ფოთის დევნილთა დასახლებაში გაიმართა თვითდახმარების ჯგუფის წევრთა შეხვედრა, რომელზეც განიხილეს სოციალური აქტივობის არსი, გააანალიზეს მისი ძლიერი და სუსტი მხარეები, თემის პრობლემები და ქალთა გაძლიერების სტრატეგიები.
დასაწყისში მონაწილეები გაეცნენ სოციალური აქტივობის კონცეფციას - როგორია, როგორც ინსტრუმენტი ინდივიდუალური თვითდახმარებიდან კოლექტიურ ცვლილებამდე; როგორ უწყობს ხელს აქტიური თანამონაწილეობა საზოგადოებრივ ცხოვრებაში ქალების გაძლიერებას პიროვნულ და თემის დონეზე. აღინიშნა, რომ ჯგუფური მუშაობა, რესურსების გაზიარება და მხარდამჭერი ქსელების შექმნა, განსაკუთრებით მნიშვნელოვანია იძულებით გადაადგილებული ქალებისათვის, რომლებიც ხშირ შემთხვევაში სოციალური და ეკონომიკური რისკების წინაშე დგანან.
მონაწილეებთან ერთად შემუშავდა და ხელმოწერით დადასტურდა თვითდახმარების ჯგუფის წესდება, რომელიც განსაზღვრავს შიდა წესებს და სამუშაო პრინციპებს. ასევე შეივსო პრე- და პოსტკითხვარი სოციალური აქტივობის თაობაზე.
შეხვედრაზე ასევე მოხდა პრობლემების იდენტიფიცირება: ჯგუფის წევრებმა დაასახელეს დევნილთა დასახლებაში არსებული გამოწვევები და დაალაგეს პრიორიტეტების მიხედვით.
შეხვედრა მნიშვნელოვანია როგორც ინდივიდუალურ გაძლიერებაში, ისე ქალთა სოლიდარობის და თემზე ზრუნვის კულტურის განვითარებაში - პროცესში, რომელიც სოციალურ ცვლილებებზეა ორიენტირებული.
პროექტი ხორციელდება გაეროს ქალთა ორგანიზაციის მხარდაჭერით
სოციალური აქტივობის კონცეფციას მიეძღვნა ქუთაისის თვითდახმარების ჯგუფის მორიგი შეხვედრა. შეხვედრას ესწრებოდნენ ქალები ჭომის და ნიკეას დევნილთა დასახლებებიდან.
მონაწილეებმა შეავსეს პრე- და პოსტკითხვარები სოციალური აქტივობის საკითხებზე. მათთვის უკვე სრულიად გასაგებია ამ ტერმინის განმარტება, არსი, მიზანი და შედეგები. შეხვედრაზე შემუშავდა თვითდახმარების ჯგუფის წესდება.
ყველაზე მნიშვნელოვანი იყო დასახლებების პრობლემების იდენტიფიცირება. ჯგუფმა სწორედ ამ პრობლემების მოგვარებისთვის უნდა იზრუნოს.
პროექტი ხორციელდება გაეროს ქალთა ორგანიზაციის
მხარდაჭერით
სოციალური აქტივობის თემა იყო მთავარი წყალტუბოს თვითდახმარების ჯგუფის მორიგ შეხვედრაზე. შეხვედრას ესწრებოდნენ ქალები წყალტუბოს მუნიციპალიტეტის დევნილთა ოთხი დასახლებიდან.
მონაწილეებმა შეავსეს პრე- და პოსტკითხვარები სოციალური აქტივობის საკითხებზე. მათ გაიაზრეს, რას ნიშნავს სოციალური აქტივობა, რას ემსახურება, რა შედეგები შეიძლება მოგვცეს…
შეხვედრაზე შემუშავდა თვითდახმარების ჯგუფის წესდება. საუბარი ასევე შეეხო ოთხივე დასახლების პრობლემების იდენტიფიცირებას და მათი მოგვარების გზების დაგეგმვას.
პროექტი ხორციელდება გაეროს ქალთა ორგანიზაციის მხარდაჭერით
სენაკში თვითდახმარების ჯგუფის შეხვედრაზე განხილვის თემა იყო სოციალური აქტივობა. მონაწილეებმა მიიღეს ინფორმაცია: რას ნიშნავს სოციალური აქტივობა, რა უნდა გაკეთდეს, ვინ არიან მთავარი აქტორები, რატომ არის მნიშვნელოვანი სოციალური აქტივობა თემებში და რა სარგებელს მოიტანს.
მონაწილეების ინფორმირების მაჩვენებელი საკითხზე პრე- და პოსტტესტებით დაფიქსირდა.
ჯგუფის წევრებმა ხელი მოაწერეს წესდებას, რაშიც კონკრეტულად არის გაწერილი ჯგუფის მიზნები, მენეჯმენტი, ჯგუფის წევრთა უფლებები და მოვალეობები. ისინი მზად არიან, წესდების შესაბამისად იმუშაონ სათემო პრობლემების მოსაგვარებლად.
შეხვედრის ბოლო ნაწილი სწორედ პრობლემების განხილვას მიეძღვნა. თვითდახმარების ჯგუფის წევრებმა აღნიშნეს, რომ მიღებული ინფორმაციების საფუძველზე გაძლიერდება სოციალური აქტივობა, რაც ხელს შეუწყობს სათემო პრობლემების იდენტიფიცირებას და მათ მოგვარებას რესურსების გაერთიანებით.
პროექტი ხორციელდება გაეროს ქალთა ორგანიზაციის მხარდაჭერით
აფხაზეთის ქუჩაზე, ხონის დევნილთა დასახლებაში ჩატარდა შეხვედრა თვითდახმარების ჯგუფის წევრებთან.
ჯგუფის წევრები გაეცნენ სოციალური აქტივობის არსს, მიზანს, თუ რამდენად მნიშვნელოვანია ადამიანების აქტიურობა საკუთარი პრობლემების მოსაგვარებლად.
შეხვედრის დასაწყისში მონაწილეებმა შეავსეს პრეტესტი, ხოლო მიწოდებული ინფორმაციის შემდეგ - პოსტტესტი რითაც შეფასდა მათი ცოდნა და შეხედულებები სოციალური აქტივობის შესახებ.
ბოლოს მონაწილეები გაეცნენ და მიიღეს თვითდახმარების ჯგუფის წევრებისთვის წინასწარ შემუშავებული წესდება: ზოგადი დებულება, ჯგუფის მიზნები, წევრების არჩევა/შერჩევის წესი, უფლებები და მოვალეობები, მენეჯმენტის სტრუქტურა, შეხვედრების პერიოდულობა.
დათქვეს, რომ მოისმენენ თემში მცხოვრები ადამიანების მოსაზრებებსაც - თუ რა აწუხებთ და რა მიაჩნიათ პრიორიტეტულ პრობლემად, რისი მოგვარებაც უნდათ სამოქალაქო ინიციატივების ფარგლებში.
პროექტი ხორციელდება გაეროს ქალთა ორგანიზაციის მხარდაჭერით
ახალგაზრდებისთვის განსაკუთრებით აქტუალურია კონფლიქტის მართვის და ძალადობის პრევენციის თემატიკა, რადგან ეს პრობლემები მათ ყოველდღიურ ცხოვრებასაც უკავშირდება. შეხვედრების დროს ისინი ინტერესიით განიხილავენ სხვადასხვა ფორმის ძალადობას, კონფლიქტის მშვიდობიანად გადაწყვეტის გზებს, ერთმანეთის მხარდაჭერის აუცილებლობას.
მონაწილეები ამბობენ, რომ თავისუფალ სივრცეში ერთმანეთთან გულწრფელი კომუნიკაცია და გამოცდილების გაზიარება მათთვის ძალიან მნიშვნელოვანია. ისინი უფრო მეტად აცნობიერებენ ძალადობის საფრთხეებს, განიხილავენ დაცვის მექანიზმებს და სურვილი აქვთ, სხვებსაც გაუზიარონ ინფორმაცია.
ახალგაზრდები იმედოვნებენ, რომ მათი ჩართულობით თანატოლებში კიდევ უფრო გაიზრდება ინფორმირებულობის დონე და ეს ხელს შეუწყობს მშვიდობიანი და უსაფრთხო გარემოს შექმნას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ახალგაზრდებთან კონფლიქტის მართვისა და ძალადობის პრევენციის თემებზე სატრენინგო სესიები ინტენსიურად მიმდინარეობს. ტრენინგების მიზანია ახალგაზრდებში კრიტიკული აზროვნების, ემპათიისა და მშვიდობიანი კომუნიკაციის უნარების გაძლიერება.
სესიების ფარგლებში მონაწილეები აქტიურად ერთვებიან დებატებში, მონაწილეობენ როლურ თამაშებსა და გუნდურ სავარჯიშოებში, რაც ეხმარებათ უკეთ გაიაზრონ კონფლიქტის არსი და მოძებნონ არაძალადობრივი გამოსავალი ყოველდღიურ სიტუაციებში.
ტრენინგების შემდეგ ახალგაზრდები საკუთარი იდეებით ცდილობენ მათ ირგვლივ შექმნან უსაფრთხო და მხარდამჭერი გარემო, სადაც განსხვავებული აზრი არ იწვევს დაპირისპირებას, არამედ ხდება თანამშრომლობის და განვითარებისთვის სივრცე.
ეს ტრენინგები ხელს უწყობს ახალგაზრდებში მშვიდობის კულტურის გაძლიერებას და გრძელვადიან პერსპექტივაში საზოგადოების თანაარსებობის უკეთესი მოდელის შექმნას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
როგორ აფასებენ ქალთა მხარდაჭერის ცენტრები ფონდი „სოხუმის“ საქმიანობას? რა შედეგებს იძლევა და რამდენად მნიშვნელოვანია ყოველთვიური საინფორმაციო შეხვედრები? რა ტიპის მხარდაჭერა სჭირდებათ ქალებს?
ამ კითხვებზე პასუხების მისაღებად შიდა მონიტორინგი ჩატარდა.
შეხვედრის მონაწილეები ღიად გამოხატავენ საკუთარ განწყობებს და ახალ იდეებსაც გვკარნახობენ:
- ჩვენთვის ეს შეხვედრები არის ახალი ინფორმაციების მიღების წყარო. ქალებზე ძალადობა არ დამთავრებულა, უნდა გავძლიერდეთ ამ პრობლემის წინააღმდეგ.
- ქალებს იშვიათად გვაქვს შეკრების და საკუთარი აზრების გამოთქმის შესაძლებლობა, ყოველდღიური რუტინისგან გადაღლილებს სხვა განწყობა გვხვდება და ეს ძალიან გვჭირდება.
- მიხარია, რომ ქალებზე ფიქრობთ, ჩვენს გაძლიერებაზე. ჩვენი თვითშეფასება იზრდება. ახალი იდეები გვიჩნდება. კარგი იქნება, თუ ჩვენი იდეების განხორციელების შესაძლებლობა მოგვეცემა.
შეხვედრები ჩატარდა ზუგდიდი/ხურჩის, სენაკის, ხონის, ხობის ქალთა მხარდაჭერის ცენტრებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისის ქალთა ჯგუფებთან მიგრაციის საკითხებზე სამოქალაქო დიალოგი გაიმართა. შეხვედრის მონაწილეები - სხვადასხვა სოციალური ჯგუფის წარმომადგენელი ქალები - გაეცნენ ქალთა ფონდი „სოხუმის“ კვლევას „ქალთა მიგრაციის გამომწვევი მიზეზების გენდერული განზომილება: უფლებრივი მდგომარეობისა და სოციალურ-სტრუქტურული ფაქტორების ჭრილში“. შემდეგ გაიმართა დიალოგი ქალთა მიგრაციის მიზეზებზე და მის სოციალურ შედეგებზე, მიგრაციის პრევენციის ღონისძიებებზე.
მონაწილეებმა მოიყვანეს არაერთი მაგალითი - პოზიტიური ეკონომიკური ეფექტის პარალელურად, როგორი მატრავმირებელი ეფექტი აქვს მიგრაციას თავად მიგრანტ ქალებზე, მათი ოჯახის წევრებზე, განსაკუთრებით - ბავშვებზე. გულისტკივილით აღნიშნეს გაუცხოების და სხვა ფსიქოემოციური სირთულეების მომენტები.
შედგა დისკუსია იმის თაობაზე, სტრუქტურულ გადაწყვეტილებებთან ერთად, რა ძალისხმევა შეიძლება გასწიონ საზოგადოების რიგითმა წევრებმა, რათა შემცირდეს მიგრაციის ტენდენცია, შემცირდეს მისი ფსიქოემოციური ნეგატიური შედეგები.
გამოითქვა საინტერესო იდეები თემის დონეზე გასატარებელი ღონისძიებების, ამისთვის საჭირო რესურსების შესახებ. შემდგომ ეტაპზე ყველაზე საინტერესო ინიციატივების შერჩევა და მისი განხორციელება იგეგმება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ ახალ ანგარიშში „რატომ მიდიან ქალები? ქალთა მიგრაციის გამომწვევი მიზეზების გენდერული განზომილება უფლებრივი მდგომარეობის, სოციალური ფაქტორებისა და ინტერსექციური მოწყვლადობის ჭრილში“ წარმოდგენილია დასავლეთ საქართველოს 11 მუნიციპალიტეტში ჩატარებული კვლევის შედეგები, რომლის ფარგლებში გამოიკითხა 600 ქალი. ანგარიში ქალთა მიგრაციის ფენომენს აანალიზებს გენდერული პერსპექტივიდან და მიგრაციას არ განიხილავს მხოლოდ ეკონომიკურ მოვლენად, არამედ ასახავს მის მრავალგანზომილებიან სოციალურ, უფლებრივ და სტრუქტურულ მიზეზებს.
კვლევის მონაცემები ცხადყოფს, რომ მიგრაცია ქალებისთვის ხშირად წარმოადგენს არა არჩევანს, არამედ იძულებით სტრატეგიას ოჯახში არსებული ძალადობისგან უფლებრივი დაქვემდებარებისა და სოციალური სერვისების ნაკლებობისგან თავის დასაღწევად. განსაკუთრებით მაღალია მიგრაციის განზრახვა ახალგაზრდა და ეკონომიკურად აქტიურ ქალებში, რაც ქვეყნის დემოგრაფიულ სტრუქტურასა და სოციალური განვითარების პერსპექტივებზე მნიშვნელოვან გავლენას ახდენს. ანგარიში ხაზს უსვამს ინტერსექციური მოწყვლადობის როლს, როგორებიცაა დევნილობა, გამყოფი ხაზის სიახლოვე და სოციალური დაუცველობა, რომელიც მიგრაციის რისკს კიდევ უფრო ზრდის. კვლევა აჩვენებს, რომ მიგრაციის პრევენცია მოითხოვს კომპლექსურ გენდერულად სენსიტიურ პოლიტიკას, რომელიც უნდა იყოს ორიენტირებული ქალთა ეკონომიკურ, სოციალურ და უფლებრივ გაძლიერებაზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)