რა არის მოხალისეობა?
რა სიკეთე მოაქვს მას?
როგორ გავხდეთ მოხალისე და რა უნდა ვიცოდეთ ამისთვის?
ამ და სხვა კითხვებს პასუხი გაცა ქუთაისის საინიციატიო ჯგუფის წევრმა და მოხალისეობის იდეის პოპულარიზაციის პროგრამის მონაწლემ ელენე სულაქველიძემ
საინფორმაციო შეხვედრა ჩატარდა 9 თებერვალს ონლაინ რეჟიმში.
ნამდვილად, მისასალმებელია მსგავსი სახის ინიციატივები ახალგაზრდებისგან.
სასარგებლო და ინფორმატიული საღამო გამოვიდა.
პროექტი ხორციელდება USAID-ის მხარდაჭერით
მორიგი საინფორმაციო შეხვედრა ჩატარდა წალენჯიხის მუნიციპალიტეტის სოფელ ფახულანისა და ზუგდიდის მუნიციპალიტეტის სოფელ დიდინეძისა და კოკის ქალთა საინიციატივო ჯგუფის წევრებთან.
შეხვედრები მიეძღვნა პროექტით გათვალისწინებული კვლევის - "სოციალურ - პოლიტიკურ ცხოვრებასა და ეკონომიკურ საქმიანობაში ქალთა მონაწილეობის ბარიერებისა და შესაძლებლობების შესახებ" ტექნიკური მხარის შეფასებას.
მონაწილეებმა ისაუბრეს თუ როგორ დაგეგმეს კვლევის ჩატარების პროცესი, რა ხელისშემსლელი და ხელისშემწყობი ფაქტორები დაინახეს მუშაობის პროცესში. თითოეული გამომსვლელი საუბრობდა საკუთარი მაგალითების გამოყენებით.
ერთმანეთს უზიარებდნენ ჯგუფებთან მუშაობის სირთულეებს.
საუბრობდნენ როგორ შეძლეს ინტერვიუს ჩაწერა, რესპონდენტებთან პირისპირ საუბარი.
მონაწილეებმა მიიღეს რჩევები ფასილიტაციის ძირითად პრინციპებზე.
ასევე, ჯგუფის წევრებთან განვიხელეთ სამომავლო გეგმები.
პროექტი ხორციელდება USAID-ის მხარდაჭერით
ჩვენ დღეს ძალიან ღირებული გამოცდილება მივიღეთ იმასთან დაკავშირებით, როგორ მოვძებნოთ ყველაზე მოკლე გზები ჩვენი თემისთვის საჭირბოროტო საკითხების გადასაჭრელად!
ამოვირჩიეთ პრიორიტებული საკითხები და დავსახეთ სტრატეგია, როგორ დავიწყოთ ცვლილებებზე ზრუნვა.
გაგვიჩნდა ბევრი ახალი იდეა, მათი გადაჭრის გზების კონტურებიც მოვინიშნეთ.
ჩვენი შესაძლებლობები უფრო კარგად დავინახეთ.
სოფელ დიდინეძის ქალთა საინიციატივო ჯგუფის წევრები ქალთა ფონდი „სოხუმის“ მიერ ჩატარებულ ადვოკატირების ტრენინგს აფასებენ. ონლაინ-შეხვედრაზე მათ სამოქალაქო ადვოკატირების ფორმებზე, მეთოდებზე, გზებზე ინფორმაციები გააცნეს.
შემუშავებული იქნა ადვოკატირების სტრატეგია და სამოქმედო გეგმა თემისთვის ერთერთი პრიორიტეტული საკითხის გარშემო.
მიიღეს გამოცდილება, როგორ უნდა ჩამოყალიბდეს ადვოკატირების ძირითადი გზავნილი („მესიჯი“) როგორ დაამყარონ ეფექტური კომუნიკაცია სამიზნე ჯგუფებთან, როგორ შეარჩიონ მეთოდები.
პროექტი ხორციელდება USAID-ის მხარდაჭერით
„ადგილობრივ დონეზე ქალთა მიმართ/ოჯახში ძალადობის მსხვერპლთა დახმარების სერვისების ხელმისაწვდომობა“ – ეს იყო მრგვალი მაგიდის თემა, რომელიც 15 თებერვალს ქალთა ფონდი „სოხუმის“ ორგანიზებით და კანადის თანასწორობის ფონდის მხარდაჭერით ჩატარდა.
მრგვალი მაგიდის მონაწილეები იყვნენ სენაკის, სამტრედიის, თერჯოლის, ქობულეთის, ოზურგეთის, ბაღდათის, ვანის, წყალტუბოს, ტყიბულის, ზუგდიდის, ხონის და ჩოხატაურის მუნიციპალიტეტების ადგილობრივი თვითმმართველობის, სოციალური სამსახურების და ბავშვთა უფლებების დაცვის განყოფილების წარმომადგენლები, ჟურნალისტები ტყიბულის, ფოთის, ქუთაისის, ოზურგეთის, თერჯოლის მედიაორგანიზაციებიდან, თემაზე მომუშავე არასამთავრობო ორგანიზაციების წარმომადგენლები და ასევე ფონდი „სოხუმის“ ქალთა მხარდაჭერის ცენტრების მობილიზატორები.
ღონისძიების პირველ ნაწილში ქალთა ფონდი „სოხუმის“ წარმომადგენლებმა პროექტის არსზე ისაუბრეს, ასევე მის ფარგლებში შექმნილ ინოვაციურ და დღესდღეობით ყველაზე საჭირო ვებგვერდზე - ძალადობის მსხვერპლთა სერვისების ციფრულ რესურცენტრსა (http://gbvdigitalresourcecenter.ge/) და მის პოპულარიზაციაზე მუნიციპალიტეტებში - შედეგები და გამოწვევები.
Covid-19-ით ინფიცირებულთა სტიგმა პანდემიით გამოწვეული ძალადობის ახალი ფორმაა. ეს ადამიანები ჩვენს ირგვლივ არიან და ბევრ მათგანს რთულ მდგომარეობაში უწევს ცხოვრება. სწორედ ამ მტკივნეულ საკითხზე ფონდი „სოხუმის“ თბილისის წარმომადგენლობამ მოამზადა სოციალური ვიდეორგოლი.
გავთავისუფლდეთ სტიგმისგან!
გამოვიჩინოთ თანაგრძნობა!
მათ დაამარცხეს ვირუსი!
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
.be
ქალთა მიმართ ძალადობის წინააღმდეგ 16 აქტიური დღის ფარგლებში წარმოგიდგენთ ფონდი „სოხუმის“ მიერ მომზადებულ სოციალურ ვიდეორგოლს თემაზე - რა სჭირდებათ ყველაზე მეტად ძალადობის მსხვერპლ/მარტოხელა/მრავალშვილიან დედებს?
რესპონდენტები ინდივიდუალურად გვიყვებიან საკუთარ გამოცდილებასა და საჭიროებებზე, რაც ეყრდნობა ფონდი „სოხუმის“ მიერ მომზადებული მონიტორინგის ანგარიშს „ბავშვთა მოვლის სერვისების განვითარება - ქალთა დასაქმების ხელშეწყობისა და ოჯახში ძალადობის ეფექტიანი პრევენციისა და რეაგირებისთვის“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ამ ვიდეორგოლში ერთგვარი სამკუთხედია შეკრული: ძალადობის მსხვერპლი ქალი, რომელიც თავის გულისტკივილს გვიზიარებს; სახელმწიფოს კანონი, რომელიც ძალადობისაგან იცავს ქალს და საზოგადოება - რომელიც გმობს ძალადობას.
დამაფიქრებელია: სევდით და სინანულით სავსე მონოლოგი, რომელსაც მსახიობი მაგდანა ჩიხლაძე კითხულობს. საზოგადოება, რომელსაც დათო ლიკლიკაძე წარმოადგენს - ცნობილი ჟურნალისტი და აქტივისტი. ის გამოხატავს პროტესტს ძალადობის მიმართ და სოლიდარობას უცხადებს ძალადობის მსხვერპლ ქალებს!
ჩვენი სათქმელია: ერთად - ძალადობის წინააღმდეგ!
ძალადობის მსხვერპლი ქალის მონოლოგი რეალურია. ამოღებულია ფონდი „სოხუმის“ მონიტორინგის ჯგუფის მომზადებული პუბლიკაციიდან „მსხვერპლისთვის არსებული სერვისების მონიტორინგი - ქალთა მიმართ ოჯახში ძალადობის მსხვერპლთა მხარდაჭერის სერვისების ფუნქციონირება პრაქტიკაში და არსებული გამოწვევები“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ენდი ძიძავა ქუთაისის ლადო მესხიშვილის სახელობის დრამატული თეატრის მსახიობია. არა - ძალადობას! - ამბობს ის ამ ვიდეორგოლში.
მარიამ რობაქიძე ფონდი „სოხუმის“ ფორუმ-თეატრის მსახიობია და ვიდეორგოლში ფსიქოლოგიური ძალადობის მსხვერპლი ქალის ისტორიას გვაცნობს. მას არაერთხელ უთამაშია სცენაზე მსხვერპლი ქალის როლი და მსგავსი ამბავიც ბევრჯერ მოუსმენია.
ფონდი „სოხუმი“ აქტიურად მუშაობს ძალადობის პრევენციისა და მსხვერპლთა დახმარების კუთხით. ძალადობის მსხვერპლი ქალის ეს მონოლოგიც რეალურია. ამოღებულია ფონდი „სოხუმის“ მონიტორინგის ჯგუფის მომზადებული პუბლიკაციიდან „მსხვერპლისთვის არსებული სერვისების მონიტორინგი - ქალთა მიმართ ოჯახში ძალადობის მსხვერპლთა მხარდაჭერის სერვისების ფუნქციონირება პრაქტიკაში და არსებული გამოწვევები“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდი „სოხუმი“ აქტიურადაა ჩართული 16-დღიან გლობალურ კამპანიაში ქალთა მიმართ ძალადობის წინააღმდეგ.
გთავაზობთ თბილისის წარმომადგენლობის მიერ მომზადებულ ვიდეოს, სადაც ასახულია საზოგადოების დამოკიდებულება ქალთა მიმართ ძალადობის პრობლემისადმი. ასევე მოისმენთ ძალადობის მსხვერპლის რეალურ ისტორიას ფონდი „სოხუმის“ კვლევიდან - „COVID-19-ის გავლენა ოჯახში ძალადობაზე, მსხვერპლი ქალების მდგომარეობასა და სერვისებისადმი ხელმისაწვდომობაზე“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
- ჩვენს ირგვლივ არიან ქალები, რომლებიც ამ პრობლემებით ცხოვრობენ. ყველა ოჯახში უნდა შეაღწიოს ინფორმაციამ და ყველა ქალმა უნდა იგრძნოს, რომ ძალადობის შემთხვევაში ის მარტო არ არის, - ასე ფიქრობენ შეხვედრის მონაწილეები, რომლებიც მიღებულ ინფორმაციებს სხვადასხვა თემში გაავრცელებენ და ამით ხელს შეუწყობენ ძალადობის პრევენციას ოჯახებში.
ყოველთვიურ საინფორმაციო შეხვედრებს ბაღდათში, კოკში (ზუგდიდის მუნიციპალიტეტი), სამტრედიაში სხვადასხვა თემის წარმომადგენლები დაესწრნენ. ქალთა მხარდაჭერის ცენტრების მობილიზატორების თქმით, საზოგადოებას ჯერ კიდევ სჭირდება ძალადობის საკითხებზე ინფორმაციის მიწოდება, რათა სწორად შეაფასოს შედეგები.
შეხვედრებმა ძალადობის შემთხვევების იდენტიფიცირებას შეუწყო ხელი, გაიზარდა დახმარების მსურველთა რიცხვი: ქალთა ფონდი „სოხუმის“ ფსიქოლოგმა და იურისტმა კოკში და ბაღდათში გამოვლენილ კონკრეტულ ქეისებზე დაიწყეს მუშაობა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)