„ემოციების მართვა - მთავარი სეგმენტი ძალადობის პრევენციაში“ - ასეთია მაისის საინფორმაციო ბიულეტენის თემა.
მასში ნათქვამია: „ემოცია პიროვნების შინაგანი მდგომარეობაა და მიმართულია გარკვეული საგნისაკენ. პიროვნების ემოციურობა ტემპერამენტზეა დამოკიდებული, თუმცა დიდ როლს ასრულებს მისი განათლების, აღზრდისა და განვითარების დონე“.
სტატიაში მოყვანილია მაგალითები - ფონდი „სოხუმის“ შეხვედრებზე გაგონილი. წარმოდგენილია საჭირო რჩევები.
ფონდი „სოხუმის“ ბიულეტენის ელექტრონული ვერსია გამოდის პროექტის „ქალთა უფლებების გაძლიერება დასავლეთ საქართველოში“ ფარგლებში.
კომუნიკაცია მოდის ლათინური სიტყვიდან „კომუნიკარე“, რაც ნიშნავს: გავხადოთ სათქმელი ყველასთვის გასაგები... რატომ არ გვესმის ერთმანეთის, რატომ აღვიქვამთ ინფორმაციას სხვადასხვანაირად? ეს საკითხი პირდაპირ კავშირშია კომუნიკაციის ცოდნასთან და პასუხიც ასეთია: იმიტომ, რომ არ ვიცით, ან უბრალოდ არასწორად გვესმის ინფორმაციის მიწოდების ფორმები.
ბიულეტენში მოყვანილია ეფექტური და არაეფექტური კომუნიკაციის მაგალითები, მოცემულია საჭირო ინფორმაცია და რჩევები.
ფონდი „სოხუმის“ საინფორმაციო ბიულეტენის ელექტრონული ვერსია გამოდის პროექტის „ქალთა უფლებების გაძლიერება დასავლეთ საქართველოში“ ფარგლებში და ვრცელდება სხვადასხვა შეხვედრაზე.
საქართველო აღმოსავლეთ ევროპაში მეორე ადგილზეა მოლდავეთის შემდეგ გოგონების ნაადრევი ქორწინებებით. მას მოსდევს თურქეთი და ტაჯიკეთი.
გამონაკლისის სახით, 16 წელს მიღწეული არასრულწლოვანი პირის ქორწინება დაიშვებოდა მისი ნებით და მხოლოდ სასამართლოს თანხმობით, ისეთი მიზეზის არსებობისას, როგორიცაა ორსულობა. 2017 წლის იანვრიდან კი ეს გამონაკლისიც გაუქმდა და 18 წლამდე პირთა ქორწინება კანონით სრულად აიკრძალა.
ეს და სხვა აქტუალური საკითხები გაშუქდა ფონდი „სოხუმის“ საინფორმაციო ბიულეტენში. ბიულეტენის ელექტრონული ვერსია გამოდის პროექტის „ქალთა უფლებების გაძლიერება დასავლეთ საქართველოში“ ფარგლებში და ვრცელდება სხვადასხვა შეხვედრაზე.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
გენდერული სტერეოტიპები - გაბატონებული შეხედულება ქალისა და მამაკაცის მახასიათებლების და როლების შესახებ - ერთ-ერთი აქტუალური საკითხია ფონდი „სოხუმის“ შეხვედრებზე. ამიტომაც მიეძღვნა ამ თემას საინფორმაციო ბიულეტენის თებერვლის ნომერი. ბიულეტენში ახსნილია, რატომ დავინტერესდით ამ თემით, მოყვანილია მაგალითები და მოცემულია რჩევები, როგორ ვებრძოლოთ სტერეოტიპებს. როგორც ფსიქოლოგები ამბობენ, ნელ-ნელა, ნაბიჯ-ნაბიჯ...
ბიულეტენის ელექტრონული ვერსია გამოდის პროექტის „ქალთა უფლებების გაძლიერება დასავლეთ საქართველოში“ ფარგლებში და ვრცელდება ფონდი „სოხუმის“ შეხვედრებზე.
თაობათა კონფლიქტები ერთ-ერთი აქტუალური თემაა ფონდი „სოხუმის“ შეხვედრებზე. ამიტომაც იქცა საინფორმაციო ბიულეტენის თემად - „თაობათა კონფლიქტები დედები და შვილები“.
„ვერ ვხვდები, როდის შეიცვალა. საერთოდ არ ესმის ჩემი. არ ვიცი, რა მოვუხერხო. რას არ ვაკეთებ, მაგრამ არ მემორჩილება“, - ამბობენ დედები.
აღზრდის პროცესში არ არსებობს სტანდარტული რეცეპტები, რომელიც ყველას გამოადგება. თუმცა, არსებობს მიდგომები, რომელთა გათვალისწინება ბევრ დედას დაეხმარება. ბიულეტენში სწორედ ამაზეა საუბარი - მოცემულია ტესტი და რჩევები.
ფონდი „სოხუმის“ ბიულეტენის ელექტრონული ვერსია გამოდის პროექტის „ქალთა უფლებების გაძლიერება დასავლეთ საქართველოში“ ფარგლებში.
ქალთა მიგრაცია - საკითხი, რომელიც საქართველოში ყველას ერთნაირად აწუხებს, რადგან არ არსებობს ოჯახი, რომლის წევრი თუ არა, რომელიმე ახლობელი უცხოეთში არ იყოს წასული.
ისტორიები ამ საკითხზე უამრავია, ზოგი კარგი ფინალით, ზოგიც - ცუდით. სტატისტიკურად, მიგრაციაში მყოფთა 67% ქალია. თუმცა სტატისტიკის გარეშეც ნათელია, რომ ქალთა დენადობა უცხოეთში ბოლო წლებში კიდევ უფრო გაიზარდა.
ბიულეტენში მოთხრობილია რამდენიმე ისტორია, განხილულია ოჯახის წევრების და საზოგადოების პასუხისმგებლობის საკითხი.
ფონდი „სოხუმის“ საინფორმაციო ბიულეტენის ელექტრონული ვერსია გამოდის პროექტის „ქალთა უფლებების გაძლიერება დასავლეთ საქართველოში“ ფარგლებში და ვრცელდება სხვადასხვა შეხვედრაზე.
როდესაც ფონდმა „სოხუმმა" ქართველ და აფხაზ ქალთა ერთობლივი სამშვიდობო პროექტის ფარგლებში მშვიდობისმყოფელ ქალთა ისტორიაზე დაიწყომუშაობა, ბოლომდე არ გვქონდა გაცნობიერებული, როგორ მოხდებოდა მისი ფორმირება. ერთი რამ ნამდვილად ვიცოდით: ეს არ იქნებოდა მშრალი და უსულო ისტორიები ქალთა ორგანიზაციებისა და მშვიდობისათვის მებრძოლ ქალთა ღვაწლის შესახებ. მისი მთავარი დანიშნულება არა მხოლოდ ინფორმაციის მიწოდება იქნებოდა, არამედ ქალთა ახალი ჯგუფების მოტივაცია მშვიდობისმყოფელთა რიგების გასაზრდელად.
როგორც აღმოჩნდა, ძალიან ბევრია დაპირისპირების, სისხლისა და ნგრევის მაგალითი, გახლეჩილი საზოგადოებები, დევნილებად ქცეული მილიონობით ოჯახები, მაგრამ საკმაოდ რთულია, იპოვო ქალთა ცოცხალი ისტორიები ჟამთააღმწერლების, უფლებათადამცველების, საერთაშორისო ინსტიტუტების მშრალ ანგარიშებს მიღმა.
თანდათან დაიწყო ისტორიების შეკოწიწება...
პირველი მალალა იუსუფზაი იყო: პაკისტანელი გოგონა, რომელიც თავისუფლების წყურვილის გამო თალიბებმა სასიკვდილოდ გაიმეტეს.
შემდეგ - ბირმელი შარმ ტონგი. 16 წლის გოგონა, რომლის შეფასებას გაეროს მაღალი ტრიბუნიდან უსმენდნენ ძლიერნი ამა ქვეყნისანი...
დედა ჰავა გალკაიოდან - დევნილი ქალების გულმხურვალე ქომაგი...
ვისაკა დარმადასა, რომლის ტრაგიკული ისტორია ბევრ შვილდაკარგულ დედას ეცნობა ალბათ...
...სხვა სახელები, რომელთაც ერთ-ერთი ჩვენს მიერ მოძიებული წყაროს ავტორმა უწოდა „უკანასკნელ ამოსუნთქვამდე მებრძოლი ქალები"...
ამ კრებულში მხოლოდ რვა ისტორია მოხვდა. რვა განსხვავებული პრობლემა, რომელთაც სხვადასხვა ასაკის, სოციალური სტატუსის, განსხვავებული კანის ფერის ქალები შეეჭიდნენ.
ჩვენს ბენეფიციარებს, დევნილ ქალთა ჯგუფებს, საშუალება ჰქონდათ, მოძიებულ ისტორიებს გაცნობოდნენ. ერთ-ერთ შეხვედრაზე, დამსწრეთაგან ყველაზე მხცოვანმა მანდილოსანმა ყველას სათქმელი გააჟღერა: „დღეს დავრწმუნდი, რომ ქალებს, სადაც არ უნდა ვიყოთ, სამყაროს რომელ კუთხეში, ერთი და იგივე პრობლემები გვაერთიანებს. მე ბევრჯერ დავინახე ჩემი თავი ამ ისტორიებში, ჩემი სატკივარი, ჩემი ოცნებები. სიმართლე გითხრათ, შიგადაშიგ შემშურდა კიდეც იმ ქალებისა, რომელთაც ასეთი შეუდრეკელი სული აქვთ, ასეთი პირნათელები არიან საკუთარი ხალხის წინაშე".
ჩვენ ვიმედოვნებთ, რომ ეს განწყობა ექნებათ მათაც, ვის ხელშიც კრებული აღმოჩნდება. ეს ჯერ მხოლოდ პირველი კრებულია - ქალთა მშვიდობისმყოფელობის ამბავი ახალი სახელებითა და გამოცდილებით გამდიდრდება...
„ადვოკატირება - ერთ-ერთი სეგმენტი ძალადობის პრევენციის დროს“ - ასეთია ფონდი „სოხუმის“ საინფორმაციო ბიულეტენის აგვისტოს ნომერის თემა.
სიტყვა „advocacy“ წარმოიშვა სიტყვიდან „advocare“ და ნიშნავს „მოწოდებას, მხარდაჭერას ცვლილებისათვის.“
როგორც პუბლიკაციაშია ნათქვამი, ადვოკატირება არის: აქტიურობა საკუთარი და სხვისი ინტერესების დასაცავად, მოქმედებები ცვლილებების მისაღწევად, ზემოქმედება საზოგადოებრივ აზრზე, გაერთიანება, მხარდაჭერა ცვლილებების მოსახდენად.
ნომერში წარმოდგენილია წარმატებული და წარუმატებელი ადვოკატირების ქეისები. აქვეა რჩევები - რისი ცოდნა არის აუცილებელი ადვოკატირების კამპანიის წამოწყებამდე.
ბიულეტენი გამოდის პროექტის „ქალთა უფლებების გაძლიერება დასავლეთ საქართველოში“ ფარგლებში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდ „სოხუმში“ მომზადდა „კვლევა სამედიცინო დაწესებულების წარმომადგენლების როლი და ჩართულობა ქალთა მიმართ და ოჯახში ძალადობის გამოვლენის, მასზე რეაგირების და რეფერირების პროცესში“. მასში მოცემულია სამედიცინო პერსონალის დამოკიდებულება ქალთა მიმართ/ოჯახში ძალადობის საკითხების მიმართ, მათი ხედვა გამოსავლის შესახებ და კვლევის შედეგად შემუშავებული რეკომენდაციები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
