სენაკის მუნიციპალიტეტის გენდერული თანასწორობის საბჭოს წევრების მონაწილეობით ფონდმა „სოხუმმა“ მრგვალი მაგიდა ჩაატარა აქტუალურ თემაზე „გენდერული თანასწორობის საბჭოს როლის და ფუნქციების გაძლიერება ადგილობრივი გენდერული პოლიტიკის დანერგვის საკითხში“.
შეხვედრაზე განხილული იყო სტრატეგია და სხვადასხვა ინიციატივა, რომელიც მეტ ეფექტს შესძენს გენდერული თანასწორობის საბჭოს მუშაობას. განსაკუთრებული ყურადღება გამახვილდა 2022 წლის გეგმის განხორციელებისათვის არსებული რესურსების დაგეგმვაზე, პასუხისმგებელი რგოლების მაქსიმალურ ჩართვასა და შესრულებაზე.
„გენდერული თანასწორობის საბჭოს როლის და ფუნქციების გაძლიერება ადგილობრივი გენდერული პოლიტიკის დანერგვის პროცესში“ - ამ თემაზე გაიმართა მრგვალი მაგიდა ხონის მუნიციპალიტეტის გენდერული თანასწორობის საბჭოს წევრების, ადგილობრივი ა(ა)იპების წარმომადგენლების, თვითმმართველობის პერსონალის და სამოქალაქო აქტივისტების მონაწილეობით.
მუნიციპალიტეტში მნიშვნელოვანი ცვლილებები ხორციელდება საბჭოს რეორგანიზაციის, თემატური ჯგუფების შექმნის და მათი სტრატეგიის შერჩევის, მოწყვლად ჯგუფებზე ორიენტირებული ადგილობრივი პროგრამების ინიცირების კუთხით. მონაწილეებისთვის განსაკუთრებით მნიშვნელოვანი იყო საკითხი - როგორ უნდა მოხდეს გეგმაში გათვალისწინებული საკითხების საბიუჯეტო მხარდაჭერა და გეგმის შესრულებაზე პასუხისმგებელი რგოლების მაქსიმალური ჩართვა.
ფონდი „სოხუმის“ თბილისის წარმომადგენლობის ოფისის ხელმძღვანელი ეკატერინე გამახარია ჩართული იყო ასოციაცია „მშვიდობიანი და საქმიანი კავკასიის“ მიერ ორგანიზებულ შეხვედრაზე, რომელიც მიეძღვნა გალის რაიონში ხანძრის შედეგად დაზარალებულ პირთა მდგომარეობას და მათ გადაუდებელ საჭიროებებს. ეკატერინე გამახარიამ გააცნო შეხვედრის მონაწილეებს ფონდი „სოხუმის“ სწრაფი მოკვლევის შედეგად გამოკვეთილი ის ძირითადი გამოწვევები და პრობლემები, რომლებიც დღეს მწვავედ დგას ხანძრის შედეგად დაზარალებული მოსახლეობის წინაშე.
შეხვედრაში მონაწილეობდნენ დევნილთა და კონფლიქტით დაზარალებული მოსახლეობის საკითხებზე მომუშავე სამოქალაქო საზოგადოების ორგანიზაციების და აფხაზეთის ავტონომიური რესპუბლიკის დე იურე ხელისუფლების წარმომადგენლები და ასევე თავად ხანძრის შედეგად დაზარალებული ადამიანები.
დასაწყისი, როგორც ხდება ხოლმე, რთული იყო.
ნაკლებად მნიშვნელოვნად მიაჩნდათ მუნიციპალიტეტში საჯარო მმართველობის რეფორმა... მაგრამ რაც უფრო მეტად ეცნობოდნენ ინფორმაციას, მით უფრო კარგად ჩანდა, რა იყო გასაკეთებელი.
ყველაზე მნიშვნელოვანია, რომ ვანის მუნიციპალიტეტში:
შეიმუშავეს და დაამტკიცეს თვითმმართველობის პროფესიულ საჯარო მოხელეთა ეთიკის კოდექსი!
ამ მხრივ ვანის მუნიციპალიტეტი პირველია დასავლეთ საქართველოს მუნიციპალიტეტებს შორის.
დოკუმენტი მოამზადა სამუშაო ჯგუფმა, რომელიც შეიქმნა ფონდი „სოხუმის“ პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
ლანჩხუთის სამუშაო ჯგუფი აქტიურად არის ჩართული მუნიციპალიტეტში საჯარო მმართველობის რეფორმის განხორციელების პროცესში. ჯგუფის ერთ-ერთი მნიშვნელოვანი მიღწევაა რეფორმის სამოქმედო გეგმის შემუშავება, რომელიც ლანჩხუთის საკრებულომ 2020 წლის დეკემბერში დაამტკიცა. ამჟამად ჯგუფის ყურადღება მიმართულია გეგმის შესრულების მონიტორინგისკენ.
სამუშაო ჯგუფის მორიგ შეხვედრაზე გაიმართა საუბარი სამოქმედო გეგმის განხორციელებასთან დაკავშირებულ აქტუალურ საკითხებზე და დაისახა პრიორიტეტული აქტივობები, რომლებიც ხელს შეუწყობს მოქალაქეთა ჩართულობას მმართველობის პროცესში.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
სამუშაო გეგმის რა პუნქტები შესრულდა? ამ საკითხს მიეძღვნა ვანის სამუშაო ჯგუფის მორიგი შეხვედრა. ჯგუფის ხელმძღვანელმა განიხილა შესრულებული პუნქტები. ეს არის ორი საკმაოდ მნიშვნელოვანი შედეგი მუნიციპალიტეტისთვის:
- შემუშავდა და დამტკიცდა ეთიკის კოდექსი, რომელიც პირველია დასავლეთ საქართველოში.
- ამუშავდა ცხელი ხაზის სერვისი, რომელსაც აქტიურად იყენებს მუნიციპალიტეტის მოსახლეობა.
ჯგუფის წევრებმა ასევე იმსჯელეს სამომავლო გეგმებსა და აქტივობებზე.
სამოქმედო გეგმის განხორციელება თერჯოლის სამუშაო ჯგუფის ერთ-ერთი მიზანია. გეგმით გათვალისწინებული რამდენიმე საკითხი უკვე შესრულდა. ახლა მონაწილეობითი ბიუჯეტის დანერგვაზე მუშაობენ. მუნიციპალიტეტში ჩატარებულ მორიგ შეხვედრაზე ეს საკითხი განიხილეს და ამასთან დაკავშირებით დაიგეგმა შემდეგი აქტივობები: მერთან კონსულტაცია, თანხის განსაზღვრა, საკონკურსო კომისიის ჩამოყალიბება, კონკურსის გამოცხადება. ცდილობენ, აპრილის ბოლომდე მოაგვარონ ეს საკითხი, რომ სამოქმედო გეგმაში მალე კიდევ ერთი პუნქტი დაფიქსირდეს შესრულებულად.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
სამუშაო ჯგუფი მორიგ შეხვედრაზე შეიკრიბა ხონის საკრებულოში. ჯგუფის წევრებმა სამოქმედო გეგმის შესრულებაზე იმსჯელეს. შესასრულებელ საკითხებს შორისაა ანტიკორუფციული გეგმის და ეთიკის კოდექსის შემუშავება. გადაწყდა, რომ, პირველ რიგში, აქტიურად იმუშავებენ ეთიკის კოდექსზე. დაინიშნა საკონსულტაციო შეხვედრა. სამუშაო ჯგუფის შემდეგ შეხვედრაზე კი წარმოდგენილი იქნება ეთიკის კოდექსის საბოლოო ვერსია.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
მრავალფეროვნება იგრძნობოდა ამ დღეებში ქალთა მხარდაჭერის ცენტრებში. 8 მარტი სხვადასხვა ფორმატის ღონისძიებებით აღინიშნა: საინფორმაციო შეხვედრები სოფლად მცხოვრებ ქალებთან, მრგვალი მაგიდები საბავშვო ბაღებსა და სკოლებში, შეხვედრები თვითმმართველობის წარმომადგენლებთან, ლიტერატურული საღამო.
შეხვედრებზე ხაზგასმულ იქნა, რომ ეს დღე არის ქალთა სოლიდარობის საერთაშორისო დღე, მათი ეკონომიკური, პოლიტიკური და სოციალური მიღწევების აღნიშვნის გლობალური დღესასწაული.
ფონდი „სოხუმი“ წარმოგიდგენთ სწრაფი მოკვლევის ანგარიშს - „გალის რაიონში ხანძრით დაზარალებული მოსახლეობის მოლოდინები თუ ჩაფერფლილი იმედები: საჭიროებები და რეაგირების სტრატეგიები“, რომელშიც ასახულია 2021 წლის 4 იანვარს გალის რაიონში გაჩაღებული ხანძრის შედეგად დაზარალებული მოსახლეობის პრიორიტეტული და გადაუდებელი საჭიროებები.
ანგარიში ყურადღებას ამახვილებს იმ მძიმე ვითარებაზე, რომელშიც აღმოჩნდა ჯეროვანი დახმარების გარეშე მიტოვებული მოსახლეობა, რომელიც ყოველდღიურად უპირისპირდება სასურსათო, ეკონომიკურ, ჯანმრთელობის და სოციალური უსაფრთხოების რისკებს. შემთხვევიდან ორი თვის შემდეგ ხანძრით დაზარალებული ადამიანები თავს დავიწყებულად, მიტოვებულად და უგულებელყოფილად გრძნობენ.
ანგარიშში წარმოდგენილია მოკვლევის შედეგად გამოვლენილ პრობლემათა და საჭიროებათა ნუსხა და კონკრეტული რეკომენდაციები, რომელთა გათვალისწინება ხელს შეუწყობს გალის მოსახლეობაზე ხანძრით გამოწვეული ნეგატიური ეფექტის შემცირებას და შესაბამისი საგანგებო სტრატეგიის შემუშავებას.