შეხვედრები (639)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
წყალტუბოს მუნიციპალიტეტში პროექტის „გაეროს რეზოლუცია 13/25-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში ჩატარებული მუშაობის შესახებ ინფორმაცია მიეწოდა საზოგადოების ფართო სპექტრს. შეხვედრას ესწრებოდნენ პარლამენტის დეპუტატები ცოტნე ზურაბიანი და გენადი მარგველაშვილი, ადგილობრივი თვითმმართველობის წარმომადგენლები, ადგილობრივი და დევნილი ქალბატონები, ახალგაზრდები. შეხვედრაზე აღინიშნა არასამთავრობო სექტორის დიდი როლი საკითხის აქტუალიზაციაში. გამოიკვეთა მოსაზრება, რომ ადგილზე „საგზაო რუკის“ იმპლემენტაციის შემთხვევაში ადგილობრივი თვითმმართველობა გაითვალისწინებს დევნილ ქალთა და გოგონათა საჭიროებებს.
მხოლოდ ქუთაისში ხორციელდება ფონდი „სოხუმის“ პროექტი „სამედიცინო პერსონალის გაძლიერება ოჯახში ძალადობის მსხვერპლის დაცვისათვის“. მის ფარგლებში მომზადდა გამოცემა „სამედიცინო პერსონალის როლი ძალადობის პრევენციაში.“ პუბლიკაციამ დიდი ინტერესი გამოიწვია პროექტის მონაწილეებს შორის, ამიტომაც გადაწყდა მისი გავრცელება იმ რეგიონებშიც, სადაც ფონდი „სოხუმი“ მუშაობს. იანვარსა და თებერვალში ბროშურები დაურიგდა ჯანდაცვის დაწესებულებების სამედიცინო პერსონალს დასავლეთ საქართველოს ცხრა მუნიციპალიტეტში (ქუთაისი, წყალტუბო, ხონი, თერჯოლა, სენაკი, ფოთი, ზუგდიდი, ლანჩხუთი, ოზურგეთი).
პუბლიკაციის მიზანია, დაეხმაროს სამედიცინო სფეროს მუშაკებს ძალადობის შემთხვევებში სათანადო რეაგირების კუთხით.
წყალტუბოს გენდერული თანასწორობის საბჭოს სხდომაზე განიხილეს საბჭოს 2019 წლის სამოქმედო გეგმა. გეგმის შემუშავებაში აქტიურად იყვნენ ჩართული გაეროს უშიშროების საბჭოს რეზოლუცია 1325-ის ადგილობრივ დონეზე ლოკალიზების პროექტის ფარგლებში შექმნილი სამუშაო ჯგუფის წევრები. ამიტომაც გენდერული თანასწორობის საბჭოს გეგმაში აისახა საკითხები სამუშაო ჯგუფის მიერ მომზადებული „საგზაო რუკიდან“. შეხვედრაზე ხაზგასმით აღინიშნა საბჭოს მნიშვნელობა 1325-ის სამოქმედო გეგმის ლოკალიზების პროცესში. განსახილველად გამოტანილი გეგმა ერთხმად დამტკიცდა საკრებულოს სხდომაზე გასატანად.
კანონის „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ მონიტორინგის ფარგლებში გრძელდება სამედიცინო პერსონალის გამოკითხვა. სენაკსა და ოზურგეთში ანკეტირების გზით გამოიკითხა 50 მედმუშაკი. ლანჩხუთისა და ხონის მუნიციპალიტეტში ჩატარდა ფოკუს-ჯგუფი სხვადასხვა პროფილის ექიმებთან.
ასე გროვდება ინფორმაცია, რამდენად ეფექტურად მუშაობს კანონი, როგორ არის ჩართული რეფერირების პროცესში სამედიცინო რგოლი. გამოიკვეთა საკითხები, რომელთა გადაჭრა, გამოკითხულთა აზრით, ხელს შეუწყობს რეფერალური სუბიექტების კოორდინაციას, უფრო ეფექტურს გახდის სამედიცინო პერსონალის ჩართვას ძალადობის იდენტიფიცირების და პრევენციის პროცესში.
ფონდი „სოხუმის“ და წალენჯიხის მუნიციპალიტეტის სამუშაო ჯგუფის ორგანიზებით სოფელ ლიაში საინფორმაციო შეხვედრა გაიმართა (პროექტის „გაეროს რეზოლუცია 1325-ის ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში). ღონისძიებაში სოფელ ლიასა და ფახულანში მცხოვრები ადგილობრივი და დევნილი ქალები და გოგონები, დე-ფაქტო საზღვრის იქით მცხოვრები მოქალაქეები მონაწილეობდნენ. შეხვედრას ესწრებოდნენ დონორი და პარტნიორი ორგანიზაციების წარმომადგენლები.
საუბარი შეეხო ლოკალიზაციის სამუშაო გეგმას, მის ძირითად პრინციპებს, საკითხებს ადვოკატირებისთვის. განსაკუთრებით გამოიკვეთა კომპაქტურ ჩასახლებებში მცხოვრები დევნილების პრობლემები: უმძიმესი საყოფაცხოვრებო პირობები, განსახლების პერსპექტივის ბუნდოვანება. დიდი გამოწვევაა თავისუფალი გადაადგილების საკითხი, განსაკუთრებით იმ ოჯახებისათვის, რომელთა შვილები სოფელ ფახულანის სკოლაში გალის ტერიტორიიდან გადმოდიან.
გაიმართა საინტერესო დიალოგი საკითხებზე - როგორ შეიძლება ავაგოთ უფრო მჭიდრო კომუნიკაცია ქალთა ჯგუფებსა და ადგილობრივ და ცენტრალურ ხელისუფლებას შორის, ხელი შევუწყოთ ინფორმაციას გაცვლას, საჭიროებების დროულ გამოვლენას და ეფექტურ ადვოკატირებას, პარტნიორობის სისტემას, რათა მოვიზიდოთ დამატებითი რესურსები ლოკალიზაციის გეგმაში ასახული სხვადასხვა ადგილობრივი ინიციატივის რეალიზებისათვის.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“ (თბილისი), ქალთა საინფორმაციო ცენტრი (თბილისი) და კულტურულ-ჰუმანიტარული ფონდი „სოხუმი“ (ქუთაისი).
გაეროს რეზოლუცია 1325, პირველ რიგში, კონფლიქტისპირა ადგილებში მცხოვრები ქალების პრობლემებზე ყურადღების გამახვილებას ითვალისწინებს. სწორედ ამიტომაც შედგა შეხვედრა სოფელ ხურჩაში (ზუგდიდის მუნიციპალიტეტი) - მოწვეულები იყვნენ გამყოფ ხაზთან ახლომდებარე სოფლებში (კოკი, ხურჩა, კახათი, განმუხური, ორსანტია, დიდი ნეძი) მცხოვრები და დევნილი ქალები და გოგონები.
შეხვედრას ესწრებოდნენ აშშ-ს სახელმწიფო დეპარტამენტის და გაეროს ქალთა ორგანიზაციის წარმომადგენლები. მათ ყურადღებით მოისმინეს ქალთა საჭიროებები, რომლებიც უკავშირდება გადაადგილებას, ჯანმრთელობას. ამ სხვა პრობლემების მოგვარებას დიდი მნიშვნელობა ენიჭება ქალებისა და მათი ოჯახების უსაფრთხოებისა და კეთილდღეობისთვის.
შეხვედრა ჩატარდა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“ (თბილისი), ქალთა საინფორმაციო ცენტრი (თბილისი) და კულტურულ-ჰუმანიტარული ფონდი „სოხუმი“ (ქუთაისი).
ზუგდიდის მუნიციპალიტეტის მერიაში პროექტის „გაეროს რეზოლუცია 1325-ის ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში შექმნილი სამუშაო ჯგუფის შეხვედრა გაიმართა.
მუშაობაში აქტიური მონაწილეობა მიიღეს ზუგდიდის მუნიციპალიტეტის მერის მოვალეობის შემსრულებელმა მაიზერ ნანავამ, საკრებულოს თავმჯდომარემ მამუკა წოწერიამ, არასამთავრობო სექტორის წარმომადგენლებმა. შეხვედრას ესწრებოდნენ დონორი ორგანიზაციების - აშშ სახელმწიფო დეპარტამენტის და გაეროს ქალთა ორგანიზაციის წარმომადგენლები: ჯონათან ლეიფს ჰეიესი, გიორგი გაბუნია, ანა ფაშალიშვილი, თამარ ლობჟანიძე. ისინი გაეცნენ გაეროს რეზოლუცია 1325-ის ლოკალიზაციის კუთხით მუნიციპალიტეტის „საგზაო რუკის“ ფორმირების პროცესს და აღნიშნეს სამუშაო ჯგუფის საქმიანობის დიდი მნიშვნელობა.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“ (თბილისი), ქალთა საინფორმაციო ცენტრი (თბილისი) და კულტურულ-ჰუმანიტარული ფონდი „სოხუმი“ (ქუთაისი).
„ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ კანონის მონიტორინგის ფარგლებში დასავლეთ საქართველოს 3 მუნიციპალიტეტში - ქუთაისი, წყალტუბოსა და ზუგდიდში ანკეტირება ჩატარდა სამედიცინო პერსონალთან. სულ გამოიკითხა სხვადასხვა პროფილის 100 ბენეფიციარი.
გარდა ანკეტირებისა, ჩაღრმავებული ინტერვიუს მეთოდით გამოიკითხა ორი ექიმი ფოთსა და თერჯოლაში.
კვლევის მიზანია, გამოავლინოს, კანონის აღსრულების პროცესში, სამედიცინო პერსონალის, როგორც რეფერალური სუბიექტის მუშაობის ხარვეზები: როგორ შეიძლება გავზარდოთ ექიმების როლი ძალადობის პრობლემის იდენტიფიკაციისა და მსხვერპლთა დახმარების საქმეში.
18 იანვარს ზუგდიდის მუნიციპალიტეტის გენდერული თანასწორობის საბჭოს სხდომა შედგა. განხილულ იქნა გენდერული საბჭოს 2019-2020წ. სამუშაო გეგმა. საბჭოს წევრებმა იმსჯელეს გაეროს უშიშროების საბჭოს რეზოლუცია 1325-ის ეროვნული სამოქმედო გეგმის ლოკალიზაციის მიზნით შემუშავებულ „საგზაო რუკაზეც“.
შეხვედრა გამოირჩეოდა მონაწილეთა აქტიურობით. საბჭოს წევრებმა დააფიქსირეს მზადყოფნა, ჩაერთონ „საგზაო რუკაში“ შესული ღონისძებების განხორციელების პროცესში.
შეხვედრა გაიმართა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“, ქალთა საინფორმაციო ცენტრი და კულტურულ-ჰუმანიტარული ფონდი „სოხუმი“.
წალენჯიხის მუნიციპალიტეტში გაეროს უშიშროების საბჭოს რეზოლუცია 1325-ის იმპლემენტაციის ეროვნული სამოქმედო გეგმის ადგილობრივ დონეზე ლოკალიზაციის სამუშაო ჯგუფის მორიგი შეხვედრა გაიმართა.
ჯგუფის წევრებმა შემუშავებული „საგზაო რუკის“ პროექტი გააცნეს საკრებულოს თავმჯდომარეს თემურ ღვინჯილიას და გენდერული საბჭოს წევრებს. გადაწყდა, რომ გენდერული საბჭო უახლოეს მომავალში განიხილავს „საგზაო რუკას“, რათა მოხდეს რიგი საკითხების ინტეგრირება გენდერული თანასწორობის სამოქმედო გეგმაში. ითქვა, რომ საკრებულო ჩაერთვება იმ საკითხების ადვოკატირებაში, რომლებიც ადგილობრივი ხელისუფლების კომპეტენციას სცილდება.
აქცენტი გაკეთდა სოფლის მხარდაჭერის პროგრამის გენდერულ ასპექტებზე. საკრებულოს თავმჯდომარის განცხადებით, საკრებულო ყველანაირად შეუწყობს ხელს მუნიციპალიტეტის აქტიურ ჩართვას რეზოლუცია 1325-ის ლოკალიზაციაში.
შეხვედრა გაიმართა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.
პროექტს ახორციელებს ქალთა არასამთავრობო ორგანიზაციების კოალიციური გაერთიანება - იძულებით გადაადგილებულ ქალთა ასოციაცია „თანხმობა“, ქალთა საინფორმაციო ცენტრი და კულტურულ-ჰუმანიტარული ფონდი „სოხუმი“.