ქუთაისის დევნილთა ერთ-ერთ კოლექტიურ ცენტრში ქალთა თვითდახმარების ჯგუფის ინიციატივით საბავშვო მოედნის რეაბილიტაცია ხდება. ფინანსური მხარდაჭერა ჩვენი ორგანიზაციისაა, მუშაობაში კი ყველა ჩაერთო - მამები, ბაბუები... სულ მალე პატარები გაერთობიან და ეს ყველასთვის სასიხარულო იქნება...
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
სენაკის თვითდახმარების ჯგუფის მიერ წარმოდგენილი ინიციატივა „სოციალური სახლი თემის საჭიროებისთვის“ მალე ამუშავდება.
საერთო სარგებლობისთვის განკუთვნილი წვრილი საყოფაცხოვრებო ინსტრუმენტები, ბაღის იარაღები, რომლებიც ჯგუფის წევრებმა ინიციატივის ფარგლებში შეიძინეს, უკვე ადგილზეა.
მაღალი წნევის კერხერის სარეცხი აპარატი მთლიანად შეცვლის ხალიჩების, მანქანების და სხვა მოცულობითი ნივთების ხელით რეცხვის პროცესს, გააადვილებს ქალების, კაცების შრომას და გაზრდის თემის სარგებელს.
ბაღის, ეზოს კეთილმოწყობისთვის საჭირო ხელსაწყოები დაეხმარება თემის წევრებს იმ საერთო პრობლემების მოგვარებაში, რომლებიც დასახლებაში წლების განმავლობაში არსებობდა.
„სოციალური სახლის“ სერვისით ისარგებლებს დევნილთა მთელი თემი: ქალები, კაცები, ახალგაზრდები.
თვითდახმარების ჯგუფის წევრებს სამომავლოდ ახალი იდეები აქვთ, რაც „სოციალური სახლის“ ფუნქციის გაფართოებას უკავშირდება.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ფოთის თვითდახმარების ჯგუფის აქტიური მუშაობის პროცესში გამოიკვეთა დევნილთა დასახლების კრიტიკული საჭიროებები. ქალთა ინიციატივამ ჩვენი ორგანიზაციის ფინანსური მხარდაჭერა მიიღო. შედეგად, სარდაფებში ჩამდგარი წყლის პრობლემა არ შეაწუხებს მოსახლეობას - ხუთი კორპუსისთვის შეძენილია ტუმბოები.
გარდა ამისა, დაწყებულია შიდა სამღებრო სამუშაოები, სადარბაზოების კოსმეტიკური მოწესრიგება, რაც საცხოვრებელ გარემოს ბევრად უფრო უსაფრთხოს და სასიამოვნოს გახდის. თვის ბოლომდე ყველა საჭირო მასალა მიეწოდება დასახლებას და სამუშაოებიც ეტაპობრივად დასრულდება.
ინიციატივის ერთ-ერთი მთავარი ღირებულება ადგილობრივი მოსახლეობის აქტიური ჩართულობაა. დევნილები თავად გაალამაზებენ და შეცვლიან არსებულ მდგომარეობას. ეს არის კარგი მაგალითი იმისა, თუ როგორ შეუძლია თემის გაერთიანებასა და სამოქალაქო აქტიურობას რეალური ცვლილებების მიღწევა.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ტაძრის მიმდებარე ტერიტორიაზე ძველი სკვერის განახლება და სკვერების აღჭურვა ძელსკამებით და ნაგვის ურნებით - ფინიშს უახლოვდება ეს ორი ინიციატივა, რომელსაც ხონის ქალთა თვითდახმარების ჯგუფი „თემის ძალა“ ახორციელებს დევნილთა დასახლებაში.
სამოქალაქო ინიციატივების ფარგლებში მოთხოვნილი თანხა სრულად ათვისებულია, ინვენტარი შეძენილია და თემის მოსახლეობა სამუშაოების დასაწყებად გამოდარებას ელოდება.
ატრაქციონები, ძელსკამები, ნაგვის ურნები, ბალახის საკრეჭი აპარატი - ამ ყველაფრის და მათ მოსაწყობად საჭირო მასალის შეძენა ნიშნავს კომფორტულ ღია სივრცეებს, მოწესრიგებულ გარემოს.
ინიციატივების განხორციელების შედეგად გაიზრდება თემში მცხოვრები ადამიანების ჩართულობა და პასუხისმგებლობა საკუთარი დასახლების მიმართ.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ქუთაისის თვითდახმარების ჯგუფში აქტიური, მონდომებული ქალები არიან. ზრუნავენ, რომ დევნილთა თემებში უკეთესი, უფრო უსაფრთხო და კომფორტული იყოს ცხოვრება. ჯგუფის წევრებმა წლის ბოლო შეხვედრაზე განსაკუთრებით სათემო ინიციატივებზე ისაუბრეს:
- კარგია, რომ ნიკეას ქუჩაზე, დევნილთა დასახლებაში დამონტაჟდა შლაგბაუმი. ყველა კმაყოფილი და მადლიერია.
- ახლა მიმდინარეობს შიდა და გარე სამუშაოები. შესაღებია ფოიე, ასასვლელი კიბეები. გასაწმენდია ნესტისგან დაზიანებული კედლები, გაკეთდება პანდუსი.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
წლის ბოლო შეხვედრა ჩაატარეს წყალტუბოს თვითდახმარების ჯგუფის წევრებმა და შეაჯამეს ჯგუფის მუშაობაც:
„სასიხარულოა, რომ ჩვენ მოვაგვარეთ ჩვენს დასახლებებში არსებული პრობლემები“.
„ამ პროექტის მეშვეობით ჩვენ თემის ლიდერებად ჩამოვყალიბდით და ხელი შევუწყვეთ კონკრეტული პრობლემების მოგვარებას“.
შეხვედრაზე საუბარი იყო ინიციატივებზე, კოპიტნარის დევნილთა დასახლების ინიციატივაზე, რომელიც დაფინანსდა და ტექნიკური დეტალების მოგვარების პროცესშია.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ფოთის თვითდახმარების ჯგუფის მორიგი შეხვედრა გაიმართა. შეხვედრაზე მონაწილეებმა ისაუბრეს 16-დღიან კამპანიაზე: ისტორიასა და ძირითად მიზნებზე, ინფორმირებულობის მნიშვნელობაზე.
ჯგუფის წევრებმა აღნიშნეს, რომ ქალთა ფონდი „სოხუმის“ შემუშავებულ თემატურ საინფორმაციო მასალებს საკუთარ თემში გაავრცელებენ და აქტიურად ჩაერთვებიან ინფორმირებულობის გაზრდის პროცესში.
მონაწილეებმა ასევე განიხილეს თვითდახმარების ჯგუფის სათემო ინიციატივები. წარმოდგენილი განაცხადები დამტკიცდა და განხორციელება დეკემბრის ბოლოსთვის დასრულდება.
პროექტს ახორციელებს არასამთავრობო ორგანიზაციების კოალიცია, რომელშიც გაერთიანებულია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ხონის თვითდახმარების ჯგუფში შეხვედრაზე მოწვეული იყო სსიპ სახელმწიფო ზრუნვისა და ტრეფიკინგის მსხვერპლთა, დაზარებულთა დახმარების სააგენტოს ქუთაისის ადამიანით ვაჭრობის (ტრეფიკინგის) და ძალადობის მსხვერპლთა მომსახურების დაწესებულების უფროსი ნინო ხონელიძე.
შეხვედრის მიზანი იყო ჯგუფის წევრთა ინფორმირება ძალადობის შესახებ, პრევენციის ხელშეწყობა და ძალადობის მსხვერპლთათვის არსებული ადგილობრივი და სახელმწიფო სერვისების პოპულარიზება.
მათ მიიღეს პასუხები თავიანთ კითხვებზე, ასევე გადაეცათ ფონდი „სოხუმის“ საინფორმაციო მასალები.
შეხვედრის მეორე ნაწილი სათემო ინიციატივების თემას დაეთმო. თვითდახმარების ჯგუფის წევრებმა მოისმინეს ინფორმაცია, თუ რა ეტაპზეა პროექტები და როდის შეძლებენ მათ დაწყებას.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
რას მოიაზრებს 16-დღიანი კამპანია, რა ისტორია აქვს და რა მიზანი? - ამ საკითხებზე გაიმართა მსჯელობა სენაკის თვითდახმარების ჯგუფის წევრებთან, რადგან შეხვედრა კამპანიის ფარგლებში გაიმართა.
მონაწილეებმა დააფიქსირეს, რომ ქალზე ძალადობა არის ბოროტება და ბოროტებას ქალთა ინფორმირებულობა უნდა დაუპირისპირდეს. ჯგუფის წევრებს გადაეცათ თემატური ბროშურები, რომელთაც საკუთარ თემებში დაარიგებენ.
მონაწილეებს მიეწოდათ ინფორმაცია ჯგუფის მიერ წარდგენილ სათემო ინიციატივებზე. განაცხადები დამტკიცებულია და ინიციატივები დეკემბრის ბოლომდე დასრულდება.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ქუთაისში თვითდახმარების ჯგუფმა ინიციატივისთვის პრობლემა გამოავლინა ჩატარებული ანკეტირების შედეგად, რაც შემდგომ დასაბუთდა დასახლების კრებაზე.
ნიკეას ქუჩაზე დევნილთა დასახლების ეზოს აქვს ორი შემოსასვლელი, არცერთ მხარეს არ არის ჭიშკარი. შემოდიოდნენ უცხო მანქანები, ბავშვებისთვის არ იყო უსაფრთხო სივრცე. ამიტომ თემში გადაწყვიტეს შლაგბაუმის დამონტაჟება. მეორე საჭიროებად შეირჩა სადარბაზოს და პანდუსების კოსმეტიკური რემონტი.
უკვე დაიწყო ინიციატივების განხორციელება. მხარდამჭერია ქალთა ფონდი „სოხუმი“, ხოლო ფიზიკურ სამუშაოებში მოხალისეებად ჩაერთნენ დასახლების მცხოვრებლები.
ჭომის დევნილთა დასახლებაშიც დაიწყეს მუშაობა ორი პრობლემის გადასაჭრელად სამოქალაქო ინიციატივების შემუშავებისათვის.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.