ყველაფერი ასე დაიწყო:
ბაღდათის მუნიციპალიტეტში ჩვენა პარტნიორმა სამოქალაქო საზოგადოების ორგანიზაციებმა მცირე პროექტების განხორციელების დროს შექმნეს ახალგაზრდული საინიციატივო ჯგუფი. ფონდი „სოხუმის“ ხელშეწყობით ეს ჯგუფი არასამთავრობო ორგანიზაციად ჩამოყალიბდა და ეწოდა „სოლიდარობა-XXI“.
შემდეგ ახალმა ორგანიზაციამ დამოუკიდებლად მიიღო მონაწილეობა საგრანტო კონკურსში და კომისიამ მოიწონა მისი მცირე პროექტი „იცოდე შენი უფლებები უკეთესი მომავლისთვის“.
ახალგაზრდებმა დაიწყეს პროექტის აქტივობები: მრავალშვილიანი დედების, მარტოხელა მშობლების და ახალგაზრდების ინფორმირება საჯარო მმართველობის რეფორმის საკითხებზე.
სამთვიანი (10 მაისი - 10 აგვისტო) პროექტის შედეგი ასეთია: საინფორმაციო შეხვედრების მონაწილე ახალგაზრდები აქტიურად ავრცელებენ ინფორმაციას თავიანთ თემში. გაიზარდა ადგილობრივი თვითმმართველობის ელექტრონული სერვისებით სარგებლობის დონე.
პროექტი ხორციელდება ევროკავშირის მხარდაჭერით
ოზურგეთი, ლანჩხუთი, ცაგერი, ამბროლაური, თერჯოლა, ვანი, ბაღდათი, ხონი - გადაცემა ამ რვა მუნიციპალიტეტზე მოგვითხრობს, სამოქალაქო საზოგადოების ორგანიზაციების აქტიურობაზე.
როგორ მიმდინარეობს საჯარო მმართველობის რეფორმა 8 მუნიციპალიტეტში? რა სიახლეებია ადგილობრივ თვითმმართველობაში ელექტრონული მომსახურების დანერგვის კუთხით? როგორია მიღწეული შედეგები და რა გამოწვევებია კიდევ?
ამ შეკითხვებზეა გაცემული პასუხი ტელეგადაცემაში, რომელიც მეწარმე ქალთა ფონდმა მოამზადა. გადაცემაში მონაწილეობენ ფონდი „სოხუმის“, იმერეთის მხარის მეცნიერთა კავშირ „სპექტრის“, მეწარმე ქალთა ფონდის და პარტნიორი ორგანიზაციების წარმომადგენლები.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
Zoom-ის პლატფორმის მეშვეობით გაეცნენ ზუგდიდის მუნიციპალიტეტში მცხოვრები ახალგაზრდები „ამომრჩევლის რჩევის აპლიკაციას“. გამოყენებულ იქნა ვიდეორგოლი-ინსტრუქცია, რომელიც ონლაინ აპლიკაციით სარგებლობის დეტალებს აცნობს.
ახალგაზრდებმა აღნიშნეს, რომ თვალყურს მიადევნებენ აპლიკაციის განახლებას და აუცილებლად გამოიყენებენ მას. ამასთანავე - მიღებულ ინფორმაციას გაუზიარებენ მეგობრებს, ახლობლებს და დაეხმარებიან ოჯახის უფროს წევრებს აპლიკაციის გამოყენებაში.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
ბაღდათის, სენაკის, ვანის, ზუგდიდის და ტყიბულის მუნიციპალიტეტების სხვადასხვა თემში გამართულ შეხვედრებზე მონაწილეებმა ოჯახში ძალადობის პრობლემებზე გააკეთეს აქცენტი. ისაუბრეს იმ სერვისებზე, რომლებიც მსხვერპლთა დახმარების კუთხით არსებობს მუნიციპალიტეტებში. ისინი აღნიშნავენ, რომ საზოგადოება ჯერ კიდევ არ არის მზად, გახსნილად ისაუბროს ძალადობის შემთხვევებზე, თუმცა ყველა მონაწილემ დაადასტურა, რომ ძალადობის ფაქტები გახშირდა, კრიზისულ ოჯახებთან უფრო მეტი სამუშაოა საჭირო და ამ საქმეში დიდია არასამთავრობო სექტორის წვლილი.
შეხვედრები ფონდი „სოხუმის“ ქალთა მხარდაჭერის ცენტრების მობილიზატორებმა ჩაატარეს. ისინი განაგრძობენ მუშაობას ცალკეულ ადამიანებთან, რომელთაც მეტი დახმარება სჭირდებათ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ვანის მუნიციპალიტეტის წარმომადგენელთათვის ონლაინ ფორმატში ჩატარდა დებატები, სადაც მიღწეული შედეგები შეაჯამეს. შეხვედრას ეწრებოდნენ სამუშაო ჯგუფის წევრები, ადგილობრივი თვითმმართველობისა და სამოქალაქო სექტორის წარმომადგენლები.
შეხვედრა განსაკუთრებული იყო იმით, რომ პარტნიორი მუნიციპალიტეტების წარმომადგენლებმა შეკრებილებს გააცნეს წარმატებული პრაქტიკა: წყალტუბოს მუნიციპალიტეტის წარმომადგენელმა სამოქალაქო ბიუჯეტის დანერგვის პრაქტიკაზე ისაუბრა, ხონის მუნიციპალიტეტის წარმომადგენელმა კი ონლაინ პეტიციის სისტემის დანერგვაზე მიაწოდა ინფორმაცია მონაწილეებს. აღინიშნა, რომ წარმატებული გამოცდილების გაზიარება მნიშვნელოვანია იმ მუნიციპალიტეტებისათვის, რომლებიც ახლა მუშაობენ ამ მიმართულებით.
პროექტი ხორციელდება ევროკავშირის მხარდაჭერით
6 მუნიციპალიტეტში (ქუთაისი, ხონი, წყალტუბო, სენაკი, წალენჯიხა, ზუგდიდი) ჩატარდა კვლევა „ქალებისა და ახალგაზრდების საჭიროებების შეფასება ადრეული გაფრთხილების გენდერზე ორიენტირებული სისტემის (GREWS) მიხედვით“.
ეს სისტემა მნიშვნელოვანი ინსტრუმენტია საზოგადოებაში არსებულ პრობლემებზე ადრეული რეაგირების, ადამიანური უსაფრთხოების ხარისხის გაუმჯობესების თვალსაზრისით.
1024 ადამიანმა მიიღო მონაწილეობა რაოდენობრივ კვლევაში, ამას გარდა ჩატარდა 24 ფოკუს-ჯგუფის შეხვედრა და 24 ჩაღრმავებული ინტერვიუ.
ქალთა საინიციატივო ჯგუფებმა ივლისში ადვოკატირების გეგმები შეიმუშავეს, აგვისტო-სექტემბერში კი დაგეგმილია გამოვლენილი საჭიროებების ადვოკატირების კამპანიები.
ოზურგეთის მუნიციპალიტეტში დასრულდა საჯარო მმართველობის რეფორმის საგზაო რუკის მეოთხე მონიტორინგი და მოქალაქეთა საჭიროებების კვლევა. სამუშაო ჯგუფმა შეხვედრა გამართა ოზურგეთის მუნიციპალიტეტის საკრებულოს სხდომათა დარბაზში. სამოქალაქო საზოგადოების ადგილობრივი ორგანიზაციების წარმომადგენლებმა ჩატარებული მუშაობის შედეგებზე ისაუბრეს. შეხვედრა აქტიურად წარიმართა. მონაწილეთა მხრიდან იყო შეკითხვები, რომლებზეც კომპეტენტური პასუხები გაიცა.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
როგორ ვაქციოთ იდეები რეალობად, როგორ დავგეგმოთ საპროექტო აქტივობები - ამ საკითხებზე ჩატარდა ტრენინგი ქუთაისში. მასში მონაწილეობა მიიღეს სენაკის, ზუგდიდის, წალენჯიხის ქუთაისის, წყალტუბოს და ხონის ახალგაზრდული საინიციატივო ჯგუფის წევრებმა.
თეორიული მასალების გაცნობის შემდეგ ჯგუფებმა პროექტების შექმნაზე იმუშავეს. ტრენინგზე მიღებული ინფორმაციები და უნარები დაეხმარება ახალგაზრდულ ჯგუფებს, რომ დაწერონ პროექტის სამუშაო ვერსიები და დროულად წარუდგინონ საკონკურსო კომისიას.
პროექტი ხორციელდება USAID-ის მხარდაჭერით
ეს გოგო-ბიჭები მშვიდობის ელჩები არიან!
მათ ქუთაისში დასუფთავების აქცია მოაწყვეს... თან ფორუმ-თეატრის წარმოდგენაც გამართეს ეკოლოგიის თემაზე...
იდეა პროექტში მონაწილეობის შედეგად გაჩნდა. პროექტის სახელწოდებაა „ახალგაზრდა მშვიდობის ელჩები მშვიდობის, ტოლერანტობისა და არაძალადობრივი კულტურის ხელშეწყობისათვის“.
აქციაში ფონდ „სოხუმთან“ ერთად მონაწილეობა მიიღეს იმერეთის მხარის მეცნიერთა კავშირ „სპექტრის“ და ქუთაისის „სპეციალური სერვისების“ წარმომადგენლებმა.
ახალგაზრდა მშვიდობის ელჩების ინიციატივა სტიმულია თანატოლების გააქტიურებისთვის.
ონლაინ აპლიკაციის გაცნობის მიზნით ჩატარდა შეხვედრები ზუგდიდის მუნიციპალიტეტის სოფელ ინგირის ყოფილ სკოლა-ინტერნატის და ვექტორის დევნილთა ჩასახლებებში.
დევნილთა ნაწილში შესამჩნევი იყო ნიჰილიზმი და უნდობლობა საარჩევნო თემატიკის მიმართ და მათ განემარტათ აპლიკაციის პოლიტიკურად ნეიტრალური ხასიათი. მათი განცხადებით, სრულყოფილი ინფორმაცია არასდროს არ აქვთ პოლიტიკური პარტიების პროგრამების შესახებ, ამიტომაც მსგავსი აპლიკაცია მათთვის საინტერესოა.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)