ქუთაისის გენდერული საკონსულტაციო საბჭოს მიერ მომზადებული გენდერული პოლიტიკის გეგმა ქუთაისის მერიას გაეგზავნა განსახილველად. წერილზე მალევე მოხდა რეაგირება. საბჭოს წევრები შეხვდნენ მერიის ადმინისტრაციული სამსახურის უფროსს ზვიად ჯავახიას და მის მოადგილეს ფიქრია ხაჭაპურიძეს. შეხვედრაზე თითოეული რეკომენდაცია სათითაოდ იქნა განხილული. ადგილობრივი ხელისუფლების წარმომადგენლებმა აბსოლუტური მხარდაჭერა გამოუცხადეს წარმოდგენილ დოკუმენტს. მათი თქმით, გაგრძელდება კონსულტაციები სხვადასხვა სამსახურთან, რათა მომავალი წლის ადგილობრივ ბიუჯეტში გენდერული კომპონენტები უფრო მეტად იყოს ასახული.

გენდერული საკონსულტაციო საბჭოს მორიგი სხდომა სწორედ ამ შეხვედრის ანალიზით დაიწყო. სხდომას ესწრებოდა ფიქრია ხაჭაპურიძე, რომელიც საბჭოს წევრი გახდა და გენდერული მრჩევლის თანამდებობას ოფიციალურად შეითავსებს.

საბჭოს წევრების აზრით, დაწყებული მუშაობა ეფექტურად უნდა გაგრძელდეს.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

 

გრძელდება ვორკშოპები ადამიანური უსაფრთხოების თემაზე. სენაკი რიგით მეოთხე ქალაქია, სადაც ამ საკითხის განხილვა საინტერესო დისკუსიის ფონზე წარიმართა. საკრებულოს სხდომათა დარბაზში საზოგადოების სხვადასხვა სპექტრის წარმომადგებლები შეიკრიბნენ და უსაფრთხოების თემა გენდერულ ჭრილში განიხილეს.

განსაკუთრებული დისკუსია გამოიწვია მსჯელობამ საკვები პროდუქტების უსაფრთხოების კომპონენტის თაობაზე. მონაწილეების აზრით, უსაფრთხოების ხარისხი ყველა სფეროში დაბალია, მაგრამ ქალი, როგორც რეპროდუქციის მატარებელი, განსაკუთრებული რისკის ქვეშ არის გენმოდიფიცირებული, ვადაგასული, ან სხვადასხვა ქიმიური შენაერთების მქონე საკვების მიღებით.

აუდიტორიის მიერ შემუშავებულ რეკომენდაციებში მკაფიოდ გამოჩნდა, რომ არის საკითხები, რომლის პრევენცია შესაძლებელია ადგილობრივ დონეზეც. მათი მოსაზრებით, რეკომენდაციების შემუშავებაში საზოგადოება აქტიურად უნდა იყოს ჩართული.

 

პროექტი ხორციელდება ორგანიზაცია  „ქალები ქალებისათვის“

(Kvinna till Kvinna) მხარდაჭერით (შვედეთი)

  

ქუთაისის ამომრჩეველ ქალთა კლუბს ხშირად ჰყავს სტუმრები, რომლებიც აქტუალურ თემებზე საუბრობენ. ამჯერად სხდომაზე მოიწვიეს ქუთაისის სოციალური მომსახურების სააგენტოს ხელმძღვანელი ნინო ჭიღლაძე მისი მოადგილე ლელა ხურციძე. კლუბზე არაერთხელ დასმულა  სოციალურ  ქულებთან დაკავშირებული საკითხი. სააგენტოს წარმომადგენლებმა ამომწურავი და ვრცელი  ინფორმაცია მიაწოდეს შეკრებილებს და უპასუხეს მათ კითხვებს.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

  

2 ოქტომბერს  სენაკის საკრებულოში გაიმართა მრგვალი მაგიდა დეპუტატების, საკრებულოს თანამშრომლების და გენდერული საკონსულტაციო საბჭოს წევრების მონაწილეობით.

შეხვედრაზე წარმოდგენილი იყო რეკომენდაციები, რომლებიც გამოიკვეთა სოციოლოგიური კვლევის შედეგად, აგრეთვე - გენდერული პოლიტიკის გეგმა, რომელიც  გენდერულმა საბჭომ  შეიმუშავა ამ რეკომენდაციების თანახმად.

აღნიშნული გეგმის აქტიური განხილვა მიუთითებს იმაზე, რომ ადგილობრივი თვითმმართველობის წარმომადგენლები მზად არიან, იმსჯელონ და მხარი დაუჭირონ საბჭოს ინიციატივებს.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

ფონდმა „სოხუმმა“ გამოსცა წიგნი „ქალთა ადამიანური უსაფრთხოების ხარისხი  დასავლეთ საქართველოში“ (ბეჭდური ვერსია ქართულ ენაზე, ელექტრონული ვერსიები რუსულ და ინგლისურ ენებზე).

ეს არის შედეგი ერთობლივიპროექტისა „ქალები განსაზღვრავენ ადამიანური უსაფრთხოების ხარისხს ნდობისა და მყარი მშვიდობის შენებისათვის“, რომელიც განახორციელეს ფონდმა „სოხუმმა“ (ქუთაისი) და აფხაზეთის ქალთა ასოციაციამ (სოხუმი). ამ ქალთა ორგანიზაციებმა გამოიყენეს ისრაელელ და პალესტინელ ქალთა მეთოდიკა და მისი ადაპტირებით სპეციფიკურ პირობებთან, ერთობლივად შეიმუშავეს ადამიანური უსაფრთხოების ხარისხის განსაზღვრის მეთოდი და ჩაატარეს კვლევა ქალებს შორის თავიანთ საზოგადოებებში.

ეს არის მცდელობა, გაფართოვდეს ტერმინ „უსაფრთხოების“ ტრადიციული შინაარსი, მოხდეს ჩაღრმავება იმ ქალების შეგრძნებებსა და საფიქრალში, ვინც ყოველდღიურად ეჭიდება პიროვნულ საფრთხეებს.

კველევაში გამოხატული მოსაზრებები შეხსენებაა იმ მოთხოვნილებებისა და საფრთხეების შესახებ, რომლებიც სათანადო ყურადღებას და მოგვარებას საჭიროებს.

 

გადმოწერა

 

პროექტი ხორციელდება ორგანიზაცია „ქალები ქალებისათვის“

(Kvinna till Kvinna) მხარდაჭერით (შვედეთი)

ფონდმა „სოხუმმა“ გამოსცა წიგნი „ქალთა ადამიანური უსაფრთხოების ხარისხი  დასავლეთ საქართველოში“ (ბეჭდური ვერსია ქართულ ენაზე, ელექტრონული ვერსიები რუსულ და ინგლისურ ენებზე).

ეს არის შედეგი ერთობლივიპროექტისა „ქალები განსაზღვრავენ ადამიანური უსაფრთხოების ხარისხს ნდობისა და მყარი მშვიდობის შენებისათვის“, რომელიც განახორციელეს ფონდმა „სოხუმმა“ (ქუთაისი) და აფხაზეთის ქალთა ასოციაციამ (სოხუმი). ამ ქალთა ორგანიზაციებმა გამოიყენეს ისრაელელ და პალესტინელ ქალთა მეთოდიკა და მისი ადაპტირებით სპეციფიკურ პირობებთან, ერთობლივად შეიმუშავეს ადამიანური უსაფრთხოების ხარისხის განსაზღვრის მეთოდი და ჩაატარეს კვლევა ქალებს შორის თავიანთ საზოგადოებებში.

ეს არის მცდელობა, გაფართოვდეს ტერმინ „უსაფრთხოების“ ტრადიციული შინაარსი, მოხდეს ჩაღრმავება იმ ქალების შეგრძნებებსა და საფიქრალში, ვინც ყოველდღიურად ეჭიდება პიროვნულ საფრთხეებს.

კველევაში გამოხატული მოსაზრებები შეხსენებაა იმ მოთხოვნილებებისა და საფრთხეების შესახებ, რომლებიც სათანადო ყურადღებას და მოგვარებას საჭიროებს.

 

გადმოწერა

 

პროექტი ხორციელდება ორგანიზაცია „ქალები ქალებისათვის“

(Kvinna till Kvinna) მხარდაჭერით (შვედეთი)

გამოვიდა ყოველთვიური ელექტრონული საინფორმაციო ბიულეტენის მეცხრე ნომერი პროექტის „ქალთა უფლებების გაძლიერება დასავლეთ საქართველოში“ ფარგლებში, მასში ასახულია სექტემბრის განმავლობაში გაწეული მუშაობის შედეგები.

სტატისტიკა ასეთია: ჩატარდა 81 აქტივობა, რომლებშიც მონაწილეობა მიიღო 916 ადამიანმა.

ბიულეტენი აღწერს ქუთაისის, წყალტუბოს, ხონის, სენაკის, ფოთის და ხურჩის (ზუგდიდის მუნიციპალიტეტი) ქალთა მხარდაჭერის ცენტრების მუშაობას.

 

გადმოწერა

 

 პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია) 

ფონდი „სოხუმის“ გენდერული ბიბლიოთეკა შეივსო ახალი ბროშურით „გენდერული მიდგომები და განსხვავებები“. მასში განმარტებულია „სქესი“, „გენდერი“, „გენდერული მიდგომა“. აგრეთვე დაბეჭდილია განსაზღვრებები გენდერულ მაჩვენებლებთან და განსხვავებებთან დაკავშირებით სკოლამდელ დაწესებულებებში.

გამოცემის მიზანია - მეტი ინფორმაცია მისცეს მკითხველს გენდერის არსზე.

ბროშურა დაიბეჭდა პროექტის „ადგილობრივი ხელისუფლების პოლიტიკის შეცვლა გენდერულ ბიუჯეტირებასთან  მიმართებაში“ ფარგლებში.

 

გადმოწერა

 

პროექტი ხორციელდება ჩეხეთის არასამთავრობო ორგანიზაციის

„დამოუკიდებელი სოციალურ-ეკოლოგიური მოძრაობის“  მხარდაჭერით 

26 და 29 სექტემბერს რადიო „თავისუფლების“ რუბრიკა „გენდერული ამბები“ სამ  ბლოკში შეეხო ბათუმის გენდერული საკონსულტაციო საბჭოს მუშაობის შედეგებს.

საბჭოს პოზიციით, ქალაქის მომავალ  ბიუჯეტში უნდა აისახოს  ჩატარებული კვლევების შედეგა შემუშავებული რეკომენდაციები. იყო საუბარი თვითმმართველობის პერსონალთან გამართული ტრენინგების შესახებ, რომელთაც გენდერული განათლების საკითხები მოიცვა, მათ შორის  სამართლიანობის კუთხით არსებული ყველაზე დიდი გამოწვევა - გენდერული დისკრიმინაცია და ძალადობის სხვადასხვა ფორმა. ასევე გამოიკვეთა ოჯახში ძალადობის  წინააღმდეგ არსებული მექანიზმები  და  პრობლემაზე რეაგირების კუთხით თვითმმართველობის შესაძლებლობები და პასუხისმგებლობა.

 

პროექტი ხორციელდება აშშ  სახელმწიფო დეპარტამენტის  მხარდაჭერით

პროექტის „ქალები განსაზღვრავენ ადამიანური უსაფრთხოების ხარისხს ნდობისა და მდგრადი მშვიდობის შენებისთვის“ ფარგლებში დაიწყო ვორკშოპების ციკლი თემაზე „ადამიანური უსაფრთხოების გენდერული ასპექტები“.

პირველი ვორკშოპი ქუთაისში, ფონდი „სოხუმის“ ოფისში ჩატარდა. აუდიტორია მრავალფეროვანი იყო: სამთავრობო და არასამთავრობო ორგანიზაციები, აქტივისტი ქალები, სტუდენტები, პედაგოგები, იურისტები, ჟურნალისტები.

ვორკშოპებს უძღოდა კვლევები ადამიანური უსაფრთხოების საკითხებზე დასავლეთ საქართველოს ექვს ქალაქში: ქუთაისში,  ხონში, ხურჩა-ზუგდიდში, სენაკში, წყალტუბოსა და ფოთში. ვორკშოპი სწორედ ამ კვლევის შედეგების  პრეზენტაციით დაიწყო,  რასაც მოჰყვა ჯგუფური სამუშაოები -   რა უნდა გაკეთდეს ქალთა ადამიანური უსაფრთხოების  გასაუმჯობესებლად.

მონაწილეებმა წარმოადგინეს რეკომენდაციები ცალკეული კომპონენტების მიხედვით. შემუშავდა საერთო რეკომენდაციები, რომელიც  წარედგინება შესაბამის ორგანოებს, როგორც ადგილობრივ, ასევე ცენტრალურ დონეზე.

განსაკუთრებული ინტერესი გამოიწვია ადამიანური უსაფრთხოების თემამ ხონის მუნიციპალიტეტის საკრებულოს სხდომათა დარბაზში ჩატარებულ ვორკშოპზე. მრავალფეროვანმა აუდიტორიამ მნიშვნელოვანი  რეკომენდაციები შეიმუშავა.

არანაკლებ საინტერესოდ წარიმართა ვორკშოპი წყალტუბოს ქალთა მხარდაჭერის ცენტრში. რეკომენდაციებში კარგად წარმოჩნდა, რომ გენდერულ ჭრილში უსაფრთხოების ხარისხის გაუმჯობესება პრიორიტეტული უნდა იყოს სახელმწიფოსთვის, რადგან  ქალისთვის უსაფრთხო  გარემოს შექმნა სტაბილური, ჯანსაღი მომავლის გარანტიას იძლევა.

 

პროექტი ხორციელდება ორგანიზაცია „ქალები ქალებისათვის“

(Kvinna till Kvinna) მხარდაჭერით (შვედეთი)