|
10–12 ივნისს ქ. ბათუმში, სასტუმრო "ჩაოში” ჩატარდა ტრენინგი თემაზე "პრევენციული სტრატეგიები ოჯახში ძალადობის წინააღმდეგ”. ტრენინგს ესწრებოდა ადგილობრივი თვითმმართველობის 16 წარმომადგენელი, რომლებიც მოწვეულნი იყვნენ ქუთაისიდან, ფოთიდან, ზუგდიდიდან, სენაკიდან, წყალტუბოდან, ხონიდან.
ტრენინგის ჩატარება განაპირობა იმან, რომ ძალადობის პრობლემის მოგვარება წარმოუდგენელია ადგილობრივი თვითმმართველობის ორგანოების ჩართულობის გარეშე, ისინი კი, როგორც წესი, ამოვარდნილნი არიან ძალადობასთან ბრძოლის საერთო კონტექსტიდან და არ მოიაზრებიან რეფერალურ მექანიზმებში.
მონაწილეები აქტიურად ჩაერთნენ ტრენინგის მსვლელობაში. მათი პროდუქტიული მუშაობის შედეგად ყოველი ქალაქისათვის შემუშავდა ადგილობრივი თვითმმართველობის რეალობაზე მორგებული ორიგინალური კონცეფციების მოდელები, რაც ოჯახში ძალადობასთან ბრძოლის სამომავლო სტრატეგიებს დაუდებს სათავეს.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით. | 
