შეხვედრები (646)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ფონდი „სოხუმის“ საინფორმაციო-საკონსულტაციო სამსახურმა შეიმუშავა 2018 წლის გეგმა და მუშაობის კონცეფცია, რომელიც მოიცავს: იურისტის და ფსიქოლოგის კონსულტაციებს, შეხვედრებს კონფლიქტოლოგთან, საინფორმაციო შეხვედრებს ახალგაზრდებთან, მუშაობას ოჯახურ წყვილებთან, კრიზისული ოჯახების წარმომადგენლებთან და ძალადობის მსხვერპლებთან.
იანვარში ფსიქოლოგმა უკვე ჩაატარა ინდივიდუალური კონსულტაციები. ერთ ბენეფიციართან გაიმართა სამი სეანსი. მეორე შემთხვევაში - ჯერჯერობით მიმდინარეობს პრობლემის დიაგნოსტიკა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
თერჯოლა - ახალი მუნიციპალიტეტია, სადაც ფონდი „სოხუმი“ იანვრიდან ინტენსიურ მუშაობას იწყებს ახალი პროექტის „ქალთა გაძლიერება დასავლეთ საქართველოში“ ფარგლებში. გაიმართა შეხვედრა თერჯოლის ადგილობრივი თვითმმართველობის წარმომადგენლებთან. ფონდის თანამშრომლებმა მათ პროექტის მიზნები და ამოცანები გააცნეს.
იგეგმება შეხვედრები ლანჩხუთისა და ოზურგეთის ადგილობრივ თვითმმართველობებშიც. ფონდის მუშაობა ამ მუნიციპალიტეტებშიც გავრცელდება იმ 6 მუნიციპალიტეტების პარალელურად, სადაც ბოლო წლებში უამრავი აქტივობა განხორციელდა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ხონის საკრებულოს სხდომათა დარბაზში ხონის სოციალურ საკითხებში მრჩეველთა საბჭოს მორიგი სხდომა გაიმართა.
საბჭოს წევრებმა განიხილეს საბჭოს დღის წესრიგით გათვალისწინებული საკითხები:
ხონის სოციალური ჩართულობის სტრატეგიის მიზნების და ამოცანების შესრულების ანალიზი (2017 წლის სამოქმედო გეგმის მონიტორინგის შედეგებზე დაყრდნობით); ხონის მუნიციპალიტეტის სოციალური ჩართულობის სტრატეგიის 2018 წლის სამოქმედო გეგმისთვის პრიორიტეტული მიმართულებების გამოკვეთა.
სხდომაზე პოზიტიურად შეფასდა 2017 წლის სამოქმედო გეგმის შესრულება და წარმოდგენილი იქნა არაერთი საინტერესო იდეა 2018 წლის სამოქმედო გეგმაში ინტერგირებისთვის, რომელზეც საბჭოს წევრები ორგანიზაცია «Реоplе in Need»-ის თაოსნობით უახლოეს მომავალში იმუშავებენ.
რა მიმართულებით უნდა მოხდეს საბჭოს საქმიანობის ფოკუსირება, რომელ საკითხებში საჭიროებენ საბჭოს წევრები უნარების გაძლიერებას, რათა სამოქმედო გეგმას რეალური განხორციელება მოყვეს - აქცენტი ამ საკითხებზეც გაკეთდა.
პროექტი ხორციელდება ჩეხური ორგანიზაცია „ადამიანი გაჭირვებაში“
PIN მხარდაჭერით
ახალი წლიდან მუშაობა განაახლა ფონდი „სოხუმის“ მონიტორინგის ჯგუფმა, რომელიც „ოჯახში/ქალთა მიმართ ძალადობის აღმოფხვრის, ოჯახში ძალადობის მსხვერპლთა დაცვისა და დახმარების შესახებ“ საქართველოს კანონის განხორციელებას ადევნებს თვალ-ყურს. ჯგუფმა შეისწავლა ეროვნული სამოქმედო გეგმის სამუშაო ვარიანტი. შეირჩა პრიორიტეტები, შესაბამისი უწყებები მონიტორინგის თემებისა და მიზნების მიხედვით. შემუშავდა მუშაობის კონცეფცია და 2018 წლის გეგმა.
კანონის მონიტორინგის ჯგუფი რეფერალური მექანიზმის სუბიექტებთან ჩატარებული ფოკუს-ჯგუფების, ჩაღრმავებული ინტერვიუების და ანკეტირების მეშვეობით მოამზადებს რეკომენდაციათა პაკეტს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
რესტორან „ამირანში“ გაიმართა შეფასებითი ვორქშოფი, რომელზეც ფონდი „სოხუმის“ საქმიანობა შეაფასეს პარტნიორი არასამთავრობო ორგანიზაციების და ადგილობრივი ხელისუფლების წარმოადგენლებმა, ფონდის აქტივისტებმა, ბენეფიციარებმა.
მუშაობის ფოკუსი იყო ორგანიზაციის საქმიანობის აქტუალურობა; პარტნიორების მიერ დანახული ცვლილებები და მიღწევები; ხედვა ორგანიზაციის პოტენციალზე და ინსტიტუციური ზრდის დინამიკის შენარჩუნების სურვილი; გამოწვევები, რომელთა საპასუხოდ ისურვებდნენ ფონდი „სოხუმის“ ძალისხმევის მიმართვას.
ფონდის ხელმძღვანელებმა თანამშრომლობისთვის გულწრფელი მადლობა გადაუხადეს პარტნიორებს, ბენეფიციარებს. ითქვა, რომ ძალიან მნიშვნელოვანია, საკუთარ საქმიანობას შეხედო „გვერდიდან“ და მოისმინო საქმიანი რჩევები სამომავლო სტრატეგიაში გასათვალისწინებლად.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქუთაისში, დემოკრატიული ჩართულობის ცენტრში ფონდი „სოხუმის“ მიერ პროექტის - „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ – ფარგლებში ორგანიზებული იყო ინფორმაციის გაცვლის შეხვედრა. თემა - „ადგილობრივი გენდერული პოლიტიკა - პერსპექტივები და გამოწვევები“.
შეხვედრას იმერეთისა და სამეგრელოს მუნიციპალიტეტების გენდერულ პოლიტიკაზე პასუხისმგებელი საჯარო მოხელეები, თვითმმართველობის ხელმძღვანელი პირები, სამოქალაქო სექტორის, მედიის წარმომადგენლები ესწრებოდნენ.
რა მიღწევები არსებობს გენდერული პოლიტიკის კუთხით მუნიციპალურ დონეზე, რა გამოწვევების წინაშე დგას ადგილობრივი გენდერული თანასწორობის საბჭოები, რა მიმართულებით ისურვებდნენ მხარდაჭერას ადგილობრივი ხელისუფლებისგან, საპარლამენტო გენდერული თანასწორობის საბჭოსგან, სამინისტროებისგან ადამიანები, ვისაც შეხება აქვს ადგილებზე გენდერული დღის წესრიგის დანერგვასთან?
საინტერესო დისკუსიების შემდეგ შეხვედრის მონაწილეები ჩამოყალიბდნენ რეკომენდაციებზე, რაც საფუძველს დაუდებს დიალოგს ადგილობრივი გენდერული სტრატეგიის შემუშავებისა და მნიშვნელოვანი რეფორმების დანერგვისათვის.
პროექტი ხორციელდება ვიშეგრადის ფონდის მხარდაჭერით
ხონის მუნიციპალიტეტის საკრებულოში პროექტის „სოციალური დაცვის საკითხებზე მომუშავე ადგილობრივი ორგანიზაციების ჩართულობის გაძლიერება სტრატეგიულ დიალოგში საქართველოში“ ფარგლებში ხონის სოციალურ საკითხებში მრჩეველთა საბჭოს გაფართოებული სხდომა გაიმართა.
საბჭოს წევრებს პროექტის ახალი მენეჯერი ნინო მარკოზაშვილი გაეცნო. მოეწყო 2017 წლის მუშაობის შემაჯამებელი ანგარიშის ვიდეოჩვენება. საბჭოს წევრებმა განიხილეს დაფინანსებული პროექტების სიცოცხლისუნარიანობის საკითხი, მიმოიხილეს მუნიციპალიტეტის სოციალური ბიუჯეტის მონიტორინგის ძირითადი მიგნებები და შედეგები, ისაუბრეს 2018 წლის სამუშაო გეგმის შედგენაზე.
ხონის მუნიციპალიტეტის მერმა ლადო ჯურხაძემ სამომავლო თანამშრომლობასთან დაკავშირებით მზადყოფნა გამოთქვა და განაცხადა, რომ მოწყვლად ჯგუფებზე ორიენტირებული სოციალური სერვისების დანერგვის ტენდენცია გაგრძელდება.
პროექტიხორციელდებაჩეხურიორგანიზაცია „ადამიანიგაჭირვებაში“
PIN მხარდაჭერით
7 დეკემბერს, თბილისში, სასტუმრო „ქორთიარდ მარიოტში“ გაიმართა ფონდი „სოხუმის“ ახალი კვლევის „ქართულ-აფხაზური კონფლიქტი, კონფლიქტის მოგვარების მიმართ მიდგომების ხელახლა გააზრება და ახალი ვექტორები მისი ტრანსფორმაციისათვის“ პრეზენტაცია.
პრეზენტაციას ესწრებოდნენ ადგილობრივი და საერთაშორისო ორგანიზაციების, ქვეყანაში აკრედიტებული საელჩოების, სახელმწიფო სტრუქტურების, ომბუდსმენის აპარატის, აკადემიური წრეების წარმომადგენლები.
მკვლევარმა ეკატერინე გამახარიამ შეხვედრის მონაწილეებს წარუდგინა კვლევის შედეგად გაკეთებული ძირითადი დასკვნები და რეკომენდაციები. ამის შემდგომ გაიმართა საინტერესო დისკუსიები, რაც იყო ნაშრომის საზოგადოების ფართო წრეებისთვის გაცნობის შედეგად მიღებული უკუკავშირის გაგრძელება. შედგა კიდევ ერთი დიალოგი, რაც ძალიან მნიშვნელოვანია ქართულ-აფხაზური კონფლიქტის პოზიტიური ტრანსფორმაციისთვის.
ქუთაისში, ორგანიზაცია „სამართლიანი არჩევნების“ ოფისში, იმერეთის არასამთავრობო ორგანიზაციების ფორუმზე ფონდი „სოხუმის“ პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“, ფარგლებში ინფორმაციის გაცვლის შეხვედრა გაიმართა.
ფონდის წარმომადგენლებმა კოლეგებს გააცნეს პროექტის მიზნები, ამოცანები, ჩატარებული ღონისძიებები. განსაკუთრებული ყურადღება დაეთმო ჩეხეთის გამოცდილებას სამოქალაქო მონაწილეობის და გენდერული მარკერების გათვალისწინების კუთხით; ასევე კვლევებს, რომელთა შედეგებზე დაყრდნობით მომზადდება ადგილობრივი გენდერული მეინსტრიმინგის სტრატეგია. კვლევები შეეხება ადგილობრივ დონეზე გენდერული ბიუჯეტირების პრაქტიკას და გამოწვევებს; გენდერული თანასწორობის ინსტიტუციურ მექანიზმებს და სხვ., დახატავს საინტერესო სურათს ადგილობრივ დონეზე არსებული გამოცდილების, გენდერულად სენსიტიური პოლიტიკის დანერგვის მიმართულებებით.
შეხვედრის მონაწილეების აზრით, არის შესამჩნევი უკუსვლა ადგილებზე გენდერული თანასწორობის ინსტიტუციური მექანიზმების გამოყენების კუთხით. მიზეზად დასახელდა არჩევნების შედეგად ახალი ადამიანების მოსვლა ადგილობრივ თვითმმართველობაში, რაც გენდერული განათლების, კვალიფიციური არასამთავრობო ორგანიზაციების პოტენციალის გამოყენების, პარლამენტის გენდერული თანასწორობის საბჭოსთან მჭიდრო თანამშრომლობის აუცილებლობას უჩვენებს.
პროექტი ხორციელდება ვიშეგრადის ფონდის მხარდაჭერით
„ქალებზე, მშვიდობასა და უსაფრთხოებაზე“ გაეროს უშიშროების საბჭოს 2016-2017 წლების ეროვნული სამოქმედო გეგმის ფარგლებში შესრულებული საქმიანობები და ახალი სამოქმედო გეგმის ასპექტები - ამ თემაზე გაიმართა საკონსულტაციო შეხვედრა ქუთაისში, სასტუმრო „ბაგრატში“.
შეხვედრას უძღვებოდნენ სოფიო ჯაფარიძე - პრემიერ მინისტრის თანაშემწე; გენდერული თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორისი კომისიის თავმჯდომარე და ანა ფაშალიშვილი - გაეროს ქალთა ორგანიზაციის წარმომადგენელი საქართველოში.
შეხვედრას ესწრებოდნენ ფონდი „სოხუმის“ წარმომადგენლები და ამ თემაზე მომუშავე სხვა არასამთავრობო ორგანიზაციები, ჟურნალისტები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)