ქუთაისის გენდერულმა საკონსულტაციო საბჭომ სხდომაზე განსახილველად იმ პროექტის სამუშაო ვარიანტი გაიტანა, რომელიც ადგილობრივ ხელისუფლებასთან თანადაფინანსებით უნდა განხორციელდეს. სხდომაზე მოწვეულნი იყვნენ ადამიანები, რომლებიც მომავალი პროექტის აქტივობებთან პირდაპირ კავშირში არიან: ფონდი „სოხუმის“ წარმომადგენლები, უნივერსიტეტის ლექტორები.
მუშაობისას დაფიქსირდა სხვადასხვა პოზიცია, რომელიც პროექტის ეტაპებს, სამიზნე ჯგუფებს და თემატიკას უკავშირდება. სხვადასხვა მოსაზრების დაფიქსირების შემდეგ შეიქმნა საინიციატივო ჯგუფი 6 კაცის შემადგენლობით, რომლებიც პროექტზე მუშაობას გააგრძელებენ.
შეხვედრის მეორე ნაწილში საბჭოს წევრებმა შეიმუშავეს იდეები ახალი პროექტის შესაქმნელად.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით