ერთი შეხვედრა საგანგებოდ მოეწყო ჟურნალისტებისთვის. საქართველოს სხვადასხვა  მედიასაშუალების წარმომადგენლების შეხვედრა Zoom-ის ონლაინ პლატფორმაზე გახდა შესაძლებელი. ისინი დიდი ინტერესით გაეცნენ ონლაინ მრიცხველს, ნახეს ვიდეორგოლი, დაინტერესდნენ დეტალებით, გამოყენების წესით და მიიღეს სათანადო პასუხები.

შეხვედრის ბოლოს მათ აღნიშნეს, რომ  არა მარტო თვითონ შეავსებენ კითხვარს, არამედ ამ ინოვაციას გააცნობენ კოლეგებს, მეგობრებს... 

თერჯოლის ქალთა მხარდაჭერის ცენტრის მცირე პროექტის „საქმით ვებრძვით ძალადობას და სიღარიბეს“ ფარგლებში მიმდინარეობს კულინარიისა და სერვირების შემსწავლელი კურსი - სპეციალური კომისიის მიერ შერჩეულ ბენეფიციარებთან. მონაწილეები აქტიურად არიან ჩართულები პროცესში. იგეგმება მომავალი მუშაობა, თუ როგორ გამოიყენებენ მიღებულ ცოდნას თვითრეალიზაციისთვის.

ლანჩხუთის საბავშვო ბაღებში ჩატარდა საინფორმაციო შეხვედრები აღმზრდელებთან. მონაწილეებს მიეწოდათ ინფორმაცია, თუ როგორ უნდა გამოავლინონ ძალადობის რისკ ფაქტორის ქვეშ მყოფი ბავშვები და, კანონის თანახმად, რა კუთხით ევალებათ რეაგირება. შეხვედრები იმართება ქალთა მხარდაჭერის ცენტრის მცირე პროექტის  „ძალადობის პრევენცია - ჰარმონიული გარემო პატარებისთვის“ ფარგლებში. აღინიშნა, რომ მსგავს საკითხზე მუშაობა მეტად მნიშვნელოვანია, რადგან აღმზრდელებს არ ჰქონდათ სათანადო ინფორმაცია. 

პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში, პროექტის პარტნიორმა, იმერეთის მხარის მეცნიერთა კავშირმა „სპექტრმა“ გამართა მორიგი პრესკონფერენცია, რომელიც მიეძღვნა გურიის, იმერეთისა და რაჭა-ლეჩხუმის სამიზნე მუნიციპალიტეტებში ადგილობრივ დონეზე საჯარო მმართველობის რეფორმის (PAR) საგზაო რუკის განხორციელების მეორე მონიტორინგის შედეგებს. პრესკონფერენციაში მონაწილეობა მიიღეს როგორც სამიზნე მუნიციპალიტეტებში, ისე ქუთაისში მოქმედი მასმედიის, ელექტრონული და ბეჭდვითი საშუალებების წარმომადგენლებმა.

პროექტი ხორციელდება ევროკავშირის მხარდაჭერით

ფახულანის (წალენჯიხის მუნიციპალიტეტი) ქალთა მხარდაჭერის ცენტრის მცირე პროექტის „ჯანსაღი თაობისთვის“ ფარგლებში ჩატარდა საინფორმაციო შეხვედრები სამიზნე სკოლების მშობლებთან. მათ მიიღეს ინფორმაცია შემდეგ საკითხებზე: ოჯახში ძალადობა, მოზარდი და ძალადობრივი გარემო, ბულინგი, ძალადობის პრევენცია, რეაგირების მექანიზმები. შეხვედრების მონაწილეებმა აღნიშნეს, რომ ასეთი მუშაობა მათთვის მეტად მნიშვნელოვანია.

სექტემბერში აქტიურად დაიწყო ფორუმ-თეატრის წარმოდგენები ღია ცის ქვეშ. დღევანდელ სიტუაციასთან დაკავშირებით მაყურებელთა რაოდენობა მცირეა, მაგრამ წარმოდგენები მაინც იმართება. ფორუმ-თეატრის ახალი ინიციატივაა - ინტერვიუები მოქალაქეებთან - სხვადასხვა ასაკის ადამიანებთან. საუბარი მიმდინარეობს ძალადობის მიზეზებზე, შედეგებზე, გამოსავალზე.  იქვე თამაშდება სცენა, ეს არის ერთგვარი „ერთი მაყურებლის თეატრი“, რაც ძალიან შთამბეჭდავია ყველასთვის.

ზუგდიდში სამოქალაქო საზოგადოების წარმომადგენლებთან საჯარო დისკუსიები გაიმართა. შეხვედრის მონაწილეებმა მოისმინეს ინფორმაცია ონლაინ მრიცხველის შესახებ, როგორ უნდა მოვხვდეთ ამ პლატფორმაზე და რატომ არის ის საინტერესო, რას ემსახურება აღნიშნული აპლიკაცია.

მუშაობა მიმდინარეობს პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ ფარგლებში.

პროექტი ხორციელდება ვიშეგრადის ფონდის მხარდაჭერით

პარტნიორული პროექტის „ოჯახში ძალადობის პრევენციის, მსხვერპლის მხარდაჭერის და მოძალადესთან თერაპიული მუშაობის სისტემის გაძლიერება“ ფარგლებში ფონდი „სოხუმის“ დღის სარეაბილიტაციო ცენტრში გრძელდება ჭრა-კერვის სწავლება, საბუღალტრო აღრიცხვის, კომპიუტერის, სტილისტისა და მანიკურის სპეციალობის შემსწავლელი კურსები. კურსების მონაწილეები დიდი ინტერესით ეუფლებიან ახალ სპეციალობებს და ცდილობენ კიდეც, პრაქტიკაში გამოიყენონ მიღებული ცოდნა.

მცირე პროექტი „ჰარმონიული გარემო პატარებისთვის“ წარმატებით ხორციელდება ქობულეთში. თუმცა, არსებული სიტუაციიდან გამომდინარე, საბავშვო ბაღების აღმზრდელებთან ქალთა მხარდაჭერის ცენტრმა საინფორმაციო შეხვედრები ონლაინ  ჩაატარა. ბენეფიციარებს მიეწოდათ ინფორმაცია მუნიციპალურ და ზოგადად სახელმწიფო სერვისებზე, ასევე კორონავირუსის პრევენციასთან დაკავშირებულ რეგულაციებზე. 

პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ ფარგლებში საინფორმაციო შეხვედრები ჩატარდა ხონში მცხოვრებ მოქალაქეებთან.

მათ მიეწოდათ ინფორმაცია პროექტის, აპლიკაციის არსის და მისი გამოყენების შესახებ.

შეხვედრებზე იმსჯელეს, როგორი უნდა იყოს ქვეყნის სტრატეგია განათლების, ჯანდაცვის, კულტურის, უსაფრთხოების თვალსაზრისით.

პროექტი ხორციელდება ვიშეგრადის ფონდის მხარდაჭერით