ქუთაისის გენდერული სკონსულტაციო საბჭო აქტიურად ჩაერთო 16-დღიან კამპანიაში. 25 ნოემბერს საკრებულოს ბიუროს სხდომაზე ირმა პეტრიაშვილმა საკრებულოს წევრებს მიაწოდა ინფორმაცია კამპანიის შესახებ. საკრებულოს წევრებმა  ძალადობის მიმართ პროტესტი გამოხატეს.

27 ნოემბერს გენდერული საბჭოს გეგმიური სხდომა კამპანიის ფარგლებში ჩასატარებელი ინფორმაციებით დაიწყო. საბჭოს წევრების ინიციატივით ჩატარდება საინფორმაციო შეხვედრები ქუთაისის მერიის სამსახურების წარმომადგენლებთან, უნივერსიტეტის სტუდენტებთან, ლექტორებთან, სხვადასხვა არასამთავრობო ორგანიზაციასთან.  

- როგორ აისახა გენდერული პოლიტიკა ადგილობრივ ბიუჯეტში -  გენდერული საბჭოს წევრებმა ამ საკითხზე დისკუსია გამართეს. იმავე დღეს შეხვედრა მოეწყო მერიის ადმინისტრაციული სამსახურის უფროსთან, ზვიად ჯავახიასთან. მისი განმარტებით, 2016 წლის ქუთაისის ბიუჯეტი ნამდვილად იქნება გენდერულად სენსიტიური და მასში გენდერული საბჭოს მიერ შემუშავებული რეკომენდაციები ჰპოვებს ასახვას.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

  

- სერიოზული რეფორმებია საჭირო განათლების სისტემაში, თუ გვინდა ხვალინდელი საზოგადოება იყოს არაძალადობრივი, ამას საფუძველი დღეს უნდა ჩავუყაროთ.

- საპატრულო პოლიციის უფლებამოსილება კიდევ უნდა გაფართოვდეს.

- ქალთა მიმართ ძალადობის პრობლემას წინ აღვუდგეთ, მაგრამ ჯერ კიდევ არსებობს კოორდინაციის პრობლემა. სახელმწიფომ უნდა შექმნას ერთიანი სტრატეგია, სადაც სხვადასხვა სტრუქტურის ფუნქციები და როლი იქნება განსაზღვრული.

ასეთი რეკომენდაციები გაჟღერდა ფოთში, ფონდი „სოხუმის“ ორგანიზებით ჩატარებულ საზოგადოებრივ დებატებზე. შეხვედრას ესწრებოდნენ ადგილობრივი თვითმმართველობის, არასამთავრობო სექტორის, საპატრულო პოლიციის წარმომადგენლები, მერიის სოციალური და ჯანმრთელობის განყოფილების ხელმძღვანელები, პედაგოგები, ჟურნალისტები, აქტივისტი ქალებია.  

დებატები ქალთა მიმართ ძალადობის 16-დღიანი კამპანიის ფარგლებში ჩატარდა და მიზნად ისახავდა რეკომენდაციების შემუშავებას ძალადობის პრევენციული მექანიზმების შესაქმნელად.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

  

ფონდი „სოხუმის“ ორგანიზებით ფოთში, საჯარო ბიბლიოთეკაში ვორკშოპი გაიმართა ადამიანური უსაფრთხოების თემაზე. მონაწილეობდნენ საზოგადოების სხვადასხვა სპექტრის წარმომადგენლები. მონაწილეებს მიეწოდათ ინფორმაცია 16-დღიან  კამპანიაზე, სოლიდარობის ნიშნად ყველა მონაწილეს ეკეთა კამპანიის სიმბოლო - თეთრი ლენტი. 

შეხვედრაზე გაიმართა პროექტის ფარგლებში გამოცემული ბროშურის „ქალთა ადამიანური უსაფრთხოების ხარისხის შეფასება დასავლეთ საქართველოში“ -პრეზენტაცია. მონაწილეებმა ადამიანური უსაფრთხოების თემა გენდერულ ჭრილში განიხილეს. აუდიტორიაში გამოიკვეთა, რომ ადამიანური საფრთხეებიდან ქალთა მიმართ ძალადობის პრობლემა ერთ-ერთი სერიოზულია. რეკომენდაციებში აღინიშნა,  რომ სახელმწიფოს როლი უნდა გაიზარდოს და ადგილობრივ ხელისუფლებას კანონით განესაზღვროს ვალდებულება ძალადობის პრობლემის აღმოსაფხვრელად.  

 

პროექტი ხორციელდება ორგანიზაცია „ქალები ქალებისათვის“

(Kvinna till Kvinna) მხარდაჭერით (შვედეთი)

    

სენაკის გენდერული საკონსულტაციო საბჭოს წევრები ფონდი სოხუმის ქალთა მხარდაჭერის ცენტრის აქტივისტებთან ერთად გამოვიდნენ აქციაზე კამპანიის პირველ დღეს - 25 ნოემბერს.

მეორე დღეს კი საბჭოს სხდომა გაიმართა, რომელსაც საბჭოს წევრებთან ერთად ესწრებოდნენ ფონდი სოხუმის თანამშრომლები და ჟურნალისტები. გახილულ იქნა საკითხები, რომლებიც საინტერესო იყო შეხვედრის ყველა მონაწილისთვის: 16-დღიანი კამპანიის მნიშვნელობა და ფონდის ჩართულობა, საკანონმდებლო ცვლილებები ოჯახში ძალადობის პრევენციის მიზნით, გენდერული საკონსულტაციო საბჭოს რეკომენდაციები, რომლებიც გათვალისწინებული იქნება 2016 წლის ბიუჯეტში.

ეს ის საკითხებია, რომლებიც მოხვდება ადგილობრივი მედიის ყურადღების ცენტრში.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

     

40-მდე ადამიანი შეიკრიბა ზუგდიდის ცენტრში, კინოთეატრ „ატრიუმის“ წინ.

ფონდი „სოხუმის“ ბენეფიციარ ქალბატონებთან ერთად აქციაზე გამოვიდნენ ადგილობრივი თვითმმართველობისა და სხვადასხვა არასამთავრობო ორგანიზაციის წარმომადგენლები, პედაგოგები, ახალგაზრდები.

ასე შეუერთდა ზუგდიდის ხმა მსოფლიოს პროტესტს ქალთა მიმართ ძალადობის წინააღმდეგ.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

ხალხმრავალი აქცია გაიმართა ხონში.

ქალთა მხარდაჭერის ცენტრის აქტივისტებთან ერთად აქციაში მონაწილეობა მიიღეს ადგილობრივი თვითმმართველობის წარმომადგენლებმა. აქციის დროს ქუჩებში დარიგდა ასობით საინფორმაციო ფურცელი და კალენდარი.

ერთად - ძალადობის წინააღმდეგ! - სწორედ ეს განწყობა შეინიშნებოდა ხონის ცენტრში 25 ნოემბერს.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

ნოემბერში იურისტმა ჩაატარა შეხვედრა ოზურგეთის დუმბაძის ქუჩის  მცხოვრებლებთან. მათ 3 პრობლემა გამოყვეს: არ არის საკანალიზაციო სისტემა; ქუჩის დასაწყისი და ბოლო ახალი ასფალტის საფარითაა დაფარული, ხოლო შუა ნაწილი, დაახლოებით 200 მეტრი სიგრძის მონაკვეთი ამორტიზირებულია; ქუჩას არ აქვს შესაბამისი სიღრმისა და სიგანის სანიაღვრე არხები, ამის გამო საშუალო დონის წვიმის დროს წყალი ქუჩაზე გადმოდის. 

შემუშავდა განცხადება ქ. ოზურგეთის მერიის სახელზე, რაც შეხვედრაზე დასმული პრობლემატური საკითხების მოგვარებისკენაა მიმართული.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

      

ქალაქ ოზურგეთში 25 ნოემბერს ფონდი „სოხუმისა“ და ოზურგეთის მუნიციპალიტეტის გენდერული საკონსულტაციო საბჭოს მიერ ორგანიზებული სოლიდარობის აქცია გაიმართა.

აქციას შეუერთდნენ ქალაქის და გურიის რეგიონის ხელმძღვანელი პირები, დეპუტატები, ადგილობრივი თვითმმართველობის თანამშრომლები.

ახალგაზრდებმა ასობით საინფორმაციო ფურცელი დაარიგეს მოწოდებით „არ დავუშვათ ძალადობა ჩვენს გვერდით!“

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

25 ნოემბერს ბათუმში, ევროპის მოედანზე ჩატარდა მდუმარე აქცია „არა - ძალადობას!“.

აქციის ორგანიზატორები იყვნენ ბათუმის გენდერული საკონსულტაციო საბჭო და ამომრჩეველ ქალთა კლუბი.

აქცია გაიმართა საერთაშორისო საინფორმაციო კამპანიის „16 აქტიური დღე ქალთა მიმართ ძალადობის წინააღმდეგ“ ფარგლებში. ამ დღეს ფონდი „სოხუმის“ ორგანიზებით დასავლეთ საქართველოს კიდევ 7 ქალაქში ჩატარდა აქცია იმ მიზნით, რომ სახელმწიფომ გააუმჯობესოს გენდერული პოლიტიკა და საზოგადოებამ იგრძნოს მეტი პასუხისმგებლობა ძალადობის პრევენციის კუთხით.

 

     

   

სენაკის ცენტრალურ პარკში, შარტავას ძეგლის მიმდებარე ტერიტორიაზე მოეწყო აქცია, სადაც მონაწილეობა მიიღეს ადგილობრივი თვითმმართველობის წარმომადგენლებმა, გენდერული საკონსულტაციო საბჭოს წევრებმა, სოციალური მომსახურების სააგენტოს წარმომადგენლებმა, აქტივისტმა ქალებმა და გოგონებმა. აქციას შეუერთდნენ მამაკაცებიც, რომლებიც მხარს უჭერენ კამპანიას ქალთა მიმართ ძალადობის წინააღმდეგ.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)