კონფლიქტების დროს გენდერული ძალადობა მრავალ ფორმას იძენს, რისი მოწმენიც ვართ უკრაინაში. გაუპატიურება და სექსუალური ძალადობა გამოიყენება როგორც საომარი იარაღი, ქალები და გოგონები დგანან ტრეფიკინგის, ოჯახში ძალადობისა და ექსპლუატაციის რისკის წინაშე. ქალთა სპეციფიკური მხარდაჭერის სერვისები (WSSS) სასიცოცხლო მნიშვნელობის როლს ასრულებს ძალადობის მსხვერპლთა მხარდაჭერაში, როგორც კონფლიქტის დროს, ასევე საშუალო და გრძელვადიან პოსტკონფლიქტურ პერიოდში.
WAVE-მა, ეუთო-ს (OSCE) მხარდაჭერით, დაიწყო ახალი პროექტი ქალთა შესაძლებლობების განვითარებისა და წარმატებული პრაქტიკის გაცვლის მიზნით ქალთა სპეციფიკური მხარდაჭერის სერვისებს შორის, რათა უკეთ დაეხმაროს ძალადობის მსხვერპლ ქალებს კონფლიქტურ და პოსტკონფლიქტურ ზონებში. პროექტში ჩართული WAVE-ის წევრები არიან: სექსუალური ძალადობის კრიზისული ცენტრი (ერევანი, სომხეთი), ქალთა ფონდი „სოხუმი“ (ქუთაისი, საქართველო), ფონდი „ქალთა ერთობა“ (ბანია-ლუკა, ბოსნია-ჰერცეგოვინა) და ცენტრი „ქალთა პერსპექტივები“ (ლვოვი, უკრაინა).
24.02.22 – დღე, რომელმაც შეძრა მსოფლიო და ჩვენ ყველანი, ფონდი „სოხუმის“ ქალები – ომი უკრაინაში!
25.02.22 – უკრაინელ ქალთა მხარდასაჭერად დავწერეთ მიმართვა და ყველგან დავაგზავნეთ!
26.02.22 – დავიწყეთ თანხების შეგროვება უკრაინელების მხარდაჭერისთვის. ქალთა ფონდი „სოხუმის“ 54 თანამშრომელმა უკრაინის დახმარების სხვადასხვა ფონდში გადარიცხა თანხა.
28.02.22 – დამატებით შევაგროვეთ 1500 ლარი და შევიძინეთ ბავშვის საკვები, პამპერსი, ქალის ჰიგიენური საშუალებები და 12 ყუთი ჩავიტანეთ თბილისში, დახმარების მიღების პუნქტში უკრაინაში გასაგზავნად.
უკრაინაში ყველა ნაცნობ თუ უცნობ ქალთა ორგანიზაციას გავუგზავნეთ მხარდაჭერის წერილი და ვეკითხებოდით: რითი შეგვიძლია დაგეხმაროთ, რისი გაკეთება შეგვიძლია თქვენთვის?
08.03.22 - ქუთაისში მოვაწყვეთ აქცია „ქალთა ფონდი „სოხუმის“ სოლიდარობა - უკრაინელ ქალებს!“ აქციაში მონაწილეობდნენ ქალები მთელი დასავლეთ საქართველოდან.
10.03.22 - დავიწყეთ ქუთაისში ჩამოსული უკრაინელი ლტოლვილების დახმარება.
აინტერესებთ: როდის ჩატარდება შემდეგი ტრენინგი. მოეწონათ და იმიტომ. მათი უკუკავშირი ასეთია:
- საინტერესო და საჭიროა კონფლიქტის და ძალადობის თემაზე ტრენინგების ჩატარება.
- სულ სხვაა ცოცხლად ჩატარებული ტრენინგი!
- კარგია პატარა სცენების გათამაშება, თემაც უკეთ გავიგეთ და ვიხალისეთ კიდეც...
- ახალი და სასარგებლო ინფორმაცია გავიგე დღეს.
ტრენინგები ტყიბულის, თერჯოლის და ქობულეთის ახალგაზრდობის გაძლიერების ცენტრებში წარიმართა - ცოცხლად, როლური თამაშებით, სავარჯიშოებით და დისკუსიებით.
არანაკლებ საინტერესო იყო ჩოხატაურის და ბაღდათის მუნიციპალიტეტებში მცხოვრებ ახალგაზრდებთან ონლაინ ჩატარებული ტრენინგებიც.
მონაწილეები გამოირჩეოდნენ აქტიურობით, ერთვებოდნენ დისკუსიაში, გულახდილად უზიარებდნენ ერთმანეთს თავიანთ მოსაზრებებს და გამოცდილებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ძალადობის ფაქტებზე რეაგირება და მსხვერპლთა დახმარება უფრო ეფექტიანი რომ იყოს, პროცესში რეფერირების სხვა სუბიექტებიც უნდა იყვნენ ჩართული - ამ მიზნით მნიშვნელოვანი შეხვედრები ჩატარდა სენაკის, ქობულეთის, თერჯოლის, ჩოხატაურის, ბაღდათის ქალთა მხარდაჭერის ცენტრებში.
- მსხვერპლი არცერთ ეტაპზე არ უნდა იყოს მარტო. მას სჭირდება მხარდაჭერა, რათა დაცულად და უსაფრთხოდ იგრძნოს თავი, - ასეთი იყო შეხვედრის მონაწილეთა საერთო პოზიცია. ძალადობაგამოვლილმა ქალებმა ხაზი გაუსვეს ფსიქოლოგიური მხარდაჭერის აუცილებლობას.
შეხვედრების მონაწილეებმა აღინიშნეს, რომ ქალთა ფონდი „სოხუმის“ შექმნილი ვებგვერდი „ძალადობის მსხვერპლთა სერვისების ციფრული რესურსცენტრი“ სერიოზულ დახმარებას გაუწევს ძალადობის მსხვერპლ ქალებს, რათა სრულფასოვან ინფორმაციებს ფლობდნენ არსებულ სერვისებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სენაკის დევნილ ქალთა საინიციატივო ჯგუფის წევრებთან სამუშაო შეხვედრა გაიმართა. შეხვედრის პირველ ნაწილში მონაწილეებმა ისაუბრეს, როგორ ჩატარდა ანკეტირება, რამ შეუწყო ხელი პროცესის წარმატებით დამთავრებას. მეორე ნაწილში კი ისინი აპრილის გეგმას გაეცნენ. აღინიშნა, რომ ჯგუფის წევრებისთვის ჩატარდება ტრენინგების ციკლი. მათ მიეწოდათ ინფორმაცია, რა თემები იქნება განხილული ტრენინგებზე.
მონაწილეთა შეფასებით, ტრენინგები გაზრდის მათ ინფორმირებულობას, კომპეტენციას, სამოქალაქო აქტივიზმს, რაც ხელს შეუწყობს დევნილთა საჭიროებების ინიცირებას ადგილობრივ დონეზე.
პროექტი ხორციელდება გაეროს ქალთა ორგანიზაციის
მხარდაჭერით
როგორც დანარჩენ ოთხ მუნიციპალიტეტში (ხონი, წყალტუბო, სენაკი, ზუგდიდი) ქუთაისის მუნიციპალიტეტშიც აქტიურად იმუშავა დევნილ ქალთა საინიციატივო ჯგუფმა. ჯგუფის წევრებმა ჩაატარეს ონლაინ ანკეტირება. შემდეგ დამატებითი ინფორმაციის მისაღებად გაიმართა შეხვედრები სხვადასხვა ჯგუფთან და მოხდა შევსებული კითხვარების განხილვა. კვლევის შედეგად გამოვლინდება დევნილი ქალებისა და გოგონების საჭიროებები. შემდეგ კი საინიციატივო ჯგუფი მათ ადვოკატირებაზე იმუშავებს.
პროექტი ხორციელდება გაეროს ქალთა ორგანიზაციის
მხარდაჭერით
ხონის დევნილთა დასახლებაში ჩატარდა ანკეტირება, შეივსო კითხვარები. ამ პროცესში აქტიურად იყო ჩართული ხონის დევნილ ქალთა საინიციატივო ჯგუფი.
იმისთვის, რომ დასახლების სოციალური პორტფოლიო სრულყოფილად ასახავდეს არსებულ პრობლემებს, დასახლებაში გაიმართა შეხვედრები, განიხილეს შევსებული კითხვარები, მიიღეს დამატებითი ინფორმაცია და მოსახლეობამ კიდევ უფრო ნათლად დაინახა, რა პრობლემების გადაჭრა არის მისთვის პრიორიტეტული.
გამოიკვეთა რიგი საკითხები, რომლებზეც უნდა დაისვას აქცენტები და საინიციატივო ჯგუფმა მიმართოს თავისი ადვოკატირების სტრატეგია - მაგ., უპატრონო ძაღლების პრობლემა, სადარბაზოებისა და გარე ფასადების რეაბილიტაციის პრობლემა და სხვა.
პროექტი ხორციელდება გაეროს ქალთა ორგანიზაციის
მხარდაჭერით
ქალთა ფონდი „სოხუმმა“ აქტიური მუშაობა დაიწყო უკრაინელი ლტოლვილების მხარდასაჭერად.
ჩვენს ბაზაში 61 ადამიანია, 23-მა მათგანმა უკვე დატოვა საქართველო. დარჩენილთაგან 4 ადამიანი ნათესავებთან ცხოვრობს, დანარჩენები ქირაობენ, ან არიან ნაცნობებთან, რომელთაც უსასყიდლოდ დაუთმეს საცხოვრებელი. ფეისბუქზე შექმნილია ჯგუფი, სადაც იკრიბება ყველა აქტუალური ინფორმაცია.
ქალთა ფონდ „სოხუმს“ კავშირი აქვს თბილისის ორგანიზაციასთან «Допомога Украине», მათ იციან იმ დახმარების შესახებ, რომლის გაწევაც ჩვენ შეგვიძლია. ისინიც გვიზიარებენ ინფორმაციას, რომელიც შეიძლება სასარგებლო იყოს ჩვენთვის. ჩვენ ასევე ვუკავშირდებით ჰუმანიტარულ ორგანიზაციას „მოწყალება“, რომელიც ჰუმანიტარულ ტვირთს ანაწილებს საქართველოს სხვადასხვა რეგიონში.
უკრაინელი ლტოლვილების საჭიროებების შეფასების მიზნით გრძელდება ონლაინ ანკეტირება ფონდი „სოხუმის“ ფეისბუქგვერდზე. ყველას საჭიროება ერთმანეთს ჰგავს: საკვები პროდუქტები, ჰიგიენის საშუალებები, ტანსაცმელი.
თეკლა გენელიძე - სოფელ ფერსათიდან (ბაღდათის მუნიციპალიტეტი) 17 წლის მეწარმე გოგოა. ის ადრეული ასაკიდანაა დაინტერესებული მეღვინეობით და აქტიურადაა ჩართული ამ საქმიანობაში.
ქალთა ფონდი „სოხუმი“ აგრძელებს გენდერული სტერეოტიპების ნგრევის კამპანიას - თანასწორობის, ტოლერანტული და არაძალადობრივი კულტურის დასამკვიდრებლად ჩვენს საზოგადოებაში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ჩემთვის მნიშვნელოვანია ასეთი შეხვედრა, სადაც დეტალურად ამიხსნეს, როგორ შევიდე ვებგვერდზე, როგორ ვიპოვო და ჩამოტვირთო საჭირო ინფორმაცია“.
„ძნელია, იყო მარტოხელა დედა და თან გამოყო დრო თვითგანვითარებისთვის. ასეთი შეხვედრები კარგია, რომ გაერკვე, როგორ გამოიყენო ვებგვერდი“.
„ამდენი ინფორმაცია ერთ სივრცეში - ეს არის ფუფუნება... უკვე ვფიქრობ, ვის დავეხმარო, ვის ვურჩიო“.
ეს არის უკუკავშირი, რომელიც აპრილში ონლაინ ფორმატით ჩატარებულ შეხვედრებზე დაფიქსირეს მონაწილეებმა. შეხვედრები გაიმართა ქობულეთის, ჩოხატაურის, სენაკისა და ტყიბულის მუნიციპალიტეტებში მცხოვრებ ქალებთან.
მათ მიიღეს დეტალური ინფორმაცია ქალთა ფონდი „სოხუმის“ ვებგვერდზე „ძალადობის მსხვერპლთა სერვისების ციფრული რესურცენტრი“ www.sosfsokhumi.ge - რატომ შეიქმნა ვებგვერდი, რა მასალებია განთავსებული, როგორ გამოიყენონ ვებგვერდი, რაში დაეხმარება მოწყვლად ჯგუფებს.
პროექტი ხორციელდება გენდერული თანასწორობის ფონდის მხარდაჭერით (კანადა)