ქალთა მიმართ ძალადობის წინააღმდეგ ეფექტიანი ბრძოლისთვის განმსაზღვრელია მუნიციპალიტეტებსა და სახელმწიფო უწყებებს შორის თანამშრომლობისა და კოორდინაციის გაძლიერება.
ქალთა ფონდი „სოხუმი“ 2009 წლიდან უწყვეტად მუშაობს მუნიციპალიტეტებსა და რეფერირების მექანიზმის სუბიექტ, დარგობრივ სახელწიფო უწყებებს შორის თანამშრომლობისა და კოორდინაციის გააქტიურების მიმართულებით. 23 თებერვალს ქუთაისში ჩატარებული კონფერენცია, რომელმაც ფონდი „სოხუმის“ პარტნიორი, დასავლეთ საქართველოს 17 მუნიციპალიტეტის და ცენტრალური ხელისუფლების წარმომადგენლები გააერთიანა, ამ პროცესის განმტკიცების მორიგი ნაბიჯი იყო.
„ჩვენ ერთად ვცდილობთ, არაძალადობრივი და უსაფრთხო გარემოს შექმნას ჩვენს ქვეყანაში,“ - განაცხადა ფონდი „სოხუმის“ თბილისის წარმომადგენლობის ხელმძღვანელმა ეკატერინე გამახარიამ.
თბილისში გაეროს განვითარების პროგრამისა და შვედეთის მთავრობის ხელშეწყობით, საქართველოს პარლამენტის გენდერული თანასწორობის საბჭოსთან თანამშრომლობით გაიმართა საკრებულოს წევრ ქალთა პოლიტიკური ფორუმი, რომელსაც 150-ზე მეტი დელეგატი დაესწრო.
ფორუმის მუშაობაში ჩაერთნენ საკრებულოს წევრი ქალები საქართველოს ყველა მუნიციპალიტეტიდან. განსაკუთრებული ყურადღება დაეთმო ქალთა პოლიტიკური მონაწილეობის გაზრდას საპარლამენტო და ადგილობრივი არჩვენებისათვის მზადების პერიოდში.
ფორუმს ესწრებოდა ქალთა ფონდი „სოხუმის“ წარმომადგენელი ლინდა ჩიხლაძე.
წარმოგიდგენთ ქალთა ფონდი „სოხუმის“ სწრაფი მოკვლევის ანგარიშს: „გენდერული თანასწორობის, ქალთა მიმართ ძალადობისა და ოჯახში ძალადობის საკითხებზე არსებული მუნიციპალური უწყებათაშორისი კომისიები: საუკეთესო პრაქტიკა და არსებული გამოწვევები“. დოკუმენტის მიზანია ქალთა მიმართ ძალადობის/ოჯახში ძალადობასთან ბრძოლის საკითხებზე სახელმწიფო უწყებების თანამშრომლობის და კოორდინაციის გასაძლიერებლად უწყებათაშორისი კომისიების ინსტიტუციონალიზაციის მიზანშეწონილობის საკითხის შესწავლა და დღეს არსებული კომისიების ინსტიტუციური შესაძლებლობების, მათი მიღწევების და მათ წინაშე არსებული გამოწვევების შეფასება.
კვლევის მონაცემებმა აჩვენა, რომ უწყებათშორისი კომისიები წარმოადგენენ ქალთა მიმართ და ოჯახში ძალადობის პრევენციის მიმართულებით, პრაქტიკული მნიშვნელობის მაკოორდინირებელ მექანიზმს. ზემოაღნიშნულს მოწმობს რიგ სამიზნე მუნიციპალიტეტში უკვე მოქმედი უწყებათაშორისი კომისიების საქმიანობა, რაც უზრუნველყოფს მეტად გამართულ ადგილობრივი რეფერირების პროცედურებს, კომუნიკაციასა და კოორდინაციას ძალადობის შემთხვევების მართვაში ჩართულ რგოლებს შორის.
მიუხედავად ამისა, გამოწვევების ანალიზმა აჩვენა, რომ პოზიტიური ცვლილებების განხორციელებისათვის საჭიროა უწყებათაშორისი კომისიის მეტად „ფორმალიზება“, მკაფიოდ გაწერილი სტრატეგიის შემუშავება, კარგი პრაქტიკის მაგალითების გაზიარება, გამოყენება და დანერგვა (ადგილობრივი და საერთაშორისო), მუნიციპალიტეტების წარმომადგენლების და მოსახლეობის ცნობიერების ამაღლება, გენდერული თანასწორობის საბჭოსთან უფლებამოსილებების სწორად გამიჯვნა, კომისიის საქმიანობაში სხვადასხვა უწყების წამომადგენლების ჩართვის წახალისება და ა.შ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისის სამუშაო ჯგუფის შეხვედრაზე მოხდა სამიზნე თემებში არსებული პრობლემების იდენტიფიცირება და პრიორიტეტებად დაყოფა.
შეხვედრაში მონაწილებდნენ ქუთაისის სხვადასხვა თემში მცხოვრები დევნილი ქალები და გოგონები. მათ დააფიქსირეს მწვავე პრობლემები: დაზიანებული სახურავები თუ ფასადები, აივნების არარსებობა, ნესტიანი კედლები, მოუწესრიგებელი შიდა გზები... გაამახვილეს ყურადღება იმაზე, რომ დასახლებაში არ არის მინისტადიონი, სანაგვე ურნები.
პროექტის ფარგლებში სამუშაო ჯგუფის წევრები ქალთა ფონდი „სოხუმის“ დახმარებით პასუხისმგებელ პირებს შეხვდებიან იდენტიფიცირებული პრობლემების ადვოკატირების მიზნით.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
„ქალთა ლიდერობა, კომუნიკაციის ფორმები, სამოქალაქო ჩართულობის მექანიზმები“ - ქალთა ფონდი „სოხუმის“ ოფისში ამ თემაზე ჩატარდა ტრენინგი ქუთაისის სხვადასხვა თემში მცხოვრები დევნილი ქალებისა და გოგონებისთვის.
ინფორმაციის ნაკლებობა, მიგრაცია, პასიურობა, უპასუხისმგებლობა, დროის სიმცირე, გულგრილობა - მონაწილეებმა აღნიშნეს, რომ ეს მოკლე ჩამონათვალია იმის, რაც უშლის ხელს სამოქალაქო ჩართულობას ადგილობრივ დონეზე.
ტრენინგზე ისაუბრეს იმაზე, თუ როგორ უნდა ამაღლდეს ლიდერული უნარები, კომუნიკაციის ხარისხი და მოტივაცია, რათა გაიზარდოს მოქალქეთა ჩართულობა ადგილობრივი პოლიტიკის ფორმირებაში
მონაწილეთა უკუკავშირიდან:
„ძალიან საინტერესო ტრენინგი იყო.“
„ლიდერი მარტო ვერაფერს იზამს გუნდის გარეშე და პირიქით, ამიტომ საჭიროა ყველამ თავისი შესაძლებლობები გამოიყენოს საერთო საქმის კეთების დროს.“
„საჭირო ინფორმაციები მივიღე. გავეცანი მოქალაქეთა ჩართულობის ფორმებს“
„მიღებულ ცოდნას ხშირად გამოვიყენებ.“
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
შეხვედრის მონაწილეებმა - ქუთაისის სხვადასხვა დევნილთა დასახლებაში მცხოვრებმა ქალებმა და გოგონებმა - ისაუბრეს პრიორიტეტულ პრობლემებსა და გამოწვევებზე, რომლებიც წლების განმავლობაში დაუგროვდათ თავიანთ თემებში. მთავარ ნუსხაში ინფრასტრუქტურული პრობლემები დაასახელეს: გაუმართავი სანიაღვრე სისტემა, სარდაფებში არსებული წყალი, ფასადების ავარიული მდგომარეობა, გადახურვა, შიდა გზების გაუმართაობა და ა,შ. ასევე გამახვილდა ყურადღება ჯანდაცვის სერვისებზე ხელმისაწვდომობაზე (რეპროდუქციული, ონკოლოგიური და შშმპ საჭიროებებისთვის). ახალგაზრდებმა აღნიშნეს, რომ ბევრგან არ არის სპორტული მოედანი და სკვერი.
შეხვედრის მონაწილეებმა გადაწყვიტეს, რომ დაესწრებიან საკრებულოს სხდომებს, აქტიურად ჩაერთვებიან ადგილობრივი გადაწყვეტილებების მიღების პროცესში, რაც ხელს შეუწყობს დევნილთა თემებში იდენტიფიცირებული პრობლემების მოგვარებას.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
მონიტორინგის ჯგუფმა ჩაატარა საინფორმაციო შეხვედრა სოფელ ფახულანში (წალენჯიხის მუნიციპალიტეტი).
შეხვედრის მონაწილეებს მიეწოდათ ინფორმაცია ქვეყანაში არსებულ მექანიზმებზე ძალადობის მსხვერპლთა დახმარებისა და გაძლიერების კუთხით და ადგილობრივი თვითმმართველობის პროგრამების შესახებ.
ქალთა ფონდი „სოხუმის“ იურისტმა შეკრებილებს გააცნო პედაგოგებისა და სამედიცინო პერსონალისთვის მნიშვნელოვანი დოკუმენტი - ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების დამტკიცების შესახებ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდმა „სოხუმმა“ ადგილობრივი რეფერირების სუბიექტების მონაწილეობით მრგვალი მაგიდის ფორმატის შეხვედრა გამართა ბაღდათის მუნიციპალიტეტში.
შეხვედრას ესწრებოდნენ საკრებულოს გენდერული თანასწორობის საბჭოს წევრები, მერიის სამსახურების და პოლიციის სამმართველოს წარმომადგენლები. შეკრებილებმა ისაუბრეს ოჯახში ძალადობის პრევენციასა და მსხვერპლთა დაცვაზე, სოციალურ პარტნიორობაზე. აქცენტი გაკეთდა ძალადობის პრობლემაზე და ადგილობრივ სტრუქტურებთან ეფექტიან თანამშრომლობაზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აქტიური იყო თებერვალი ფსიქოლოგ მანანა გოცირიძისთვის:
- მან ჯგუფური ფსიქოლოგიური შეხვედრა გამართა თერჯოლაში. 12 ქალთან გაიმართა საუბარი იმაზე, თუ როგორ ვლინდება მსხვერპლის სინდრომი და როგორ უნდა დაძლიოს მსხვერპლის პოზიცია. ასევე ჩატარდა ინდივიდუალური კონსულტაცია ძალადობის მსხვერპლთან.
- 12-დან 23 თებერვლამდე ქუთაისის სარეაბილიტაციო ცენტრში ძალადობის მსხვერპლთა კიდევ ერთი ჯგუფი იმყოფებოდა - ორი ქალი და ექვსი ბავშვი. მათ მიიღეს იურისტის, ფსიქოლოგისა და სოციალური მუშაკის კომპლექსური დახმარება. წასვლის წინ ერთ-ერთმა თქვა: „ძალიან ბედნიერი ვარ, რომ ასეთ შესანიშნავ ადგილას მოვხვდი. ყველა ქალი უნდა ჩამოვიდეს აქ, რათა გაიგოს თავისი მდგომარეობა და მოუსმინოს საკუთარ თავს. ჩემს უფროს ქალიშვილს ეშინოდა ფსიქოლოგის, მაგრამ იმდენად მოსწონდა, რომ ყოველდღე ელოდა საინტერესო, სასარგებლო საუბრებს“.
- პარასკევობით მიმდინარეობდა ფსიქოლოგიური რეაბილიტაცია ქუთაისის დღის ცენტრის პოლიმერულ თიხასთან მუშაობის ახალ ჯგუფთან.
- შემოვიდა 8 ზარი - ფსიქოლოგი გამოეხმაურა ბენეფიციარების ემოციურ მდგომარეობას და დაეხმარა მათ საჭიროებისამებრ.
- ონლაინ 11 ინდივიდუალური კონსულტაცია ჩატარდა რეგიონებში სხვადასხვა პლატფორმის მეშვეობით.
- ქუთაისში გაიმართა 12 ინდივიდუალური ფსიქოთერაპიული სესია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
იანა კოშელეცი 37 წლისაა, ქმართან და 15 წლის შვილთან ერთად ცხოვრობს ქუთაისში. მარიუპოლიდან ომს გაექცნენ. თავიდან გერმანიაში ცხოვრობდნენ, მაგრამ ბიჭუნა იქ სწავლას ვერ მიეჩვია და საქართველოში გადაწყვიტეს ჩამოსვლა...
იანა ერთ-ერთია, ვინც ქალთა ფონდი „სოხუმის“ ფსიქოლოგის კონსულტაციით სარგებლობს. ფსიქოლოგმა მანანა გოცირიძემ თებერვალში 4 შეხვედრა ჩაატარა უკრაინიდან ჩამოსულ ოჯახებთან. 13 ლტოლვილს შეხვდა პირველად და დაგეგმა შემდგომი თერაპია, 6 ადამიანთან კი მიმდინარეობს ინდივიდუალური ფსიქორეაბილიტაცია.
განსაკუთრებით უნდა აღინიშნოს ფსიქოლოგის მუშაობა ბავშვებთან - დედები კმაყოფილებით ამბობენ, რომ სეანსების შემდეგ მათი შვილები საგრძნობლად შეიცვალნენ, უკეთესები გახდნენ...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)