ქალთა ფონდი „სოხუმის“ ოფისში I ჯგუფის წევრებთან შეხვედრა გაიმართა. მათ ისაუბრეს, თუ როგორ აქტიურად აგრძელებენ მუშაობას თავიანთ თემებში პრობლემების ადვოკატირების კუთხით. ქალები სამოქალაქო ჩართულობის ფორმებს იყენებენ, ხვდებიან დეპუტატებს, ტერიტორიული ერთეულების წარმომადგენლებს, სხვადასხვა სამსახურის ხელმძღვანელებს და ამ გზით დევნილთა თემებში სოციალური პირობების გაუმჯობესებას ცდილობენ.
საინიციატივო ჯგუფების წევრები აღნიშნავენ:
„რომ არა ეს პროექტი, ჩვენ არც არავინ მოგვისმენდა..“
„ის, რომ მოგვისმინეს, მერიაში შეტანილი წერილის პასუხად, შესაბამისი სამსახურიდან დაგვირეკეს, პრობლემის მოგვარებას დაგვპირდნენ - ეს, აშკარად, ფონდი „სოხუმის“ და ამ პროექტის დამსახურებაა.“
„ძირითადად, საოჯახო საქმეებით ვიყავი დაკავებული. ასე მეგონა, ჩემი ძალები უკვე ამოვწურე. ამ პროექტში ჩართვამ გამააქტიურა და ძველებური მოტივაცია დამიბრუნა.“
ჯგუფის წევრები ახალი პრობლების იდენტიფიცირებასაც ახდენენ. მათ სჯერათ თავიანთი შესაძლებლობების, იციან ადრესატების სწორად შერჩევა და აქტუალური საკითხების სწორად წარდგენაც. იმედი აქვთ, რომ წელს მოუგვარებელი მათი პრობლემები მომდევნო წლის ბიუჯეტის ფარგლებში მოგვარდება.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქალთა ფონდი „სოხუმის“ ოფისში დევნილი ქალებისა და გოგონების მონაწილეობით გაიმართა გაერთიანებული შეხვედრა, რომლის მთავარ მიზანს ადვოკატირების პროცესში მიღწეული წარმატებების და გამოწვევების გაზიარება წარმოადგენდა.
შეხვედრის მონაწილეებმა ისაუბრეს, როგორ შეუძლიათ სამოქალაქო აქტიურობით რეალური ცვლილებების მიღწევა. მიუხედავად იმისა, რომ პრობლემების მნიშვნელოვანი ნაწილი ჯერ კიდევ მოუგვარებელია, ისინი იმედს არ კარგავენ.
„ვხედავთ, რომ მიზნობრივი ადვოკატირებით გარკვეული შედეგები უკვე მივიღეთ. ამიტომ გვჯერა, რომ მომავალში უფრო მნიშვნელოვანი პრობლემებიც მოგვარდება,“ - აღნიშნა ერთ-ერთმა მონაწილემ.
შეხვედრაზე განსაკუთრებული ყურადღება ინფრასტრუქტურული საჭიროებების გადაჭრას მიენიჭა, რაც, მონაწილეთა თქმით, დევნილთა თემებისთვის კრიტიკულად მნიშვნელოვანია.
მობილიზებული ჯგუფები მზად არიან, მომდევნო წლის მუნიციპალურ ბიუჯეტში მათი პრობლემების გათვალისწინებისთვის უფრო მეტად იაქტიურონ. შეხვედრამ კიდევ ერთხელ დაარწმუნა ისინი, რომ ერთიანობა და სამოქალაქო პასუხისმგებლობა არის ძალა, რომელსაც შეუძლია სოციალური ბარიერების გადალახვა.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქალები და გოგონები მნიშვნელოვან როლს ასრულებენ სოციალური ცვლილებების მიღწევაში. სამოქალაქო ჩართულობის სხვადასხვა ფორმის გამოყენებით, მათ მოახერხეს საზოგადოების ყურადღების მიპყრობა და შესაბამისი უწყებებისგან მოითხოვეს კონკრეტული ნაბიჯები, რათა გაუმჯობესდეს დევნილთა სოციალური მდგომარეობა.
ქუთაისში, ჭავჭავაძის 58-ში დევნილთა საინიციატივო ჯგუფის წევრ ქალებთან და გოგონებთა მორიგი შეხვედრა გაიმართა. მათ გააჩნიათ საჭირო უნარ-ჩვევები გრძელვადიანი მუშაობისთვის. ძველ, იდენტიფიცირებულ საკითხებთან ერთად, თემის წინაშე ახალი პრობლემებიც იჩენს თავს. ჯგუფის წევრები ოპტიმისტურად არიან განწყობილნი და იმედოვნებენ, რომ მათი აქტიურობის შედეგად ქალაქის ახალ ბიუჯეტში გაითვალისწინებენ დევნილთა პრობლემების მოგვარებას.
„ჩვენი მიზანია არა მხოლოდ ყურადღების მიპყრობა, არამედ ისეთი ნაბიჯების გადადგმა, რაც ჩვენს თემს რეალურ სარგებელს მოუტანს,“ - აცხადებს ჯგუფის ერთ-ერთი აქტიური წევრი.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
9 ნოემბერს, ფონდ ,,სოხუმის ,, ოფისში შეფასებითი ვორკშოპი გაიმართა. ქუთაისის, წყალტუბოს, ხონის, სენაკის, ზუგდიდისა და წალენჯიხის ქალთა საინიციატივო ჯგუფებმა ოთხწლიანი მუშაობის შედეგები შეაფასეს. რა გავლენმა იქონია საპროექტო მიმართულებებით განხორციელებულმა საქმიანობამ საზოგადოებასა და ქვეყანაზე, რა შეიცვალა მათ თემში-ამ მიმართულებით იმუშავეს ცალკეულმა ჯგუფებმა. ოთხწლიან მუშაობას პოზიტიური შედეგები მოჰყვა, რომელიც ჯგუფის წევრებმა სხვადასხვა მიმართულებით მიიღეს. მათ წინადადებებში მომავალი პროექტის კონტურები გამოიკვეთა, რომელიც , პირველ რიგში, სამშვიდობო მიმართულებით მუშაობის გაძლიერებას გულისხმობს. შეფასებისას მონაწილეებმა დადებითი სიტყვები არ დაიშურეს. „ოთხი წელი ძალიან დიდი დროა იმისთვის, რომ შეიცვალო! ჩვენ ვგრძნობთ ამ ცვლილებას, ჩვენ გარემოზეც მოვახდინეთ გავლენა და ამიტომ, ვფიქრობ, ამ პროექტმა კარგი საქმე გააკეთა. “ „ინფორმირება, სამშვიდობო თემის გააქტიურება, ადვოკატირება - ამ ყველაფერში ჩვენ ყველანი ერთნაირად ვიყავით ჩართულები.“ „გავძლიერდით და შევძელით სხვების გაძლიერება. გავააქტიურეთ ისეთი თემები, რომელზეც მანამდე არ საუბრობდნენ. “- ეს პროექტში ჩართულთა მოკლე შეფასებებია. შეხვედრა განხორციელდა პროექტის- „განხეთქილების დაძლევა ხალხთაშორისი ინიციატივები კონფლიქტის მოგვარებისთვის“ ფარგლებში, რომელიც USAID -ის მიერ არის დაფინანსებული.
8 ნოემბერს, ფონდი „სოხუმის“ ოფისში პროექტის შეფასებითი ვორკშოპი გაიმართა. მასში ქუთაისის, ხონის, წყალტუბოს, სენაკის, ზუგდიდისა და წალენჯიხის მუნიციპალიტეტებში შექმნილი შვიდივე ახალგაზრდული საინიციატივო ჯგუფის ლიდერები მონაწილეობდნენ. ახალგაზრდულმა ჯგუფებმა ოთხწლიანი მუშაობის შედეგები შეაფასეს. • ახალგაზრდების გაძლიერება- ტრენინგები • ინიციატივები და სუბ-გრანტები • მშვიდობის მშენებლობა მონაწილეეთა კომენტარები დადებითია. „პროექტში ჩართულობამ მნიშვნელოვანი როლი ითამაშა ჩემი, როგორც ლიდერის ჩამოყალიბებაში. შევძელი დამოუკიდებლად აქტივობების დაგეგმვა და მისი ორგანიზება, ამან ძალიან დიდი სტიმული მომცა, გადავლახე კომპლექსები, რომელებიც ხელს მიშლიდა ვყოფილიყავი უფრო თამამი და აქტიური.“ „ჩემმა ჩართულობამ ქართულ-აფხაზურ-ოსურ შეხვედრებში, ძალიან კარგად დამანახა, თუ რამდენად მნიშვნელოვანია ახალგაზრდების როლი სამშვიდობო საქმიანობაში. ამ პროექტმა მოგვცა კომუნიკაციის და ურთიერთობის გარრმავების შესაძლებლობა.“ პროექტის პოზიტიური გავლენა მონაწილეთა ნამუშევრებში აისახა. პროექტი „განხეთქილების დაძლევა ხალხთაშორისი ინიციატივები კონფლიქტის მოგვარებისთვის“ USAID -ის მიერ არის დაფინანსებული და 2021 წლიდან ხორციელდება.პროექტი დასასრულს უახლოვდება.
გაერთიანებული შეხვედრა გაიმართა ქალთა ფონდი „სოხუმის“ ოფისში, სადაც ორი (მეორე და მესამე) საინიციატივო ჯგუფის წევრმა აქტიურმა ქალებმა ადვოკატირების შედეგები შეაჯამეს.
მათ მადლიერება გამოთქვეს პროექტის ფარგლებში ჩატარებული ტრენინგების გამო. აღნიშნეს, რომ გააქტიურდნენ, გაძლიერდნენ, სტიმული მიეცათ, რომ დასახლებაში თავად გამოავლინონ პრიორიტეტული პრობლემები და იპოვონ მათი მოგვარების გზები. აღიარეს, რომ ფონდი „სოხუმის“ პროექტის საშუალებით ბევრი საკითხის მოგვარება შეძლეს - დასახლებაში ძელსკამები დაიდგა, შენობა გადაიხურა, თანხმობა მიიღეს ეზოში მინისტადიონის მოწყობაზე...
ყველამ დაინახა, რომ საერთო საქმეში მთავარია მონდომება, გუნდურობა და აქტიურობა. გეგმებზეც იმსჯელეს და ახალ პრობლემებზეც, რომ მათ ადვოკატირებასაც შეუდგნენ.
თავიანთ პრობლემებთან დაკავშირებით ქალთა საინიციატივო ჯგუფმა ოფიციალური წერილი გაუგზავნა ქუთაისის საკრებულოს თავმჯდომარეს. სათანდო რეაგირება უკვე არის და მალე კონკრეტულ პასუხსაც მიიღებენ.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქალთა ფონდი „სოხუმის“ ოფისში I საინიციატივო ჯგუფის წევრები შეიკრიბნენ. მათ ისაუბრეს, თუ როგორ გააქტიურდნენ პროექტის ფარგლებში, როგორ მიდის ადვოკატირების პროცესი და რა შედეგებს მიაღწიეს.
აღნიშნეს, რომ აქტიურობა აუცილებელია. საკუთარი ძალებით გაუჭირდათ და ქალთა ფონდი „სოხუმის“ მხარდაჭერით შეძლეს რამდენიმე პრობლემური საკითხის ადგილიდან დაძვრა და მიიღეს დაპირებები კომპეტენტური პირებისგან.
ქალებმა სამომავლო გეგმებზეც იმსჯელეს და უკვე, საკმაოდ გამოცდილებმა, ახალი პრობლემების იდენტიფიცირებაც გააკეთეს, რათა პარალელურად მათი ადვოკატირებაც დაიწყონ.
ქალთა საინიციატივო ჯგუფმა ოფიციალური წერილით მიმართა ქუთაისის მუნიციპალიტეტის საკრებულოს თავმჯდომარეს. წერილს უკვე მოყვა რეაგირება - ზარები, შეხვედრები, დაზუსტებები და ჯგუფის წევრები ელოდებიან კონკრეტულ პასუხებს თავიანთ პრობლემებთან დაკავშირებით.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ყოფილი მუსიკალური სკოლა-ინტერნატის საინიციატივო ჯგუფის წევრებთან ჩატარებულ საინფორმაციო შეხვედრაზე ისაუბრეს იმაზე, თუ რა ცვლილებები მოუტანათ ადვოკატირების პროცესმა და რა არის საჭირო იმისათვის, რომ კარგ შედეგებზე გასვლა შეძლონ.
სამომავლო გეგმებზეც იმსჯელეს და იმ გამოწვევებზეც, რომელთა წინაშე დგას დევნილთა დასახლება ამ ეტაპზე - საჭიროა სპორტული მოედნის სადრენაჟე სისტემით აღჭურვა, რადგან წყალი დგება. საუბარი შეეხო სკვერის და საბავშვო ატრაქციონების რეაბილიტაციას და ძელსკამების განთავსებას.
ქალთა საინიციატივო ჯგუფმა პრობლემის მოსაგვარებლად ქუთაისის საკრებულოს თავმჯდომარეს მიმართა და უახლოეს მომავალში ელოდება, რა გადაწყვეტილებას მიიღებს ადგილობრივი თვითმმართველობა.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქალთა ფონდი "სოხუმის" კიბერუსაფრთხოების ტრენერმა ლინდა ჩიხლაძემ ხონის ქალთა საინიციატივო პირველი ჯგუფის წევრებს ვორქშოფი ჩაუტარა თემაზე - ციფრული უსაფრთხოება (ქალთა მიმართ ძალადობა ონლაინ სივრცეში). ღონისძიების მონაწილეებს შესაძლებლობა ჰქონდათ , ემსჯელათ ციფრულ სივრცეში დღეს არსებულ საფრთხეებზე და გაცნობოდნენ პრევენციის მექანიზმებს. ღონისძიება მოიცავდა პრაქტიკულ სამუშაოებსაც, რასაც მონაწილეებმა თავი წარმატებით გაართვეს.
ანალოგიურ თემაზე გაიმართა შეხვედრა ხონის ქალთა საინიციატივო მეორე ჯგუფის წევრებთანაც.მონაწილეებმა აღნიშნეს, რომ , ციფრულ სივრცეში დღეს არსებულ საფრთხეებზე ინფორმაციის ფლობა მათთვის მნიშვნელოვანია.
ახალგაზრდული კლუბის ლიდერმა კი ოქტომბრის თვეში ჩატარებულ შეხვედრაზე წევრებს წარუდგინა პრეზენტაცია თემაზე: “გოგონების საერთაშორისო დღე და 15 ოქტომბერი - სოფლად მცხოვრებ ქალთა საერთაშორისო დღე”. ახალგაზრდები გაეცნენ სოფლად მცხოვრები ქალების რეალურ ისტორიებსა და გამოწვევებს. ისაუბრეს საკუთარ თემში მყოფი ,სოფლად მცხოვრები ქალების პრობლემისა და საჭროებების შესახებ. კლუბს ახალი წევრებიც შეუერთდნენ.
წალენჯიხის მუნიციპალიტეტის სოფელ ფახულანის ქალთა საინიციატივო ჯგუფის წევრებმა შეხვედრა გამართეს.ყურადღება გაამახვილეს ქვეყნის განვითარების პროცესში ქალის როლის მნიშვნელობაზე .ისაუბრეს სოფლად მცხოვრებ ქალთა მძიმე პირობებსა და მათ დაუფასებელ შრომაზე.მონაწილეებმა აღნიშნეს,რომ აუცილებელია ქალების მხარდაჭერა, წახალისება,ხელშეწყობა და ყოველდღიური ყოფის შემსბუქება.შეხვედრა საინტერესოდ წარიმართა.დაისახა სამომავლო გეგმები.