ფოთის, ქუთაისის, ხონის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებმა მორიგი ფსიქოლოგიური საინფორმაციო-საკონსულტაციო შეხვედრები გამართეს.
საუბრისთვის შეთავაზებული იყო აქტუალური თემა - მსხვერპლის კომპლექსი, მიზეზები, გამოვლენა და მისი დაძლევა ოჯახში ძალადობის პრევენციისთვის.
როგორც აღინიშნა, არიან ადამიანები, რომლებიც, კეთილდღეობის მიუხედავად, თავს უბედურად გრძნობენ. თითქოს ყველაფერი აქვთ - ოჯახი, შვილები, სამსახური, მაგრამ მუდმივად წუწუნებენ და ბედს ემდურიან. არიან ადამიანები, რომლებიც იზიდავენ უსიამოვნებებს. ასეთ ადამიანებს მსხვერპლის კომპლექსი აერთიანებთ. ფონდი „სოხუმის“ ფსიქოლოგმა მონაწილეებთან მნიშვნელოვანი მუშაობა ჩაატარა ამ კომპლექსის დაძლევის მიზნით.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)