ქალთა და ახალგაზრდული ჯგუფების მუშაობის შედეგები სენაკში
სენაკის ქალთა საინიციატივო ჯგუფის წევრები პროექტის ფარგლებში ჩატარებული კვლევის შედეგებს გაეცნენ. გაუმართავი ინფრასტრუქტურა, უმუშევრობა, გახშირებული ოჯახური ძალადობა, სწავლების დაბალი ხარისხი - კვლევამ ის ძირითადი საფრთხეები გამოკვეთა, რომელიც ადამიანური უსაფრთხოების ძირითად სტანდარტებს არღვევს. მომდევნო თვიდან ჯგუფის წევრები გამოვლენილი პრობლემების ადვოკატირებას შეეცდებიან.
ახალგაზრდული ჯგუფის წევრებმა კი ფორუმ-თეატრის ფორმატით ახალი სცენა შექმნეს, რომელიც ოჯახში ძალადობის ძირითად მიზეზებს წარმოაჩენს. ახალგაზრდა მსახიობები ამ სცენებით სხვადახვა აუდიტორიის წინაშე წარსდგებიან და დისკუსიებს გამართავენ.