სენაკის ამომრჩეველ ქალთა კლუბზე სანატორიუმ „კოლხეთში“ მცხოვრებ დევნილთა განსახლების პრობლემა დაისვა. ითქვა, რომ დევნილთა და განსახლების სამინისტრო დროულად არ განიხილავს დევნილთა აპლიკაციებს - „სახლი სოფლად“ პროგრამის ფარგლებში, ამასობაში კი დოლარის კურსის აწევამ ბინების და სახლების გაძვირება გამოიწვია - დევნილთა ნაწილი კვლავ ფართით დაკმაყოფილების მოლოდინშია.სენაკის გენდერული საკონსულტაციო საბჭოს წევრმა გვანცა მალანიამ ისაუბრა საბჭოს მუშაობაზე გენდერული კუთხით სკოლამდელ დაწესებულებებში.
კლუბის მოდერატორმა დინა გიორგაძემ შეხვედრის მონაწილეებს გადასცა სააღდგომო საჩუქარი, რომელიც გამოყო ქალთა კავშირმა „ქალები მშვიდობისა და სამართლიანობისთვის“.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით