შეხვედრები (646)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
4 მაისს გაიმართა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით” პარტნიორების მორიგი შეხვედრა ონლაინ რეჟიმში.
განხილულ იქნა სამიზნე მუნიციპალიტეტებში მიმდინარე ადგილობრივი საჭიროებების შეფასების პროცესი, მაისის თვეში დაგეგმილი ღონისძიებები და პროექტის მედიაკამპანიის ეფექტიანი განხორციელების საკითხები.
პროექტი ხორციელდება ევროკავშირის მხარდაჭერით
ჩვენი ორგანიზაცია აპირებს ევროპაში წარმატებული მოდელის - ონლაინ პლატფორმის „ამომრჩევლის რჩევის აპლიკაციის“ (Voter Advice Application) დანერგვას წინასაარჩევნოდ ამომრჩეველთა ინფორმირების მიზნით. „ამომრჩევლის რჩევის აპლიკაცია“ გულისხმობს ონლაინ პლატფორმის შექმნას. აპლიკაციაში ასახულ კითხვებზე პასუხების გაცემით, მოქალაქეებს შესაძლებლობა ექნება, გაეცნონ საარჩევნო პოლიტიკური სუბიექტის პოზიციას. ეს დაეხმარება ამომრჩეველს, გაიგოს, რომელი პოლიტიკური სუბიექტი დგას ყველაზე ახლოს მის შეხედულებებთან, რათა გააკეთოს ინფორმირებული და გააზრებული არჩევანი.
მიუხედავად Covid-19 ვირუსით ქვეყანაში შექმნილი საგანგებო ვითარებისა, ფონდი „სოხუმი“ აგრძელებს ვიშეგრადის საერთაშორისო ფონდის მიერ მხარდაჭერილი პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ განხორციელებას.
ამ ეტაპზე მიმდინარეობს კითხვარის შემუშავების პროცესი, რომელშიც აისახება სხვადასხვა მწვავე საკითხი, მათ შორის Covid-19 პანდემიით გამოწვეული პრობლემები.
დისტანციურ რეჟიმში მოხდა საზოგადოებაზე ვირუსის გავლენის შესწავლა. მონიტორინგის ფარგლებში უკვე გამოკითხულია 300-ზე მეტი ადამიანი.
პროექტი ხორციელდება ვიშეგრადის ფონდის მხარდაჭერით
მიუხედავად Covid-19 ვირუსით ქვეყანაში შექმნილი საგანგებო ვითარებისა, ფონდი „სოხუმი“ აგრძელებს ვიშეგრადის საერთაშორისო ფონდის მიერ მხარდაჭერილი პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ განხორციელებას. პროექტის გუნდი დისტანციურ მუშაობის რეჟიმზე გადავიდა. შემუშავდა ადვოკატირების სტრატეგია, რომელშიც აღწერილია, როგორც პოლიტიკურ პარტიებთან თანამშრომლობის და მუშაობის დეტალური გზები და მიდგომები, ასევე მოქალაქეების „ონლაინ ხმის ელექტრონული მრიცხველის“ შესახებ ინფორმირების, მათი საარჩევნო აქტიურობის გაზრდის კონკრეტული სამოქმედო გეგმა. არსებული გამოწვევების საპასუხოდ, ადვოკატირების სტრატეგიაში გათვალისწინებულია პოლიტიკურ პარტიებთან და მოქალაქეებთან დისტანციური თანამშრომლობის სამოქმედო გეგმა, განისაზღვრა კონკრეტული სახელმწიფო ინსტიტუტები, გადაწყვეტილების მიმღებნი, სამოქალაქო საზოგადოების წარმომადგენლები, რომლებთანაც აქტიური კომუნიკაციის გზით, ფონდი „სოხუმი“ დასახული მიზნების მიღწევას შეეცდება და უზრუნველყოფს მოქალაქეების მაქსიმალურ ინფორმირებას და ჩართვას 2020 წლის საპარლამენტო არჩევნებში.
პროექტი ხორციელდება ვიშეგრადის ფონდის მხარდაჭერით
ფონდი „სოხუმი“ 16 მარტიდან დისტანციურ რეჟიმზე იმყოფება. თანამშრომლებს აქტიური კომუნიკაცია აქვთ ერთმანეთთან, ინტერნეტპლატფორმაზე ტარდება საერთო თათბირები, იხილავენ საპროექტო მუშაობას. მსჯელობენ გეგმებზე. შედეგად - სხვადასხვა ონლაინ მეთოდის გამოყენებით აპრილში ყველა აქტივობა განხორციელდა.
ორგანიზაციის აქტიური მუშაობა ასახულია ფეისბუქგვერდზე https://www.facebook.com/fsokhumi/.
მეწარმე ქალთა ფონდი, ქვეყანაში შექმნილი მდგომარეობიდან გამომდინარე, დისტანციურად თანამშრომლობს ამბროლაურსა და ცაგერში პარტნიორ ორგანიზაციებთან პროექტში „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“.
ნიშანდობლივია, რომ პროექტის ფარგლებში დაგეგმილი ყველა აქტივობა ზედმიწევნით სრულდება ონლაინ კონსულტაციებითა და სატელეფონო კომუნიკაციებით. აპრილში ონლაინ კონსულტაციები ჩატარდა ამბროლაურის სამოქალაქო ორგანიზაციების: რაჭა-ლეჩხუმისა და ქვემო სვანეთის თვითმართველობის რესურს ცენტრისა და „რაჭა-ლეჩხუმისა და ქვემო სვანეთის რეგიონალური ჰაბი - „აფხაზინტერკონტის“ წარმომადგენლებთან, ასევე ცაგერის სამოქალაქო საზოგადოების ორგანიზაციების „აქტიური მოქალაქე - ანგარიშვალდებული ხელისუფლება“ და „ცაგერის ქალთა უფლებებისა და თანასწორობის ცენტრის“ წარმომადგენლებთან.
ონლაინ შეხვედრებზე განხილულ იქნა პროექტით დაგეგმილი ჩაღრმავებული ინტერვიუების ჩატარების სპეციფიკა, ტრენინგის ჩატარების ფორმატი და ყველა ის გამოწვევა, რომელიც შეიძლება დაიძლიოს დისტანციური მუშაობის შედეგად.
პროექტი ხორციელდება ევროკავშირის მხარდაჭერით
15 აპრილს ონლაინ შეხვედრა ჩატარდა ბაღდათის მუნიციპალიტეტის სამოქალაქო საზოგადოების ორგანიზაციებთან: „თანადგომა ახლა“ და შშმ პირთა კავშირი „რწმენა და იმედი“. შეხვედრაზე შეჯამდა ანკეტირების პროცესი, რომლის ფარგლებშიც უნდა მოხდეს ადგილობრივ დონეზე საგზაო რუკის რეალიზაციისთვის რეგიონალური საჭიროებების შეფასება. ასევე განხილულ იქნა ჩაღრმავებული ინტერვიუს კითხვარი და დაიგეგმა ინტერვიუების ჩატარების პროცესი, რათა არსებულ სიტუაციაში მაქსიმალურად განხორციელდეს პროექტის აქტივობები.
7 და 11 აპრილს ორი ონლაინ საკონსულტაციო შეხვედრა გაიმართა ხონში მოქმედი სამოქალაქო საზოგადოების ორგანიზაციების წარმომადგენლებთან.
პირველი შეხვედრა ჩატარდა დევნილთა საინიციატივო ჯგუფის წევრებთან ზაზა კალანდიასა და ბაჩანა ბასილაიასთან. მეორეში კი მონაწილეობდნენ ხონის განათლებისა და განვითარების ცენტრის „ედელვაისის“ თავმჯდომარე ნაზი ჯიქია და ორგანიზაციის წევრი თამარ გენძეხაძე.
განხილული იყო ანკეტირებასთან დაკავშირებული სამუშაო პროცესი, სამომავლო გეგმები სამუშაო ჯგუფების შექმნის კუთხით, რომლებშიც გენდერული საბჭოს წევრებიც მოიაზრებიან.
პროექტი ხორციელდება ევროკავშირის მხარდაჭერით
ონლაინ სამუშაო შეხვედრა ჩატარდა თერჯოლის მუნიციპალიტეტის სამოქალაქო საზოგადოების ორგანიზაციებთან - ა(ა)იპ ბავშვთა უფლებების დაცვისა და მოქალაქეობრივი აღზრდის კავშირი „ბავშვები - საქართველოს მომავალი“ და ქალთა საინიციატივო ჯგუფი.
აღინიშნა, რომ დღევანდელ რთულ პირობებში მაინც მოხერხდა სამიზნე ჯგუფებთან დაკავშირება და მუშაობის გაგრძელება ადგილობრივი საჭიროებების შეფასების კუთხით. მიუხედავად იმისა, რომ ხშირად იჩენს თავს ტექნიკური პრობლემები ინტერნეტის სიჩქარის გამო, პროცესი მაინც დაიწყო, შერჩეულია რესპონდენტები და მიმდინარეობს გამოკითხვა ანკეტირების და ჩაღრმავებული ინტერვიუს მეთოდებით.
ასე აქტიურად ხორციელდება პროექტი „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“.
პროექტი ხორციელდება ევროკავშირის მხარდაჭერით
არსებული სიტუაციიდან გამომდინარე, ონლაინ რეჟიმში გრძელდება თანამშრომლობა ვანის მუნიციპალიტეტის სამოქალაქო საზოგადოების ორგანიზაციებთან.
მორიგ შეხვედრაზე განხილულ იქნა ანკეტირების პროცესი, რომლის მეშვეობითაც უნდა მოხდეს სახელმწიფო რეფორმის რეალიზაციისთვის რეგიონალური საჭიროებების შეფასება - დაფიქსირდა ის გამოწვევები, რომელთა წინაშეც აღმოჩნდნენ სამოქალაქო საზოგადოების ორგანიზაციები. ასევე დაიგეგმა ჩაღრმავებული ინტერვიუები, შეირჩა ექსპერტები და მეთოდები - ყოველივე ეს პროექტის ფარგლებში დაგეგმილი აქტივობების წარმატებით განხორციელების საწინდარია.
პროექტი ხორციელდება ევროკავშირის მხარდაჭერით
ფონდი „სოხუმის“ ორგანიზებით კონფლიქტის გამყოფ ხაზთან, სოფელ ფახულანში მცხოვრებ ქალებთან (წალენჯიხის მუნიციპალიტეტი) ონლაინ შეხვედრა გაიმართა.
- თემებში არსებული პრობლემები, საფრთხეები, რომელსაც ქალები გრძნობენ საგანგებო სიტუაციის პირობებში - ამ საკითხებზე გაიმართა მსჯელობა.
შეკრებილებმა აღნიშნეს, რომ აფხაზეთის გამყოფ ხაზთან მდებარე სოფლებში ამ დღეებში რთული ემოციური ფონია. განსაკუთრებული მღელვარება ეტყობა დევნილ ოჯახებს, რომელთა ახლობლები გალის ტერიტორიაზე ცხოვრობენ. სერიოზული პრობლემები აქვთ სკოლის მოსწავლეებს ინტერნეტთან დაკავშირებით.
პრობლემებზე რეაგირება ასევე დისტანციურად გაგრძელდება.