33-ე ბაგა-ბაღი პირველი ნოვატორი სკოლამდელი აღზრდის დაწესებულებაა ქუთაისში, სადაც მასწავლებლისა და მშობლის კუთხესთან ერთად ბაბუების კუთხეც არსებობს.

„ბაბუს კლუბი“ საერთო იდეებით გაერთიანებულმა ბაბუებმა დააფუძნეს. ამჟამად კლუბში 12 წევრია. მისი დაფუძნების ძირითადი მიზანია სასარგებლო საქმეების კეთება, რაც პატარა შვილიშვილების და 33 ბაგა-ბაღის საკეთილდღეოდ აქვთ ჩაფიქრებული.

იდეა ბევრი აქვთ, თუმცა მათი განხორციელებისთვის აქტიურ ბაბუებს ხშირად  არასაკმარისი ფინანასები აბრკოლებთ.

ამას და კიდევ ბევრ საინტერესოს - „რიონის“ საკვირაო გადაცემაში გასული სიუჟეტიდან შეიტყობთ.

ოზურგეთის გენდერული საკონსულტაციო საბჭოს წევრებმა ტელეკომპანია „გურიას“ ეთერში ფონდი „სოხუმის“ მიერ ინიცირებული ტელეგადაცემაზე ოზურგეთის გენდერული საკონსულტაციო საბჭოს საქმიანობაზე ისაუბრეს.

„მოხარული ვართ, რომ ფონდი „სოხუმის“ მიერ ოზურგეთი არჩეული იქნა სამიზნე ქალაქად. ვთვლით, რომ პროექტი შედგა და მისი არსებობა წინგადადგმული ნაბიჯია ოზურგეთის სინამდვილეში. შეიძლება ითქვას, რომ ჩვენი კაბინეტის კარი არ იკეტება და, ფაქტობრივად, შუამავალი რგოლი ვართ მოქალაქეებსა და ხელისუფლებას შორის“, - ითქვა გადაცემაზე.

აღინიშნა, რომ საბჭოს წარმატებული საქმიანობა დიდწილად იყო დამოკიდებული ადგილობრივი ხელისუფლების კეთილ ნებაზე, რომელიც მთელი ამ ხნის განმავლობაში მის ნებისმიერ ინიციციატივას მხარს უჭერდა. ეს გამოიხატა, პირველ რიგში, მათი მხრიდან მხარდაჭერილ პროექტში, რომელიც ახალგაზრდული საკრებულოსა და ახალგაზრდული გენდერული საბჭოს შექმნით დაგვირგვინდა.

საბჭოს წევრები შეეხნენ იმ ინიციატივებს, რომლებიც 2015 წლის ბიუჯეტში საბჭოს რეკომენდაციით   იქნა გათვალისწინებული. მათ შორის - სოციალური შემწეობის გაზრდა, წარმატებული სტუდენტების და მათი სკოლების წახალისება. ისაუბრეს სამომავლო გეგმებზე, რაც უფრო აქტიური გენდერული პოლიტიკის დამკვიდრებას შეუწყობს ხელს.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

- ცოცხალი, დინამიური ტრენინგი, თეორიული და პრაქტიკული ნაწილების ეფექტური მონაცვლეობით, - ასე შეაფასეს მონაწილეებმა ფონდი „სოხუმის“ ორგანიზებით ბათუმში,  ჩატარებული ტრენინგი.

პირველი დღე ადამიანური უსაფრთხოების კომპონენტების განხილვას დაეთმო, განსაკუთრებით საინტერესო აღმოჩნდა ამ საკითხების გენდერულ ჭრილში გაანალიზება.

პროექტის მიხედვით, ტრენინგის მონაწილეები ამ საკითხებზე კვლევებს ჩაატარებენ ქუთაისში, სენაკში, ფოთში, ხონში, წყალტუბოსა და ხურჩაში (ზუგდიდის მუნიციპალიტეტი). ამიტომაც ტრენინგის მეორე დღე კვლევების ჩატარების მეთოდოლოგიას და ტექნიკას დაეთმო.  

 

 

პროექტი ხორციელდება ორგანიზაცია „ქალები ქალებისათვის“

(Kvinna till Kvinna) მხარდაჭერით (შვედეთი)

ოჯახში ძალადობის პრობლემას, მისი გადაწყვეტისათვის საჭირო ღონისძიებებს ეხება  ტელერადიოკომპანია „აჭარას“ ეთერში გასული სიუჟეტი, რომელიც  უფლებათდამცველების, ბათუმის გენდერული საკონსულტაციო საბჭოს წევრების მოსაზრებებს გვიზიარებს.

როგორც სიუჟეტი გვამცნობს, ბათუმის გენდერული საკონსულტაციო საბჭო საქმიანობის წელიწადნახევარს ითვლის და ამ ხნის მანძილზე ოჯახში ძალადობის პრობლემას საკმაოდ დიდი ყურადღება ეთმობა.

რამდენად საგანგაშოა სტატისტიკა, როგორ ცდილობს საბჭო სახელისუფლებო სტრუქტურებთან, სამოქალაქო სექტორთან თანამშრომლობით პრობლემის აქტუალობის წარმოჩენას, სათანადო რეაგირებას, მსხვერპლის დაცვას - ამ საკითხზე გვესაუბრებიან საბჭოს წევრები, მერიის და საკრებულოს გენდერული მრჩევლები.

 

 

პროექტი ხორციელდება აშშ  სახელმწიფო დეპარტამენტის  მხარდაჭერით

„კიბო განაჩენი არ არის“ - ოზურგეთის გენდერული საკონსულტაციო საბჭო ამ დასახელებით ახორციელებს პროექტს, რომელიც დაავადებული ადამიანების ფსიქო-სოციალურ რეაბილიტაციას ითვალისწინებს.

„გურიაში“ გასულ ტელესიუჟეტში ბენეფიციარებისთვის განსაზღვრულ ღონისძიებებზეა საუბარი. პროექტის ხელმძღვანელი აცხადებს: „პროექტში 50 ადამიანია ჩართული და მისი ძირითადი მესიჯი არის ის, რომ ჩვენ ვცხოვრობთ სრულფასოვანი ცხოვრებით, ვაგრძელებთ ბრძოლას“.

პროექტი ოზურგეთის მუნიციპალიტეტის სოფლებს მოიცავს და მისი დაფინანსება მუნიციპალიტეტის ადგილობრივი ბიუჯეტიდან მოხდა. 

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

აპრილში ქუთაისის დევნილთა 6 კოლექტიურ ცენტრში ჩატარდა 6 საინფორმაციო-საკონსულტაციო ჯგუფური ფსიქოლოგიური შეხვედრა, სადაც მონაწილეობდა 49 ქალი 20-დან 68 წლამდე.  გაიმართა ოჯახური თერაპიის 4 სეანსი, იყო 3 ზარი ცხელი ხაზის ტელეფონზე.

ჯგუფურ შეხვედრებზე გაგრძელდა წინა თვეს დაწყებული თემა - ქალური შიშები, განგაში, ფობიები, პანიკა. კვლევები ადასტურებს, რომ ქალებს უფრო აქვთ შიშები და ფობიები, ვიდრე მამაკაცებს. მაგრამ შიშთან ბრძოლა არ არის საჭირო. შიში მტერი არ არის. ის სიგნალიზაციაა, რომელიც გაფრთხილებთ. თუ შეისწავლით და გაიგებთ შიშს, ის შეიძლება საჭირო და მნიშვნელოვან მოკავშირედ იქცეს განვითარების გზაზე.

შეხვედრების მონაწილეებმა მიიღეს სარეკომენდაციო ფურცლები.

 

 

 

აპრილში ფონდი „სოხუმის“ იურისტმა ჩაატარა 8 საინფორმაციო-საკონსულტაციო შეხვედრები. საუბრის თემები, მონაწილეთა ინტერესებიდან გამომდინარე, სხვადასხვა იყო: კანონი დევნილთა შესახებ, ადამიანი და მისი ძირეული უფლებები, მოქალაქეთა მიერ ადგილობრივი თვითმმართველობის განხორციელების უფლება და ა. შ.

გაიცა ინდივიდუალური კონსულტაციები შემდეგ საკითხებზე: დევნილის შემწეობის აღდგენა, ჩვილი ბავშვისთვის დევნილობის შემწეობის დანიშვნის პროცედურები, სოციალურად დაუცველთა შეფასების კრიტერიუმები, ბინით დაკმაყოფილებულ დევნილთა უფლებები და ვალდებულებები.

 

 

ოზურგეთის გენდერული საკონსულტაციო საბჭოს იურისტი შეხვდა დაბა ნასაკირალში მცხოვრებ რეპატრიანტ მესხებს. ინფრასტრუქტურული პრობლემებიდან მოსახლეობამ მხოლოდ გზის 100-მეტრიანი მონაკვეთის დაგრეიდერება-მოხრეშვაზე გაამახვილა ყურადღება.

გარდა საერთო საზოგადოებრივი პრობლემებისა, მათ გააჩნიათ პირადი სპეციფიკური პრობლემები. იურისტმა უპასუხა შეკრებილთა შეკითხვებს. მათ გაეწიათ ასევე კონსულტაცია რეპრესირებული პირის კომპენსაციის მიღებასთან დაკავშირებით.

 

 

 

                                                                                                                                                     

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

22 აპრილს  ბათუმის გენდერული საკონსულტაციო საბჭოს მორიგი სხდომა ჩატარდა.  შეხვედრას  ფონდი „სოხუმის“ ხელმძღვანელობაც დაესწრო და გაეცნო საკითხებს, რომლებიც ამ ეტაპზე დგას დღის წესრიგში.

საბჭოს გადაწყვეტილებით, მისი წევრების უდიდესი უმრავლესობა ჩაერთო  გენდერულ საჭიროებათა შეფასებაში, რომელიც ფონდი „სოხუმის“ მხარდაჭერით, ბათუმში უკვე მეორედ ტარდება. განისაზღვრა კვლევის ვადები და შემსრულებლები.

მოისმინეს ინფორმაცია ფონდი „სოხუმის“ თანადაფინანსებით მერიისთვის წარდგენილი პროექტების თაობაზე; ჩამოაყალიბეს საკითხთა ნუსხა, რომელიც პარლამენტის გენდერულ საბჭოსთან დაგეგმილი შეხვედრის დღის წესრიგს განსაზღვრავს.

გამოიკვეთა, რომ იზრდება ბათუმის გენდერული საბჭოს თანამშრომლობის მასშტაბები ადგილობრივ საზოგადოებრივ ორგანიზაციებთან. სხდომას ესწრებოდა ორი ორგანიზაციის წარმომადგენელი, განისაზღვრა სამომავლო თანამშრომლობის პერსპექტივები.

დაისახა კონკრეტული პრობლემების ადვოკატირების გრძელვადიანი სტრატეგია, რომელშიც აქტიურად იქნებიან ჩართული საკრებულოსა და მერიის გენდერული მრჩევლები. ორ ყველაზე მოწყვლად ოჯახს პირველადი დახმარება უკვე გაეწია.

სხდომაზე გაჟღერდა რამდენიმე საინტერესო ინიციატივა. მათ შორის თვითმმართველობის პერსონალის გენდერული განათლების საკითხი. 

 

  

 

 

22 აპრილს დედამიწის საერთაშორისო დღეა.

საქართველოში ეს დღე პირველად 1990 წელს აღინიშნა. მას შემდეგ ყოველწლიურად  მრავალი ადამიანი უერთდება.

22 აპრილს კოკის (ზუგდიდის მუნიციპალიტეტი) სკოლაში ჩატარდა აქცია დედამიწის დღესთან დაკავშირებით.

-დავიცვათ ჩვენი ბუნება, - ასეთი იყო აქციის მონაწილე მოსწავლეებისა და მასწავლებლების მოწოდება. მათ სკოლის ეზოში ხეები დარგეს.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)