ხონი, ქუთაისი, წყალტუბო, სენაკი, ზუგდიდი და წალენჯიხა - ეს არის 6 სამიზნე მუნიციპალიტეტი, როლებშიც მიმდინარეობს ახალგაზრდული პროექტების განხორციელების პროცესი.
საინიციატივო ჯგუფების წევრებმა უკვე ჩაატარეს საინფორმაციო შეხვედრები, განიხილეს სხვადასხვა იდეები და აარჩიეს ორი, რომლებიც ხორცს შეისხამს პროექტის სახით.
საპროექტო განაცხადების მიღება საკონკურსო კომისიაზე განსახილველად უკვე დაიწყო...
პროექტი ხორციელდება USAID-ის მხარდაჭერით
„ქალთა მონაწილეობა პოლიტიკურ, საზოგადოებრივ და ეკონომიკურ საქმიანობაში - არსებული ბარიერები და შესაძლებლობები“ მონაწილეებმა მოისმინეს ფონდი „სოხუმის“ მიერ ხონის, ქუთაისის, წყალტუბოს, სენაკის, ზუგდიდისა და წალენჯიხის მუნიციპალიტეტებში ჩატარებული რაოდენობრივი და თვისებრივი კვლევის სისტემატიზირებულ მონაცემთა ანგარიშის პრეზენტაცია, რომელშიც ასახულია საზოგადოების დამოკიდებულება ქალთა მონაწილეობის მიმართ პოლიტიკურ და საზოგადოებრივ ცხოვრებასა და ეკონომიკურ საქმიანობაში.
მონაწილეებს შესაძლებლობა ჰქონდათ დაეფიქსირებინათ საკუთარი აზრი და გაეზიარებინათ სასარგებლო გამოცდილება.
პროექტი ხორციელდება USAID-ის მხარდაჭერით
ონლაინ სივრცეში ჩატარებულ ტრენინგს ესწრებოდნენ დევნილ ქალთა საინიციატივო ჯგუფის წევრები 5 სამიზნე მუნიციპალიტეტიდან (ხონი, წყალტუბო, ქუთაისი, სენაკი, ზუგდიდი). მუშაობა მიეძღვნა თემას: „ადვოკატირება მტკიცებულებების საფუძველზე“.
ტრენინგის მიზანი იყო ქალთა ჯგუფების უნარების ამაღლება წარმატებული ადვოკატირებისთვის. მონაწილეებმა განიხილეს ადგილობრივ დონეზე ადვოკატირების ჩატარების შემაფერხებელი ფაქტორები, განსაზღვრეს სამიზნე ჯგუფები და დაინტერესებული მხარეები, შეიმუშავეს თვითმმართველობებში არსებული საჭიროებების ადვოკატირების ჩარჩო გეგმის სამუშაო დოკუმენტი.
ტრენინგში მონაწილეობა სასარგებლო აღმოჩნდა დევნილ საინიციატივო ჯგუფების წევრებისთვის, რომლებიც პროექტის ფარგლებში თვითონაც ჩაერთვებიან ადვოკატირების პროცესში.
პროექტი ხორციელდება გაეროს ქალთა ორგანიზაციის
მხარდაჭერით
ორდღიან ტრენინგს „მშვიდობის მშენებლობა და ნდობის გამყარება“ 50 მონაწილე ესწრებოდა ონლაინ. იყო წარსულის გახსენება, მსჯელობა სამშვიდობო მოლაპარაკებების და ნდობის აღდგენის მექანიზმებზე.
ქუთაისის, წყალტუბოს, სენაკის, ხონის და ზუგდიდის მუნიციპალიტეტების დევნილ ქალთა საინიციატივო ჯგუფის წევრებმა ინტერაქტიული და ჯგუფური მუშაობით გამოავლინეს კონფლიქტების მოგვარების და ნდობის შენების უნარი.
ტრენინგის მონაწილეებმა აღნიშნეს:
„მშვიდობის შენება ომგამოვლილი საზოგადოებისთვის რთული და მტკივნეული პროცესია, თუმცა შესაძლებელია და აუცილებელიც“.
„ქალები ომის მსხვერპლნი ან შეურაცხყოფის პასიური ობიექტები კი არ უნდა ვიყოთ, არამედ მშვიდობის მშენებლობის მნიშვნელოვანი აქტორები უნდა გავხდეთ“.
„ასეთი ტიპის პროექტები ხელს უწყობს იმას, რომ საზოგადოება მომზადდეს კონფლიქტების მოგვარებისთვის - ინფორმაციულად, საჭირო უნარ-ჩვევების შეძენით, განსაკუთრებით ეფექტიანი კომუნიკაციის მხრივ“.
ქალთა ფონდი „სოხუმის“ ადვოკატირების ჯგუფმა საინფორმაციო შეხვედრების ციკლის მეორე შეხვედრა თერჯოლის მუნიციპალიტეტის მერიაში გამართა. მონაწილეთა შორის იყვნენ მუნიციპალიტეტში მცხოვრები ქალები, თერჯოლის მერიის და შსს-ს წარმომადგენლები, ა(ა)იპის ხელმძღვანელები, გენდერული თანასწორობის საბჭოს წევრები.
მონაწილეებმა მიიღეს ინფორმაცია ქალთა ფონდი „სოხუმის“ ორ კვლევაზე: „ბავშვთა მოვლის სერვისების განვითარება - ქალთა დასაქმების ხელშეწყობის და ოჯახში ძალადობის ეფექტიანი პრევენციისა და რეაგირებისთვის“ და „ადრეულ ეტაპზე მოძალადის ძალადობრივი ქცევის კორექციის მნიშვნელობა და არსებული საუკეთესო გამოცდილება“.
მოკლე პრეზენტაციამ მონაწილეებს გააცნო ქალთა ფონდი „სოხუმის“ შექმნილი ვებგვერდი „ძალადობის მსხვერპლთა სერვისების ციფრული რესურსცენტრი“. შეხვედრაზე დარიგდა საინფორმაციო ფლაერები. დასასრულს კი გაიმართა აქტიური დისკუსია, რომელზეც ისაუბრეს ოჯახში ძალადობის და მსხვერპლთა დახმარების კუთხით მუნიციპალიტეტში არსებულ მდგომარეობაზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აპრილში ქალთა ფონდი „სოხუმის“ ადვოკატირების ჯგუფმა სამიზნე მუნიციპალიტეტებში დაგეგმა საინფორმაციო შეხვედრების ციკლი, რაც მოიაზრებს მოქალაქეების აქტიური ჯგუფების და რეფერალური მექანიზმის აქტორების ცნობიერების ამაღლებას ქალთა მიმართ/ოჯახში ძალადობის აღკვეთის და მსხვერპლთა დახმარების საკითხებში.
სენაკის მუნიციპალიტეტის მერიაში ჩატარებულ შეხვედრას ესწრებოდნენ ძალადობის მსხვერპლი ქალები, მარტოხელა და მრავალშვილიანი დედები, პედაგოგები და მერიის თანამშრომლები.
შეხვედრის მონაწილეები გაეცნენ ქალთა ფონდი „სოხუმის“ მიერ ჩატარებულ ორ კვლევას - ქალთა დასაქმების ხელშეწყობის და ბავშვთა მოვლის სერვისების კუთხით და ასევე ადრეულ ეტაპზე მოძალადის ქცევის კორექციის შესახებ.
შეხვედრაზე გაკეთდა ძალადობის მსხვერპლთა სერვისების ციფრული რესურსცენტრის მოკლე პრეზენტაცია. მონაწილეებს დაურიგდათ ფლაერები დეტალური ინფორმაციით ვებგვერდზე www.sosfsokhumi.ge.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სალომე ორი შვილის დედაა, ცხოვრობს ვანის მუნიციპალიტეტში. მის ცხოვრებაზე ძალადობის კვალი შავ ლაქად აისახა.
სასიამოვნო მომენტების გახსენება ძალიან უჭირს, ვერც იმას იხსენებს, კონკრეტულად რა მიზეზით ან რა სიტუაციაში დაიწყო ძალადობა. სამაგიეროდ, კარგად ახსოვს პირველი სიტყვიერი შეურაცხყოფა სულ მალე როგორ გადაიზარდა ფიზიკურ ძალადობაში. ფსიქოლოგიურად დაუძლურებულს მხოლოდ დუმილი შეეძლო. იტანდა, ითმენდა.
ხუთი წელი იცხოვრეს ერთად, არაფერი შეცვლილა სასიკეთოდ. მეუღლე სისტემატურად ძალადობდა. ცხოვრება გაუსაძლისი გახდა. სალომე ორი ბავშვით დედასთან გადავიდა საცხოვრებლად. სტრესმა თავისი კვალი დაატყო. დეპრესია გაუძლიერდა. ერთი წელი არ ამხელდა, რომ განქორწინებული იყო. განიცდიდა, სახლიდან არ გადიოდა, არავისთან ამ თემაზე არ საუბრობდა.
მეგობარმა ფონდი „სოხუმის“ ერთ-ერთ საინფორმაციო შეხვედრაზე მოიწვია. ვერ წარმოიდგენდა, რომ ამდენი ხნის შემდეგ დუმილს დაარღვევდა. პირველად ისაუბრა საკუთარ პრობლემაზე, პირველად მოუნდა თავისი სატკივარის გაზიარება. როგორც თვითონ ყვება, იგრძნო, რომ ყველა მისი მხარდამჭერი იყო.
კიდევ ერთი ექვსთვიანი მუშაობის ციკლი დასრულდა. სამტრედიის, ვანის, სენაკის, წალენჯიხის და ზუგდიდის მუნიციპალიტეტებში ახალი ჯგუფები ჩამოყალიბდა და პირველი შეხვედრებიც გაიმართა. კონფლიქტების მართვა და ძალადობის პრევენცია - ამ თემებს ეცნობოდნენ ახალგაზრდები, მსჯელობდნენ, თავიანთ შეხედულებებს გამოხატავდნენ.
ახალგაზრდობის გაძლიერების ცენტრებში წარმატებით წარიმართა სატრენინგო პროცესი. იყო დისკუსიები, როლური თამაშები, ინტერაქციული მუშაობა.
- მსგავსი ტიპის ტრენინგები ჩვენთვის მნიშვნელოვანია, ვეცნობით აქტიურ თანატოლებს, განვიხილავთ ახალ თემებს, გვაქვს საინტერესო დისკუსიები, რაც გვიყალიბებს არგუმენტირებულ მსჯელობას და გვაძლევს ინფორმირებულობის მეტ შესაძლებლობას, - შეხვედრების ბოლოს აღნიშნავდნენ ახალგაზრდები.
ტრენერებმა ყველა ჯგუფს გაცნეს ქალთა ფონდი „სოხუმის“ მიერ შექმნილი ვებგვერდი „ძალადობის მსხვერპლთა სერვისების ციფრული რესურსცენტრი“ - http://gbvdigitalresourcecenter.ge/ ამის ცოდნა ახალგაზრდებისთვის მნიშვნელოვანია, რათა დროულად მიაწოდონ ინფორმაცია მათ, ვისაც ეს სჭირდება...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„სამოქალაქო ჩართულობა და ქალთა მონაწილეობა“ ამ თემაზე გაიმართა ტრენინგი სენაკში ქალთა საინიციატივო ჯგუფის წევრებთან.
მონაწილეთა მხრიდან აქტიური ინტერაქციის ფონზე ჩაიარა ტრენინგმა. მონაწილეებმა იმსჯელეს დაბალი სამოქალაქო აქტივიზმის მიზეზებზე. მოისმინეს ინფორმაციები, რა რესურსები არსებობს სამოქალაქო ჩართულობის კუთხით ადგილობრივ დონეზე: როგორ იქმნება პეტიციები, რა დანიშნულება აქვს დასახლების კრებებს.
მონაწილეთა შეფასებით, ტრენინგი ინფორმაციული და პროდუქტიული იყო, მიღებული ინფორმაციების საფუძველზე გაიზრდება მოტივაცია და ქალთა ჩართულობის მაჩვენებელი.
პროექტი ხორციელდება USAID-ის მხარდაჭერით
ზუგდიდის დევნილ ქალთა საინიციატივო ჯგუფის წევრებთან საინფორმაციო შეხვედრა ონლაინ ჩატარდა. თავიდან შეკრებილებმა მიმდინარე საკითხები განიხილეს, შემდეგ კი მოისმინეს ინფორმაცია დაგეგმილი ტრენინგის შესახებ.
ტრენინგების ციკლი აპრილში იწყება - მონაწილეობას მიიღებენ ფონდი „სოხუმის“ დევნილ ქალთა საინიციატივო ჯგუფების წევრები ხუთივე სამიზნე მუნიციპალიტეტიდან. მათ შორის იქნებიან ზუგდიდის ჯგუფის წევრები. შეხვედრაზე ისინი გაეცნენ ტრენინგების განრიგს და თემატიკას.
პროექტი ხორციელდება გაეროს ქალთა ორგანიზაციის
მხარდაჭერით