„თემები ძალიან აქტუალურია, გამოვიყენებ ცხოვრებაში“.
„ამ თემებზე აუცილებელია საუბარი ჩვენს ასაკში“.
„უკვე კონფლიქტებს ვაკვირდები და ვცდილობ მოგვარებას“.
დასრულდა ექვსთვიანი სატრენინგო კურსი და ეს მონაწილეთა უკუკავშირია.
შემაჯამებელი შეხვედრა ათივე მუნიციპალიტეტში წარმატებით ჩატარდა შეკრებილების წინაშე გამოვიდნენ წინასწარ შერჩეული პრეზენტატორები, ახალგაზრდებმა გულახდილად ისაუბრეს კონფლიქტების და ძალადობის თემაზე ჩატარებულ ტრენინგებზე, კურსის მნიშვნელობაზე მოზარდებში, გავლენაზე, ცვლილებებზე.
ლიდერებმა აქტიურად იმუშავეს პრეზენტაციებზე, სირთულეების მიუხედავად, შეხვედრები ორგანიზებულად ჩატარდა.
ასევე წარმატებით მოხდა ახალი ჯგუფების ფორმირება - ოქტომბერში ახალი სატრენინგო კურსი დაიწყება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
საინტერესო ფორმატით წარიმართა დიალოგი სამოქალაქო განათლების მიმართულებით მომუშავე სპეციალისტებთან. ონლაინ შეხვედრის თემა - „მიგრაციის ფსიქოსოციალური, ეკონომიკური, სამართლებრივი, სტრუქტურული ასპექტები და მისი პრევენციის ღონისძიებები“.
მონაწილებს გავაცანით ფონდი „სოხუმის“ კვლევის მიგნებები, ციფრული რესურსი www.sosfsokhumi.ge, ვისაუბრეთ ქალთა მიგრაციის ძირითად ფაქტორებზე, უკონტროლო მიგრაციის ფსიქოსოციალურ შედეგებსა და შემცირების მნიშვნელობაზე.
გაიმართა საინტერესო დიალოგი მიგრაციის პრევენციის მექანიზმებზე, მიგრაციული ტენდენციის ჯგუფებზე. შეხვედრის მონაწილეებმა გაგვიზიარეს საკუთარი დაკვირვება, რომ თუ წინა წლებში მიგრაცია უფრო ქალაქის მოსახლეობას შეეხებოდა, უკვე სოფლებიც იცლება, რადგან სოფლის მეურნეობაში ძალიან რთულად შემოდის ინოვაციები, ნიადაგი გამოიფიტა, შემოსავალმა მნიშვნელოვნად იკლო. ნაკლებად ხდება წარმატებული ადგილობრივი მეწარმეების პოპულარიზაცია.
ითქვა, რომ უკონტროლო მიგრაციის შემცირება რთულია შესაბამისი პოზიტიური სოციალურ-ეკონომიკური გარემოს გარეშე, მაგრამ ამის პარალელურად, აუცილებელია, საზოგადოებამ გაიაზროს, რა ნეგატიური ფსიქოემოციური შედეგები მოსდევს მიგრაციას ოჯახებისთვის: გაუცხოება, მშობლების სითბოს მოკლებული ბავშვები, ზედმეტად მძიმე ზრუნვის ტვირთი ხანდაზმულებისთვის, რომ არაფერი ვთქვათ „ტვინების გადინებაზე“, დემოგრაფიული სურათის შეცვლაზე. ამიტომ მნიშვნელოვნად მიაჩნიათ საზოგადოებრივი დიალოგი მიგრაციის საკითხებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
გეგმის მიხედვით წარიმართა ურთიერთდახმარების ჯგუფის შეხვედრები დასავლეთ საქართველოს მუნიციპალიტეტებში. ხუთი შეხვედრა ასისტენტმა ნინო ჭაბუკიანმა ჩაატარა თერჯოლაში, ვანში, ქუთაისში, წყალტუბოსა და ქობულეთში, დანარჩენი ხუთი შეხვედრის ორგანიზება და ჩატარება კი ლიდერების საქმეა და კარგადაც გაართვეს თავი.
ზუგდიდში, ჩოხატაურში, სენაკში, წალენჯიხასა და ხობში გამართულ შეხვედრებზე ჯგუფების წევრებმა განიხილეს სამოქალაქო ინიციატივების კონკურსთან დაკავშირებული საკითხები. აქცენტი გაკეთდა შენიშვნებზე, რომ შემდეგ ეტაპს უფრო მომზადებულები შეხვდნენ.
პროექტი ხორციელდება თანასწორობის ფონდის მხარდაჭერით (კანადა)
ახალ ეტაპზე გადადის ფოთის ქალთა თვითდახმარების ჯგუფების საქმიანობა - დევნილთა თემში იწყება პრიორიტეტული პრობლემების იდენტიფიცირება, ანკეტირების პროცესი, რომლის მიზანია ქალების საჭიროებების შესწავლა.
შეხვედრაზე ჯგუფების წარმომადგენლებმა ისაუბრეს გამოკითხვის ჩატარების მეთოდებზე, ტექნიკაზე, ვადებზე, ეტაპებზე, სამიზნე ჯგუფების შერჩევასა და მონაწილეთა რაოდენობაზე.
პროექტის ფარგლებში შეძენილი ცოდნა/უნარები დაეხმარებათ ჯგუფის წევრებს ანკეტირების პროცესის ეფექტიანად ორგანიზებაში. საჭიროებების გამოვლენის შემდეგ დაგეგმილია სამოქალაქო ინიციატივების მხარდაჭერა, რაც გააუმჯობესებს დევნილთა თემის სოციალურ მდგომარეობას.
პროექტს ახორციელებს არასამთავრობო ორგანიზაციათა კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ფორუმ-თეატრის მსახიობებმა ორი წარმოდგენა გამართეს ქუთაისში - ახალგაზრდულ ცენტრში და პარკში.
ორივეგან აქტიური დისკუსიები წარიმართა წამოჭრილ პრობლემებზე, მაგრამ სცენებში მაყურებლის განსაკუთრებული ჩართულობა იყო ახალგაზრდებთან ჩატარებულ შეხვედრაზე. მაყურებელმა მაღალი შეფასება მისცა მსახიობთა თამაშს და რეჟისორის პროფესიონალიზმს.
ფოტოებიც ამბობენ სათქმელს - ეს არის ის, რაც დიდხანს რჩება მაყურებლის მეხსიერებაში...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრებში სულ უფრო მნიშვნელოვანი ხდება მუშაობა სოციალური მიმართულებით. პარასპეციალისტები სხვადასხვა საჭიროებების მქონე ქალებს ხვდებიან. შეხვედრებზე ქალები საუბრობენ მათთვის ყველაზე აქტუალურ გამოწვევებზე. გამოკვეთილ პრობლემებს შორის პრიორიტეტულია ქალთა მიგრაცია, რადგან შრომითი მიგრაციის მაჩვენებელი ყოველთვიურად იზრდება.
პარასპეციალისტები აწოდებენ ქალებს ინფორმაციას ეკონომიკურ პროგრამებზე, ქალთა გადამზადების კურსებზე, ამისამართებენ საჭიროების შესაბამისად არსებული სერვისების მისაღებად. თემებში სოციალური მუშაობის გაძლიერება ხელს უწყობს ქალთა ინფორმირებას, რაც მნიშვნელოვანია ძალადობის პრევენციისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრებში ინფორმაციის მიწოდების პარალელურად, აქტიური მუშაობა მიდის ქალთა გაძლიერებისათვის.
მობილიზატორების და პარასპეციალისტების დახმარებით წყალტუბოს, ვანის, ქუთაისის, ზუგდიდის და ჩოხატაურის ხუთ ქეისზე მოხდა რეაგირება. რეაგირებისთვის სხვადასხვა ინსტრუმენტი იყო გამოყენებული: ფსიქოლოგის დახმარება, კონსულტირება და გადამისამართება. სამმა ქალმა ფსიქოლოგის სერვისი გამოიყენა და მათი მდგომარეობა გაუმჯობესდა. პარასპეციალისტების კონსულტაციების შედეგად სოციალური მხარდაჭერა მიიღო სამმა ქალმა.
ცენტრების მუშაობა ქალთა ინფორმირებისა და ფსიქოსოციალური მხარდაჭერისთვის გრძელდება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ვანის, წყალტუბოს და ქუთაისის ქალთა მხარდაჭერის ცენტრებში გაიმართა ფსიქოლოგის შეხვედრები. ძირითადი თემა იყო „ბრაზის მართვა შვილებთან“.
საკითხი აღმოჩნდა აქტუალური და საინტერესო. დედების თქმით, შვილებთან ურთიერთობისას უჭირთ ბრაზის მართვა. შეთანხმდნენ, რომ ბრაზი, როგორც წესი, ჯანმრთელი, ადამიანური ემოციაა. რაც შეეხება შვილებთან ბრაზის მართვას, რთული პროცესია. შვილები მშობლების ემოციას სწრაფად იჭერენ და თუ ჩვენ ბრაზს სწორად წარვმართავთ, მათაც ვასწავლით თვითკონტროლს. ქალები აქტიურად იყვნენ ჩართული მუშაობის პროცესში.
ფსიქოლოგმა რამდენიმე პრაქტიკული რჩევა მისცა ქალებს: დაიცავით საკუთარი რესურსი, მუდმივად დაღლილ ადამიანს უჭირს ბრაზის კონტროლი, იპოვეთ დრო საკუთარი თავისთვის...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისის თვითდახმარების ჯგუფი „ქალთა ხმა“ იწყებს კვლევას - გამოვლინდება დევნილთა თემის პრობლემები და საჭიროებები, შემდეგ კი მათ საფუძველზე შემუშავდება სამოქალაქო ინიციატივები (ეს ერთადერთი ჯგუფია, რომელმაც სახელი დაირქვა - „ქალთა ხმა“).
მორიგ შეხვედრაზე ჯგუფის წევრებმა განიხილეს ანკეტირების პროცესის დეტალები, გამოკითხვის ჩატარების ფორმები და მეთოდები. მათ უკვე იციან ჩატარების ვადები, სამიზნე ჯგუფები. ყოველივე ეს განაპირობებს ანკეტირების წარმატებას. შემდეგ ეტაპზე მოხდება გამოვლენილი საჭიროებების შესაბამისი ინიციატივების ფორმირება და მხარდაჭერა - დევნილთა თემის კეთილდღეობისთვის.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
გორში, იგპ ქალთა ასოციაცია „თანხმობის“ ორგანიზებით ჩატარდა ტრენინგი თემაზე „ლიდერობა იძულებით გადაადგილებული და სოფლად მცხოვრები ქალებისთვის“.
მონაწილეობდნენ ქალთა თვითდახმარების ჯგუფების წევრები გორის, ქარელის და კასპის მუნიციპალიტეტებიდან. ტრენინგის მიზანი იყო მათი მომზადება ისეთი ცოდნით და უნარებით, რომლებიც ხელს შეუწყობს დევნილთა და კონფლიქტით დაზარალებულ თემებში სოციალური მუშაობის გაძლიერებას.
მონაწილეთა შეფასებით, ტრენინგი იყო აქტიური, საინტერესო, კარგად აღსაქმელი და შთამბეჭდავი. პირველი ნაწილი მოიცავდა ქალთა ლიდერობის არსისა და მისთვის დამახასიათებელი კომპონენტების განხილვას. მეორე ნაწილი გაგრძელდა იმიტაციური სავარჯიშოებითა და თემატური ვიდეორგოლების განხილვით. განსაკუთრებული ყურადღება დაეთმო პრეზენტაციის, თვითპრეზენტაციისა და საჯარო გამოსვლის უნარების მნიშვნელობას.
მონაწილეთა აზრით, ქალთა ლიდერობის გაძლიერება უმნიშვნელოვანესია თემში არსებული საჭიროებების იდენტიფიცირებისა და მათი მოგვარებისთვის.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.