ყვითელ, წითელ და შინდისფერ ფერებში ჩაფლულ სოფელში შემოდგომის მიწურული განსაკუთრებით ლამაზად იგრძნობა.
ქალთა ფონდი „სოხუმის“ ფორუმ-თეატრი ბაღდათის მუნიციპალიტეტის მაღალმთიან სოფელ ხანს ესტუმრა.
სკოლის ეზოში საინტერესოს მოლოდინით დაგვხვდნენ უმცროსკლასელები და საბავშვო ბაღის აღსაზრდელები.
მათთვის ბაღდათის მუნიციპალიტეტის გენდერული თანასწორობის საბჭოს და ფონდი „სოხუმის“ ერთობლივი ინიციატივით თოჯინების და ჩრდილების თეატრის ჩვენება მოეწყო.
სპექტაკლების სცენარები გენდერულ თემატიკას და ტოლერანტობის საკითხებს ითვალისწინებდა, რაც აღსაზრდელებს მათთვის ნაცნობი პერსონაჟების მეშვეობით მიეწოდათ.
საოცარი მუხტი, ემოცია, სიხარულით ანთებული თვალები, ოვაციები... ეს ყველაფერი დიდხანს გაყვებათ პატარებს, თეატრის ახალგაზრდულ დასს და ორგანიზატორებს.
შეხვედრის ბოლოს ბავშვებს გენდერული საბჭოს წევრებმა ტკბილეულით უმასპინძლეს და მათთვის სკოლის დირექციამ ეს ლამაზი დღე ფერადი ფეირვერკით დაასრულა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წარმოგიდგენთ ჩვენს მორიგ ვიდეორგოლს ახალგაზრდებთან მუშაობის შესახებ რუბრიკაში „გენდერი და საზოგადოება“.
ქალთა ფონდი „სოხუმი“ აგრძელებს გენდერული სტერეოტიპების ნგრევის კამპანიას - თანასწორობის, ტოლერანტული და არაძალადობრივი კულტურის დასამკვიდრებლად ჩვენს საზოგადოებაში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
- რატომ დადგა საჭიროება, რომ გაეროს უშიშროების საბჭოს მიერ შემუშავებულიყო რეზოლუცია 1325 ქალებზე, მშვიდობასა და უსაფრთხოებაზე? რას მოიაზრებს და რა საკითხები რეგულირდება?
- ეროვნული სამოქმედო გეგმა, რომელიც გლობალური დღის წესრიგის შესრულებისთვის საჭირო, კონსოლიდირებული და კოორდინირებული ქმედების სახელმწიფო ინსტრუმენტს წარმოადგენს.
- რატომ არის მნიშვნელოვანი ეროვნული სამოქმედო გეგმის ადგილობრივ დონეზე ლოკალიზაცია? ამ პროცესებში ადგილობრივი სახელისუფლებო პირების და სხვა წამყვანი ადგილობრივი აქტორების ჩართვა, რათა მოხდეს 1325 რეზოლუციის ინტეგრირება თემის განვითარების გეგმებში.
- როგორ უნდა მოხდეს ადგილობრივი პრობლემების მუნიციპალურ ბიუჯეტში ასახვა? ამისთვის რა რესურსები და შესაძლებლობებია საჭირო?
ეს ის საკითხებია, რომელთა განხილვაც მოხდა ვორკშოპზე, რომელსაც ესწრებოდნენ ქუთაისის, წყალტუბოს, ხონის, სენაკის და ზუგდიდის მუნიციპალიტეტების ადგილობრივი თვითმმართველობის წარმომადგენლები და ლიდერი ქალები.
პირველი ქსელური სამუშაო შეხვედრა გაიმართა ქუთაისში პროექტის „ქალები და ახალგაზრდები ქალების, მშვიდობისა და უსაფრთხოების დღის წესრიგის ადგილობრივ დონეზე განხორციელებისთვის“ ფარგლებში.
კოალიციური პროექტის მონაწილე სამმა ორგანიზაციამ - იგპ ქალთა ასოციაცია „თანხმობა“, ქალთა ფონდი „სოხუმი“ და ქალთა საინფორმაციო ცენტრი - სხვადასხვა რეგიონიდან კონფლიქტით დაზარალებული და დევნილთა დასახლებებში მცხოვრები სამოქალაქო აქტივისტი ქალები შეკრიბა და გაეროს რეზოლუციების „ქალები, მშვიდობა, უსაფრთხოება“ განხორციელების მეოთხე სამოქმედო გეგმა გააცნო.
შეხვედრის დროს ხაზი გაესვა სამშვიდობო პროცესებში ქალთა ჩართულობის აუცილებლობას, განიხილეს ამ მიმართულებით არსებული გამოწვევების გადაჭრის შესაძლებლობები.
ქალებმა ინფორმაცია მიიღეს ქსელებისა და კოალიციების მნიშვნელობასა და მიზნების შესახებ, დაიწყო მსჯელობა იმაზე, თუ როგორი უნდა იყოს ეფექტიანი და მდგრადი ქალთა ქსელი. შეხვედრის მონაწილეებმა გადაწყვიტეს გააგრძელონ თანამშრომლობა როგორც პირისპირ, ასევე ონლაინ რეჟიმში.
პროექტი ხორციელდება
გაეროს ქალთა ორგანიზაციის მხარდაჭერით
პედაგოგები უამრავ ტრენინგს დასწრებიან, მაგრამ ეს იყო უჩვეულო ტრენინგი, სადაც აქტუალურ საკითხებთან (ფემიციდი, ძალადობა, კამპანიის ჩატარება) ერთად ტრენერისთვის საჭირო უნარ-ჩვევებზეც ისაუბრეს.
ტრენინგს ესწრებოდნენ პედაგოგები სენაკის მუნიციპალიტეტის ყველა სკოლიდან. მისი ჩატარების იდეა გაჩნდა სენაკის უწყებათაშორისო საბჭოს ბოლო შეხვედრაზე - იდეას აქტიურად დაუჭირა მხარი საგანმანათლებლო რესურსცენტრმა (ხელმძღვანელი - დარეჯან ზარანდია). ტრენინგი რესურსცენტრის დარბაზში გაიმართა და მონაწილეთა დიდი ინტერესით გამოირჩეოდა.
ტრენინგის მთავარი შედეგი იქნება ის, რომ ეს პედაგოგები აქტიურად ჩაერთვებიან საერთაშორისო კამპანიაში „16 აქტიური დღე ქალთა მიმართ ძალადობის წინააღმდეგ“ - ჩაატარებენ შეხვედრებს და სხვადასხვა ღონისძიებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქსელმა WAVE-მა, OSCE-ის - ევროპაში უსაფრთხოებისა და თანამშრომლობის ორგანიზაციის მხარდაჭერით, თავის ოთხ წევრთან - კერძოდ, სექსუალური ძალადობის კრიზისული ცენტრი (ერევანი, სომხეთი), ქალთა ფონდი „სოხუმი“ (ქუთაისი და თბილისი, საქართველო), ფონდი „გაერთიანებული ქალები ბანია ლუკა“ (ბანია ლუკა, ბოსნია-ჰერცეგოვინა) და ცენტრი „ქალთა პერსპექტივები“ (ლვოვი, უკრაინა) - თანამშრომლობით შეიმუშავა პრაქტიკული სახელმძღვანელო.
აღნიშნული სახელმძღვანელო ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა სამოქალაქო საზოგადოების ორგანიზაციების (სსო) სპეციფიკურ ცოდნასა და გამოცდილებას. ის ასახავს არა მარტო კონფლიქტების შედეგად წარმოქმნილ ზიანსა და გამოწვევებს, არამედ წარმოუდგენს მკითხველს პერსპექტიულ პრაქტიკულ გამოცდილებას, კონკრეტული მაგალითებითა და რეკომენდაციებით.
პრაქტიკული სახელმძღვანელოს ავტორებმა წარმოადგინეს თავიანთი სტრატეგიები, რომლებიც დაკავშირებულია კონფლიქტის სხვადასხვა ეტაპთან: 1) ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ; 2) გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ; 3) ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.
ქობულეთის საგანმანათლებლო რესურს-ცენტრში ჩატარდა ქალთა ფონდი „სოხუმის“ ადვოკატირების და მონიტორინგის ჯგუფის და ქობულეთის გენდერული თანასწორობის საბჭოს მიერ ორგანიზებული შეხვედრა თემაზე „ადგილობრივი თანამშრომლობა ბავშვზე და ოჯახებზე ორიენტირებული სოციალური გარემოსთვის“.
მონაწილეები გაეცნენ ფონდი „სოხუმის“ მიერ ჩატარებული ბავშვთა უფლებების დაცვის და მხარდაჭერის განყოფილებების საქმიანობის მონიტორინგის შედეგებს. საუბარი შეეხო ქობულეთის ბავშვთა უფლებების დაცვის დაცვის და მხარდაჭერის განყოფილების საქმიანობის ძირითად მიმართულებებს და ადგილობრივ პარტნიორებთან თანამშრომლობის პერსპექტივებს. შედგა დიალოგი საკითხების გარშემო, რომლებიც ეხება სერვისებს და არსებულ გამოწვევებს.
მონაწილეები შეთანხმდნენ, რომ მნიშვნელოვანია მულტისექტორული თანამშრომლობა ბავშვზე და ოჯახებზე სოციალურად ორიენტირებული ადგილობრივი ღონისძიებებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წაწალენჯიხის სოფელ ფახულანის ქალთა საინიციატივო ჯგუფის წევრებმა შეხვედრა გამართეს.შეხვდრაზე ერთმანეთს ინფორმაცია გააცნეს,თუ რამდენად მნიშვნელოვანია სამშვიდობო ინიციატივები გამყოფი ხაზის სოფლებში მცხოვრები ქალებისთვის. ჯგუფის წევრებს უკვე შექმნილი აქვთ სამშვიდობო სტრატეგია და მუშაობა ამ სტრატეგიის მიხედვით გაგრძელდება. „ჩვენ ყველაზე მეტად ვგრძნობთ მშვიდობის ფასს, რადგან ჩვენ წინ გამყოფი საზღვარია. უნდა ვიშრომოთ მშვიდობისთვის, ეს აუცილებელია. "-ასეთი იყო ჯგუფის წევრთა საერთო განწყობა. შეხვედრის მეორე ნაწილში მონაწილეებმა ძალადობის წინააღმდეგ მიმართული 16-დღიანი კამპანიის გეგმაზე იმსჯელეს. ფახულანის ქალთა ჯგუფი ძალადობის მსოფლიო პროტესტს სხვადასხვა აქტივობით შეუერთდება.
ზუგდიდის მუნიციპალიტეტის სოფ. დიდინეძის ქალთა საინიციატივო ჯგუფთან გამართულ შეხვედრაზე იმ აქტივობებზე იმსჯელეს, რომელიც რეზოლუცია 1325 - ის სტრატეგიით შემუშავდა. განსაკუთრებული აქცენტი სამშვიდობო აქტივობებში ქალთა ჩართულობაზე გამახვილდა. საინტერესო და ინფორმაციული შეხვედრის მეორე ნაწილი ქალთა მიმართ ძალადობის წინააღმდეგ საერთაშორისო 16 დღიანი კამპანიის გეგმის განხილვას დაეთმო . მნიშვნელოვანია ის, რომ დიდინეძის ქალთა საინიციატივო ჯგუფი 16 დღიან კამპანიას საკუთარი აქტივობებით შეუერთდება. მშვიდობის შენარჩუნება, სოციალური ერთიანობის გაძლიერებასა და კონფლიქტების თავიდან აცილებაზე კი სოფელ დიდინეძის ახალგაზრდა საინიციატივო ჯგუფთან გამართულ შეხვედრაზე იმსჯელეს.დეტალურად ისაუბრეს , თუ რა ღონისძიებებს დაგეგმავენ კამპანიის ფარგლებში. ჯგუფის წევრებმა განიხილეს და იმსჯელეს სამშვიდობო აქტივობებში ახალგაზრდების როლსა და ჩართულობაზე .
ქალთა ჩართულობა და როლი სამშვიდობო პროცესში,ქალთა მიმართ ძალადობის 16 დღიანი საერთაშორისო კამპანია და დაგეგმილი აქტივობები-ამ თემებზე
ზუგდიდის მუნიციპალიტეტის სოფ. კოკის ქალთა საინიციატივო ჯგუფმა შეხვედრა გამართა.შეხვედრაზე იმ აქტივობებზე იმსჯელეს, რომელიც რეზოლუცია 1325 - ის სტრატეგიით შემუშავდა. სოფელ კოკის ქალთა საინიციატივო ჯგუფი კამპანიას უერთდება და საკუთარი აქტივობის გამართავსაც გეგმავს.
კამპანიის ფარგლებში ღონისძებების დაგეგმვას კოკის ახალგაზრდა საინიციატივო ჯგუფიც აპირებს.ეს ერთ-ერთი საკითხი იყო, რაზეც მათ გამართულ შეხვედრაზე ისაუბრეს.
ასევე იმსჯელეს ახალგაზრდების როლზე მშვიდობის შენარჩუნებაში, სოციალური ერთიანობის გაძლიერებასა და კონფლიქტების თავიდან აცილებაში.
აღინიშნა, რომ ახალგაზრდული რესურსი და მოხალისეობრივი აქტივობები ხელს შეუწყობს მშვიდობის კულტურის დანერგვას და მის პოპულარიზაციას მომავალ თაობაში.
სოფელ კოკის ახალგაზრდა საინიციატივო ჯგუფის წევრებმა ახალგაზრდების ჩართულობით შემუშავებული სამშვიდობო აქტივობების გეგმა განიხილეს.