ქალთა მიმართ ძალადობის პრობლემა კიდევ უფრო აქტუალური ხდება, როცა მას ემატება ონლაინ სივრცე - ძალადობრივი კონტროლის განხორციელების მეტი შესაძლებლობა.
ქალთა მხარდაჭერის ცენტრების ორგანიზებულ შეხვედრებზე განსაკუთრებული ყურადღება დაეთმო ციფრული ტექნოლოგიებიდან მომდინარე საფრთხეებს. აღინიშნა, რომ ძალადობა მხოლოდ ფიზიკურ გარემოში არ ვლინდება და ონლაინ სივრცეშიც სერიოზულ გამოწვევად რჩება.
შეხვედრების ფარგლებში აქტიურად განიხილეს, რამდენად მნიშვნელოვანია ძალადობის მსხვერპლთა მხარდაჭერის სერვისებზე ხელმისაწვდომობა, რათა მათ შეძლონ მსგავსი საფრთხეებისგან თავის დაცვა და საჭირო დახმარების დროულად მიღება.
მონაწილეებმა აღნიშნეს:
„ქალებს არა აქვთ საკმარისი ინფორმაცია ციფრული ძალადობის შესახებ, რაც ადამიანებში დაუცველობის განცდას ამძაფრებს“.
„ასეთი შეხვედრები ძალიან სასარგებლოა. მეტი ინფორმირებულობა შეიძლება ამ პრობლემის წინააღმდეგ გამოვიყენოთ“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
რამდენად აქტუალურია ოჯახში ძალადობის პრობლემა თემებში?
რამდენად არის ინფორმირებული საზოგადოება მსხვერპლთა დახმარების სერვისებზე?
როგორ რეაგირებენ ძალადობის შემთხვევებზე?
სად შეიძლება მოიპოვონ ინფორმაცია არსებულ სერვისებზე?
ამ თემებზე აქტიური დისკუსიები გაიმართა ქალთა მხარდაჭერის ცენტრების მიერ ინიცირებულ საინფორმაციო შეხვედრებზე ხურჩაში (ზუგდიდის მუნიციპალიტეტი), წყალტუბოში, წალენჯიხაში.
სოციალური მუშაობის გაძლიერებისთვის მობილიზატორებთან ერთად აქტიურად მუშაობენ პარასპეციალისტები. ქეისების იდენტიფიცირების პარალელურად, ხდება მათი მიზნობრივი გადამისამართება. ჩვენს სარეაბილიტაციო ცენტრში ფსიქოსოციალურ მხარდაჭერას სამი ქალი მიიღებს ბავშვებთან ერთად.
სოციალური მუშაობა ხელს უწყობს სერვისებზე ხელმისაწვდომობას, რაც განსაკუთრებით მნიშვნელოვანია რისკის მქონე ჯგუფის ქალებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისში და სენაკში გამართული საინფორმაციო შეხვედრების მიზანი იყო ქალთა ცნობიერების ამაღლება, იმ რესურსების გაცნობა, რომლებიც განსაკუთრებული რისკის ქვეშ მყოფი ქალების უსაფრთხოდ ყოფნას უზრუნველყოფს.
მონაწილეებმა მიიღეს ინფორმაცია ქალთა მიმართ ძალადობის ფორმებისა და სახეების შესახებ, ასევე - ძალადობის მსხვერპლთა მხარდაჭერის სერვისებზე, გაიგეს, რომელი ცხელი ხაზის გამოყენებაა ეფექტიანი და რატომ არის ამ სერვისების შესახებ ინფორმირება აუცილებელი.
მათ აღნიშნეს, რომ მსგავსი ინფორმაციის მიღება მნიშვნელოვანია, რადგან ხშირად ადამიანები ვერ აცნობიერებენ, რომ ონლაინ სივრცეშიც შეიძლება ძალადობის მსხვერპლი გახდნენ.
„ხშირად არ ვიცით, რომ ინტერნეტში შეურაცხყოფა, თვალთვალი ან პირადი ინფორმაციის გავრცელება ძალადობის ფორმაა. ახლა უკვე ვიცით, ვის მივმართოთ დახმარებისთვის.“
მონაწილეთა თქმით, მსგავსი შეხვედრები ხელს უწყობს თემებში ინფორმირებულობის გაზრდას და ძალადობის შემთხვევებზე დროულ რეაგირებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხონში გამართულ საინფორმაციო შეხვედრაზე მონაწილეებმა ფსიქოლოგთან ერთად იმსჯელეს თვითშეფასების ამაღლების, სტრესის მართვისა და საკუთარ თავზე მუშაობის მნიშვნელობაზე. შეხვედრა ინტერაქტიულ ფორმატში წარიმართა და მოიცავდა როგორც თეორიულ ნაწილს, ისე პრაქტიკულ სავარჯიშოებს. სავარჯიშოებმა ხელი შეუწყო საკუთარი ძლიერი მხარეების აღმოჩენას და პირადი რესურსების გააზრებას.
„ასეთი ტიპის ტესტები და პრაქტიკული დავალებები გვეხმარება, უფრო ნათლად დავინახოთ ჩვენი შესაძლებლობები და გავაანალიზოთ, როგორ შეგვიძლია პრობლემებთან გამკლავება.“
„სტრესის მართვის ტექნიკები, რომლებიც შევისწავლეთ, რეალურად გამოსადეგია ყოველდღიურ ცხოვრებაში. მნიშვნელოვანია, ვიცოდეთ როგორ ვიზრუნოთ საკუთარ ემოციურ მდგომარეობაზე.“
საინფორმაციო შეხვედრები გაიმართა ასევე ზუგდიდის, ჩოხატაურის, ხობის ქალთა მხარდაჭერის ცენტრებში. შეხვედრების ერთ-ერთ მთავარ თემას ძალადობის ფორმების განხილვა წარმოადგენდა. განსაკუთრებული ინტერესი გამოიწვია ციფრული ძალადობის საკითხმა.
მონაწილეთა შეფასებით, „დღეს ძალადობის ფორმები უფრო მრავალფეროვანი გახდა, რადგან ონლაინ სივრცე ახალ რისკებს ქმნის.“ მათ აღნიშნეს, რომ მნიშვნელოვანია საზოგადოების ინფორმირებულობის ზრდა და ციფრულ გარემოში უსაფრთხოების წესების ცოდნა.
ქალთა მხარდაჭერის ცენტრებში მსგავსი საინფორმაციო შეხვედრები მიზნად ისახავს ქალთა გაძლიერებას, მათი ცნობიერების ამაღლებას და პრაქტიკული ინსტრუმენტების მიწოდებას, რაც ხელს შეუწყობს ყოველდღიურ ცხოვრებაში ძალადობის რისკების შემცირებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრებში აქტიურად გრძელდება საინფორმაციო შეხვედრები, რომელთა მიზანია: საზოგადოების ცნობიერების ამაღლება, ინფორმირებული მოქალაქეების რიცხვის ზრდა, ოჯახში ძალადობის პრევენციას და ძალადობის მსხვერპლთა მხარდაჭერა და დაცვა.
შეხვედრებში მონაწილეობენ საბავშვო ბაღების პედაგოგები, სკოლის მასწავლებლები, მშობლები და თემის აქტიური წარმომადგენლები. ეს მრავალფეროვანი ჩართულობა ხელს უწყობს გამოცდილების გაზიარებას და შემთხვევათა იდენტიფიცირების პროცესს.
მონაწილეების თქმით, ოჯახში ძალადობა სერიოზულ სოციალურ გამოწვევად რჩება. აღინიშნა, რომ გაჩნდა ახალი საფრთხე, რომელიც ონლაინტექნოლოგების გამოყენებით ხორციელდება ქალებზე. მათი შეფასებით, განსაკუთრებით მნიშვნელოვანია ინფორმაციის ხელმისაწვდომობა იმ სერვისებსა და პროგრამებზე, რომლებიც ძალადობის მსხვერპლთა დახმარებას და დაცვას უზრუნველყოფს.
ქალთა მხარდაჭერის ცენტრები მომავალშიც გააგრძელებენ მსგავს საინფორმაციო აქტივობებს, რათა ყველას მოქალაქეს ჰქონდეს ცოდნა, მხარდაჭერა და უსაფრთხოების განცდა.
მონაწილეთა განწყობა უკუკავშირში აისახა:
„ოჯახში ძალადობა ახალი ფორმებით ვლინდება, ახალი საფრხეები გაჩნდა. ამიტომ ადრეულად, სანამ შეიძლება პრობლემის მართვა, უნდა დავეხმაროთ ქალებს.“
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხელსაქმეს უძველესი ტრადიცია აქვს საქართველოში. ქალებმა იცოდნენ კერვა, ქსოვა, ქარგვა და მზითევსაც თვითონ იმზადებდნენ. დღესაც საკმაოდ ბევრს აინტერესებს ხელსაქმე.
ჩვენმა ორგანიზაციამ ქალების თხოვნით რამდენიმე მუნიციპალიტეტში გახსნა ჭრა-კერვის კურსები, არაერთმა ქალმა დახვეწა თავისი უნარები და საკუთარი მცირე ბიზნესიც კი წამოიწყო.
ახლა ხურჩის (ზუგდიდის მუნიციპალიტეტი) ქალთა მხარდაჭერის ცენტრის ჯერი დადგა. უკვე ჩავიტანეთ საკერავი მანქანები, კერვისთვის საჭირო მასალები. ორი თვის განმავლობაში ქალები ბევრ რამეს ისწავლიან პედაგოგთან ერთად, რომელიც მონდომებით შეუდგა საქმეს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ეს წელიც აქტიურად დაიწყო ქალთა მხარდაჭერის ცენტრებში. მობილიზატორები და პარასპეციალისტები ერთობლივად მუშაობენ სხვადასხვა თემში, რათა რაც შეიძლება მეტი ინფორმირებული ქალი გვყავდეს საზოგადოებაში. მსხვერპლთა დახმარების სერვისების გაცნობა ხელს უწყობს ქალების გაძლიერებას და ოჯახური ძალადობის პრევენციას.
საზოგადოების ინფორმირება მსხვერპლთა მხარდაჭერის სერვისებზე ქალთა მხარდაჭერის ცენტრების შეხვედრების მნიშვნელოვანი სეგმენტია, რის საფუძველზეც ხდება ქეისების იდენტიფიცირება და შემდგომი რეაგირება.
შეხვედრებმა უკვე მოიტანა შედეგები. გამოჩნდნენ კონკრეტული ბენეფიციარები, რომლებიც მზად არიან არსებული სერვისების მისაღებად. ქეისების ანალიზის შედეგად მოხდება მათი გადამისამართება საჭიროების შესაბამისად.
შეხვედრები ჩატარდა ვანის, წყალტუბოს ხონის, თერჯოლის და წალენჯიხის ქალთა მხარდაჭერის ცენტრებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მიმართ ძალადობის პრობლემა აქტუალობას არ კარგავს. თემებში ჩატარებული საინფორმაციო შეხვედრებიც ამას ადასტურებს. მონაწილეები აღნიშნავენ, რომ გაზრდილია იმ ოჯახების რაოდენობა, სადაც ძალადობის განვითარების რისკები მაღალია:
„სამწუხაროდ, ფსიქოლოგიური ძალადობა დღემდე არ არის აღიარებული. ბევრი ქალი მიიჩნევს რომ ეს ნორმალურია. ასეთი განწყობა ხელს უშლის პრობლემის ამოცნობას. შემთხვევების რაოდენობა გაზრდილია, თუმცა ხშირად ამ თემაზე საუბარს ერიდებიან.“
„როცა მეუღლეებს შორის კონფლიქტი ვერ გვარდება თვეების განმავლობაში, იქ ნებისმიერ დროს შეიძლება მივიღოთ ფიზიკური ძალადობა.“
შეხვედრის მონაწილეები პრობლემებზე საუბრის პარალელურად გამოსავალზე მსჯელობენ. მიაჩნიათ, რომ ქალთა მხარდაჭრა უნდა გაგრძელდეს. ამიტომ შეხვედრებს განსაკუთრებულ მნიშვნელობას ანიჭებენ.
„ინფორმაციები სულ უნდა შევთავაზოთ ქალებს, ყველამ უნდა იცოდეს, თავი როგორ დაიცვას საჭიროების დროს, ვის მიმართოს, ვის დაურეკოს. რა სახის დახმარებები არსებობს.“
შეხვედრები ჩატარდა ქუთაისის, სენაკის, ზუგდიდის და ხობის ქალთა მხარდაჭერის ცენტრებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
16-დღიანი კამპანიის დროს ჩაატარეს სხვადასხვა ფორმატის შეხვედრები და დებატები, მოაწყვეს თემატური ფილმების ჩვენება და დისკუსიები, მოაზადეს სოციალური გზავნილებით დატვირთული ნახატები.
თემის ლიდერებმა აქტიურად გაუზიარეს შეხვედრების მონაწილეებს საჭირო ინფორმაცია - უფლებრივ საკითხები და სერვისები, რომლებიც ძალადობის რისკის ქვეშ მყოფ ქალებს ეხმარება.
აქტივობების ძირითადი მიმართულებები იყო ქალთა მიმართ ძალადობის პრევენცია, ცნობიერების ამაღლება და უსაფრთხო, არაძალადობრივი გარემოს უზრუნველყოფა.
პროცესში ჩაერთნენ სხვადასხვა თაობის და პოზიციის ადამიანები. საერთაშორისო პროტესტის ფონზე კიდევ უფრო ძლიერად ისმოდა მათი მესიჯი: არა ქალთა მიმართ ძალადობას!
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
