შეხვედრა პარტნიორ ორგანიზაციებთან ბაღდათში

ონლაინ შეხვედრაზე მონაწილეობა მიიღეს ბაღდათის მუნიციპალიტეტში რეგისტრირებულმა სამოქალაქო საზოგადოების ორგანიზაციებმა - „თანასწორობა ახლა“ და „სამოქალაქო სპექტრი - თანასწორობა“. განხილულ იქნა დაგეგმილი ფორუმის დღის წესრიგი, ორგანიზაციების მუშაობის პრეზენტაციის საკითხი და რიგით მესამე მონიტორინგის თემა. ისაუბრეს საგრანტო კონკურსზეც, რომელიც თებერვლის ბოლოს გამოცხადდება. ამ ორგანიზაციებს უკვე აქვთ კონკრეტული იდეები საპროექტო განაცხადებისთვის.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.