15 ახალი ორგანიზაცია შეემატა სამოქალაქო საზოგადოებას 8 მუნიციპალიტეტში. ეს ჩვენი პროექტის ერთ-ერთი მნიშვნელოვანი შედეგია. მათ დარეგისტრირების შემდეგ საჭირო სწავლებაც უტარდებათ.

„პროექტებისა და საგრანტო განაცხადების შემუშავება“ - ახალბედა ორგანიზაციების წარმომადგენლები ამ თემაზე ჩატარებულ ტრენინგს დაესწრნენ და გაეცნენ საპროექტო საგრანტო განაცხადების შედგენის პროცესსა და ეტაპებს. ონლაინ ფორმატის მიუხედავად, ტრენინგი მონაწილეთა აქტიური ჩართულობით მიმდინარეობდა. განხილული თეორიული საკითხები და კონკრეტული მაგალითები დაეხმარება მათ განაცხადის ფორმის მიხედვით საპროექტო იდეის  შემუშავებაში.

10-11 თებერვალს საკონსულტაციო შეხვედრები გაიმართა ცაგერსა და ამბროლაურში მომუშავე პარტნიორი ორგანიზაციების და ადგილობრივი სამთავრობო სტრუქტურების წარმომადგენლებთან,  სადაც განხილული იქნა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში დაგეგმილი მესამე მონიტორინგის კითხვარი, განისაზღვრა რესპონდენტები. გამოიკვეთა ადგილობრივ მუნიციპალიტეტში გამჭვირვალობის, ეფექტიანობისა და ინკლუზიურობის კუთხით დღის წესრიგში მდგარი დასაძლევი გამოწვევები, რომელზედაც ქვეგრანტების ფარგლებში შემუშავდება მინიპროექტები ადგილობრივი სამოქალაქო სექტორის მიერ.

ეთიკის კოდექსი დამტკიცდა - ეს საპროექტო მუშაობის ერთ-ერთი გამორჩეული შედეგია! ვანის მუნიციპალიტეტი ამ მხრივ პირველია დასავლეთ საქართველოს მუნიციპალიტეტებს შორის.

ვანის მუნიციპალიტეტის სამუშაო ჯგუფი აქტიურად მუშაობდა თვითმმართველობის პროფესიულ საჯარო მოხელეთა ეთიკის კოდექსზე. შემუშავებული დოკუმენტი განიხილეს მერიისა და საკრებულოს სამსახურებში, საკრებულოს სხდომაზე, განთავსდა მუნიციპალიტეტის ვებგვერდზე, რათა ყველა გაცნობოდა და გაეკეთებინა კომენტარები. 10 თებერვალს კი საკრებულოს მორიგ სხდომაზე, რომელსაც საკრებულოს თავმჯდომარე ალექსანდრე ლილუაშვილი ხელმძღვანელობდა, ეთიკის კოდექსი დაამტკიცეს.

ნაყოფიერი თანამშრომლობა გრძელდება ცაგერის მუნიციპალიტეტის სამოქალაქო და სექტორსა და ადგილობრივ თვითმმართველობას შორის. გადაიდგა ქმედითი ნაბიჯები. იწყება საჯარო მმართველობის რეფორმის საგზაო რუკის მონიტორინგის მესამე ეტაპი.

ადგილობრივი ხელისუფლება კიდევ უფრო მეტ ჩართულობას სთავაზობს მოსახლეობას, რადგან მუნიციპალიტეტის მცხოვრებთა აზრი პრიორიტეტულად მიაჩნია.

ცაგერში აქტიურად მუშაობს ორი ორგანიზაცია: „აქტიური მოქალაქე -ანგარიშვალდებული ხელისუფლება“ და „ქალთა უფლებებისა და თანასწორობის ცენტრი“.

საინფორმაციო სააგენტო „რეგიონული კვირა“ ასახავს მუშაობას პროექტში „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“.

„თანასწორობა ახლა“ და სამოქალაქო სპექტრი თანასწორობა - ბაღდათის სამოქალაქო საზოგადოების ეს ორი პარტნიორი ორგანიზაცია ესწრებოდა ონლაინ შეხვედრას, რომელიც ეხებოდა საჯარო მმართველობის რეფორმის მესამე მონიტორინგის მიზნებს. შეხვედრაზე დაისვა აქცენტები, რომლებიც მონიტორინგის დროს უნდა გამოიკვეთოს. ასევე განიხილეს კითხვარი და გაანაწილეს მოვალეობები. აღინიშნა, რომ მონიტორინგმა მუნიციპალიტეტში ცვლილებების დაწყებას შეუწყო ხელი.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება ევროკავშირის მხარდაჭერით

ახალი, რიგით მესამე მონიტორინგის ჩატარებასთან დაკავშირებული საკითხები, ცვლილებები კითხვარსა და ანგარიშის ფორმებში - ეს იყო  ძირითადი თემა ონლაინ ჩართვაზე, რომელიც გაიმართა ხონის სამოქალაქო საზოგადოების ორგანიზაციებთან - ხონის დევნილთა საინიციატივო ცენტრი და „განათლებისა და განვითარების ცენტრი „ედელვაისი“. ორგანიზაციის წევრებმა  მონიტორინგის ფარგლებში დაგეგმეს შეხვედრები თვითმმართველობის წევრებთან.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება ევროკავშირის მხარდაჭერით

ოზურგეთის სამუშაო ჯგუფის მორიგ შეხვედრაში აქტიური მონაწილეობა მიიღეს ჯგუფის წევრებმა, რომლებიც წარმოადგენენ როგორც ადგილობრივ თვითმმართველობას, ისე არასამთავრობო ორგანიზაციებსა და სხვა დაინტერესებულ ჯგუფებს. შეხვედრის დროს განსაკუთრებული ყურადღება დაეთმო საჯარო მმართველობის საქმეში ოზურგეთის მუნიციპალიტეტის გამოცდილების გაზიარებასა და სამოქალაქო საზოგადოების როლის წარმოჩენას.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება ევროკავშირის მხარდაჭერით

ლანჩხუთის მუნიციპალიტეტის სამუშაო ჯგუფის მორიგი შეხვედრა მიეძღვნა საჯარო მმართველობის პროცესში ახალგაზრდობის როლისა და მათი საჭიროებების განხილვას.  სამუშაო ჯგუფის წევრებთან ერთად მონაწილეობდნენ პროექტის ფარგლებში ახლახან შექმნილი ახალგაზრდული სამოქალაქო საზოგადოების ორგანიზაციების  - „ლანჩხუთის ახალგაზრდული მოძრაობა“ და „რუდუნი“ - წარმომადგენლები. შეხვედრაზე ისაუბრეს აქტუალურ პრობლემებზე საჯარო მმართველობის დანერგვის მიმართულებით. გამოიკვეთა ახალგაზრდების მაღალი მოტივაცია და მზადყოფნა, საკუთარი წვლილი შეიტანონ სამოქალაქო საზოგადოების განვითარებაში. შეხვედრაში აქტიური მონაწილეობა მიიღეს პარტნიორი ორგანიზაციების - ლანჩხუთის საინფორმაციო ცენტრი და საქართველოს სასოფლო დარბაზი - წარმომადგენლებმა.

სამოქალაქო საზოგადოების ორგანიზაციების ფორუმის წარმომადგენლებისთვის ჩატარდა ონლაინ ტრენინგი, რომლის მიზანი იყო ადვოკატირების არსის, ეტაპებისა და განხორციელების ფორმების მოკლე მიმოხილვა. დისკუსიების და ჯგუფური მუშაობის დროს მონაწილეებმა იმსჯელეს ადგილობრივ დონეზე საჯარო მმართველობის რეფორმის ჯეროვნად გატარების შემაფერხებელ ფაქტორებზე, განსაზღვრეს და გააანალიზეს ადვოკატირების სამიზნე ჯგუფები და დაინტერესებული მხარეები. ტრენინგზე საფუძველი ჩაეყარა თვითმმართველობებში არსებული საჭიროებების ადვოკატირების გეგმის სამუშაო დოკუმენტს, რომელზეც მომავალში დაეფუძნება „სამოქალაქო საზოგადოების ორგანიზაციების ფორუმის“ წარმომადგენლებისა და ფონდი „სოხუმის“ ერთობლივი ადვოკატირების სტრატეგია რეგიონულ და ეროვნულ დონეზე.

დონორი ორგანიზაციები

სასარგებლო ბმულები

სოციალური ქსელები