსებს, საქმის კეთების სტიმულს გვაძლევს. მე ხელს შევუწყობ იმას, რომზუგდიდის რაიონის მრავალშვილიანმა ოჯახებმა სტაბილურად მიიღონ ფინანსური დახმარება.
ნატო ლომაია: ძალიან მომწონს ჟურნალი „ქალთა ხმა პოლიტიკაში", რომელიც ჩვენთან, ხობის კლუბში მოაქვთ. ჩანს, რომ ითვალისწინებენ ჩვენს წინადადებებსა და შენიშვნებს.
ქეთევან ქადიეშვილი: ჩვენთან, ოზურგეთშიც, ძალიან მტკივნეულია ტრანსპორტის მოძრაობის საკითხი. სტუდენტებისათვის ტრანსპორტით შეღავათიანი მგზავრობის თაობაზე პასუხს სექტემბრიდან ველოდებით. ეს ჩვენი ადვოკატირების ჯგუფის მუშაობის შედეგია.
ტრადიციისამებრ, თვის ბოლოს დაიბეჭდა ჟურნალი „ქალთა ხმა", რიგით მეოთხე ნომერი.
ჟურნალში ასახულია ფონდი „სოხუმის" საქმიანობა და ამ საქმიანობის გავლენა დასავლეთ საქართველოში მცხოვრებ ქალებზე, რომლებიც აქტიურად მონაწილეობენ ქალთა მხარდაჭერის ცენტრებში გამართულ ღონისძიებებში.
განსაკუთრებული ადგილი ეთმობა ფსიქოლოგის მუშაობას, რადგან ეს ფონდის საქმიანობის უმნიშვნელოვანესი ბლოკია და, როგორც სტატიებიდანაც ჩანს, იზრდება ნდობა ფსიქოლოგის მიმართ. აქვე დაბეჭდილია ფსიქოლოგის რჩევა „როგორ გავთავისუფლდეთ კომპლექსებისაგან", რამაც დაბეჭდვის პროცესშივე მიიპყრო მკითხველთაყურადღება.
მთლიანობაში ჟურნალი აღწევს მიზანს - აჩვენოს მკითხველს ის ცვლილებები, რაც უკვე ხდება ქალთა ცხოვრებაში და გაზარდოს მოტივაცია ახალი აქტიურობისა და ცვლილებებისათვის.
„თქვენიმუშაობამეტადშთამბეჭდავია.თქვენსაკმაოდგაძლიერდით,თანამშრომლობთადგილობრივმთავრობასათანდაპოლიტიკურპარტიებთან.დარწმუნებულივარ,ესთანამშრომლობაბევრადგააუმჯობესებსიმადამიანებისცხოვრებას,ვისთვისაცთქვენმუშაობთ." -მარტაბერტის (დემოკრატიისეროვნულიფონდის(NED)კოორდინატორისამხრეთკავკასიაში) ამ შეფასებით იწყება ჟურნალის ახალი ნომერი.
ცალკეული მასალა კონკრეტულ საქმეებზე უამბობს მკითხველს: რვა ქალაქში არსებული ამომრჩეველ ქალთა კლუბების აქტიურობაზე, ადგილობრივი მნიშვნელობის პრობლემების ადვოკატირებაზე, ფონდი „სოხუმის" საკანონმდებლო ინიციატივაზე. წარმოაჩენს იმ ქალთა პორტრეტებს, რომელთა ცხოვრებაშიც ფონდი „სოხუმის" დახმარებით სასიკეთო ცვლილებები მოხდა ბოლო წლების მანძილზე.
ჟურნალი, როგორც ყოველთვის, ამჯერადაც უხვადაა ილუსტრირებული - ფოტორკორესპონდენტ მანანა ლეშკაშელის ფოტოები კიდეც უფრო აძლიერებს ჟურნალის სათქმელს...
ჟურნალის ამ ნომერში ფონდი „სოხუმის" საქმიანობის რამდენიმე შეფასება დაიბეჭდა:
„ოჯახში ძალადობა არის პრობლემა, რომელზეც ჩვენ კარგა ხანია ფონდ „სოხუმთან" ერთად ვმუშაობთ. ყველაზე მნიშვნელოვანი ისაა, რა ცვლილებების მოხდენა შეგვიძლია ადამიანის ცხოვრებაში", - ილონკა ბოლტზე (ორგანიზაცია EED-ის კოორდინატორი ბალკანეთსა და კავკასიაში).
"ბევრია გაკეთებული, თქვენ ძალიან ბევრს მუშაობთ და აკეთებთ ქალებისათვის", - მაიკლ კრონენბერგი (ორგანიზაცია EED-ის ფინანსური დირექტორი).
„ჩემთვის პრესტიჟული იყო ათი დღის განმავლობაში ფონდი „სოხუმის" პერსონალთან მუშაობა", - ჯონ ბიუკლერკი (საერთაშორისო შემფასებელი დიდი ბრიტანეთიდან).
ჟურნალი კიდევ ერთი დასტურია „ბევრი გაკეთებულის" - სტატიებში წარმოდგენილია ფონდის მუშაობა ოჯახსა და საზოგადოებაში ქალთა მდგომარეობის გაუმჯობესების მიზნით ანუ ცვლილებები ქალთა ცხოვრებაში, გავლენა კონკრეტულ ადამიანებზე კონკრეტული აქტივობებით: ტრენინგი თუ იურისტის კონსულტაცია, გინეკოლოგთან შეხვედრა თუ ცენტრალურ პარკში ჩატარებული ფორუმ-თეატრი, ჟურნალისტების მონაწილეობით გამართული ტელეგადაცემა თუ დებატები ნაადრევი ქორწინების თემაზე, დევნილთა განსახლების კუთხით წარმართული მუშაობა თუ რადიოგადაცემებში ასახული პრობლემები, ლეჩხუმში მცხოვრებ დევნილებთან შეხვედრა თუ საერთაშორისო კამპანია „გლობალური კვირა შეიარაღებული ძალადობის წინააღმდეგ".
როგორც ყველა გამოცემაში, ამ ნომერშიც დაიბეჭდა ძალადობის მსხვერპლ ქალთა გულისტკივილი და, რა თქმა უნდა, აისახა ქალთა სიმამაცე, სიძლიერე და თანადგომა.
ახალგაზრდულინომერი - ასე შეიძლება ეწოდოს ჟურნალ „ქალთა ხმას".ფონდი „სოხუმის" სამშვიდობო საქმიანობა ახალგაზრდული გახდა და ახალგაზრდული სული იგრძნობა ჟურნალის ფურცლებზეც - სტატიები ლიდერთა სკოლის წინა გამოშვების კურსდამთავრებულებზე, ცვლილებებზე მათ ცხოვრებაში, ახალი ნაკადის შესარჩევ ტრენინგებზე... ფოტოსურათებიდანაც ლამაზი, სიცოცხლით სავსე თვალები იმზირებიან...
ჟურნალის რამდენიმე გვერდი ეთმობა უფროსი თაობის გამოცდილებასაც, რაც მეტად მნიშვნელოვანია გოგონებისათვის.
განსაკუთრებით საინტერესოა ბოსნია და ჰერცეგოვინაში დაწერილი დღიური, რომლის ავტორია ფონდის „სოხუმის" თავმჯდომარე, გამოცდილი მშვიდობისმყოფელი ალლა გამახარია...
ჟურნალის პირველ ნომერს მკითხველი ინტერესით გაეცნობა. წლის ბოლომდე კიდევ ერთი ნომერი გამოვა...
სტამბიდან გამოვიდა და ვრცელდება ჟურნალ „ქალთა ხმის" მეორე ნომერი. მისი მთავარი თემაა ფონდი „სოხუმისა" და მეწარმე ქალთა ფონდის ერთობლივი ფორუმი „ოჯახში ძალადობის პრევენცია - სტრატეგია და სამოქმედო გეგმა".
რაკი ფორუმი 8 მარტისმეასე წლისთავს მიეძღვნა, ჟურნალის პირველი სტატია სწორედ ამ დღესასწაულზე უამბობს მკითხველს (თარიღს საფუძველი დაუდო 1875 წლის ქალთა დემონსტრაციამ - იმ ქალთა საპროტესტო გამოსვლამ, რომლებიც 16 საათს მუშაობდნენ და მამაკაცებზე ნაკლებ გასამრჯელოს იღებდნენ. 1911 წელს 8 მარტი ქალთა საერთაშორისო დღედ გამოცხადდა.)
100 წლის შემდეგაც უწევთ ქალებს საკუთარი უფლებებისათვის ბრძოლა და განსაკუთრებით - ოჯახში ძალადობის წინააღმდეგ პროტესტის გამოხატვა.ეს პროტესტიჟურნალ „ქალთა ხმის" ყველა გვერდზე იგრძნობა.
ყოველთვიურ შეხვედრებზე ამომრჩეველ ქალთა კლუბებში (ქუთაისი, წყალტუბო, ხონი, ხობი, ზუგდიდი, ფოთი, ოზურგეთი, ბათუმი) განსაკუთრებული პასუხისმგებლობა იგრძნობა თანაქალაქელების წინაშე, რადგან კლუბის წევრებს შეუძლიათ პრობლემების ადვოკატირება და ლობირება.
საკრებულოს წევრი ქალბატონები კლუბებშიც არიან გაწევრიანებულნი და ეს ბევრად უფრო აადვილებს თანამშრომლობას საკრებულოებთან.
ჟურნალის ამ ნომერში სწორედ ამ თანამშრომლობაზე გიამბობთ.
ახალი წლიდან კვლავ გაგრძელდა ჟურნალ "ქალთა ხმის" გამოცემა.
გამოვიდა ჟურნალის პირველი ნომერი, რომელმაც შეაჯამა გასულ წელს ოჯახში ძალადობის პრევენციის მიზნით წარმართული კომპლექსური მუშაობა - ტრენინგები, შეხვედრები, ფსიქოლოგის და იურისტის კონსულტაციები, ფორუმ-თეატრი, გინეკოლოგის მუშაობა, ექსპერტთა ჯგუფის მუშაობა, საინფორმაციო მუშაობა, ანკეტირება ძალადობის პრობლემის მიმართ საზოგადოების დამოკიდებულების გამოსავლენად.
ეს ყველაფერი და მათ შორის ჟურნალის გამოცემაც საიმისოდაა, რომ ქალები უფრო აქტიურები და ძლიერები გახდნენ, ოჯახებში კი ჰარმონიამ დაისადგუროს...
ის იწყება შვედეთის ქალთა ფონდის Kvinna till Kvinnas-ს გენერალური დირექტორის ლენა იაგის მოხსენებით, რომელიც მან გააკეთა ბაქოში. მოხსენება ეძღვნებაგაეროს 1325 რეზოლუციის მეათე წლისთავს, მასში წარმოდგენილია ქალთა სამშვიდობო საქმიანობის ანალიზი.
ჟურნალის ახალი ნომერიკვლავინდებურად მშვიდობისმყოფელ ქალებსა და ახალგაზრდა ლიდერთა სკოლის მონაწილეებს ეძღვნება.
ჟურნალ „ქალთა ხმის" ახალი, მესამე ნომრის ძირითადი თემა კვლავ ახალგაზრდობაა. სამშვიდობო საქმიანობის ერთ-ერთი მთავარი მიმართულება ახალგაზრდა ლიდერთა სკოლაა. ჟურნალის ახალ ნომერში გრძელდება წინა ნომერში დაწყებული საუბარისკოლის მონაწილეებზე. დაბეჭდილია სტატიებიმათთვის ქუთაისში ჩატარებულ ორ ტრენინგზე და ვორკშოპებზე, რომელთაც ახალგაზრდები დამოუკიდებლად ატარებენ სხვადასხვა ქალაქში.
არანაკლებ საინტერესოა მასალებისაქართველოსა და რუსეთის მშვიდობისმყოფელ ქალთა დიალოგის შესახებ, რომელიც მოსკოვში გაიმართა.
ჟურნალი სხვა მნიშვნელოვან ინფორმაციასაც სთავაზობს მკითხველს - ქართულ-აფხაზური დიალოგი სტამბულში, შვედეთის ქალთა ფონდი Kvinna till Kvinna -ს ქსელური შეხვედრა და სხვა.
