ქუთაისში, ქალთა სამიზნე ჯგუფთან გაიმართა ვორქშოპი თემაზე - „ადგილობრივ თემებში ოჯახში ქალთა მიმართ ძალადობის იდენტიფიცირება, მხარდაჭერა და რეაგირება“. შეხვედრას ესწრებოდა 10 ქალი და მას უძღვებოდა ჯგუფის ლიდერი ქალი.
ვორქშოპის ფარგლებში მონაწილეებმა დეტალურად განიხილეს ძალადობის სხვადასხვა ფორმა, მსხვერპლის ამოცნობის ნიშნები და ის გზები, როგორ შეიძლება თემში მხარდაჭერისა და რეაგირების მექანიზმების გაძლიერება. განსაკუთრებული ყურადღება დაეთმო იმას, რომ ძალადობაზე დუმილი არ უნდა გახდეს ნორმა და საზოგადოების პასუხისმგებლობაა, არ დარჩეს გულგრილი სხვისი ოჯახის პრობლემის მიმართ.
მონაწილეებმა შეხვედრა შეაფასეს როგორც ახალი, საჭირო და პრაქტიკული ცოდნის წყარო. მათი თქმით, მიღებული ინფორმაცია დაეხმარებათ უკეთ ამოიცნონ ძალადობის ნიშნები, სწორად იმოქმედონ მსგავს შემთხვევებში და საჭიროების შემთხვევაში მიმართონ შესაბამის მხარდაჭერის მექანიზმებს.
შეხვედრამ კიდევ ერთხელ გამოკვეთა, რომ ინფორმირებული ქალები და გაძლიერებული თემები ძალადობის პრევენციის მნიშვნელოვანი საფუძველია.
პროექტი ხორციელდება CISU-ის მხარდაჭერით
ზუგდიდის მუნიციპალიტეტში გაიმართა ვორკშოპი ქალთა ჯგუფთან თემაზე: - „ადგილობრივ თემებში ოჯახში ქალთა მიმართ ძალადობის იდენტიფიცირება, მხარდაჭერა და რეაგირება“.
შეხვედრა ინტერაქტიულ ფორმატში წარიმართა და მონაწილეებს შესაძლებლობა ჰქონდათ სიღრმისეულად განეხილათ ძალადობის სხვადასხვა ფორმები, ამოცნობის ნიშნები და რეაგირების მექანიზმები. განსაკუთრებული ყურადღება დაეთმო ტექნოლოგიების გამოყენებით ჩადენილ ძალადობას, იმ ახალ გამოწვევებს, რომლებიც თანამედროვე ციფრულ გარემოში ქალების უსაფრთხოებას უკავშირდება.
დისკუსიისას გამოიკვეთა, რომ ძალადობის წინააღმდეგ გადაწყვეტილების მიღება ხშირად რთულია, თუმცა ძალადობაზე დაფუძნებულ ურთიერთობაში ქალის გაძლიერება და მხარდაჭერა კრიტიკულად მნიშვნელოვანია. ასევე ხაზგასმით აღინიშნა, რომ ბავშვები არ უნდა იზრდებოდნენ ძალადობრივ გარემოში.
მონაწილეებმა ისაუბრეს ძალადობის იდენტიფიცირების სირთულეებზეც და აღნიშნეს, რომ მიუხედავად იმისა, რომ ძალადობა საბოლოოდ ხილული ხდება, ხშირ შემთხვევაში დახმარება დაგვიანებულია. სწორედ ამიტომ, პრევენცია, ინფორმირებულობა და დროული რეაგირება განსაკუთრებულ მნიშვნელობას იძენს.
შეხვედრის მონაწილეთა შეფასებით, მსგავსი აქტივობები მათთვის იმედისა და მხარდაჭერის განცდას აძლიერებს და ხელს უწყობს ქალთა გაძლიერებასა და ძალადობის პრევენციას ადგილობრივ თემებში.
პროექტი ხორციელდება CISU-ის მხარდაჭერით
Zoom-ის საშუალებით ჩატარდა ონლაინ შეხვედრა წყალტუბოსა და ქუთაისის მუნიციპალიტეტების 12 ქალის მონაწილეობით. შეხვედრას უძღვებოდნენ ქალთა ფონდი „სოხუმის“ წარმომადგენლები — ლელა შენგელია და ანჟელა ჩიხლაძე.
დისკუსიის მთავარი თემა იყო ტექნოლოგიებით ჩადენილი ძალადობა და ქალთა უსაფრთხოება ციფრულ სივრცეში. მონაწილეებმა ისაუბრეს ონლაინ გარემოში არსებულ გამოცდილებებსა და გამოწვევებზე, ასევე მიიღეს პრაქტიკული ინფორმაცია ძალადობის თანამედროვე ფორმების, მტკიცებულებების სწორად შეგროვებისა და სამართლებრივი მექანიზმების შესახებ.
მონაწილეებმა შეხვედრა შეაფასეს როგორც საჭირო და პრაქტიკული, განსაკუთრებით იმ ცოდნის გამო, რომელიც მათ საკუთარი უსაფრთხოების დაცვისა და დახმარების მიღების შესაძლებლობებზე მისცა.
შეხვედრამ კიდევ ერთხელ გაუსვა ხაზი ინფორმირებული და გაძლიერებული ქალების მნიშვნელობას უსაფრთხო ციფრული გარემოს შექმნასა და ძალადობის პრევენციაში.
პროექტი ხორციელდება WAVE Network-ის მხარდაჭერით
„ქალთა ხმა“ ქუთაისის თვითდახმარების ჯგუფია - ერთ-ერთი აქტიური, მონდომებული და ძლიერი ჩვენს საპროექტო არეალში.
ჯგუფის მორიგი შეხვედრა ცოტა უჩვეულოდ წარიმართა. ეს იყო გაწეული მუშაობის, სამოქალაქო ინიციატივების განხორციელების შედეგების შეფასება.
შეფასების პროცესში ქალებმა ბევრი რამ გაიხსენეს, ბევრზე შეაჩერეს ყურადღება. მათ შორის იყო არაერთი მნიშვნელოვანი საკითხი:
როგორ გამოიყენეს ტრენინგებზე შეძენილი ცოდნა?
რა გამოადგათ სათემო ინიციატივის განხორციელებაში?
რა შეიცვალა თვითდახმარების ჯგუფის მუშაობის შედეგად?
ხომ არ მისცეს მოტივაცია სხვებს?
რა კუთხით უნდათ შესაძლებლობების გაძლიერება?
ამ საკითხებზე მუშაობა საინტერესოც იყო, სახალისოც და შედეგიანიც - ჯგუფის წევრები კიდევ ერთხელ დარწმუნდნენ, რომ ქალების აქტიურობას ბევრი სასიკეთო ცვლილების მოტანა შეუძლია თემისთვის.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
თებერვლის მორიგი შეხვედრა შედგა ხონში, აფხაზეთის ქუჩაზე.
თვითდახმარების ჯგუფის წევრებმა სახელი თემს დაუკავშირეს და „თემის ძალა“ დაირქვეს.
სამოქალაქო ინიციატივაც დევნილთა თემის საჭიროებების მიხედვით განახორციელეს.
პროექტი დასასრულისკენ მიდის და ჯგუფის წევრებმა გულახდილად უპასუხეს ტელეფონებში ჩამოტვირთულ ონლაინ კითხვარს. ერთმანეთს ახსენებდნენ აქტივობებს და ცდილობდნენ, არაფერი გამორჩენოდათ:
რა თემებზე ჩაუტარდათ ტრენინგები და როგორ აიმაღლეს უნარები?
როგორ გამოიყენეს ტრენინგებიდან მიღებული ცოდნა?
როგორი იყო მათი წვლილი სათემო ინიციატივის განხორციელებაში?
შეძლებენ თუ არა შემდეგში ინიციატივების დამოუკიდებლად განხორციელებას?
აუმაღლეს თუ არა სხვებს მოტივაცია?
ჯგუფის წევრები სიამაყით საუბრობდნენ თავიანთ წვლილზე: მიხარია, როცა ჩემი შრომის შედეგს ვხედავ...
თვითდახმარების ჯგუფის წევრ ქალებს პროექტმა დაანახა სამოქალაქო ჩართულობის აუცილებლობა, საკუთარი პასუხისმგებლობის და აქტიურობის მნიშვნელობა, თემის ნამდვილი ძალა...
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
სენაკის თვითდახმარების ჯგუფმა „ქალები მომავლისთვის“ ერთწლიანი მუშაობის შედეგები შეაჯამა. ჯგუფის წევრებმა სპეციალურად შემუშავებული კითხვარის საშუალებით შეაფასეს საკუთარი ჩართულობა, მიღწევები და ცვლილებები, რაც პროექტში მონაწილეობამ მათ ცხოვრებასა და თემზე მოახდინა.
შეფასების პროცესში მონაწილეებმა უპასუხეს კითხვებს: რა მისცა მათ ჯგუფში მუშაობამ, როგორ გაიზარდა მათი კომპეტენცია, რა გავლენა მოახდინეს თემზე და რამდენად ეფექტურად იყენებენ ტრენინგებიდან მიღებულ ცოდნას პრაქტიკაში. განსაკუთრებული ყურადღება დაეთმო იმ ინიციატივებს, რომლებიც წლის განმავლობაში განხორციელდა და რომელთა შედეგად კონკრეტული პრობლემები მოგვარდა.
მონაწილეთა შეფასებით, მუშაობა სასარგებლო და პროდუქტიული იყო - ინიციატივები სრულად პასუხობდა თემის საჭიროებებს და მნიშვნელოვან სარგებელს მოუტანს დასახლებას.
ჯგუფის წევრები აღნიშნავენ, რომ პროექტში ჩართულობამ მათი აქტივიზმი და ინფორმირებულობა მნიშვნელოვნად გაზარდა, გააძლიერა ლიდერული უნარები და მოტივაცია, ჩაერთონ თემის განვითარებისკენ მიმართულ პროცესებში.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ეს ფოთის თვითდახმარების ჯგუფია - „ერთიანობის ხაზინა“. ჯგუფის მაღალი აქტიურობისა და თანმიმდევრული მუშაობის შედეგად დევნილთა დასახლებაში განხორციელდა თვალსაჩინო ცვლილებები:
- გაუმჯობესდა სადარბაზოების კოსმეტიკურ-ჰიგიენური მდგომარეობა.
- მოგვარდა სარდაფებში წყლის დაგროვების პრობლემა, რომელიც რეალურ საფრთხეს უქმნიდა შენობების საძირკველს - ჯგუფმა სამოქალაქო ინიციატივის ფარგლებში შეიძინა წყლის ამოსატუმბი მოწყობილობა.
- ქუჩების შემოსასვლელებთან განთავსდა აბრები, რის შედეგადაც გაგრისა და აფხაზეთის ქუჩების მოძიება გამარტივდა.
- საერთო სივრცეებში დაიდგა ძელსკამები.
- მოეწყო შეხვედრების ადგილი, რაც კომუნიკაციისა დამატებით შესაძლებლობად იქცა.
თანდათან გაიზარდა თემის კმაყოფილების და მადლიერების განცდა. პროექტის შეფასების პროცესში მონაწილეებმა ხაზგასმით აღნიშნეს როგორც პიროვნული გაძლიერება, ისე თემის პოზიტიური ტრანსფორმაცია. მუშაობამ კიდევ უფრო მეტ ქალს გაუჩინა ჩართულობის მოტივაცია და იქცა ერთიანობის, გააქტიურებისა და ახალი უნარ-ჩვევების განვითარების მნიშვნელოვან პლატფორმად.
თვითდახმარების ჯგუფის წევრები გულღიად საუბრობენ პროექტის ფარგლებში განვლილ გზაზე და გამოთქვამენ იმედს, რომ მხარდაჭერა მომავალშიც გაგრძელდება, რადგან დევნილთა თემში არსებობს საჭიროება - გააქტიურდეს მეტი ქალი და უფრო მეტ ადამიანს მიეცეს სამოქალაქო პასუხისმგებლობის ზრდ- განვითარების შესაძლებლობა.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ზუმის პლატფორმაზე შეიკრიბნენ ქალები 10 მუნიციპალიტეტიდან. მათთვის მოეწყო შეხვედრააქტუალურ თემებზე.
პირველ ნაწილში მიგრაციის საერთაშორისო ორგანიზაციის (IOM) ქუთაისის ფილიალის წარმომადგენელმა ნათია ახალაიამ ისაუბრა ლეგალურ და არალეგალურ მიგრაციაზე, სტატისტიკაზე, საქართველოში დაბრუნებისას ინდივიდუალურ მომსახურებაზე, დაბრუნებული მიგრანტების მხარდაჭერაზე, საგრანტო პროექტებზე...
მეორე ნაწილში პრეზენტაციით წარსდგა ლინდა ჩიხლაძე - ტრენერი ციფრული უსაფრთხოების საკითხებში. მან შეხვედრის მონაწილეებს გააცნო ციფრული უსაფრთხოების მნიშვნელოვანი ასპექტები, გავრცელებული საფრთხეები, საუკეთესო პრაქტიკები და დაცვის ინსტრუმენტები.
შეკრებილებს ორივე თემასთან დაკავშირებით ჰქონდათ შეკითხვები და მიიღეს კომპეტენტური პასუხები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხელსაქმეს უძველესი ტრადიცია აქვს საქართველოში. ქალებმა იცოდნენ კერვა, ქსოვა, ქარგვა და მზითევსაც თვითონ იმზადებდნენ. დღესაც საკმაოდ ბევრს აინტერესებს ხელსაქმე.
ჩვენმა ორგანიზაციამ ქალების თხოვნით რამდენიმე მუნიციპალიტეტში გახსნა ჭრა-კერვის კურსები, არაერთმა ქალმა დახვეწა თავისი უნარები და საკუთარი მცირე ბიზნესიც კი წამოიწყო.
ახლა ხურჩის (ზუგდიდის მუნიციპალიტეტი) ქალთა მხარდაჭერის ცენტრის ჯერი დადგა. უკვე ჩავიტანეთ საკერავი მანქანები, კერვისთვის საჭირო მასალები. ორი თვის განმავლობაში ქალები ბევრ რამეს ისწავლიან პედაგოგთან ერთად, რომელიც მონდომებით შეუდგა საქმეს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მიგრაცია სერიოზული და საკმაოდ აქტუალური თემაა. განსაკუთრებით ემოციურია საზღვარგარეთ წასული მშობლების და შინ დარჩენილი შვილების ურთიერთობა.
ეს საკითხები არავის ტოვებს გულგრილს: უამრავი მაგალითია, საკუთარი ოჯახის თუ ახლობელ-მეზობლების.
ასე იყო კოპიტნარის დევნილთა დასახლებაში ქალებთან და გოგონებთან ჩატარებულ შეხვედრაზეც. მით უმეტეს, რომ შეხვედრაზე იმყოფებოდა ჩვენი ორგანიზაციის ფსიქოლოგი. იყო ბევრი შეკითხვა, სხვადასხვა ისტორიის გახსენება, ფსიქოლოგის რჩევები...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)