იმერეთის მხარის მეცნიერთა კავშირმა „სპექტრმა“ გამართა ონლაინ პრესკონფერენცია - გურიის, იმერეთის, რაჭა-ლეჩხუმის მასმედიის წარმომადგენლებმა მიიღეს ინფორმაცია საჯარო მმართველობის საგზაო რუკის განხორციელების მონიტორინგის შედეგების შესახებ.

პროექტი ხორციელდება ბაღდათში, ვანში, ხონში, თერჯოლაში (იმერეთი), ოზურგეთში, ლანჩხუთში (გურია), ამბროლაურში, ცაგერში (რაჭა-ლეჩხუმი).

პრესკონფერენციაში მონაწილეობა მიიღო ყველა სამიზნე მუნიციპალიტეტის ბეჭდვითი თუ ელექტრონული მედიის წარმომადგენელმა. ასევე წარმოდგენილი იყო ქუთაისსა და ოზურგეთში არსებული რეგიონული მედიასაშუალებები.

შეხვედრის დროს პროექტის პარტნიორი ორგანიზაციების წარმომადგენლებმა ისაუბრეს ადგილობრივ დონეზე მონიტორინგის ორგანიზების და მიღებული შედეგების შესახებ.  ჟურნალისტებმა დასვეს შეკითხვები მუნიციპალიტეტებში საჯარო მმართველობის საკითხებთან დაკავშირებით.

პრესკონფერენციამ დიდი გამოხმაურება ჰპოვა და მასმედიაში გაჩნდა მასალები პროექტზე „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“.   

http://firstnews.ge/index.php/2018-07-19-18-59-49/2018-07-19-19-15-51/sazogadoeba/item/5913-2020-05-01-17-26-35?fbclid=IwAR3i8ke1-_dvzlzaiZHAF9-E-k6h7I_Tk2KOhiNbx_6sdK0PMUTJ5ymLKTg

https://www.facebook.com/permalink.php?story_fbid=2621525841437515&id=1563317297258380&__tn__=K-R

https://www.facebook.com/rionitv/photos/a.10150869723229858/10157506538444858/?type=3&theate

პროექტი ხორციელდება ევროკავშირის მხარდაჭერით

მაისის დასაწყისში სამი ონლაინ შეხვედრა ჩატარდა ახალგაზრდული კლუბის წევრებთან. ამჯერად ლანჩხუთის, ქუთაისის და სოფელ ნაბაკევის (სამტრედიის მუნიციპალიტეტი) სკოლების მოსწავლეები ჩაერთნენ. შეხვედრებზე განხილული იყო ძალადობის პრობლემა მოზარდებში, სკოლისა და ოჯახის როლი, დაცვის მექანიზმები. შეხვედრების მონაწილეებმა გულრფელად ისაუბრეს ძალადობის მიზეზებზე, მშობლებთან და მასწავლებელებთან ურთიერთობების პრობლემებზე, მოიყვანეს მაგალითები. აქცენტი გაკეთდა პანდემიის პირობებში გაზრდილ შემთხვევებზე და გამოსავალზე.

პროექტი „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ თავიდანვე კარგად იყო გააზრებული და დაგეგმილი. ბოლო დროს Covid-19 ვირუსის გამო შექმნილმა საგანგებო მდგომარეობამ კიდევ უფრო აქტუალური გახადა ეს პროექტი, მაგრამ გამოჩნდა ხელისშემშლელი ფაქტორებიც.

პროექტის მონაწილეები ონლაინ შეხვედრების დროს ახალ გზებს ეძებენ, რომ პროექტი წარმატებით განხორციელდეს. მორიგ შეხვედრაზე განხილულ იქნა ონლაინ პლატფორმის „ამომრჩევლის რჩევის აპლიკაციის“ (Voter Advice Application) დანერგვასთან დაკავშირებული საკითხები: პოლონელი ტრენერის მიერ ტრენინგის ჩატარება - ამჯერად ონლაინ; ონლაინ დაიწყება მუშაობა პოლიტიკურ პარტიებთან - მოხდება მათი ინფორმირება აპლიკაციის დანერგვის და  პანდემიის პირობებში გამოვლენილი საჭიროებების კუთხით.

შეხვედრაზე განსაკუთრებული აქცენტი გაკეთდა ვიდეორგოლის მომზადებაზე - ანიმაციური ვიდეორგოლი ამომრჩეველს კარგად დაანახებს ონლაინ პლატფორმის არსს, მის მნიშვნელობას გააზრებული არჩევანისთვის და მისცემს სათანადო ინსტრუქციას.

პროექტი ხორციელდება ვიშეგრადის ფონდის მხარდაჭერით

პროექტის  „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში იმერეთის მხარის მეცნიერთა კავშირმა „სპექტრმა“ გამართა მორიგი საკონსულტაციო შეხვედრა პროექტში ჩართულ გურიის სამოქალაქო საზოგადოების ორგანიზაციების წარმომადგენლებთან. კერძოდ, მასში აქტიური მონაწილეობა მიიღეს ლანჩხუთის საინფორმაციო ცენტრისა და საქართველოს სასოფლო დარბაზის (ლანჩხუთი), განათლებისა და თანასწორობის ცენტრისა და ახალგაზრდა პედაგოგთა კავშირის (ოზურგეთი) წარმომადგენლებმა.

შეხვედრაზე განხილულ იქნა ოზურგეთისა და ლანჩხუთის მუნიციპალიტეტებში საჯარო მმართველობის საგზაო რუკის განხორციელების საჭიროებების კვლევის მიმდინარეობა და საგრანტო კონკურსისათვის საპროექტო განაცხადების მზადების პროცესი. ორივე მუნიციპალიტეტში წარმატებით მიმდინარეობს და დასასრულს უახლოვდება სხვადასხვა სამიზნე ჯგუფის გამოკითხვა საჭიროებების კვლევის მიზნით. ახლო მომავალში ცნობილი გახდება კვლევის შედეგები.

            პროექტი ხორციელდება ევროკავშირის მხარდაჭერით

ცაგერისა და ამბროლაურის მუნიციპალიტეტში მომუშავე პარტნიორ აპლიკანტ ორგანიზაციებს ჩაუტარდათ ონლაინ კონსულტაცია საპროექტო განაცხადების ფორმების შევსების წესთან დაკავშირებით. მეწარმე ქალთა ფონდის ორგანიზებით კონსულტაცია გაწია მაღალკვალიფიციურმა ტრენერმა ეკატერინე გამახარიამ, რომელმაც 22 აპრილს ონლაინ ჩაატარა ტრენინგი/ვებინარი თემაზე „პროექტებისა და საგრანტო განაცხადების შემუშავება“. ვებინარში რაჭა-ლეჩხუმის ორგანიზაციების გარდა მონაწილეობდნენ სამოქალაქო საზოგადოების ორგანიზაციები გურიიდან და იმერეთიდან.

პროექტი ხორციელდება ევროკავშირის მხარდაჭერით

უჩვეულო გადაცემა გაიმართა რეგიონული ტელეკომპანია „მეგა ტვ“-ს ეთერით. უჩვეულო იმიტომ, რომ საგანგებო ვითარებაში, კარანტინის პერიოდში მომზადდა.  მასში  ნაკლებადაა უშუალო ინტერვიუ და მეტი წილი ეთმობა ჩართვებს სახლებიდან, ფოტომასალას. გადაცემამ შეაჯამა ექვსთვიანი  მუშაობა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტის მონაწილე ორგანიზაციების წარმომადგენლები თავიანთ საქმიანობაზე საუბრობენ. მაყურებელი ნათლად ხედავს პროექტის მიზანს, მოსალოდნელ შედეგებს, რომელთა აქტუალობა ბოლო დროს განსაკუთრებით წარმოჩინდა.

გადაცემის ორგანიზატორია პროექტის ერთ-ერთი პარტნიორი ორგანიზაცია - მეწარმე ქალთა ფონდი. პროექტს ახორციელებენ ფონდი „სოხუმი“, მეწარმე ქალთა ფონდი და  იმერეთის მხარის მეცნიერთა კავშირი „სპექტრი“.

პროექტი ხორციელდება ევროკავშირის მხარდაჭერით

4 მაისს გაიმართა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი  საჯარო მმართველობის რეფორმის საგზაო რუკის მონიტორინგის მიზნით” პარტნიორების მორიგი შეხვედრა ონლაინ რეჟიმში.

განხილულ იქნა სამიზნე მუნიციპალიტეტებში მიმდინარე ადგილობრივი საჭიროებების შეფასების პროცესი, მაისის თვეში დაგეგმილი ღონისძიებები და პროექტის მედიაკამპანიის ეფექტიანი განხორციელების საკითხები.

პროექტი ხორციელდება ევროკავშირის მხარდაჭერით

ჩვენი ორგანიზაცია აპირებს ევროპაში წარმატებული მოდელის - ონლაინ პლატფორმის „ამომრჩევლის რჩევის აპლიკაციის“ (Voter Advice Application) დანერგვას  წინასაარჩევნოდ ამომრჩეველთა ინფორმირების მიზნით. „ამომრჩევლის რჩევის აპლიკაცია“ გულისხმობს ონლაინ პლატფორმის შექმნას. აპლიკაციაში ასახულ კითხვებზე პასუხების გაცემით, მოქალაქეებს შესაძლებლობა ექნება, გაეცნონ  საარჩევნო პოლიტიკური სუბიექტის პოზიციას. ეს დაეხმარება ამომრჩეველს, გაიგოს, რომელი პოლიტიკური სუბიექტი დგას ყველაზე ახლოს მის შეხედულებებთან, რათა  გააკეთოს ინფორმირებული და გააზრებული არჩევანი.

მიუხედავად Covid-19 ვირუსით ქვეყანაში შექმნილი საგანგებო ვითარებისა, ფონდი „სოხუმი“ აგრძელებს ვიშეგრადის საერთაშორისო ფონდის მიერ მხარდაჭერილი პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ განხორციელებას.

ამ ეტაპზე მიმდინარეობს კითხვარის შემუშავების პროცესი, რომელშიც აისახება სხვადასხვა მწვავე საკითხი, მათ შორის Covid-19 პანდემიით  გამოწვეული პრობლემები.

დისტანციურ რეჟიმში მოხდა საზოგადოებაზე ვირუსის გავლენის შესწავლა. მონიტორინგის ფარგლებში უკვე გამოკითხულია 300-ზე მეტი ადამიანი.

პროექტი ხორციელდება ვიშეგრადის ფონდის მხარდაჭერით

მიუხედავად Covid-19 ვირუსით ქვეყანაში შექმნილი საგანგებო ვითარებისა, ფონდი „სოხუმი“ აგრძელებს ვიშეგრადის საერთაშორისო ფონდის მიერ მხარდაჭერილი პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ განხორციელებას. პროექტის გუნდი დისტანციურ მუშაობის რეჟიმზე გადავიდა. შემუშავდა ადვოკატირების სტრატეგია, რომელშიც აღწერილია, როგორც პოლიტიკურ პარტიებთან თანამშრომლობის და მუშაობის დეტალური გზები და მიდგომები, ასევე მოქალაქეების „ონლაინ ხმის ელექტრონული მრიცხველის“ შესახებ ინფორმირების, მათი საარჩევნო აქტიურობის გაზრდის კონკრეტული სამოქმედო გეგმა. არსებული გამოწვევების საპასუხოდ, ადვოკატირების სტრატეგიაში გათვალისწინებულია პოლიტიკურ პარტიებთან და მოქალაქეებთან დისტანციური თანამშრომლობის სამოქმედო გეგმა, განისაზღვრა კონკრეტული სახელმწიფო ინსტიტუტები, გადაწყვეტილების მიმღებნი, სამოქალაქო საზოგადოების წარმომადგენლები, რომლებთანაც აქტიური კომუნიკაციის გზით, ფონდი „სოხუმი“ დასახული მიზნების მიღწევას შეეცდება და უზრუნველყოფს მოქალაქეების მაქსიმალურ ინფორმირებას და ჩართვას 2020 წლის საპარლამენტო არჩევნებში.

პროექტი ხორციელდება ვიშეგრადის ფონდის მხარდაჭერით

არსებული სიტუაციის მიუხედავად, ფონდი „სოხუმის“ ქალთა მხარდაჭერის ცენტრები აქტიურ მუშაობას განაგრძობენ. ონლაინ შეხვედრებში ჩართულია ორგანიზაციის სპეციალისტთა რესურსი: ფსიქოლოგი, იურისტი, კონფლიქტოლოგი.

ბენეფიციარების მხრიდან  ფიქსირდება ამ შეხვედრების განსაკუთრებულობა. იზოლაციაში მყოფი ადამიანებისთვის მნიშვნელოვანია ონლაინ კონსულტაციები, რომელთაც საჭიროების შემთხვევაში უწყვეტ რეჟიმში იღებენ.