ლანჩხუთი, თერჯოლა, ქუთაისი - ამ ქალაქებით დამთავრდა ვორკშოპების ციკლი ახალგაზრდებთან. მონაწილეები ყველა შეხვედრაზე ერთნაირი აქტიურობით ცდილობდნენ დისკუსიაში ჩართვას. განსაკუთრებით აღსანიშნავია თერჯოლის ჯგუფი, რომელიც კონფლიქტის ანალიზისას გამოირჩეოდა ლოგიკური, არგუმენტირებული მსჯელობით.
- ჩვენ განვიხილავთ კონფლიქტებს სამოქალაქო გაკვეთილებზე, ამიტომ აუცილებლად გავაგრძელებთ ამ საკითხზე დისკუსიას - ასეთი პოზიცია ჰქონდათ ახალგაზრდებს ლანჩხუთში, სოფელ ჩიბათში.
- ბევრჯერ ვყოფილვართ კონფლიქტურ სიტუაციაში, რადგან არ ვიცით, ასეთ დროს როგორ მოვიქცეთ, ხშირად ვიმეორებთ შეცდომებს, რადგან არასოდეს ვაკეთებთ უკვე მომხდარი კონფლიქტის ანალიზს, - ასეთი მოსაზრებები ქუთაისში გამართულ ვორკშოპზე დაფიქსირდა.
ახალგაზრდები მზად არიან, განხილულ საკითხებზე გააგრძელონ დისკუსიები, რადგან მიაჩნიათ, რომ ძალადობის პრევენციისას ინფორმირება მნიშვნელოვანია.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
დასრულდა პროექტი „ახალგაზრდებს შორის კონფლიქტის არაძალადობრივად მოგვარების ხელშეწყობა ტრენინგების მეშვეობით დასავლეთ საქართველოში“. პროექტში დასავლეთ საქართველოს 8 რეგიონის (ქუთაისი, ხონი, წყალტუბო, სენაკი, ფოთი, ზუგდიდი, ოზურგეთი, ბათუმი) ახალგაზრდები იყვნენ ჩართულნი. მათ გაიარეს ტრენინგები კონფლიქტოლოგიაში, დაეუფლნენ ტრენერულ უნარ-ჩვევებს, შემდეგ კი ახალგაზრდებთან თავად ჩაატარეს ორ-ორი ვორკშოპი თავიანთ რეგიონებში.
23 თებერვალს ფონდ „სოხუმში“ პროექტის შეფასებითი ვორკშოპი გაიმართა. ახალგაზრდა ტრენერებმა პრეზენტაციები გააკეთეს, ერთმანეთს გაუზიარეს თავიანთი გამოცდილება. ჯგუფური მუშაობისას კი დააფიქსირეს, რა გამოუვიდათ, რა ვერ შეძლეს, რა გამოწვევების წინაშე არიან.
ახალგაზრდებმა თავიანთი იდეები და ინიციატივები სამომავლო სტრატეგიაში გაწერეს. ისინი მზად არიან, ტრენერული უნარ-ჩვევები კიდევ უფრო განავითარონ.
პროექტი ხორციელდება კანადის ადგილობრივი ინიციატივების
ფონდის -CFLI (კანადის საელჩო თურქეთში) მხარდაჭერით
თებერვალში კიდევ ორი შეხვედრა გაიმართა ვაჟებთან. ლანჩხუთისა და სენაკის პირველ საჯარო სკოლებში შეკრებილ მოსაწავლეებთან განხილულ იქნა ძალადობის სახეები და მათი მოგვარების გზები. შეხვედრების მონაწილეებმა გამოიჩინეს განსაკუთრებული აქტიურობა, დააფიქსირეს საკუთარი მოსაზრებები ოჯახში ძალადობის პრობლემის მოგვარებასთან დაკავშირებით. შეხვედრების გარკვეული ნაწილი დაეთმო ჯგუფურ მუშაობას.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
მარტის პირველი სამი შეხვედრა ახალ აუდიტორიებში მოეწყო. ფონდი „სოხუმის“ ახალგაზრდული კლუბი პირველად შეხვდა მოსწავლეებს სოფელ ცხემლისხიდის (ოზურგეთის მუნიციპალიტეტი), ქუთაისის მეორე და სოფელ ცხუნკურის (წყალტუბოს მუნიციპალიტეტი) საჯარო სკოლებში. დასაწყისში იყო გაცნობა, ინფორმაცია ფონდი „სოხუმის“ და ახალგაზრდული კლუბების მუშაობის შესახებ.
მარტი - ქალთა სოლიდარობის თვეა და საინფორმაციო შეხვედრები ამ თემას მიეძღვნა. შეხვედრების მონაწილეებმა ისაუბრეს ქალთა უფლებებზე, სტერეოტიპებზე. მოეწონათ რუბრიკა „წარმატებული ქალები“, სადაც ცნობილი ქალების ბიოგრაფიები.
შეხვედრების დასასრულს, ამ სკოლებშიც ჩამოყალიბდა ახალგაზრდული კლუბები, რომლებიც აქტიურად ჩაერთვებიან უკვე არსებული კლუბების ქსელის მუშაობაში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ოზურგეთში, სოფელ ცხემლისხიდის ისტორიულ სკოლაში ახალგაზრდების ჯგუფებთან ვორკშოპები გაიმართა. მონაწილეებმა დასაწყისშივე დააფიქსირეს, რომ კონფლიქტების თემაზე სხვა დროსაც უმუშავიათ, ჩართულნი იყვნენ სხვადასხვა პროექტში, ამიტომ დიდი ინტერესით ელოდებიან ამ საკითხზე დისკუსიის გაგრძელებას.
ფონდი „სოხუმი“ ასევე პირველად ესტუმრა წყალტუბოს მუნიციპალიტეტში, სოფელ ცხუნკურის საჯარო სკოლას. შეხვედრას სკოლის დირექტორიც დაესწრო, რომელმაც ხაზგასმით აღნიშნა, რომ მიესალმება არასამთავრობო სექტორის მუშაობას ძალადობის პრევენციის საქმეში.
სამივე ვორკშოპზე მონაწილეებმა იმსჯელეს, რამდენად მნიშვნელოვანია კონფლიქტების მართვისას მოლაპარაკება. რას ნიშნავს ფასილიტაცია, მედიაცია, როგორი შეიძლება იყოს მესამე მხარე. ახალგაზრდები გეგმავენ, მიღებული ინფორმაციები პრაქტიკაში გამოიყენონ. გამოიმუშაონ ფასილიტაციისთვის საჭირო უნარ-ჩვევები და არ მისცენ კონფლიქტებს განვითარების საშუალება.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
მორიგ შეხვედრებზე ვაჟებმა გენდერის საკითხები განიხილეს. მუშაობა მთავარ მიზანს აღწევს - ვაჟები სულ უფრო კარგად აცნობიერებენ თავიანთ როლს გენდერულ უთანასწორობასა და ძალადობასთან დაკავშირებული პრობლემების მოგვარებაში.
თვის პირველი შეხვედრები გაიმართა ქუთაისის, ოზურგეთისა და წყალტუბოს მუნიციპალიტეტებში. მონაწილეებმა განსაკუთრებული აქტივობა გამოიჩინეს. ამან შეხვედრებს საინტერესო და სასიამოვნო სახე მისცა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
- მომეწონა ვორკშოპი, ბევრი რამ სიახლე იყო. მსგავსი შეხვედრები საჭირო და სასარგებლოა, - ასე შეაფასეს მონაწილეებმა შეხვედრა სენაკის მესამე სკოლაში. მათი აზრით, მნიშვნელოვანია იცოდნენ, როდის არის საჭირო მესამე მხარის ჩარევა და რა შედეგებს მოიტანს.
თერჯოლის ახალგაზრდულ ცენტრში შეკრებილებმა დააფიქსირეს, რომ საინტერესო ინფორმაციები მიიღეს მოლაპარაკებების და მედიაციის თემაზე.
განმუხურის (ზუგდიდის მუნიციპალიტეტი) საჯარო სკოლაში ფონდი „სოხუმის“ საქმიანობა ახალი არ არის. ინფორმაციის მიღების პარალელურად, მონაწილეებმა კონკრეტულ ინიციატივებზეც იმსჯელეს. გაჩნდა იდეა, სკოლაში შეიქმნას მედიატორთა ჯგუფი, რომელიც კონფლიქტური სიტუაციების მართვას შეეცდება.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ხობის ამომრჩეველ ქალთა კლუბის შეხვედრა დაეთმო წინასაარჩევნო პერიოდში პოლიტიკურ პარტიებთან თანამშრომლობის საკითხის განხილვას. კლუბის წევრები მზად არიან, პოლიტიკური პარტიების რაიონულ განყოფილებებს წარუდგინონ შემუშავებული რეკომენდაციები და იმსჯელონ ქალ-კანდიდატთა მონაწილეობაზე ადგილობრივი თვითმმართველობის არჩევნებზე. ამომრჩეველ ქალთა კლუბის აქტივისტების შეხვედრები პოლიტიკურ პარტიებთან ივლისის თვიდანვე დაიწყება.
პროექტი ხორციელდება აშშ საელჩოს მხარდაჭერით
წყალტუბოს ამომრჩეველ ქალთა კლუბის შეხვედრა დაეთმო კლუბის სამომავლო გეგმის შედგენას, რომელიც მიმართული იქნება პოლიტიკურ პარტიებთან მუშაობის გაძლიერებისაკენ. კლუბზე დაფიქსირდა, რომ პოლიტიკურმა პარტიებმა უკეთ უნდა გააცნობიერონ ადგილობრივი თვითმმართველობის არჩევნებში ქალთა ჩართულობის აუცილებლობა. კლუბის წევრები და აქტივისტები ამაში თავიანთი წვლილის შეტანას აპირებენ.
პროექტი ხორციელდება აშშ საელჩოს მხარდაჭერით
ზუგდიდის ამომრჩეველ ქალთა კლუბი, ფონდი „სოხუმის“ სხვა 7 კლუბთან ერთად, თვითმმართველობის მოახლოებული არჩევნების წინ აქტიურ მუშაობას განაგრძობს. კლუბის მორიგ სხდომაზე განსაკუთრებით გამოიკვეთა ქალთა პოლიტიკური მონაწილეობის გაზრდის საკითხი. კლუბის წევრებმა ჩამოაყალიბეს ჯგუფები და დაგეგმეს მუშაობა პოლიტიკურ პარტიებთან საარჩევნო სიებში ქალი-კანდიდატების წინ წამოწევის მიზნით.
პროექტი ხორციელდება აშშ საელჩოს მხარდაჭერით