ქუთაისში, დევნილთა კომპაქტურ დასახლებებში აგვისტოში გაიმართა 7 საინფორმაციო-საკონსულტაციო ფსიქოლოგიური ჯგუფური შეხვედრა. შეხვედრებზე მონაწილეობა მიიღო 46 ქალმა 17-დან 75 წლამდე. ჩატარდა ინდივიდუალური თერაპიისა ორი სეანსი.

ბენეფიციარები დააინტერესა საუბრის ძირითადმა თემამ - როგორ გავუმკლავდეთ სტრესს. ქალებს აღელვებთ ყოველდღიური სტრესი, დეპრესია, განწყობის დაქვეითება, უძილობა, გაუთავებელი ფინანსური სიძნელეები. შეხვედრის მონაწილეებმა მიიღეს სავადასხვა ფსიქოლოგიური რეკომენდაცია.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

  

ფსიქოლოგის კონსულტაციები ჩატარდა 2, 6 და 7 აგვისტოს. წყალტუბოს და ფოთის ქალთა მხარდაჭერის ცენტრებში შეხვედრების თემა იყო: სტერეოტიპებით გამოწვეული სოციალური სტიგმა-დისკრიმინაცია.

ხონის მუნიციპალიტეტის სოფელ კუხის საკრებულოში პირველად გაიმართა ფონდი „სოხუმის“ ფსიქოლოგის შეხვედრა-კონსულტაცია. დამსწრეთა  შორის იყვნენ  როგორც თანამშრომლები, ასევე სოფელში მცხოვრები ქალბატონები. ფსიქოლოგმა მათ გააცნო ორგანიზაციის სამუშაო სპექტრი და სერვისები, შემდეგ კი ისაუბრეს ოჯახში ძალადობაზე, სტერეოტიპებსა და სოციალურ სტიგმაზე. შეხვედრამ მათი დიდი ინტერესი და საუბრის გაგრძელების სურვილი გამოიწვია. მაღალი იყო ქალთა აქტიურობა წყალტუბოსა და ფოთში ჩატარებულ შეხვედრებზეც.

 

            პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

სენაკის ერთ-ერთ კოლექტიურ ცენტრში ჩატარდა იურისტის საინფორმაციო შეხვედრა, სადაც ესწრებოდა 9  დევნილი.

მთავარ თემას წარმოადგენდა საქართველოს სამოქალაქო კოდექსით გათვალისწინებული სამეზობლო სამართალი. მათ მიიღეს საჭირო ინფორმაცია. დევნილთა მთავარ პრობლემას განსახლება, შენობის ნაწილის გაზიფიცირება და დაკანონება წარმოადგენს.

ასევე გაიცა ინდივიდუალური კონსულტაცია შშმ პირთა მეურვეობისათვის საჭირო პროცედურებისა და დოკუმენტაციის შესახებ.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

 

სასიამოვნო სიახლით დახვდნენ ფონდი „სოხუმის“ იურისტს ქუთაისის ყოფილ მე-5 საჯარო სკოლაში განთავსებული დევნილები.

5 აგვისტოს ჩატარებულ საინფორმაციო შეხვედრაზე მათ აღნიშნეს, რომ წინა შეხვედრის შემდეგ დაწერეს კოლექტიური განცხადება გზის საფარის დაგებასთან დაკავშირებით - ადგილობრივი ხელისუფლების თანადაფინანსებით. მოსახლეობას უკვე აცნობეს, რომ ისინი ისარგებლებენ ამ პროგრამით. შეხვედრის მონაწილეებმა აღნიშნეს, რომ სექტემბრიდან დაიწყებენ ფასადისა და საბავშვო ატრაქციონების საკითხის ადვოკატირებას.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით