გენდერული ძალადობა
წარმოგიდგენთ ქალთა ფონდი სოხუმის მორიგ მოკლე ანგარიშს, რომელიც მონიტორინგის საფუძველზე აფასებს თავშესაფრებისა და კრიზისული ცენტრების ეფექტიანობას და არსებულ ხარვეზებს. ანგარიშში ყურადღება გამახვილებულია გეოგრაფიული ხელმისაწვდომობის სირთულეებზე, ფსიქოლოგიური დახმარებისა და მრავალენოვანი სერვისების დეფიციტზე, ასევე მცირეწლოვანი ბავშვების მოვლის სერვისების არარსებობაზე, რაც ხელს უშლის ქალებს ამ დაწესებულებების შესაძლებლობებით სრულად სარგებლობაში. ანგარიშში ასევე ხაზგასმულია, რომ 2023 წლის საკანონმდებლო ცვლილებები, რომლის მიხედვითაც "მსხვერპლის სტატუსი" აღარ არის სერვისებზე წვდომის აუცილებელი წინაპირობა, ჯერ არ ასახულა მუნიციპალურ პროგრამებში, რაც ზღუდავს ქალების წვდომას ადგილობრივ მხარდაჭერის სერვისებზე.
განსაკუთრებული გამოწვევაა მონიტორინგისა და შემდგომი მხარდაჭერის მექანიზმების არარსებობა, რაც სირთულეებს უქმნის ქალებს თავშესაფრის დატოვების შემდეგ რეინტეგრაციასა და დამოუკიდებელი ცხოვრების დაწყებაში. ანგარიში ყურადღებას ამახვილებს თავშესაფრების სისტემური გაძლიერებისა და სარეაბილიტაციო პროცესისთვის მდგრადი და ეფექტიანი მოდელების შექმნის აუცილებლობას, რაც ძალადობის გამოვლილ ქალებს სრულფასოვან დახმარებასა და მათი უფლებების დაცვას უზრუნველყოფს.
ქალთა ფონდი „სოხუმი“ წარმოგიდგენთ ახალი მონიტორინგის მოკლე ანგარიშს - „ძალადობაგამოვლილი ქალების მიერ მხარდაჭერის სერვისების არჩევისა და შეფასების კრიტერიუმები: ეფექტიანობა და საჭიროებებზე მორგებულობა“. კვლევის ამ ანგარიშში ასახულია ქალების დამოკიდებულება მხარდაჭერის სერვისების ეფექტიანობის მიმართ, თუ რამდენად მორგებულია ძალადობამგამოვლილი ქალებისთვის განკუთვნილი სერვისები მათ საჭიროებებზე, და ის, თუ რა კრიტერიუმებით ხელმძღვანელობენ ისინი მომსახურების არჩევისას და შეფასებისას.
კვლევის მიგნებებით, რესპონდენტთა უმრავლესობა, დაცულობისა და ეფექტიანობის თვალსაზრისით, უპირატესობას ანიჭებს არასამთავრობო ორგანიზაციებს. ადგილობრივი ხელისუფლება და პოლიცია შედარებით დაბალ, თუმცა არცთუ მცირე მაჩვენებელს ავლენს დაცულობის და გამოწვევებთან გამკლავების თვალსაზრისით. მომსახურების ხარისხის გაუმჯობესების მიზნით, კვლევაში შეფასებულია სერვისების მიმწოდებლები ისეთი მახასიათებლების მიხედვით, როგორიცაა ხელმისაწვდომობა, მოქნილობა, კოორდინაციის უნარი და ა.შ.
დოკუმენტი ეფუძნება ფონდი "სოხუმის" მიერ 2024 წლის მაის-ოქტომბრის პერიოდში ჩატარებულ თვისობრივ და რაოდენობრივ კვლევას, რომლის ფარგლებში გამოიკითხა 600-ზე მეტი რესპონდენტი, 11 სამიზნე მუნიციპალიტეტიდან: ჩოხატაური, ქობულეთი, წყალტუბო, ქუთაისი, ხონი, თერჯოლა, სამტრედია, სენაკი, ზუგდიდი, წალენჯიხა და ხობი.
ქალთა ფონდი „სოხუმი“ წარმოგიდგენთ მოკლე ანგარიშს - „ქალების ინფორმირებულობის ხარისხი ძალადობის მსხვერპლთა მხარდაჭერის სერვისების შესახებ“ აღნიშნულ მოკლე მონიტორინგის ანგარიშში გაანალიზებულია ქალების ინფორმირებულობის დონე ქვეყანაში მოქმედი მხარდაჭერის სერვისების შესახებ, მათი ინფორმირების წყაროები და ის გამოწვევები, რაც მნიშვნელოვან გავლენას ახდენს სერვისების ხელმისაწვდომობაზე.
დოკუმენტი ეფუძნება ქალთა ფონდი „სოხუმის“ მიერ 2024 წლის მაისი-ოქტომბრის პერიოდში ჩატარებულ თვისებრივ და რაოდენობრივ კვლევას, რომელიც მოიცავს 600-ზე მეტ რესპონდენტს 11 სამიზნე მუნიციპალიტეტიდან: ჩოხატაური, ქობულეთი, წყალტუბო, ქუთაისი, ხონი, თერჯოლა, სამტრედია, სენაკი, ზუგდიდი, წალენჯიხა, ხობი.
ქალთა ფონდმა „სოხუმმა“ მოამზადა და დაბეჭდა „წლიური ანგარიში 2023“. როგორც შესავალშია აღნიშნული, 2023 წელს ჩვენ ვიმუშავეთ 12 პროექტში, რომლებიც ქალთა კეთილდღეობისკენ იყო მიმართული.
პროექტი: „ქალთა უფლებების გაძლიერება დასავლეთ საქართველოში“ - ქალთა მხარდაჭერის ცენტრები და ახალგაზრდების გაძლიერების ცენტრები 10 მუნიციპალიტეტში, სარეაბილიტაციო ცენტრი ქუთაისში, დღის სარეაბილიტაციო ცენტრები, ფორუმ-თეატრი, მონიტორინგი და ადვოკატირება. (ორგანიზაცია Brot für die Welt მხარდაჭერით - გერმანია)
პროექტი „ძალადობის მსხვერპლთა სერვისების ციფრული რესურსცენტრი“ - ქალთა ურთიერთდახმარების ჯგუფები 10 მუნიციპალიტეტში, ვებგვერდი „ძალადობის მსხვერპლთა სერვისების ციფრული რესურსცენტრი“ (გენდერული თანასწორობის ფონდის მხარდაჭერით - კანადა).
პროექტი „განხეთქილების დაძლევა - ხალხთაშორისი ინიციატივები კონფლიქტის მოგვარებისთვის“ - ქალებთან მუშაობა, ახალგაზრდებთან მუშაობა, სამედიცინო და ეკონომიკური კომპონენტები (USAID-ის მხარდაჭერით და პარტნიორობით ორგანიზაციასთან ასოციაცია „მშვიდობიანი და საქმიანი კავკასია“).
ქალთა ფონდი „სოხუმის“ ახალი პუბლიკაცია: „გზამკვლევი ჟურნალისტებისთვის - ქალთა მიმართ ძალადობის შესახებ პასუხისმგებლიანი გაშუქების სტანდარტები“ შეიცავს პრაქტიკულ რჩევებს ძალადობაგამოვლილი ქალების და ქალი უფლებადამცველების შესახებ ისტორიების პასუხისმგებლიან და ეთიკურ გაშუქებასთან დაკავშირებით. მასში განხილულია ძალადობაგამოვლილი ქალების დადანაშაულების თავიდან აცილების კონკრეტული სტრატეგიები, მათ გამბედაობასა და გაძლიერებაზე ფოკუსირებული თხრობის მნიშვნელობა და საზოგადოებაში გენდერული ძალადობის მიმართ ნულოვანი ტოლერანტობის კლიმატის ხელშეწყობის აუცილებლობა.
გზამკვლევში მოცემული რჩევების დაცვა ხელს შეუწყობს ჟურნალისტების მხრიდან ეთიკურ, მგრძნობიარე და პასუხისმგებლიან გაშუქებას, საზოგადოებაში გენდერული თანასწორობის მნიშვნელობის გააზრებას და მხარდაჭერის კულტურის ხელშეწყობას.
„გენდერული დეზინფორმაცია - მითები და რეალობა“ ფონდი „სოხუმის“ მიერ შექმნილი ეს ციფრული ინფორმაციული ბანერი სახელწოდებით „გენდერული დეზინფორმაცია - მითები და რეალობა“ ეხება გენდერული ძალადობის შესახებ გავრცელებულ მცდარ შეხედულებებს და მითებს მიღმა არსებულ რეალობას. მასში მოცემულია შეხედულებები, რომლებიც, სამწუხაროდ, ცირკულირებს საზოგადოებაში და ქმნის მავნე და მცდარ წარმოდგენებს, რომ ძალადობაგამოვლილი ქალები ხშირად თავად პროვოცირებენ ძალადობას; რომ ოჯახში ძალადობა არის მხოლოდ ოჯახის პირადი საქმე; რომ ოჯახში ძალადობასთან ბრძოლა ოჯახების დანგრევაზეა ორიენტრებული; და ფემინიზმი ძირს უთხრის ტრადიციულ ოჯახურ ღირებულებებს.
ბანერზე მოცემული ინფორმაციით მკითხველი აღმოაჩენს სიმართლეს საერთო მითებს მიღმა და გაიაზრებს გენდერული ძალადობის რეალურ განზომილებებს!
დოკუმენტში წარმოდგენილია ქალთა ფონდი „სოხუმის“ მიერ 2024 წლის მარტი-მაისში 10 სამიზნე მუნიციპალიტეტში ჩატარებული კვლევის მიგნებები. კვლევის ფარგლებში გამოიკითხა 1027 ქალი. ჩატარებული რაოდენობრივი კვლევის ცალკეული მიგნებები ეხება ძალადობის მსხვერპლთა მხარდაჭერის სერვისებისადმი ხელმისაწვდომობას და ქალების ინფორმირებულობის დონეს აღნიშნული სერვისების მიმართ. კვლევის შედეგები აჩვენებს, რომ 2023 და 2024 წლებში სერვისების შესახებ არაინფორმირებულ/ნაკლებად ინფორმირებულ ქალთა მაჩვენებელი თითქმის იდენტურია (დაახლ. 39%); შედარებით მაღალი ცნობადობა გამოიკვეთა სახელმწიფო თავშესაფრებისა და სახელმწიფო იურიდიული სამსახურების მიმართ (შემთხვევათა დაახლ. 37–46%); ძალადობის მსხვერპლთა მხარდაჭერის სერვისების შესახებ ინფორმირების ძირითადი წყაროებია არასამთავრობო ორგანიზაციები და სოციალური ქსელები; მოწყვლადი კატეგორიის ქალების 46.1%-ს არ მიუწვდება/ნაკლებად მიუწვდება ხელი მხარდამჭერ სერვისებზე (გასულ წელთან შედარებით მაჩვენებელი შემცირებულია 9%-ით); სერვისებისადმი ხელმისაწვდმობას ძირითადად აფერხებს შეზღუდული და არაადეკვატური სატრანსპორტო ინფრასტრუქტურა (26.4%), ხელმისაწვდომი სერვისების შესახებ ინფორმაციის ნაკლებობა და არაკვალიფიციური/უხარისხო მომსახურება (დაახლ. 25%%).
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
დოკუმენტში წარმოდგენილია ქალთა ფონდი „სოხუმის“ მიერ 2024 წლის მარტი-მაისში 10 სამიზნე მუნიციპალიტეტში ჩატარებული კვლევის მიგნებები. კვლევის ფარგლებში გამოიკითხა 1027 ქალი. ჩატარებული რაოდენობრივი კვლევის ცალკეული მიგნებები ეხება ძალადობის მსხვერპლთა მხარდაჭერის სერვისებისადმი მიმართვას. დოკუმენტის ფოკუსი მიემართება ძალადობის ადრეულ ეტაპზე იდენტიფიცირების და მისი გავლენის შემცირების მნიშვნელობას სერვისებისადმი მიმართვის საშუალებით. კვლევის შედეგების მიხედვით, 2023 და 2024 წლებში გამოკითხული ქალების 16%-ს არ მიუმართავს არცერთი მხარდამჭერი სერვისისთვის. ზოგადად, მიმართვიანობის ყველაზე მაღალი მაჩვენებელი 2024 წ. დაფიქსირდა პოლიციის (112) და ცხელი ხაზის (116 006) მიმართ (შემთხვევათა დაახლ. 45-48%%). მიზეზებს შორის, თუ რატომ არ მიმართავენ არცერთ მხარდამჭერ სერვისს ძალადობის შემთხვევაში, წამყვანია „სტიგმა და საზოგადოების განკითხვის შიში“ (შემთხვევათა 27.9%).
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმი“ წარმოგიდგენთ ახალ საინფორმაციო ბროშურას: „გენდერული დეზინფორმაცია - მახასიათებლები, ტაქტიკა და ამოცნობის მეთოდები“, სადაც ნაჩვენებია, თუ როგორ გამოიყენება ცრუ და არაზუსტი ინფორმაცია ქალების, განსაკუთრებით საჯარო სფეროში აქტიური ქალების დისკრედიტაციის, დაშინებისა და გაჩუმებისთვის. ბროშურა ასახავს გენდერული დეზინფორმაციის ძირითად მახასიათებლებს და ზოგად ტაქტიკას, როგორიცაა გენდერული სტერეოტიპების გავრცელება, მსხვერპლის დადანაშაულება და ქალთა ინტელექტუალურ შესაძლებლობებზე თავდასხმა. გარდა ამისა, ბროშურა იძლევა პრაქტიკულ რჩევებს გენდერული დეზინფორმაციის ამოცნობის შესახებ ინფორმაციის, წყაროს, ავტორის გადამოწმების, და სანდო ფაქტების შემმოწმებელი ვებსაიტების (ფაქტ-ჩეკერების) გამოყენებით.
