ხონის ამომრჩეველ ქალთა კლუბის მორიგ სხდომაზე ადგილობრივი თვითმმართველობის არჩევნებზე, ქალის როლის მნიშვნელობასა და პოლიტიკაში მეტი ქალის ჩართულობაზე ისაუბრეს.
სხდომის დროს შეიქმნა სამუშაო ჯგუფები, რომლებიც შეხვდებიან ხონში არსებული პოლიტიკური პარტიების წარმომადგენლებს არჩევნებში ქალი-კანდიდატების წინ წამოწევის მიზნით.
პროექტიხორციელდებააშშ საელჩოსმხარდაჭერით
შეხვედრის მთავარი თემა იყო წინასაარჩევნო პერიოდში პოლიტიკურ პარტიებთან მუშაობის აუცილებლობა. დაფიქსირდა მოსაზრება, რომ ქალთა აქტიურობის კუთხით ოზურგეთის მუნიციპალიტეტში დიდი ძვრებია, რაშიც დიდი წვლილი მიუძღვის ამომრჩეველ ქალთა კლუბს. ამ ყველაფრის მიუხედავად, აუცილებელია კანდიდატმა ქალებმა, პირველ რიგში, ქალთა ელექტორატის მხრიდან იგრძნონ მხარდაჭერა. ამისთვის კლუბის შეხვედრაზე დაიგეგმა სხვადასხვა აქტივობის ჩატარება წინასაარჩევნო პერიოდში.
პროექტი ხორციელდება აშშ საელჩოს მხარდაჭერით
ბათუმის ამომრჩეველ ქალთა კლუბის შეხვედრაზე განხილულ იქნა პოლიტიკურ პარტიებთან კლუბის აქტივისტების მუშაობის გაძლიერების აუცილებლობა ადგილობრივ თვითმმართველობის არჩევნებში ქალთა ჩართულობის უზრუნველყოფის მიზნით. წინასაარჩევნო პერიოდში მაქსიმალურად გააქტიურდება კლუბის მუშაობა ამ მიმართულებით. დაიგეგმა შეხვედრები პოლიტიკურ პარტიებთან და ასევე შეხვედრების ორგანიზება ქალი-კანდიდატების მხარდასაჭერად.
პროექტი ხორციელდება აშშ საელჩოს მხარდაჭერით
სენაკში გაიმართა ამომრჩეველ ქალთა კლუბის მორიგი სხდომა. კლუბის აქტივისტებმა იმსჯელეს ამომრჩეველ ქალთა როლის გაზრდაზე წინასაარჩევნო პერიოდში. განისაზღვრა ჯგუფი ქალებისა, რომლებიც შეხვედრებს ჩაატარებენ სენაკში მოქმედ პოლიტიკურ პარტიებთან, წარუდგენენ მათ ქალთა კლუბების მიერ შემუშავებულ რეკომენდაციებს იმ იმედით, რომ პარტიები გაითვალისწინებენ მათ წინასაარჩევნო პროგრამებში.
პროექტი ხორციელდება აშშ საელჩოს მხარდაჭერით
100-მდე ადამიანმა დარეკა სტრესული სიტუაციების გამო ფონდი „სოხუმის“ ფსიქოლოგთან დეკემბერში. ყველა მათგანმა მიიღო სათანადო პასუხი და მხარდაჭერა. ამას გარდა, დისტანციურად გრძელდება კრიზისული ოჯახების წარმომადგენლების და ცალკეული ბენეფიციარების ფსიქოთერაპიული კონსულტაციები. როგორც ისინი აღნიშნავენ, პანდემიის დროს ეს ფონდი „სოხუმისგან“ შეთავაზებული აქტუალური და საჭირო დახმარებაა.
პანდემიით შექმნილი პრობლემები რა გავლენას ახდენს ურთიერთობებზე, როგორ უნდა გაუმჯობესდეს კომუნიკაცია ოჯახის წევრებს შორის, რომ კონფლიქტის გამომწვევი რისკები შემცირდეს - ამ საკითხებზე გაიმართა მსჯელობა დისტანციურ შეხვედრებზე ქობულეთის, ქუთაისის, სენაკის, წალენჯიხის მუნიციპლიტეტებში მცხოვრებ ოჯახურ წყვილებთან.
სხვადასხვა აქტივობით შეუერთდნენ ფონდი „სოხუმის“ ქალთა საინიციატივო ჯგუფები 16-დღიან საერთაშორისო კამპანიას ქალთა მიმართ ძალადობის წინააღმდეგ. „მშვიდობა შინ და მშვიდობა გარეთ“, „ქალთა მიმართ ძალადობა დანაშაულია“ - ასეთი მესიჯები გააჟღერეს ფონდი „სოხუმის“ აქტივისტებმა კონფლიქტისპირა სოფლებთან (ხურჩა და ნაბაკევი - ზუგდიდისა და გალის მუნიციპალიტეტები) გამართულ აქციაში. გენდერული კუთხით არსებულ გამოწვევებზე ისაუბრეს სოფელ ფახულანში (წალენჯიხის მუნიციპალიტეტი) გამართულ ონლაინ შეხვედრაზე და პროტესტი ამ ფორმით გამოხატეს.
წყალტუბოს, ხონის და ოზურგეთის ქალთა მხარდაჭერის ცენტრები პანდემიასთან დაკავშირებული რეგულაციების დაცვით აქტიურად ჩაერთენ ძალადობის წინააღმდეგ მიმართულ 16-დღიან კამპანიაში. მათ სხვადასხვა ღონისძიებით მოიცვეს ბენეფიციართა დიდი რაოდენობა. ჩატარდა შეხვედრები ადგილობრივ თვითმმართველობებთან, საინფორმაციო შეხვედრები, იურისტის და ფსიქოლოგის კონსულტაციები, მრგვალი მაგიდები, აქციები, მოწყვლად ჯგუფებს დაურიგდა ფონდი „სოხუმის“ დღის სარეაბილიტაციო ცენტრში შეკერილი პირბადეები.
ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრი აქტიურად ჩაერთო კამპანიაში „16 აქტიური დღე ქალთა მიმართ ძალადობის წინააღმდეგ“. 25 ნოემბრიდან 10 დეკემბრის ჩათვლით იყო ღონისძიებების კასკადი: მრგვალი მაგიდა, აქცია, საინფორმაციო შეხვედრები, იურისტის და ფსიქოლოგის კონსულტაციები, ესეებისა და ნახატების კონკურსი. მოწყვლად ჯგუფებს დაურიგეს ძალადობის მსხვერპლი ქალების მიერ ფონდი „სოხუმის“ დღის სარეაბილიტაციო ცენტრში შეკერილი მრავალჯერადი მოხმარების პირბადეები. ასევე სამიზნე სკოლების მოსწავლეებთან, მშობლებთან და პედაგოგებთან ჩატარდა ონლაინ ტრენინგები ძალადობისა და ბულინგის თემატიკაზე. აღინიშნა, რომ პანდემიის დროს იმატა ძალადობის ფაქტებმა და მსგავსი შეხვედრებით ბენეფიციარებს ეძლევათ იმედი, რომ მარტონი არ არიან.
შეხვედრები ადგილობრივ თვითმმართველობასთან, აქცია, საინფორმაციო შეხვედრები ბენეფიციარებთან, ონლაინ ტრენინგი სამიზნე ბაღების მშობლებთან და აღმზრდელებთან - ეს სენაკის ქალთა მხარდაჭერის ცენტრი მცირე პროექტების აქტივობებია. ასე ჩაერთნენ ცენტრის წარმომადგენლები და ახალგაზრდა აქტივისტთა ჯგუფები 16-დღიან კამპანიაში ქალთა მიმართ ძალადობის წინააღმდეგ.
მონაწილეებს მიეწოდა ინფორმაცია კამპანიის შესახებ, აქცენტები დაისვა ქალთა მიმართ ძალადობის პრობლემის აქტუალობაზე, პრევენციაზე, მსხვერპლის დაცვაზე და საზოგადოების გაერთიანებაზე ძალადობის წინააღმდეგ.