ორივეჯერ, 2003 წელსაც და 2013 წელსაც დავბეჭდეთ კალენდრები „ტორპედოს“ ფეხბურთელების გამოსახულებით და მოწოდებით ძალადობის წინააღმდეგ. ამ კალენდრებმაც თავისი მისია შეასრულა იმ წლებში, რადგან სპორტსმენისგან, ფეხბურთელისგან ნათქვამ სიტყვას დიდი ძალა აქვს...
ოცი წელი გავიდა ჩვენი პირველი აქციიდან. ახლა ძალადობის თემა ბევრად უფრო აქტუალურია. სახელმწიფო ბევრს აკეთებს პრობლემის მოსაგვარებლად, საზოგადოებაც შეურიგებელია მოძალადის მიმართ და მეტად იცავს მსხვერპლს. თუმცა გასაკეთებელიც ბევრი გვაქვს ყველას ერთად.
საფეხბურთო კლუბმა „ტორპედომ“ სოციალური პასუხისმგებლობა იტვირთა და ახლა ფინანსურადაც დაგვიჭირა მხარი: თვითონ დაბეჭდა კალენდრები, რომელზეც კამპანიის სლოგანი წერია.
ეს კალენდრები და ჩვენი საინფორმაციო ფურცლები დაარიგეს ქალთა ფონდის თანამშრომლებმა და ახალგაზრდა აქტივისტებმა სტადიონზე. მაყურებლები დიდი ინტერესით ჩაერთნენ აქციაში.
წელს 21-ე კამპანია დაიწყო ქალთა ფონდმა „სოხუმმა“.
16 დღის განმავლობაში ათობით აქტივობა ჩატარდება დასავლეთ საქართველოს 10 მუნიციპალიტეტში.
„დაარღვიე დუმილი! აღკვეთე ძალადობა!“ - უამრავი ადამიანი გაიმეორებს და გაიაზრებს ამ სიტყვებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)