წყალტუბოს და ვანის ქალთა ურთიერთდახმარების ჯგუფების შეხვედრებზე განხილული იყო მუნიციპალური თუ არასამთავრობო ორგანიზაციების მხრიდან შეთავაზებული სერვისები. სამტრედიის ჯგუფი ახალი წევრებით შეივსო, ამიტომაც გაჩნდა ახალი ქეისები. საჭიროა მათი დროულად დამუშავება და თითოეულზე რეაგირება. ქობულეთში ჯგუფის წევრებმა თავიანთი პრობლემები და საჭიროებები დააფიქსირეს. საჭიროებებზე ისაუბრეს თერჯოლაში, ზუგდიდში, წალენჯიხაში, სენაკსა და ხობში. ჩოხატაურელ ქალებს სურვილი აქვთ, გაიარონ პოლიმერულ თიხაზე მუშაობის კურსები, რადგან ეს თერაპიასთან ერთად დასაქმების ერთ-ერთი გზაა.
ქალებისთვის მნიშვნელოვანია, რომ მათთან პერიოდულად მუშაობს ქალთა ფონდი „სოხუმის“ ფსიქოლოგი, რომელიც პრობლემების მოგვარებაში ეხმარება მათ.
პროექტი ხორციელდება თანასწორობის ფონდის მხარდაჭერით (კანადა)
თებერვლიდან დასავლეთ საქართველოს 10 მუნიციპალიტეტში - ვანი, თერჯოლა, სამტრედია, ხონი, წყალტუბო, სენაკი, ხობი, ზუგდიდი, წალენჯიხა, ჩოხატაური - პარასპეციალისტების ჯგუფმა დაიწყო მუშაობა. ჯგუფის წევრებმა უკვე გაიარეს შესაბამისი ტრენინგი და მიღებულ ინფორმაციებს პრაქტიკაში იყენებენ.
პარასპეციალისტები ატარებენ ინდივიდუალურ შეხვედრებს თემებში, იკვლევენ ქალთა საჭიროებებს, აწვდიან ინფორმაციას ქალთა გაძლიერების ეკონომიკურ პროგრამებზე, სხვადასხვა სერვისზე.
ინფორმაციის მიწოდების პარალელურად ჯგუფის წევრები კონსულტაციებს უწევენ იდენტიფიცირებულ შემთხვევებს და ამისამართებენ საჭირო მიმართულებით.
პარასპეციალისტების მუშაობა მიზნად ისახავს ოჯახური ძალადობის შემთხვევების პრევენციას, ქალთა ინფორმირებას და გაძლიერებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდი „სოხუმის“ მიერ ჩატარებული კვლევის მიგნებების გაზიარება მოხდა ქუთაისში, „წიგნების თაობის“ ოფისში. შეხვედრის მონაწილე მშობლებმა, დარგის სპეციალისტებმა, ექსპერტებმა, ფსიქოლოგებმა, ჟურნალისტებმა, კერძო და საჯარო ბაღების მმართველებმა ინფორმაციები გაცვალეს და აქტუალურ საკითხებზე გააკეთეს აქცენტი:
- როგორია ხარისხის სტანდარტის მიხედვით ოჯახის და თემის ჩართულობა სკოლამდელი აღზრდის დაწესებულებებში მიმდინარე პროცესებში
- რა უშლის ხელს ორივე მშობლის თანაბარ ჩართვას, რატომ ვერ ხერხდება მამების ჩართულობის მაჩვენებლის გაზრდა და რა წამახალისებელი ინიციატივებით უპირისპირდებიან ამ პრობლემას საბავშვო ბაღები?
- რამდენად არის დაბალანსებული შშმ/სსმ ბავშვის მშობლების თანაბარი მონაწილეობა სააღმზრდელო პროცესში.
- რამდენად მაღალია თანამშრომლობის და კოორდინაციის ხარისხი სერვისის მიმწოდებელ კომპანიებთან და ბავშვის უფლებებზე მომუშავე აქტორებთან
დისკუსიის ნაწილში მონაწილეებმა გამოწვევების პარალელურად წარმატებული პრაქტიკაც მოისმინეს და დაადასტურეს, რომ კვლევის შედეგად გამოვლენილი მიგნებების საპასუხოდ აუცილებელია ხარისხის სტანდარტით განსაზღვრული ოჯახისა და თემის ჩართულობის გაზრდა, რაც, პირველ რიგში, გაზრდის ბავშვის სარგებელს და პოზიტიურად დააბალანსებს მის ინტერესებზე ორიენტირებულ გარემოს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალების ინფორმირება ოჯახური ძალადობის მსხვერპლთა დახმარების სერვისებსა და პროგრამებზე ისევ აქტუალურია, ქალთა მხარდაჭერის ცენტრებში თვის განმავლობაში 150-მა ადამიანმა მიიღო საჭირო ინფორმაცია და სხვადასხვა თემში გაავრცელა. შეხვედრების მონაწილეები ასე უწყობენ ხელს ძალადობის პრევენციას.
მონიტორინგის შედეგად 10 რისკის ჯგუფის ოჯახის იდენტიფიცირება მოხდა. ამ ოჯახებთან აქტიურად მიდის თანამშრომლობა. ოთხი მათგანი ქალთა ფონდი „სოხუმის“ სერვისის მომხმარებელი გახდა. ფსიქოლოგი განაგრძობს მათთან მუშაობას, დანარჩენი ქეისების გადამისამართება კი საჭიროებისამებრ მოხდა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ლამაზი ნახელავები აქვთ ქალებსა და გოგონებს. თებერვლის დასაწყისში დაიწყეს სწავლა ქალთა ფონდი „სოხუმის“ დღის სარეაბილიტაციო ცენტრში. პირველად შეეხნენ პოლიმერულ თიხას, მაგრამ უკვე ბევრი რამ იციან და სიამოვნებითაც მუშაობენ.
მაკა ჯიშკარიანი ცოდნას და გამოცდილებას უზიარებს ახალ შეგირდებს და კმაყოფილია მათი მონდომებით.
ყველამ იცის, რომ ეს მხოლოდ მეცადინეობები არ არის, ნამდვილი თერაპიაა. ძერწვის დახმარებით იხსნება ქალების შემოქმედებითი ნიჭი, გატაცებები. სწავლის შემდეგ მათ შეუძლიათ მცირე ბიზნესის დაწყება, თავიანთი იდეების და ოცნებების ახდენა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
- როგორია ხარისხის სტანდარტის მიხედვით ოჯახის და თემის ჩართულობა სკოლამდელი აღზრდის დაწესებულებებში მიმდინარე პროცესებში, რამდენად მაღალია გენდერული ზეგავლენა, რა უშლის ხელს ორივე მშობლის თანაბარ ჩართულობას, რა პრობლემები აფერხებს სრულფასოვანი გარემოს შექმნას? - ამ საკითხებზე გაცვალეს ინფორმაციები ქუთაისის მე-17 ბაღში გამართულ შეხვედრაზე, რომელსაც ესწრებოდნენ საჯარო და კერძო საბავშვო ბაღების წარმომადგენლები, ფსიქოლოგები, ბავშვთა უფლებების დამცველები, მშობლები.
- ემიგრანტი მშობლების დაბალი ჩართულობა, მამებთან კომუნიკაციის და ჩართულობის დეფიციტი, შშმ/სსმ ბავშვის მშობლების არათანაბარი მონაწილეობა სააღმზრდელო პროცესში, დაბალი კოორდინაცია სერვისის მიმწოდებელ კომპანიებთან და ბავშვის უფლებებზე მომუშავე აქტორებთან - ამ და სხვა საკითხებზე გააკეთეს აქცენტი შეხვედრის მონაწილეებმა.
კვლევის მიგნებების პარალელურად, გამომსვლელებმა ისაუბრეს რესურსებსა და შესაძლებლობებზე, რომლებიც გამოვლენილი გამოწვევების საპასუხოდ შეიძლება იქნეს გამოყენებული.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„სკოლამდელი აღზრდისა და განათლების ხარისხის სტანდარტის “ ოჯახისა და თემის მონაწილეობის კომპონენტის გენდერული ზეგავლენის შეფასების კვლევაში ასახული მიგნებებისა და რეკომენდაციების შესახებ ინფორმაციის გაცვლის მიზნით მორიგი შეხვედრა გაიმართა ქუთაისის მე-7 საბავშვო ბაღში.
სკოლამდელი დაწესებულების მმართველები, პედაგოგები, აღმზრდელები, მეთოდისტები, სპეცპედაგოგები და მშობლები აქტიურად განიხილავდნენ გამოწვევებს, რომლებიც ხელს უშლის ოჯახისა და თემის ჩართულობას სააღმზრდელო პროცესში.
მონაწილეებმა დაადასტურეს, რომ მნიშვნელოვანია ისეთი პოზიტიური პრაქტიკის დანერგვა, რომელიც უზრუნველყოფს ორივე მშობლის სრულფასოვან ჩართულობას. მათი აზრით, აქტივობების გამრავალფეროვნება, პერსონალის კომპეტენციის გაზრდა, პარტნიორობა სერვისის მიმწოდებელ სუბიექტებთან გააუმჯობესებს ოჯახისა და თემის თანამშრომლობის ხარისხს სააღმზრდელო დაწესებულებებთან, რაც საერთო ჯამში ბავშვზე ორიენტირებული სრულფასოვანი გარემოს შექმნას შეუწყობს ხელს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისის 25-ე საბავშვო ბაღში ქალთა ფონდი „სოხუმის“ მიერ ორგანიზებული ინფორმაციის გაცვლის მეორე შეხვედრა გაიმართა. სხვადასხვა სკოლამდელი დაწესებულების ხელმძღვანელები, პედაგოგები, მეთოდისტები, სპეცპედაგოგები, ლოგოპედები და მეთოდისტები გაეცნენ „სკოლამდელი აღზრდისა და განათლების ხარისხის სტანდარტის“ ოჯახისა და თემის მონაწილეობის კომპონენტის გენდერული ზეგავლენის შეფასების კვლევას. კვლევის ექსპერტებმა წარმოადგინეს მიგნებები, საუკეთესო პრაქტიკა, არსებული გამოწვევები, რომლებიც საბოლოო ანგარიშში გამოიკვეთა და თვალსაჩინო გახადა აღნიშნული სტანდარტის ზეგავლენა აღსაზრდელებზე, მშობლებზე, თემზე, სკოლამდელი დაწესებულებების პერსონალზე; წარმოდგენილი იქნა წინადადებები სერვისის გაუმჯობესებისთვის.
გაიმართა დისკუსია, რომლის დროსაც შეხვედრის მონაწილეებმა ისაუბრეს პატარების აღზრდასა და განათლებაში ორივე მშობლის თანაბარი ჩართულობის, მშობელთა პედაგოგიზაციის და სკოლამდელ დაწესებულებებთან პარტნიორობის კუთხით მუშაობის გაძლიერების მნიშვნელობაზე. მათ გამოთქვეს გულისტკივილი, რომ არასაკმარისია დარგის სპეციალისტების გამოცდილების შესწავლა. მისი გამოყენება, მეტი დიალოგი მშობლებთან, სხვა სერვისის მიმწოდებლებთან ხელს შეუწყობს „სკოლამდელი აღზრდისა და განათლების ხარისხის სტანდარტის“ უფრო ეფექტიან განხორციელებას. მოხდება მეტად სრულყოფილი და თანამედროვე სტანდარტებზე მორგებული სერვისის მიწოდება ბავშვებისა და მათი ოჯახებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმი“ განაგრძობს ციფრული უსაფრთხოების შესახებ ცნობიერების ამაღლებას და საქართველოს სხვადასხვა მუნიციპალიტეტში ვორკშოპების ორგანიზებას.
4-7 თებერვალს წყალტუბოში, სამტრედიასა და ჩოხატაურში ციფრული უსაფრთხოების ტრენერი ლინდა ჩიხლაძე ქალთა ურთიერთდახმარების ჯგუფებს შეხვდა და მათ ციფრულ რისკებსა და თავდაცვის მექანიზმებზე ესაუბრა.
ვორკშოპების ფარგლებში მონაწილეებმა:
- გაიგეს, როგორია ტექნოლოგიებით განპირობებული გენდერული ძალადობის (TFGBV) ფორმები და მისი გავლენა;
- შეისწავლეს პირადი მონაცემების დაცვის ტექნიკები - ძლიერი პაროლები, ორფაქტორიანი ავთენტიკაცია, კონფიდენციალურობის მართვის ინსტრუმენტები;
- გაეცნენ კანონმდებლობას, რომელიც ონლაინ ძალადობისგან იცავს;
- იმსჯელეს ურთიერთმხარდაჭერისა და ქალთა გაძლიერების მნიშვნელობაზე.
