 |
„მიუხედავად იმისა, რომ ხშირად ხდება კონფლიქტები ჩემს გარშემო, არასოდეს მიფიქრია იმაზე, რომ ჩემი ხასიათი, პიროვნული ელემენტები, გავლენას მოახდენდა კონფლიქტის მიმდინარეობასა და განვითარებაზე. საინტერესო ინფორმაციები მოვისმინე. საკუთარ თავს სხვა კუთხით შევხედე და ბევრი რამ ახლებურად გავაცნობიერე."
„საინტერესოა, როცა ისმენ თეორიულ მასალას კონფლიქტზე, კიდევ უფრო საინტერესოა, როცა ამ ყველაფერს პრაქტიკულად აკეთებ. ვფიქრობ, როლური თამაშები და სავარჯიშოები ინფორმაციის აღსაქმელად საუკეთესო საშუალებაა".
ასეთი იყო ვორკშოპის მონაწილეთა მოსაზრებები.
12-დან 22 ოქტომბრამდე სენაკში, ქუთაისში, ხონში, ფონდი „სოხუმის" ლიდერმა გოგონებმა ხუთი ვორკშოპი ჩაატარეს თემაზე „ლიდერობა და კონფლიქტი". შეხვედრას დევნილი გოგონები ესწრებოდნენ. მონაწილეთა აზრით, მიღებული ინფორმაციები მნიშვნელოვანი იყო და ყოველდღიურ ცხოვრებაშიც გამოიყენებენ.
პროექტი ხორციელდება შვედეთის ქალთა ორგანიზაცია „ქალები ქალებისათვის" (KVINNA TILL KVINNA) მხარდაჭერით. |
