„ომით დაზარალებული ადამიანების მხარდაჭერისა და დახმარების საუკეთესო პრაქტიკა“ - ეს იყო ქალთა ფონდი „სოხუმის“ თანამშრომლებისთვის გამართული ტრენინგის თემა.
ტრენერმა ქეთი ვასაძემ მონაწილეებს მიაწოდა ინფორმაცია ევროპის საბჭოს მიერ შემუშავებული პროგრამის შესახებ და მისცა საშუალება, პრაქტიკული სავარჯიშოების საშუალებით ემსჯელათ გარკვეულ იდეებზე, ქმედებებსა და ადვოკატირების გზებზე, დაინტერესებული მხარეების ჩართულობით, რაც ხელს შეუწყობს ომით დაზარალებული ადამიანების უფრო ეფექტიან მხარდაჭერას.
მოყვანილ იქნა უამრავი პოზიტიური მაგალითი, თუ რა საქმიანობას ეწევა ფონდი „სოხუმი“ ამ ეტაპზე უკრაინელი ლტოლვილების დახმარების კუთხით და რა გარკვეული ნაბიჯების გადადგმა არის საჭირო სამომავლოდ, რათა მათ გაუადვილდეთ დასაქმება და ინტეგრაცია ადგილობრივ თემში.
პროექტი ხორციელდება გენდერული თანასწორობის ფონდის
მხარდაჭერით (კანადა)
ძალადობის ქეისების სწორი მართვა ქალთა მხარდაჭერის ცენტრების მნიშვნელოვანი მისიაა, რადგან ბენეფიციარებთან ნდობა იზრდება და ხელს უწყობს მომართვიანობის გაზრდას.
სენაკის, თერჯოლის და ჩოხატაურის ქალთა მხარდაჭერის ცენტრებში იდენტიფიცირებული ქეისების ეფექტიანი მართვის მიზნით, უკვე მოხდა მათი ანალიზი და შეფასება. ორი ბენეფიციარი გადამისამართდა სარეაბილიტაციო ცენტრში და ფსიქორეაბილიტაციის კურსს გადის, ხოლო დანარჩენებთან ფსიქოლოგი ინდივიდუალურად განაგრძობს მუშაობას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
- რა მიმართულებით უნდა გაძლიერდეს მუშაობა ძალადობის პრობლემის პრევენციისთვის, როგორ დავეხმართ იმ ქალებს, რომლებიც რისკის ჯგუფს მიეკუთვნებიან, - ამ საკითხებზე მსჯელობენ საინფორმაციო შეხვედრებზე, რომლებიც ქალთა მხარდაჭერის ცენტრებში ყოველთვიურად მიმდინარეობს.
ვანის, ზუგდიდის და ქობულეთის ქალთა მხარდაჭერის ცენტრების მიერ ინიცირებულ შეხვედრებში მონაწილეებმა გამოხატეს საკუთარი მოსაზრებები, რომლებიც ცენტრების საქმიანობაში აისახება.
- აუცილებელია ყველა საჭირო ინფორმაციის გავრცელება და ადრესატამდე მიტანა, ეს ხელს შეუწყობს ძალადობის პრევენციას, - ასეთია მონაწილეთა საერთო პოზიცია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ეს არის ჩვენი ორგანიზაციის და ქუთაისის მუნიციპალიტეტის ა(ა)იპი ბაგა-ბაღების გაერთიანების თანამშრომლობის კიდევ ერთი კარგი მაგალითი:
გაერთიანების მე-17 ფილიალში ქალთა ფონდი „სოხუმის“ ტრენერებმა ჩაატარეს ტრენინგი თემაზე „სკოლამდელი სააღმზრდელო დაწესებულებების უფლებამოსილება და ვალდებულებები. ბავშვთა მიმართ ძალადობის შემთხვევების იდენტიფიცირება და მართვა, ძალადობის პრევენცია“.
მონაწილეთა შეფასებით, ეს იყო ძალიან საინტერესო, ინტერაქტიული, მნიშვნელოვანი ინფორმაციებით დატვირთული სამუშაო პროცესი.
სკოლამდელი დაწესებულებების პერსონალთან მომდევნო ტრენინგი უახლოეს მომავალში იგეგმება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ახალგაზრდობის გაძლიერების ცენტრებში მთავრდება სატრენინგო კურსის 5 თვე. თვის პირველ ნახევარში ჩატარდა შეხვედრები ტყიბულში, წალენჯიხაში, სამტრედიაში, ქობულეთსა და თერჯოლაში. ამ ტრენინგებს 87 მონაწილე დაესწრო. კურსის მონაწილეებმა 10 ტრენინგი გაიარეს კონფლიქტის მართვის და გენდერულ საკითხებზე.
ახლა რჩება შემაჯამებელი ღონისძიებები, რომლებიც გაიმართება მარტში. შეხვედრებზე მოწვეულები იქნებიან პედაგოგები და მშობლები. ყველა მუნიციპალიტეტის ახალგაზრდული ჯგუფები, პრეზენტატორები აქტიურად ემზადებიან, რათა შეაჯამონ და აუდიტორია წარუდგინონ ის ცოდნა და გამოცდილება, რომელიც ხუთი თვის განმავლობაში დააგროვეს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
დნიპრო ერთ-ერთია იმ ქალაქებს შორის, რომელმაც რუსეთის აგრესია იწვნია. 14 იანვარს 9-სართულიან საცხოვრებელ კორპუსზე სარაკეტო თავდასხმის შედეგად 44 ადამიანი დაიღუპა. 75 ადამიანი კი საავადმყოფოში გადაიყვანეს.
დნიპრო ქუთაისის დამეგობრებული ქალაქია. ამიტომაც შეიქმნა ჯგუფი „ქუთაისი დნიპროსთვის“. პირველ ონლაინ კომუნიკაციას დნიპროსთან უკრაინულ მხარეს წარმოადგენდა საქველმოქმედო ფონდის „TAPS Ukraina“-ს დირექტორი იულია დმიტროვა, რომელიც მჭიდრო კოორდინაციაშია ქალაქის მერიის სტრუქტურებთან. შეხვედრას ესწრებოდა ქალთა ფონდი „სოხუმის“ აღმასრულებელი დირექტორი თეა თორინავა.
ჩვენი ორგანიზაცია, რომელიც სერიოზულ დახმარებას უწევს უკრაინიდან ლტოლვილებს, ამ ფართომასშტაბიან კამპანიაშიც აქტიურად ჩაერთო: ორგანიზაციის წევრები ავრცელებენ ინფორმაციას კამპანიის, ანგარიშების ნომრების შესახებ და რიცხავენ თანხას უკრაინელების დასახმარებლად.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ჩვენ, საქართველოს მოქალაქეები, კატეგორიულად ვეწინააღმდეგებით საპარლამენტო უმრავლესობის წევრების ინიცირებულ კანონპროექტს უცხოური გავლენის აგენტების შესახებ, რომლის მიმართ მხარდაჭერა პარლამენტის თავმჯდომარემ და უმრავლესობის სხვა წევრებმა გამოხატეს. მიგვაჩნია, რომ ამ რუსული კანონის მიღების მცდელობა მიმართულია არა მხოლოდ თავისუფალი სამოქალაქო საზოგადოების ორგანიზაციებისა და კრიტიკული მედიის, არამედ საქართველოს მოსახლეობის წინააღმდეგ.
ეს კანონი მიზნად ისახავს, რომ დაუცველად დარჩნენ ძალადობის მსხვერპლი ბავშვები და ქალები; შეზღუდული შესაძლებლობის მქონე პირები, უმცირესობები, მეცნიერები, მშრომელები და ახალგაზრდები; დახმარება არ გაეწიოთ სოციალურად დაუცველ ოჯახებს, ფერმერებს, მაღაროელებს, უკანონოდ გათავისუფლებულ, დევნილ, უსახლკარო, თავისუფლებაშეზღუდულ და საკუთარი უფლებებისთვის მებრძოლ სხვა ადამიანებს; არ გაშუქდეს მაღალმთიან და სხვა რეგიონებში მცხოვრები ადამიანების ხმა, ვინც მხოლოდ ადგილობრივი, დამოუკიდებელი მედიის მეშვეობით აცნობს საზოგადოებას თავის გასაჭირს.
წალენჯიხის მუნიციპალიტეტის სოფელ ფახულანის ქალთა საინიციატივო ჯგუფთან შეხვედრა გაიმართა თემაზე: "მოსახლეობის ადამიანური უსაფრთხოების ხარისხის და გენდერული საჭიროებების შეფასება"
საინიატივო ჯგუფს კვლევის ჩატარების მეთოდებზე ინფორმაცია მიეწოდა.
კვლევის პროცესის ეფექტიანად ჩატარების მიზნით ფოკუს ჯგუფების, ინტერვიუების ჩასატარებლად ჩართული პირების ფუნქციები და პასუხისმგებლობები გადანაწილდა.
შეირჩა რესპოდენტები და სამიზნე ბენეფიციარები.
პროექტი „ განხეთქილების დაძლევა - ხალხთაშორისი ინიციატივები კონფლიქტის მოგვარებისთვის“ USAID მხარდაჭერით ხორციელდება.
შეხვედრამ ზუგდიდის მუნიციპალიტეტის სოფელ დიდინეძის ქალთა საინიციატივო ჯგუფთან ტრადიციულად, საინტრესოდ ჩაიარა.ამჯერად საუბარი შეეხო თემას
"მოსახლეობის ადამიანური უსაფრთხოების ხარისხის და გენდერული საჭიროებების შეფასება"
საინიატივო ჯგუფი გაეცნო ინფორმაციას კვლევის ჩატარების მეთოდებზე ,გადანაწილდა ფოკუს ჯგუფები, ფუნქციები და პასუხისმგებლობები.
შეირჩნენ რესპონდენტები და სამიზნე ბენეფიციარები.
პროექტი „ განხეთქილების დაძლევა - ხალხთაშორისი ინიციატივები კონფლიქტის მოგვარებისთვის“ USAID-ის მხარდაჭერით ხორციელდება.
"მოსახლეობის ადამიანური უსაფრთხოების ხარისხის და გენდერული საჭიროებების შეფასება" -ამ თემაზე გაიმართა შეხვედრა ზუგდიდის მუნიციპალიტეტის სოფელ კოკის ქალთა საინიციატივო ჯგუფთან.ჯგუფის წევრები დეტალურად გაეცნენ ინფორმაციას კვლევის ჩატარების მეთოდებზე,გადანაწილდა ფუნქციებიც. პროექტი „ განხეთქილების დაძლევა - ხალხთაშორისი ინიციატივები კონფლიქტის მოგვარებისთვის“USAID-ის მხარდაჭერით ხორციელდება. ზუგდიდის შეხვედრა გაიმართა ზუგდიდის მუნიციპალიტეტის სოფელ კოკის ახალგაზრდული საინიციატივო ჯგუფის წევრებთანაც .ახალგაზრდებმა გაიგეს, რა მნიშვნელობა აქვს გაეროს რეზოლუციებს- 1325-ს და 2250-ს და რა შეუძლიათ მათ სამშვიდობო პროცესში ჩართვისა და ნდობის შენებისთვის. ჯგუფური მუშაობის დროს მათ საინტერესო წინადადებები წამოჭრეს და საკუთარი მოსაზრებები გამოთქვეს.