კამპანია, ინიციატივები და სხვა საკითხები

ხონის თვითდახმარების ჯგუფში შეხვედრაზე მოწვეული იყო სსიპ სახელმწიფო ზრუნვისა და ტრეფიკინგის მსხვერპლთა, დაზარებულთა დახმარების სააგენტოს ქუთაისის ადამიანით ვაჭრობის (ტრეფიკინგის) და ძალადობის მსხვერპლთა მომსახურების  დაწესებულების უფროსი ნინო ხონელიძე.

შეხვედრის მიზანი იყო ჯგუფის წევრთა ინფორმირება ძალადობის შესახებ, პრევენციის ხელშეწყობა და ძალადობის მსხვერპლთათვის არსებული ადგილობრივი და სახელმწიფო სერვისების პოპულარიზება.

მათ  მიიღეს პასუხები თავიანთ კითხვებზე, ასევე გადაეცათ ფონდი „სოხუმის“ საინფორმაციო მასალები.

შეხვედრის მეორე ნაწილი სათემო ინიციატივების თემას დაეთმო. თვითდახმარების ჯგუფის წევრებმა მოისმინეს ინფორმაცია, თუ რა ეტაპზეა პროექტები და როდის შეძლებენ მათ დაწყებას. 

პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.